build.mk » Forum: Карпош

Originally posted by stef4o

Во Карпош 4

Прогрес во градбата на зградата на Хелга Компани(од фб)

Carpe diem

Денешна, Карпош 4:

Урбани атентатори: Сезона два

Неколку години по бетонизацијата на Тафталиџе, за која Обвинителството води предистражна постапка, градоначалникот на Карпош, Стевчо Јакимовски, со старите партнери тргнува во нов поход. Фирмата „Аполо инженеринг“, која профитираше од бетонизацијата на Тафталиџе, сега подготвува терен да гради висококатници на местото на поранешното кино „Влае“.

Во Влае се подготвува втора сезона од „Бетонизацијата на Тафталиџе“

Стевчо Јакимовски е на почеток на четвртиот мандат како градоначалник на Карпош. На изборите во 2017 година не успеа да ја добие довербата на карпошани. Пресуден за поразот беше масивниот проект за бетонизација на населбата Тафталиџе, кога неповратно се уништи мирната урбана населба. Граѓаните беа немоќни да го спречат спроведувањето на планот за изградба на десетици станбени згради со илјадници станови. Во Тафталиџе веќе не остана празно место каде што може да се гради. Јакимовски во новиот мандат му „фрли око“ на Влае.

Една од првите локации каде што се планирани станбени згради и деловен објект е токму локацијата во која ја славеше победата – „Кино Влае“. На местото на дрвеното кафуле ќе се изгради скалест комплекс, односно една зграда од десет и една зграда од осум ката, кои ќе бидат споени со трговски центар. Земјиштето и објектот се во сопственост на старите деловни партнери на Јакимовски кои учествуваа во бетонизацијата на Тафталиџе.

Сопственик на земјиштето е фирмата „Аполо инженеринг“ на Јонче Спирковски, а кафулето на фирмата „Вентота“ во сопствеништво на неговиот син Дарко Спирковски. ИРЛ побара увид и историјат во Агенцијата за катастар со цел да го утврдиме начинот на приватизација на земјиштето што Јакимовски го вметна во планот за Влае. Документите покажаа дека отуѓувањето одело по истиот модел според кој се обработуваше ДУП за Тафталиџе.

Пред фамилијата Спирковски да го купи земјиштето, сопственици биле повеќе наследници кои во 2007 година го вратиле со денационализација. Локацијата е поделена на неколку парцели, па отуѓувањето одело парцијално, дел по дел. Во сопствеништвото влегле две фирми – „Аполо инженеринг“ на Спирковски и фирмата „Импексел 2“, која, исто така, изгради станбени згради во Тафталиџе за време на владеењето на Јакимовски.

Кога процесот на отуѓување од старите наследници завршува, од сопствеништвото излегува „Импексел 2“ и останува само „Аполо инженеринг“. Новиот сопственик, бидејќи поседува 30 проценти од земјиштето, ја искористува законската можност и во 2020 година го откупува околното државно земјиште. Доколку овој план се усвои, планерската куќа и Општината планираат да му дадат можност на инвеститорот да си докупи државно земјиште кое моментално е дел од улицата „Есперанто“ и од околното зеленило.

Парцелата предвидена во ДУП за градба на станбен комплекс е подготвена. Останува уште една пречка пред да влезат багерите. Планот за Влае да помине во Советот на Општина Карпош.

ИРЛ разговараше со управителот на Аполо инжинеринг, Жарко Јовчевски, кој вети дека ќе одговори на нашите прашања. Но, и по неколку потсетувања, до објавата на оваа сторија Јовчевски не нѐисконтактира.

Во Карпош се кројат 39 нови плана

Општина Карпош има 23 советници. Составот е шарен, најголем дел се од СДСМ (8) и ВМРО-ДПМНЕ (7), четири претставници има Левица, двајца советници се од партијата на Јакимовски – ГРОМ. На последните локални избори имаше најмногу независни советнички листи, а во Карпош успеаја да влезат две советнички кои не гласаат по партиски директиви, туку тие во Советот го претставуваат гласот на граѓаните.

Невена Георгиевска и Татјана Стојановска се долгогодишни активисти против бетонизацијата на Карпош и урбаната мафија. Двете беа дел од групата која во 2016 година оспори неколку детални урбанистички планови пред Уставниот суд.

На почетокот на својот четврти мандат Јакимовски одлучил да започне нова пракса со која советниците ќе ги запознае со сите детални планови за нивната општина кои се во постапка на донесување. На двете средби биле презентирани вкупно 39 детални урбанистички плана кои биле во фаза на планирање, други пред комисија, а некои пред одлучување.

Георгиевска и Стојановска велат дека плановите се со енормно големи бетонски зданија на штета на зелените површини.

„Имаме целосен хаос во ликот на општината кој се креира, предвидена но тешко остварлива инфраструктура, нов прилив на жители во делови каде што нема доволно градинки и основни училишта кои би ги опслужиле и постојните жители. Тоа не е развој на општината, тоа е задушување на просторот и, искрено, убивање на луѓето што таму имаат домови“, вели Стојановска.

Георгиевска вели дека за неколку плана се поминати јавните анкети, но дека градоначалникот не може да очекува штетните урбанистички планови да бидат изгласани од Советот.

„Свесни сме за финансиската ситуација во која се наоѓа Општината, но не можеме да се согласиме дека единствениот излез од таа ситуација е со распродавање на целиот преостанат слободен простор и градење. Тоа е само привремено купување време до следен мандат, а носи многу повеќе проблеми. Нашата цел е колку што можеме да го спречиме тоа. Градење и развој – да, но базирано на реалните потреби на жителите“, вели Георгиевска.

На иста линија е и советничката група на Левица, од каде што велат дека нема да гласаат за планови што ќе му нанесат штета на месното население, а ќе ќарат само неколкумина приватни инвеститори.

„Во речиси сите детални планови што ни беа презентиранина предвидените објекти им е дадена максимална висина. Ретко кој инвеститор не ја искористува можноста за катност што му е дадена со ДУП. Советничката група на Левица нема да поддржи ниту еден детален урбанистички план во кој не се застапени интересите на граѓаните кои живеат во оваа општина“, велат од советничката група на Левица.

Таинствен инвеститор го прекројува Козле
Паралелно со жителите на Влае, битка за зеленилото водат и жителите на населбата Козле. Во март годинава на јавна анкета беше ставен детален урбанистички план со кој е предвидено во дворовите на староседелците да се изградат куќи за семејно домување кои треба да имаат приземје плус три ката.

Предвидено е да се изградат и две затворени игралишта на места каде што сега има отворени игралишта, пристапни улици за новите објекти и една станбена зграда на местото на поранешната продавница „Славија“.

Планот го изработува планерската куќа „Тајфа“, која не открива кој е инвеститорот што платил за донесување на новиот ДУП.

Одземена лиценца на „Аполо инженеринг“
Според документите од Централниот регистар, во 2017 година инспектори од Министерството за транспорт и врски откриле дека фирмата „Аполо инженеринг“ немала осигурување од штети и незгоди, туку само групна полиса за осигурување на вработените. Поради ова, во 2019 година ѝ била одземена лиценцата за изведувач на градби од Б-категорија. Според закон, по одземање на лиценцата, фирмата една година нема право да побара издавање нова лиценца. „Аполо инженеринг“ во јули 2020 година добила нова Б-лиценца која има важност до 2027 година.

https://irl.mk/urbani-atentatori-sezona-dva/

Carpe diem