Авиокомпании и линии

Edited by gorazd - 13-Apr-2023 at 11:21

Од 20 јуни се воведува чартер лет од Скопје до Кипар

Од 20 јуни до 22 август за време на летната туристичка сезона ќе биде воведен директен чартер лет од Скопје до Кипар. Чартер летот ќе биде на дневно ниво и ќе се лета од Скопје до Ларнака со „Balkan Holiday Air“.

– Кипар отсекогаш бил топ туристичка дестинација, а овој нов лет несомнено ќе донесе повеќе посетители на нашиот прекрасен остров. Уверени сме дека оваа нова соработка ќе има значително влијание за нашата туристичка индустрија, изјави денеска Џорџ Минас, директор за развој на пазарот од Одделот за меѓународни односи на Кипар од Министерството за туризам.

Чартер летот се реализира во соработка со неколку туристички агенции од земјава – ЈК Травел, Аталантис Груп, ЕТЦ травел, Магелан и Ваикики Травел.

https://www.slobodenpecat.mk/od-20-juni-se-voveduva-charter-let-od-skopje-do-kipar/

Ништо од враќањето на Qatar Airways во Македонија, барем сега за сега.
Од регионот, зголемување на фреквенциите во:
Атина - од 7 на 14 неделно
Белград - од 5 на 7 неделно
Букурешт - од 10 на 14 неделно
Сараево - од 3 на 4 неделно (за летна сезона 2023)
Софија - од 3 на 4 неделно (за летна сезона 2023) и на 5 (за зимска сезона 2023 / 2024)
Загреб - од 4 на 7 неделно

https://www.qatarairways.com/en/press-releases/2023/March0/Qatar-Airways-Reveals-Seven-New-Destinations-11-Resumptions-and-35-Frequency-Increases-at-ITB-Berlin-2023.html?activeTag=Press-releases

Originally posted by laziale https://www.qatarairways.com/en/press-releases/2023/March0/qatar-airways-itb-berlin.html Shto mislite, kakvi se shansite utre Qatar da objavi deka gi vrakja letovite kon Skopje?

Slim to none. Немаат narrowbody авиони оти Извршниот директор (CEO) им е најголемото бебе на светот. Се скара со Airbus скоро, а уште пред 5+ години ги откажа 320neo, сега чека 737... Хаос е, тие отстапуваат летови на Finnair кон Скандинавија, земаат wet lease од Oman Air & Cathay Pacific - едноставно се фокусираат на најпрофитабилните рути. Исто како и WizzAir, со тој недостиг на персонал нормално е авионите да одат кон најпрофитабилните бази.

ОБЈАВЕН НОВ ПОВИК ЗА СУБВЕНЦИИ ЗА АВИОЛИНИИ ОД СКОПЈЕ И ОХРИД

Министерството за транспорт и врски го објави новиот јавен повик за субвенционирање авиолинии, откако првиот пропадна поради нецелосна документација на компаниите. На неуспешниот повик понуди доставија авиокомпаниите „Луфтханза“, „Виз ер“ и „Ејџиан ерлајнс“.

На новиот повик условите се исти како на претходниот. Може да се пријават сите заинтересирани авиокомпании кои поседуваат уверение за работа издадено од земја членка на Европската Унија согласно прописите за издавање уверение за работа на авиопревозници, да имаат превезено најмалку 10 милиони патници во 2019 и да имаат остварено профит од минимум 25 милиони евра во 2019.

„Финансиската поддршка ќе се доделува согласно критериумите за рангирање на новите дестинации по следниот редослед: период на oперирање на дестинацијата, број на неделни летови, атрактивност на аеродромот кон кој оперира и број на седишта понудени на продажба“, велат од Министерството за транспорт и врски.

Финансиската поддршка ќе биде 7 евра по патник во заминување превезен од Меѓународен аеродром Скопје и 4,5 евра по патник во заминување превезен од аеродромот „Св. Апостол Павле“ во Охрид.

https://sdk.mk/index.php/makedonija/objaven-nov-povik-za-subventsii-za-aviolinii-od-skopje-i-ohrid/

ВО МАРТ ЌЕ СЕ ОБЈАВИ НОВ ПОВИК ЗА СУБВЕНЦИИ НА АВИОКОМПАНИИ, КОМИСИЈАТА ЌЕ ПОМАГА ДА СЕ СПРЕМИ ДОКУМЕНТАЦИЈАТА ЗА ПАК ДА НЕ ПРОПАДНЕ

На почетокот на март, ќе биде распишан новиот јавен повик за субвенционирање нови авиолинии од Меѓународниот аеродром Скопје и аеродромот „Св. Апостол и Павле“ во Охрид откако претходниот не успеа. Тендерот беше поништен оти ниту една од пријавените авиокомпании не доставила целосна документација како што се барало. На тендерот понуди доставија авиокомпаниите „Луфтханза“, „Виз ер“ и „Ејџиан ерлајнс“.

Министерот за транспотр и врски Благој Бочварски денеска во Охрид кажа дека во моментов течат роковите за жалба, по што ќе следи новата постапка со која авиокомпаниите ќе можат да аплицираат и да добијат помош од државата за отворање нови линии од двата аеродрома.

„Очекувам кон почетокот на март да го распишеме новиот повик. Комисијата која работи на подготвување на оваа постапка за јавен повик ќе работи активно во тоа да помогне на сите заинтересирани компании да имаат комплетна и целосна документација со цел овој повик да биде успешен. Јас сум убеден дека ова е добра политика којашто ќе даде добри резултати за авиосообраќајот и отворање на нови дестинации за граѓаните“, кажа Бочварски на потпишувањето на спогодбата со Србија, Словенија и Црна Гора за заеднички потраги при пад на авион.

Бочварски рече дека остануваат истите услови како и во претходната постапка. Согласно уредбата повикот е со вредност од 5 милиони евра за наредните три години.

„Нема да се држиме за избор на една компанија, туку секако нашиот интерес е да влезат повеќе компании во авиосообраќајот“, рече Бочварски.

Се предвидува да се доделува финансиска поддршка од седум евра во денарска противвредност по патник во заминување превезен од Меѓународниот аеродром Скопје и од 4,5 евра во денарска против вредност по патник во заминување превезен од аеродромот „Св. Апостол Павле“ во Охрид.

„Тоа е усогласено со Европската комисија и во однос на интензитетот на субвенционирање ние овде го почитуваме ставот на Европската комисија, бидејќи сме земја која започна преговори со ЕУ и во овој дел секако дека сме во согласност и во сите европски регулативи“, изјави Бочварски.

https://sdk.mk/index.php/dopisna-mrezha/vo-mart-ke-se-objavi-nov-povik-za-subventsii-na-aviokompanii-komisijata-ke-pomaga-da-se-spremi-dokumentatsijata-za-pak-da-ne-propadne/

Еј pbanks еве го пак [><]

Да не биле Wizz ќе дошол некој друг а?

Дури и на толку постови и објаснувања од прва рака, луѓето имаат кусо помнење..

Ај белким тендеров ќе пројде, сомнителен ми е координираниот fail. Сигурен сум дека фирмите ќе ги оперираат летовите и ќе ги добијат парите за дестинациите што се најавени. Барем форматот е како што треба - требаше уште одамна вака ама што е тука е. А Рајанер се најголеми шалабајзери, редовно сакаат дупло пари од Виз за пола работа. Видете како ги работат Хрватите, пред се Задар.. и памет не им доаѓа.


Edited by Tranquilis - 16-Feb-2023 at 10:19

Поништен повикот за субвенции за нови авиолинии


Комисијата за евалуација на понудите што на повикот ги доставија авиокомпаниите „Виз ер“, „Луфтханза“ и „Ејџиан ерлајнс“ констатирала дека не ја доставиле пропишаната комплетна документација и го поништила повикот.

-Од страна на Комисија составена од членови од неколку државни институции се изврши евалуација на доставените понуди и притоа Комисијата констатира дека авиокомпаниите не ја доставиле комплетната документација пропишана во условите од јавниот повик. Согласно тоа, Комисијата донесе одлука за поништување на јавниот повик, соопшти попладнево Министерството за транспорт и врски.

Оттаму очекуваат во најбрз врменски период Комисијата да распише нов јавен повик за финансиска поддршка за нови авиолинии за период 2023-2025 година.

Најавуваат дека јавниот повик ќе се објави во согласност со политиките на фер и конкурентски услови согласно регулативата на Европска унија. - Целта е да се поттикне и развива воздушниот сообраќај во Република Македонија и да се овозможи поголем број на дестинации за граѓаните, стои во соопштението.

Ресорното Министерство потенцира Владата на Република Македонија преку Министерството за транспорт и врски е силно посветена на реализација на програмската определба за развој на авиосообраќајот.

-Нашата цел е да ги искористиме капацитетите што ги нуди Меѓународниот аеродром Скопје и Охридскиот аеродром Св. Апостол Павле и да овозможиме квалитетни услуги со поширок спектар на дестинации за граѓаните преку конкурентни цени на авио билетите, посочуваат од Министерството за транспорт.

Со поништениот повик, што траеше од 20 декември лани до 26 јануари годинава, за разлика од претходните, можеа да се изберат повеќе авиокомпании што ќе добијат субвенции за нови авиолинии. Се предвидуваше да се доделува субвенција од седум евра во денарска противвредност по патник во заминување превезен од Меѓународниот аеродром „Скопје” и од 4,5 евра во денарска противвредност по патник во заминување превезен од аеродромот „Св. Апостол Павле” – Охрид.

За годинава се предвидени 1,1 милион евра за финаниска поддршка за нови авиолинии.

https://kanal5.com.mk/ponishten-povikot-za-subvencii-za-novi-aviolinii/a567992

Линиите Базел - СКП и ОХД буфтаат. Се возев во рандом денови , четврток и понеделник, вон празници, и се беше полно.

Edited by hcitrS - 09-Feb-2023 at 21:01

Originally posted by гитардемон Не знам што сум „утнал“, ги имаш сите овие информации на Википедија и на Timatic, така што каде и да ги гледаш ти таму ги гледам и јас.