Надградба и доградба на станбени згради (општо)

И би купиле стан тука?
Безбедно ли е ова?

Инаку оваа надградба се изведува веќе 2 години!!! Многу многу сомнително...

Ова не е во Гази Баба туку во Карпош во близина на Драмски на ул. Бранислав Нушиќ. Додадени се нови столбови околу зградата, за да можат дополнителни два спрата да кренат. Никогаш нема да станеме држава. Еве ја пред надградбата.

Негде во Автокоманда(од фб)

Двете конструкции се одвоени и при земјотрес ќе се удираат, има шанси едната да попушти

Не сум поддржувач на надградба на зградите, но во случајов, ако има и обнова на фасадите, мислам дека ќе биде добар проект од причина што зградите во населба Пролет се во очајна состојба, а се наоѓаат на многу фреквентно место (железничка и автобуска станица, центар на градот итн.). Кој поминал таму знае во каква состојба се. Освен тоа, голем дел од нив имаат надоградени и проширени тераси, со што се дополнително нагрдени. Ако се спроведе проект за нивно какво-такво унифицирање и средување, јас ќе го поздравам.

ПЛУС ДВА КАТА ЗА СТАРИТЕ ЗГРАДИ ВО ПРОЛЕТ

Децениските згради во Пролет, една од најстарите скопски населби, ќе можат да се модернизираат. Општинарите од Центар планираат да дозволат надградба и рефасадирање на објектите. Тоа е предвидено со деталниот урбанистички план кој е во фаза на изработка. За идеите за урбанизирање на овој дел од градот, градоначалникот Андреј Жерновски оствари средба со жителите од населбата Пролет, кои во конструктивен разговор споделиле мислења за планираниот ДУП. Притоа, Жерновски потенцирал дека модернизацијата на зградите ќе зависи, пред се', од состојбата на земјиштето на кои тие се изградени.

„Општината нарача елаборат во Институтот за земјотресно инженерство и на средбата наредната недела ќе ги презентираме наодите за стабилноста на зградите доколку се зголеми нивната катност. За да се реши проблемот на сите згради, од кои најголемиот број се во лоша состојба, се предвидува зголемување на катноста за уште два ката и потпокрив. Со ова, зградите во најстарата населба во Скопје ќе станат атрактивни за инвеститорите кои, пак, ќе бидат должни да ја санираат зградата, да постават енергетско-ефикасна фасада, нови инсталации, но и првпат да инсталираат лифт“, рекол Жерновски пред жителите.

Тие се договориле наскоро повторно да одржат средба, а за некој ден граѓаните, своите идеи и предлози за урбанистичкиот план ќе можат да ги дадат и на јавната анкета за ДУП „Пролет“. Анкетата, ветил градоначалникот, ќе трае колку што е потребно и колку што ќе побараат жителите. (Д.Т.Д.)

http://www.utrinski.mk/?ItemID=9D0FBE49E9F12F409B3BED6A779CB6B4

Во Автокоманда се надградува уште една зграда:

DSC04695 by george k. 1981, on Flickr

Оваа зграда се наоѓа веднаш до неа, мислам дека станува збор за истиот инвеститор, па ја објавувам сликава да се види како отприлика би изгледала и новава надградена зграда.

DSC04696 by george k. 1981, on Flickr

А да дојдете во Чаир, па муабет да правиме?

Originally posted by Teglarot Одвратно, не пристојно...

Што знам ја би им дал прелазна оценка.Да видиш во Карпош какви доградби има ќе се отселиш од државава.

Одвратно, не пристојно...

Во Автокоманда, Скопје. Во тој дел од градот веќе неколку двокатни/трокатни згради пораснаа во својата катност. Оваа се наоѓа веднаш пред надвозникот Естекада.


DSC00998 by george k. 1981, on Flickr


DSC00997 by george k. 1981, on Flickr