Палата Панко Брашнаров (СРД,АДСДП,Служба на Влада)

Originally posted by Baze Да, а бакарот на куполата... е тоа е врв...

Да бакарот е на врвот на куполата, а куполата е на врвот на објектот.

ОД-ВРАТ-НО!

Багер на годината.

Добро бе...$56%^#*4^7!!!!!

Ова чиров лево како АЕК.

Распишан тендер за ентериерно уредување на палатата „Панко Брашнаров“

Агенцијата за аудио и аудиовизуелни медиумски услуги со сите напори се обидува што побрзо да ја комплетира изведбата на „барокната“ палата „Панко Брашнаров“, спроти Старата железничка станица во Скопје. Денеска е објавен тендерот за реализација на ентериерските градежно – занаетчиски работи во новиот деловен објект на ова регулаторно тело. Случајно или не, вредноста на изведбените работи е првично проценета на само 1,8 милиони денари, иако е општо познато дека ќе изнесува драстично повеќе, ако се земе во предвид фактот дека треба да се уреди канцелариски простор од 4.099 метри квадратни. За изведба на овој објект од проектот „Скопје 2014“ досега се издвоија над 230 милиони денари или околу 3,8 милиони евра.



Заинтересираните компании треба да ги достават своите понуди за учество на тендерот најдоцна до 5 февруари, датум по кој ќе се знае изведувачот на внатрешните градежно – занаетчиски работи. Во меѓувреме, градежните екипи на компанијата „Декон – Ком“ продолжуваат со изградба на административното здание со приземје, осум ката и поткровје. Периодов се реализира замислената фасада, а допрва треба да се постават и прозорците на идното здание. Покрај Агенцијата за аудио и аудиовизуелни медиумски услуги, во објектот ќе се сместат уште две институции – АДСДП и Службата за општи и заеднички работи на владата.

„Барокното“ идејно решение за овој објект го изработија авторите Жарко Чаушевски и Никола Стакинов, додека ревидираниот основен проект го изготви „Прима инженеринг“ од Скопје. Изградбата започна во октомври 2013 година, откако полицијата ги отстрани демонстрантите кои се противеа на уништувањето на паркот кој се наоѓаше на оваа локација.

http://www.build.mk/?p=42776

Originally posted by maks Zabegan, ќе те замолам да не групираш и да одговараш во 'заедничко име'. Оти искрено не разбирам кој сте тоа ВИЕ наспроти МЕНЕ  односно Јас.Fithchot, ти благодарам на одговорот кој е искрен и непретенциозен. И само ќе додадам, забелешката е пред се во контекст на селективни реакции на одредени просторни предизвици. Не мислам дека "Архитектурата" започнува од оваа владејачка гарнитура(во контекст на градење и урбанистички манири) и токму заради тоа, нештата треба да се гледаат интегрално. Почетокот е колеги, од 1990тите години па наваму. Ова е само врв на индолентниот однос на властите во минатото, навремено да ги артикулираат барањата и желбите на своите граѓани (во случајов за достоинствен и урбан центар на еден главен, а не административен град). Како тоа можело да изгледа, од овој временски миг, може само да си претпоставиме. Но, таа инертност дозволи да исплива на површина токму еден ваков светоглед, кој ете на дел од вас ( а верувам и дел од фелата во наредниот период) ќе (им) ви задава сериозни главоболки.

па за селективно мислење тука се обвинети пола од членовите, за било што... ако нешто искритикуваш, одма одговорот е како не си искритикувал нешто друго, како правдање на едно зло со друго
сите знаеме колку хаос му е нанесен на градов во сите периоди од неговата историја, и колку објекти во градов не се во ред... ама што е пологично да се критикува? објект кој е во план или во изградба и кој може да биде укинат или видоизменет, или објект изграден пред 10, 20, 30 години?
тука се фрла критика на се, форумов не постои за Ск2014, туку за секоја изградба што постои во земјава.. збориш за селективност, а ти селективно си прочитал само некои работи на форумов, затоа и се истрчав да зборам и во име на фичот и на други форумџии, затоа што им ги знам коментарите и ставовите и за други објекти

инаку, поради фрустрации од минатото, денес сме таму каде што сме, не поради самата архитектура и урбан состав на градот, туку поради фрустрации, кои баш и не мора да постојат... јас утре ако би имал моќ да раководам со градов, сигурно нема да го раководам воден од фрустрации од Ск2014
изгледа да се помириш со минатото и да направиш нешто подобро онаму каде што е можно, e наjтешко нешто за народот и политиката во земјава

Edited by zabegan - 07-Dec-2014 at 23:10

Originally posted by maks fichot, да речеме се согласувам со твојот заклучок. Но те прашувам, кое е твоето мислење/став за изградбата на нова станбена зграда веднаш до новата железничка станица(пред фитнес центарот Атлета), каков е твојот став/мислење за новите станбени згради кои никнуваат како печурки низ Аеродром и Ново Лисиче. Тие би требало да ги почитуваат основни стандарди за  комуникација , осветлување, проветрување...Тие згради би требало да го отсликуваат и модерниот јазик на архитектурата...А на што изгледаат?Или сето тоа не е важно, важно е тоа во Центар што нечини оти е "барок на ачик"? Неможам да ја разберам оваа селективност во реакциите ниту сега, ниту пред 15 -20 години!

Не знам каде е тоа Атлета, не сум аеродромец.

Вака од памет, ќе се потсетам на неколку мои критики за рандом објекти низ градов (а ќе те оставам сам да ги најдеш низ темите, извини):

- Зградичето позади ТЦ БХ (мислам Дилајла се викаше),
- Мало зградиче кое ја загрозува трасата на Јужен во Козле (воопшто нема маркица во ДУПот за тој дел) и е неверојатно близу до веќе постоечки објект,
- Зградите покрај Вардар во Влае, направени практично во линија на рекреативната зона,
- Објектот кој се прави дијагонално спроти дирекцијата на ЖитоЛукс во Капиштец, а кој е премногу блиску до белите кули,
- Неколку објекти кај што сме виделе на рендер една работа, а во реалност сосем друга.
- Со ретки исклучоци (воглавно низ Центар), речиси ниедна од станбените згради изградени во градов последниве 20 години не ми се допаѓа... имам и за ова оставено коментари некаде, види во општите теми за станбено-деловни објекти,
   
- Да не речеш дека фаворизирам некого: Лумикс ми е недоречен и премал објект со малтене никаква содржина (како поголем киоск) и ужасна комуникација со ЕВН. Тифани ми е убедливо најгрозното нешто во Центар. Ибни Пајко исто ми е грозна (макар што не би и ставил барок) итн.

Е сега, ако очекуваш дека треба секој објект да земам да го анализирам, тоа би било премногу. Оваа „палата“ ми падна в очи, затоа што се работи за измислена парцела. Едноставно просторот си беше урбанизиран и оплеменет и тука немаше апсолутно никаква потреба од објект (па и Френк Гери да го беше правел).

Пред 15-20 години не сум бил во тек, нити па ме интересирало тоа. Дал како осмооделенец може сум требал да кренам глас за, хм, шо се изградило 95та? Палата Унија?

едит: http://www.build.mk/forum/forum_posts.asp?TID=1114&PN=2 << кон новото седиште на НАТО @ Брисел.


Edited by fichot - 04-Dec-2014 at 00:33

fichot, да речеме се согласувам со твојот заклучок. Но те прашувам, кое е твоето мислење/став за изградбата на нова станбена зграда веднаш до новата железничка станица(пред фитнес центарот Атлета), каков е твојот став/мислење за новите станбени згради кои никнуваат како печурки низ Аеродром и Ново Лисиче. Тие би требало да ги почитуваат основни стандарди за  комуникација , осветлување, проветрување...Тие згради би требало да го отсликуваат и модерниот јазик на архитектурата...А на што изгледаат?
Или сето тоа не е важно, важно е тоа во Центар што нечини оти е "барок на ачик"? Неможам да ја разберам оваа селективност во реакциите ниту сега, ниту пред 15 -20 години!