Нов објект на АДСДП

Не знам колку ова е позитивна вест, ама за тука е...

ФОТО ВЕСТ: Се сечат дрвја кај МОБ, нов „барокен“ објект на повидок

Без никаква најава, викендов започнаa подготовки за изградба на нова „барокна“ зграда во паркот кај Македонската опера и балет. На терен се сечат дрвјата на една од малкуте преостанати зелени површини во Мал Ринг, додека градежните машини ги вршат подготвителните работи за претстојниот ископ. Новото административно здание ќе обезбеди канцелариски простор од 10.179 метри квадратни за вработените во државните институции, а како инвеститор се јавува Акционерското друштво за стопанисување со станбен и деловен простор (АДСДП). Објектот ќе има приземје, седум ката и поткровје.













Почетокот на изградбата на овој „барокен“ објект од проектот „Скопје 2014“ го следи целосен молк од инвеститорот. На веб-страницата на Бирото за јавни набавки не е објавен договорот со изведувачот на градежните активности, иако на градилиштето веќе се работи. До денешен ден пред македонската јавност не е претставено победничкото идејно решение на авторот Жарко Чаушевски, ниту пак основниот проект изработен од студиото „Архитектоника“ од Скопје. Без никакви информации е оставена македонската јавност и во однос на прашањето зошто мора целосно да се огради еден од последните симболи на пост-земјотресно Скопје, објектот на Македонската опера и балет.

Огласот за изградба на „барокната“ зграда на АДСДП беше публикуван на почетокот од јуни годинава. Инвеститорот во тендерската постапка проценуваше дека објектот ќе чини 7 милиони евра, но нема никакви информации колкава е финалната сума за овој проект. На терен денеска работеа градежни екипи на фирмата „Декон-Ком“ од Скопје, која претходно работеше на изведба на зградата на Агенцијата за аудио и аудиовизуелни медиумски услуги кај хотел „Бристол“.

Текст, фото: Бојан Блажевски
bojan.blazevski@build.mk

http://www.build.mk/?p=46091

Нова административна зграда го пикира центарот на Скопје

Во централното градско подрaчје на Скопје ќе се издигне уште еден објект кој ќе го гради и ќе го користи Акционерското друштво за стопанисување со станбен и деловен простор, за сопствената администрација. Изградбата на објектот е најавена во програмата на владејачката партија ВМРО-ДПМНЕ, како нов проект во областа на инфраструктурата. Она што е наведено во програмата е само најава дека во центарот на Скопје ќе се подигне нова административна зграда, но не и на која локација.

Директорот на акционерското друштво, Цветко Грозданов, вели дека деталите сè уште не можат да се обелоденат затоа што проектот е во почетна фаза. Во моментов се прават пресметки и проектни планови, а поединостите, вели, ќе се дознаат откако ќе се донесат клучните одлуки за еден месец.

- За сега не може да се дефинира парцелата. Во програмата е напишано онолку колку што е познато во моментов, останатите одлуки дополнително ќе се донесат. Во моментов можеме само да кажеме дека во игра се две до три парцели – вели тој.

Како што вели директорот, потенцијално место за новиот административен објект е во близина на катната гаража која акционерското друштво ја гради непосредно до Работнички универзитет. Втората опција е од левата страна на Вардар, а не е исклучена ниту можноста зградата да се подигне на местото на бараките каде во моментов се наоѓаат канцелариите на акционерското друштво на улицата „Гоце Николов“.


Повеќе на http://www.plusinfo.mk/vest/132266/Nova-administrativna-zgrada-go-pikira-centarot-na-Skopje