Булевар Митрополит Теодосиј Гологанов

На самата автобуска станица.(карши поранешна алумина)

Edited by ѓорче - 14-Mar-2014 at 21:54

Денес поминав, а не бев во можност да сликам па ако некој може убаво би било. Имено се работи за еден столб предпоставувам за надземен премин и се наоѓа одма до вулканизерот и паралено спроти од другата страна имаат ископано огромна дупка, така што голема е веројатноста да се прави вакво НЕ НАЈАВЕНО ЧУДО со анекс договор.

Денешна фотографија... Со копањето се стигнати до станбениот комплекс Grand Prestige.


DSC02995 by george k. 1981, on Flickr

Добро за кај Македонска куќа имаш право, сега ми текна, пробија уличка која излегува на 8ми септември што е делот накај Козле. Ама за Лондонска не се согласувам. Што ако сакам од таму да дојдам до Козле на пример ? нема теорија таму да се забрани вртење лево. А проблем е што на неполни 100 метри е другото спорно вртење лево од Козле кон Влае/Ѓорче. Многу ме интересира како ќе се среди ова, тука живеам и цел живот се нервирам со овие вртења, зошто се невозможни во најголем дел од денот

Originally posted by Djole88 Може ли некој да ми објасни, ако знаете нормално, како ќе бидат 4-5те приклучоци на булеваров ? зборам за тие кај Македонска куќа, веднаш до него има уште еден, третиот кај Олимпико(од паркингот), спроти Олимпико и од улица Лондонска ? зборам дали ќе има само испрекинати ленти за вртење лево или ќе има семафори ? огромен проблем се приклучокот спроти Алумина и спроти Олимпико за вртење кон Влае и од улица Лондонска за накај центар. тука знае некогаш да се чека со минути за да се пројде

Без гајле, Коце гарант ќе стави тука семафори, ова е прилика која што не се пропушта

Јебеш проширување до Порта Влае ако имаш пред тебе мост со само 2 ленти

До Реплек може и има место, но натаму не знам баш колкава е потребата, со оглед на ограниченоста на просторот, плус натаму улицата е релативно нова, со оглед на тоа дека е пробиена пред неполни 7-8 години.

ПОЧНА ПРОШИРУВАЊЕТО НА ТРЕТАТА ФАЗА ОД БУЛЕВАРОТ МИТРОПОЛИТ ТЕОДОСИЈ ГОЛОГАНОВ



Градот Скопје денеска /31.01.2014 година/ ги почна градежните работи за проширување и реконструкција на третиот дел од булеварот Митрополит Теодосиј Гологанов, на потегот од крстосницата со булеварот 8.Септември до улицата Московска. На стартот на градежните работи присуствуваа градоначалникот на Град Скопје, Коце Трајановски, Претседателот на Владата на Република Македонија, Никола Груевски, Претседателот на Советот на Град Скопје, Ирена Мишева, градоначалникот на Општина Карпош, Стевчо Јакимовски, како и советници, директори на јавните претпријатија и граѓани.

- Денеска ја почнуваме изградбата на третата фаза од проширувањето и реконструкцијата на булеварот Митрополит Теодосиј Гологанов, на потегот од крстосницата со булеварот 8.Септември до улицата Московска, во должина од 1.600 метри. Посочената делница ќе се проширува од јужната страна. Со проширувањето, оваа тесна сообраќајница ќе добие 4 коловозни ленти (по две во секоја насока). Коловозот ќе биде асфалтиран со завршен слој асфалт – Сплит Мастикс од еруптивно потекло и полимер, на вкупна површина од 19.500 квадратни метри. Од двете страни на проширениот коловоз ќе се оформат тротоари со ширина од по 3,5 метри коишто ќе се покријат со павер-елементи, на вкупна површина од 9.550 метри. Градежните работи на третиот дел од булеварот Митрополит Теодосиј Гологанов ќе се искористат за да се постави нова атмосферска канализација со вкупна должина од 1.493 метри, поточно Ф 400 – 950 метри; Ф 200 – 250 метри; Ф 600 – 97 метри и Ф 1200 – 196 метри. Во текот на градежните работи ќе се изврши и реконструкција на постојната фекална мрежа, при што на должина од 226 метри ќе се постават цевки со профил од 600 и 300 милиметри, a ќе се заштити и гасоводната цевка со профил од 400 милиметри - рече денеска градоначалникот Трајановски.



Тој додаде дека на проширувањето и реконструкцијата на третиот дел од булеварот Митрополит Теодосиј Гологанов ќе работат градежниците на Трансмет ДОО Скопје, а градежните работи се очекува да завршат за околу 6 (шест) месеци.

- Градот Скопје за овој обемен проект ќе потроши околу 81 милион денари. За потсетување, Градот Скопје во 2011 и во 2012 година го прошири првиот и вториот дел од тесната и нефункционална улица Митрополит Теодосиј Гологанов, во вкупна должина од 2.700 метри, со што Скопје доби уште едно булеварско решение, уште еден проточен сообраќаен коридор што е од огромно значење за сообраќајот во градот. Имено, во првата фаза од градежните работи проширувањето на постојниот коловоз се одвиваше на потегот од улицата Франклин Рузвелт до улицата Костурски херои (еден крак) и кон улицата Свети Кирил и Методиј до свртувањето надесно кон улицата Народен фронт (втор крак). Изградената турбо кружна крстосница кај Католичката црква е прва од ваков вид во Скопје и е вистинско решение за сообраќајните проблеми што се создаваа на овој потег. За овој проект Градот Скопје потроши околу 96 милиони денари. Вториот дел од улицата Митрополит Теодосиј Гологанов е проширена од крстосницата со улицата Франклин Рузвелт до крстосницата со улицата Братфордска и булеварот 8.Септември. Градот Скопје во овој обемен зафат вложи околу 47 милиони денари. Ова значи дека, за сите три фази од проширувањето на овој булевар Градот Скопје ќе одвои околу 250 милиони денари - нагласи Трајановски.

Важно е да се нагласи и дека покрај реконструкцијата и проширувањето, оваа трета делница на булеварот Митрополит Теодосиј Гологанов ќе добие целосно ново улично осветлување, со 84 столба за улично осветлување на коишто ќе бидат поставени 108 светилки со моќност од 250 W. На осветлување на новореконструираната делница ќе работат екипите на фирмата „Магнус инжинеринг“, а за овој зафат Градот Скопје ќе потроши околу 11,6 милиони денари.

http://www.skopje.gov.mk/ShowAnnouncements.aspx?ItemID=6356&mid=482&tabId=1

Пред малку на Канал 5 имаше кратка вест од проширувањто на оваа улица,но немаше тон па неможев ништо да разберам,а според тоа што видов се копа негде пред `Алумина`.Дали е започнато проширувањето и на оваа делница или се работи за стара снимка?

Нема употребливи алтернативни рути?