Јавен автобуски превоз (општо)

Лесно е да се копира белградски ГСП:
http://www.gsp.rs/naslovna.htm

Но тешко е да се работи според истите принципи според кои работи белградски ГСП.
Така на пример, белградски ГСП на секои 1 до 2 години нарачува 10 до 15 нови автобуси, лесно може да се забележи и од извештаите за месечното работење на белградски ГСП закачени на официјалниот веб сајт на претпријатието во *.pdf формат.
 
Е сега, прво нешто што ЈСП Скопје би рекле во своја одбрана би било:
 
"Ама Белград е над 1 милион народ, Скопје е речиси 1 милион народ, но официјално според последниот попис, во Скопје живеат нешто околу 600.000 - 700.000 жители",
 
"Ама белградски ГСП во својот возен парк има и трамваи и тролејбуси",
и уште многу други оправданија кои можат да ги измислат, но факт е тоа дека за ЈСП Скопје не се нарачани нови автобуси повеќе од 10 години, а овие сега што пристигнуваат не ги има нарачано ни ЈСП Скопје ни градот Скопје, туку Владата на Република Македонија.
 
Под претпоставка дека на ЈСП Скопје ќе му тргне подобро бизнисот со новите автобуси и со жичарницата на Водно и под претпоставка дека ќе успее да дојде до пари за нови автобуси, следува прашањето:
 
Дали доколку ЈСП Скопје стои добро финансиски, би нарачувале ли нови автобуси на секои 1 до 2 години, или ако се премалку 1 до 2 години за да обезбедат доволно финансиски средства, би нарачувале ли нови автобуси на секои 3 до 4 години ?
 
Јас лично, се сомневам, ЈСП Скопје веќе покажа и докажа на дело дека го менува влакното, но карактерот му останува ист, сеуште кај некои од новите автобуси не се конфигурирани електронските дисплеи, па се користат старите идиотски картони на кои се запишани бројот на линијата и релацијата на која автобусот сообраќа, на еден од новите автобуси му е пукнато предното ветробранско стакло и наместо истото да биде сменето, покриено е со леплива трака за да не се забележува, некои од возачите сеуште не се запознаени со начинот на кој функционира автобусот, па има нагли кочења, во некои автобуси климатизерот воопшто не е вклучен, или уште полошо, вклучен е за да грее наместо за да лади среде летниве горештини, само затоа што возачот не знае како да го подеси климатизерот, и после толку месеци, информационите дисплеи внатре во автобусите наместо да прикажуваат која е следната станица на која треба да застане автобусот, постојано прикажуваат една иста порака, како на пример:
 
"Почитувани патници:", понекогаш и "Драги патници:", проследено со пораки од типот:
 
"Добредојдовте во новите автобуси на ЈСП Скопје", или

"Автобусот е климатизиран. Ве молиме затворете ги прозорците",
и било какви други пораки кои и не се баш од суштинско значење.
 
Се на се, после толку месеци, се појасно е тоа дека волкот го менува влакното, но карактерот му останува ист, ќе имаме среќа доколку за 2 години автобусиве и понатаму продолжат да изгледаат како нови, а ако ЈСП Скопје одлучи од свој џеб да плати за нови автобуси после 2, 3 или 4 години, е тоа ќе ме изненади, ама дебело ќе ме изненади.
 
ЈСП Скопје може само да учи од белградски ГСП, не и да споделува искуства, бидејќи не му е ни малку дораснат на ГСП.


Edited by Dexter26 - 26-Jun-2011 at 15:03

Ви изгледа и звучи познато?



И да изразам благодарност до членот на нашиот форум Александар чии сигуестии за јавниот превоз во Белград беа од голема помош.

Предмет на јавно приватното партнерство (ЈПП) е финансирање, инсталирање, одржување и трансфер на системот за автоматска локација и електронски систем за наплата, во 450 автобуси на ЈСП СКОПЈЕ, вклучувајќи и 40 автомати за издавање и дополнување на билети поставени на автобуските постојки во градското подрачје. Системот се состои од два система (подсистема):  • систем за автоматска локација на возилата, регулација и контрола на транспортната услуга, и  • електронски (интелигентен) систем за наплата со т.н. смарт билети, во кој се вклучени и 40 автомати за издавање и дополнување на билети .

 

Аха, значи сепак ќе нарачуваат и автомати за продажба, па дури и за надополнување на билети, одлично .

Па, 40 автомати како за почеток не е лошо, да се надеваме дека ќе успеат од прва да одберат приватен партнер за ова, за да не заврши ова како уште многу други тендери во минатото кои завршија поништени.

Edited by Dexter26 - 23-Jun-2011 at 10:43

За пофалба е, да се надеваме дека ќе успеат овој пат, за разлика од порано, кога на крајот тендерите завршуваа поништени.
 
Само штета што кај постојките нема да има автомати за продажба на билети кои ќе работат 24/7, а плаќањето да може да се врши со монети и банкноти, исто како кај автоматите за пијалоци, а исто така плаќањето да може да се врши и со кредитни и дебитни картички.
 
Ова не е ама баш никаква филозофија, кристално исто како банкомат, со разликата што нема да прима само картички, туку ќе прима и монети и банкноти, а нема да враќа пари, туку ќе враќа билети, само треба да му текне на некој да ги воведе ваквите автомати.
 
Има луѓе кои ги чекаат првите автобуси во најраните утрински часови, а ретко се случува тоа време билетарниците да работат (ако воопшто има билетарница кај постојката кај која чекаат луѓето), а билетите во автобус се поскапи од билетите во билетарниците, а и згора на се, не е лесно кога повеќемина чекаат на ред пред билетарница, а во меѓувреме може автобусот да помине и да мора да се чека на нареден, само затоа што е гужва пред билетарницата.
 
Истото се случува и во автобусот, наместо возачот да се држи до возниот ред, ќе мора да доцни со тргнувањето од постојката, бидејќи е зафатен со продавање билети на патниците, вработување на уште едно лице кое ќе продава билети во автобусот ама воопшто не е исплатливо, повеќе пари ќе отидат на платата за продавачот на билетите, отколку за одржување на автобусите.
 
Од 2 до 5 автомати кај постојките со мала фреквенција на патници, од 5 до 8 автомати кај постојките со средна фреквенција на патници, од 10 до 15 автомати кај постојките со најголема фреквенција на патници, во овие последниве спаѓаат постојките кај Битпазар, како и Рекорд, каде што ем нема билетарници (исклучок е билетарницата кај Битпазар која ја има само во еден правец), ем ова е поисплатливо, бидејќи нема да мораат да вработуваат продавачи на билети, а и нема да мораат да отвораат билетарници, поставување на вакви автомати е многу поисплатливо наместо отворање на билетарници, каде што има потреба од овозможување на нормални услови за работа за вработените, како и плата за истите, а ќе повторам: за разлика од автоматите, билетарниците не работат 24/7.


Edited by Dexter26 - 22-Jun-2011 at 23:14

Јавен повик За доделување на договор за јавно приватно партнерство за финансирање, инсталирање, одржување и трансфер на систем за автоматска локација и електронски систем за наплата во возилата на јсп скопје

http://jsp.com.mk/proekt.aspx?proekt=9

Јавен повик За доделување на договор за јавно приватно партнерство за поставување на автобуски стојалишта (постојки) и електронски информациони дисплеи на подрачјето на град скопје

http://jsp.com.mk/proekt.aspx?proekt=8

Би било интересно, кога би добиле податок од ЈСП како воведувањето на новите автобуси влијае врз бројот на превезени патници. Односно дали Скопјани повеќе користат сега јавен транспорт, откако е понов, почист, поефикасен отколку порано. Ова би бил убав параметар да се види во која насока да се развива и планира јавниот сообраќај.

Originally posted by IN_MOTION Дечки јас пред некој ден кога се возев во 8 ца ( лаз), кога врнеше многу внатре капеше од 2 места од кровот.

  

Originally posted by FoSsiL Јас, незнам колку гледам, или не гледам... ама колку што видов, а што е навистина срамота е тоа што новиве Лаз немаат таков систем. Тие имаа копчиња, ама еднаш видов во една 15 некој го извадил копчето (што е друг проблем од сферата на вандализмот) но, така извадено копчето, можеше да се види дека внатре нема никаква инсталација, односно дека копчињата најверојатно стојат така како декор. Освен ако не го собрал со се кабли, што не верувам...

Неверувам дека се толку мрднати за да стават само копчиња а да нема таков систем. Сепак од Украинциве може да се очекува такво нешто, чим кочниците почнаа да шкрипат после 2 месеци. А и ако има таков систем за стопирање на автобусот, мислам дека многу малку копчиња има. Како што забележав има само по две на секоја врата, а покрај седиштата нема. Тоа е проблем затоа што патниците би требао да станат пред да застане авотусот на станицата.

Незнам дали имало до сега ваква идеја на форумов, но сепак ќе ја предложам.

Зошто не се воспостави систем во автобускиот превоз во Скопје, каде што автобусите ќе застануваат само ако се притисне на копчето за застанување, односно ако има патници за симнување, или ако некој од патниците што чекаат на автобуската подигнат рака. Ваков систем традиционално функционира во Лондон.

Трет обид на ЈСП за воведување електронска наплата



Јавното сообраќајно претпријатие „Скопје“ (ЈСП) по трет пат почна постапка за јавно-приватно партнерство за воведување систем за автоматска локација на возилата, како и за воведување интелигентен систем за наплата во возилата на ЈСП. Истовремено, по втор пат е објавена е и одлука за почнување постапка за исто такво партнерство, но за одржување на автобуските стојалишта и на електронските информациони дисплеи на линиите во градот Скопје.

Според директорот на ЈСП, Мишо Николов, системот на автоматска локација на возила ќе значи следење на возилата со помош на ГПС-уреди и формирање нов диспечерски центар, каде што на големи екрани ќе се следат возилата на ЈСП. За електронската наплата, потсети дека таа ќе се воведе во 450 автобуси, а тоа ќе значи модернизација на системот на наплата во ЈСП. Новина е што ЈСП одлучил да има два вида картички, персонализирани со слика од корисникот и без слика, кои ќе се надополнуваат со пари, изјави Николов.

- За возврат, на партнерот ќе му отстапиме дел од рекламниот простор, како и дел од приходите - истакна директорот Николов. Јавно-приватното партнерство ќе трае 10 години, од склучувањето на договорот. Воведувањето на овој систем во автобусите на ЈСП се очекува да биде до крајот на годинава или почетокот на наредната.

За разлика од ЈСП, приватните превозници воведоа електронски картички и читачи уште во септември 2008 година, но с` уште системот не се користи во сите автобуси. (А.П.)

http://www.dnevnik.com.mk/?ItemID=E7EFA8D3795D1A4C892961E0E0C23862