Министерството за транспорт и врски продава три плаца во касарната „Алексо Демниевски Бауман“ во Велес со јавно наддавање, јавува велешкиот портал „lisica.mk.“

Плацовите ќе бидат наменети за изградба на станбени згради, чија што вкупна површина изнесува 18.770 метри квадратни, а почетната цена за метар квадратен е 2.420 денари. Трите парцели се простираат на површини од 838, 3.000 и 4.753 метри квадратни.

Право на учество на јавното наддавање имаат физички лица, државјани на Република Македонија и странски лица кои можат да стекнат право на сосптвеност на градежно земјиште. Покрај физичките на огласот за купување можат да аплицираат и правни лица од Македонија и странство. Јавното наддавање ќе се одржи на 28 ноември во просториите на Министерството.

Но, од друга страна, пак, велешани бараат изградба на катна гаража во својот град како што покажува анкетата на веб сајтот. Градот се соочува со сообраќаен метеж и недостиг од паркинг простор.

Жителите бараат да се следи примерот на Прилеп и Струмица и и во Велес да се направи катна гаража.