| Author |
 Topic Search  Topic Options
|
juventino 
Newbiе
Joined: 05-Aug-2010
Online Status: Offline
Posts: 0
|
 Quote  Reply
#121 Posted: 01-Nov-2010 at 22:56 |
|
Ова во трубарево ''голубарникот'' ли е јас го имав видено старите сто беја како моизаик супер изгледа ова ново си е ново.
|
 |
pbanks
Admin Group
Joined: 01-Sep-2007
Location: Skopje
Online Status: Offline
Posts: 9141
|
Quote Reply
#122 Posted: 01-Nov-2010 at 22:51 |
Браво  Не сум научен да читам вака добри вести во оваа секција
|
|
Vladimir P
Senior Member
Joined: 06-Apr-2008
Location: Скопје
Online Status: Offline
Posts: 3304
|
Quote Reply
#123 Posted: 01-Nov-2010 at 22:29 |
Ова е еден од насовремените системи во овој дел на европа, со самото тоа можеш да заклучиш што значи компјутеризација на железница.
Иначе на екраните и мониторите на диспечерите во ТК салата буквално се се покажува командува; возови, сигнализација, скретници, секоја станица со колосеците на целиот коридор X, ... во реално време ко на дланка 
|
|
|
|
lslcrew
Senior Member
Joined: 14-Jan-2008
Location: Skopje
Online Status: Offline
Posts: 10988
|
Quote Reply
#124 Posted: 01-Nov-2010 at 15:53 |
|
Владо може ли сликава да ја пуштиш еднаш во голема резолуција ме интересира што се покажува на екраните. И уште неколку прашања. Каде се наоѓа? Колку ова е од значење за железниците, што се олеснува? Колку луќе помалку ќе бидат потребни за сигнализација за разлика од предходно со старите системи?
|
|
Vladimir P
Senior Member
Joined: 06-Apr-2008
Location: Скопје
Online Status: Offline
Posts: 3304
|
Quote Reply
#125 Posted: 01-Nov-2010 at 13:04 |
Ова го заборавив да го постирам за новиот ТК центар на Македонски железници
Почна со работа интегрираната телекомуникациска мрежа во Македонски железници
Јавното претпријатие за железничка инфраструктура „Македонски железници - Скопје“ денеска ја пушти во работа интегрираната телекомуникациска мрежа, соопшти компанијата.
Со реализацијата на проектот ќе се задоволат потребите од телекомуникации и пренос на информации на ЈП МЖ Инфраструктура на начин кој ги интегрира сите инфраструктурни и сообраќајни системи, се зголемува безбедноста на железничкиот сообраќај, железничкиот инфраструктурен систем во делот на сигнално телекомуникациските системи станува компатибилен со европската железничка мрежа, а се овозможува и соработка во телекомуникацискиот пренос на податоци и информации со јавните институции во Македонија (МВР, Царина, Агенција за државни патишта и други), посебно на граничните станици, со што се овозможува поголема либерализација на телекомуникацискиот пазар во држвата.
Инвестиција, која почна да се реализира во 2005 година, опфаќа инсталирање оптички кабли на делот од пасивната мрежа на потегот од Табановци до Скопје и во дел од Скопскиот јазол. Мрежата се состои од оптички кабли во должина од 350 км со капацитет од 30 и 48 влакна, мултиплекс (ECI)- комуникациска опрема инсталирана на 52 колокациски точки со можност за централно управување и овозможен проток до 10 Gigabiti/sek.
Средствата се обезбедени од грант од УС ТДА во опрема вредна 1,4 милиони евра, од сопствени средства во вид на кредит од Светска банка во вредност од околу 800.000 евра, 200.000 евра средства од Буџет на државата и 50.000 евра сопствени средства во вид на инсталација на опремата од страна на МЖ Инфраструктура.
http://www.mia.com.mk/default.aspx?vId=68176112&lId=1 |
И една слика од прекрасниот кумуникациски центар на Македонските железници.
|
|
|
|
Vladimir P
Senior Member
Joined: 06-Apr-2008
Location: Скопје
Online Status: Offline
Posts: 3304
|
Quote Reply
#126 Posted: 25-Oct-2010 at 09:40 |
Инересантен текст на германските железнички здруженија
Bez željeznice nema rasta
Željezničke udruge u Njemačkoj upozorile su vladu o opasnostima politike koja favorizira cestovni prijevoz. To su učinile na Njemačkom logističkom kongresu i poruku su izravno prenijele njemačkom federalnom ministru Peteru Ramsaueru: „Bez željeznice nema rasta!“
Tu su poruku iznijeli članovi Udruge njemačkih prijevoznih poduzeća (VDV) i Allianz pro Schiene (APS). Iz svih dostupnih podataka i analiza jasno je da se veliki porast opsega kopnenog prijevoza može postići samo na željeznici. Zato je vrijeme za ekstenzivan razvoj željeznice. Razvoj cestovnog prijevoza vrlo će brzo dovesti do novih uskih grla.
VDV i APS su nadalje kritizirale odluku vlade da se sva cestarina koja se skupi od teških teretnih vozila investira u izgradnju autoputeva. „Postizanje takvog prstena pri financiranju je izvrstan potez za automobilski lobi.“, rekao je Dirk Flege, izvršni direktor APS-a i nastavio: „Već sada gradimo ceste za nivoe prometa koje si ne možemo priuštiti.“ Flege je bio nastavio vrlo kritički govoriti o prometnoj politici u Njemačkoj za koju misli da je začarani krug bez izlaza i pravih rješenja.
Direktor VDV-a, dr. sc. Martin Henke je rekao: „Ceste će primiti garantirani godišnji iznos od cestarina na teška teretna vozila, no ulaganja u željeznicu biti će osigurana iz proračuna shodno gospodarskim mogućnostima. Takve su političke odluke kontra-produktivne i ne osobito mudre za nužan razvitak željezničkog prometa u budućnosti.“
Posljednja odluka njemačke vlade još je jedna gorka pilula koju su morali progutati u nekoliko zadnjih mjeseci. Početkom 2010. koalicijska je vlada srezala financiranje za kombinirani transport. Zatim je napravila izmjene i dopune „Glavnog plana za teretni promet i logistiku“ na štetu željeznice. „Građani Njemačke žele vidjeti prelazak tereta s ceste na željeznicu. Usprkos tome ministarstvo prometa uporno nameće jednostranu politiku da ojača cestovni prijevoz.“, još se jednom kritički osvrnuo Dirk Flege.
A. K.
Izvor: Allianz pro Schiene |
|
|
|
|
Cloverstack
Admin Group
Joined: 01-Sep-2007
Location: Скопје
Online Status: Offline
Posts: 12453
|
Quote Reply
#127 Posted: 21-Oct-2010 at 16:05 |
 Извор: Национална програма за железничка инфраструктура 2008-2012
|
|
Vladimir P
Senior Member
Joined: 06-Apr-2008
Location: Скопје
Online Status: Offline
Posts: 3304
|
Quote Reply
#128 Posted: 13-Oct-2010 at 10:32 |
|
Изнајмена за потребите на МЖ - Инфраструктура, иначе допатува од Турција каде тамо имаше мерења.
|
|
|
|
Raisinloaf
Senior Member
Joined: 31-May-2008
Location: Gevgelija
Online Status: Offline
Posts: 227
|
Quote Reply
#129 Posted: 13-Oct-2010 at 00:57 |
|
oваа МЖ ја купи или изнајмена е?
|
|
www.realmadrid-mk.blogspot.com
|
|
Vladimir P
Senior Member
Joined: 06-Apr-2008
Location: Скопје
Online Status: Offline
Posts: 3304
|
Quote Reply
#130 Posted: 13-Oct-2010 at 00:26 |
|
Се сто можеш да замислиш, истрошеност на шини, нивна девијација, нагиби, радиуси, видрации, ... контактна мрежа ...
|
|
|
|
zabegan
Senior Member
Joined: 01-Jul-2008
Location: Skopje
Online Status: Offline
Posts: 7859
|
Quote Reply
#131 Posted: 12-Oct-2010 at 23:30 |
а што точно мери?
|
|
Vladimir P
Senior Member
Joined: 06-Apr-2008
Location: Скопје
Online Status: Offline
Posts: 3304
|
Quote Reply
#132 Posted: 12-Oct-2010 at 23:23 |
Италианската мерна кола HRT-260 овој месец собира податоци низ пругите во Македонија.
|
|
|
|
Cloverstack
Admin Group
Joined: 01-Sep-2007
Location: Скопје
Online Status: Offline
Posts: 12453
|
Quote Reply
#133 Posted: 03-Oct-2010 at 12:51 |
Абе супер звучи, ама нема никаква допирна точка со реалноста. Накај Гевгелија сликата е многу поинаква - многу подолга делница и во споредба многу полош рељеф. Со оглед на ова, цената би била неколкукратно поголема, значи практично целиот прокт би паднал врз грбот на државата. Не дека државата не би требало да размислува за вакво поврзување (па и да не постоеше Николферт), ама неизбежен факт е дека оваа држава не размислува сериозно ни за своите најголеми приоритети, како на пример продолжување на пругите кон Охрид и кон Бугарија. А за железничко поврзување на Дојран и тој регион може единствено да сонуваме.
|
|
lslcrew
Senior Member
Joined: 14-Jan-2008
Location: Skopje
Online Status: Offline
Posts: 10988
|
Quote Reply
#134 Posted: 01-Oct-2010 at 14:11 |
|
На човеков му е битно да со поврзе конкретно со таа пруга или бара било каде да се уштека на железничка мрежа без разлика Македонија или Грција? Ако грчката влада прерачунала дека дополнителен приход на државната железница не и треба, а по она што го гледаме неколку години очигледно економската логика нема ни малку во ОСЕ, тогаш може и треба да се разгледа опцијата во партнерски однос со Македонска Влада да се најде решение преку Богданци. И не е така голема делница. Со средствата што човеков планира да ги даде и дополнително државни средства може да се изгради такво нешто. Да му се излезе во пресрет, а и значаен дел од Македонија ќе добие железничко поврзување што на пример тука би било доста битно за извоз на земјоделски производи и преработувачки фабрики од земјоделството. Не само една фабрика оваа на Михалис туку повеќе ќе се поврзат. Треба да се размисли сериозно и за ваква опција. А и повеќе му се исплати на човеков значаен коридор 10.
|
|
Vladimir P
Senior Member
Joined: 06-Apr-2008
Location: Скопје
Online Status: Offline
Posts: 3304
|
Quote Reply
#135 Posted: 01-Oct-2010 at 13:47 |
Дојран го чека возот за Грција
Фабриката „Дојран стил“ сака да изгради пруга до Грција со свои пари. Атина молчи за оваа понуда. Пруга во Дојран имало уште во 1884 година
Димитар Чулев
Доjран - „Пругата мора да ја биде“, вели Михалис Костатиниду, извршен директор на „Дојран стил“, фабрика за преработка на градежно железо во Македонија и една од најголемите на Балканот. „Дојран стил“ е само дел од поголемата групација „Сидерон“ со седиште во Софија, кој беше откупен пред три години како дел од стратегијата на ширењето на бизнисот на оваа атинска компанија на просторите на Балканот.
Дознаваме само „Никшиќ“ од Црна Гора, „Стомана“ од Бугарија, „Зеница“ од Босна... можат да се носат со капацитетите на производителот од Дојран. Поранешен „Николферт“ премина во 2006 година прво под наем, а потоа грчките бизнисмени сфатија дека овде лежи вистинско богатство. Од тие причини, тие се сега подготвени да фрлат милиони евра за железничко поврзување на Дојран, фабриката во Николиќ со останатиот дел од светот.
„Ние сме подготвени да го сториме тоа, сега чекаме Грчката национална железница ОСЕ да го стори својот дел за докомплетирање на железничката пруга, која ќе биде со вкупна должина од само 8,8 километри. Тоа за нас како производители во фабриката, која вработува 170 луѓе и која годишно преработува 170 илјади тони челик, во старт ќе значи кратење на трошоците за 10 евра по тон. Замислете - вели Костатиниду - со тие 8,8 километри ние го врзуваме ’Дојран стил‘, но и Дојран како град, до Европа, лево од пругата одиме кон Софија и кон Романија, десно одиме кон Солун, пристаништето и кон железничкиот коридор 10, кој станува многу актуелен особено по поврзувањето на земјите од бивша Југославија на овој план“.
Михалис Костатиниду е отворен за муабет. Зад неговата корпулентна става, сината коса, костенливи очи, екипата на „Утрински“ откри човек, кој навистина е посветен на бизнисот и кој тврди дека политиката треба да го следи. „Овде беа премиерот Никола Груевски и македонските власти, колку што знам, од 2007 година се посветени да не' поддржат во идејата да го врземе ’Дојран стил‘ со грчката железница. Неодамна се сретнав и со министерот Антонио Милошоски во Охрид, кој ми кажа дека Македонија ја турка идејата за отворање железнички граничен премин кај Дојран (покрај постојниот патнички - н.з.), меѓутоа, дека таа работа не оди лесно и дека македонската страна врши притисок за отворање нов граничен премин и во Преспанско на потегот Маркова Нога - Агиос Германос“.
Љубезен до бескрај и срамежлив дека по четирите години поминати во Македонија знае да чита на македонски, меѓутоа, се срами да говори за да не прави грешки, Михалис Костатиниду, металуршки инженер по професија, не' поведе со него во возило до најблиското место до каде што дозволуваше патот за да го видиме евентуалниот идеен железнички премин меѓу Македонија и Грција. Патот е очаен, две возила не можат да се разминат, оди веднаш до езерото и се спојува со водата, трската и бујната вегетација. Во еден момент моравме да се враќаме дури 300 метри назад, бидејќи немаше место каде да се заврти автомобилот.
Идејата на „Дојран стил“ им била предочена на македонските власти во 2007 година, една година откако „Сидерон“ од Атина го ренташе производствениот капацитет „Николферт“, кој премина во бугарски раце, и на крајот заврши како една од посериозните грчки инвестиции во Македонија. Македонската Влада уште во 2007 година го разгледа тој проект за поврзување на фабриката до грчката железничка пруга од таа страна во должина од 8,8 километри, ја усвои на седница и ги задолжи МНР, МВР и Министерството за транспорт и врски по позитивното мислење, да преземат директна иницијатива.
Иницијативата по дипломатски пат беше пренесена на грчка страна. Барањето грчката страна да почне да го разгледува евентуалното отворање нов железнички граничен премин (покрај постојниот патнички), кулминира со писменото обраќање на министерот Милошоски до Дора Бакојани од 18 септември 2009 година. Немаше одговор.
На 20 септември оваа година, со допис до канцеларијата за врски на Грција во Скопје уште еднаш е потсетено за значењето на овој проект. До економско-трговскиот советник Атанасиос Макандреу беше испратено писмо. Нема одговор како што нема одговор ни на писмото што го испрати министерот Милошевски до грчките колеги за конечно отворање на проектот Маркова Нога - Агиос Германос. „Владата и ресорните министерства покажаа политичка волја и дадоа позитивно мислење за оваа иницијатива.
Оттаму МНР во неколку наврати се обрати до грчката страна со цел да бидат преземени сите неопходни мерки што поскоро да се реализира проектот. Цениме дека отворањето железнички граничен премин кај Дојран ќе биде значаен придонес во подигнувањето на нивото на локалниот бизнис, но ќе претставува и дополнителен импулс во градењето добрососедски односи и продлабочување на меѓусебната соработка“, ни изјави Петар Чулев, портпарол во Министерството за надворешни работи. „Нашата идеја е додека траат преговорите околу разликите за името, тоа не треба да претставува пречка за унапредување на билатералните односи од кои корист ќе имаат жителите од двете страни на заедничката граница“.
Милан Аризановски, десна рака на Михалис Костатиниду, кој десет години работи во фирмата, вели дека би било штета не само за „Дојран стил“ туку и за Дојран, кој засега претставува сообраќајно слепо црево во Македонија. „Ние овде произведуваме илјадници тони, но фабриката не може да се развива натаму доколку тие тони ги превезуваме со камиони по патишта, кои не се соодветни. Железничко поврзување само со пристаништето во Солун драматично би ги намалило и цените што сега ги плаќаме за претовар на арматурата од камиони во железнички вагони, кои натаму одат во светот“.
„Кога е чисто небото и мирно Езерото, особено навечер, можеме да го видиме возот“, вели Никола Поп Кочев келнер од ресторанот “Фук-так“. Работи две години во кафеаната и знае многу за блискоста која постои меѓу луѓето од онаа и од оваа страна на границата. Вели дека нема ден „Фуктак“ да не биде посетена од грчки туристи кои доаѓаат овде не само затоа што им е евтин туку и поради тоа што во Дојран можат да најдат квалитетна храна. „Печен крап чини 300 денари, сом е 400, а салата за тројца е 300.
Глигор Чабулев, градоначалникот на Дојран, не е многу среќен со туристичката жетва годинава. „Не можете да е потпирате на сезона од еден месец или два - вели Чабулев. А и не сакам да додевам со бројки дали Дојран доби нешто повеќе од изминативе години. Ние во градот во локалната самоуправа размислуваме подлабоко. Имаме проекти, кои се надеваме ќе бидат реализирани заедно со нашите грчки колеги од таа страна. Од европски фондови за оваа година добиваме 750 илјади евра, а идеја е да развиеме производство на суптропски растенија: калинки, зелена смоква, маслинки...
„Ова не е идеја, вели Чабулев, имаме проекти за изградба на фабрика за смокви и за кондиторски производи каде што би се обработувала зелената смоква, која има специфична арома и многу е барана во светот“. Чабулев вели дека во изминатите
20-ина години „како да падна духот кај народот“, како што паѓаше и езерото од 1988 година кога нивото почна да се намалува. Дали поради грчка или хидролошка вина, не е битно. Луѓето едноставно изгубија интерес да прават бизнис овде.
Ни вели 176 хектари Општината се обиде да ги даде под концесија. „Ако ви кажам дека се пријавија многу малку - или четири или пет - нема да ве излажам“. Чабулев смета дека кај дојранчани мора да се гради свеста дека од оние не толку многу туристи што доаѓаат, сепак, треба да се пријавува и да се плаќа туристичката такса од која локалната самоуправа ќе гради тротоар, пат, улица, ќе засади дрво, ќе направи канализација. Има интерес, а во новата населба „Карачо“ на влезот на Стар Дојран, повеќето од 47 плацови за индивидуални куќи се продадени предвреме. Дојран треба да сфати дека тоа се проекти што „треба ние сами да ги завршиме“.
Пругата што ќе ја гради „Дојран стил“ ќе претставува уште еден коридор кон соседите од таа страна на границата, бидејќи, вели Чабулев, добил лично уверување од газдите на фабриката дека тие ќе инвестираат во пругата, а придружната инфраструктура лево и десно од пругата ја остава на Општината, на бизнисмените од Дојран, и на сите оние што мислат дека можат краткорочно да вложат и долгорочно да профитираат од Дојран кој ќе престане да биде езеро на крајот од државата.
Значењето на „Фук-так“
Чекаме прием и кај градоначалникот на Дојран, Глигор Чабулев. Заедно со колегата фоторепортер седиме во едно од најкултните места во Дојран, кафеаната „Фуктак“. Говориме гласно, се преиспитување околу проблемот со пругата. Ни приоѓа келнер и вели: „Дојран имаше пруга уште во 1884 година“. Шокирани сме, а тој не' повикува да го видиме муралот на ѕидот од кафеаната. Во наивен стил нацртано е нешто како воз, со некои вагончиња, со луѓе облечени во народна носија. До крајот на Првата светска војна Дојран се викаше Полин и има логика зошто таканаречениот Солунски фронт тргнувал од Битола и завршувал крај Дојранското Езеро. Таму можело со возови да се носи воена опрема и војници на боиштетото.
Никола Поп Кочев има 21 година, но ја знае приказната дека низ Дојран пред речиси еден и пол век врвела тесколинејка, а дека газдата на кафеаната, извесен Мито, го крстил објектот според ономатопејата на звукот што го прави воз кога поминува по шините - „Фуктак“. Неговиот внук Мито, кој сега ја држи кафеаната немавме прилика да го видиме, но Никола вели дека дојранчани, млади и стари, со завист гледаат од таа страна на Езерото каде поминува воз.
http://www.utrinski.com.mk/?ItemID=A8EF7DDBD69CFA439160875AD8AC12E8 |
|
|
|
|
BOJAN
Senior Member
Joined: 09-Sep-2008
Location: SKOPJE
Online Status: Offline
Posts: 3438
|
Quote Reply
#136 Posted: 29-Sep-2010 at 21:39 |
Пари за реконструкција или купување на нови локомотиви или патнички гарнитури не се најавени. Директорот на МЖ-Транспорт изјави дека се потребни нови гарнитури, но додека се аплицира за финансиски средства, па ако се одобрат пари тогаш да се распише тендерска процедура долга сигурно повеќе од половина година па испорака на гарнитурите сигурно 1 и пол... тоа значи дека ако утре се решиме да купуваме гарнитури ќе биде потребно барем две години да пристигнат во земјава  !
|
|
Cloverstack
Admin Group
Joined: 01-Sep-2007
Location: Скопје
Online Status: Offline
Posts: 12453
|
Quote Reply
#137 Posted: 29-Sep-2010 at 14:56 |
Само за Србија. Според досегашните објави, во делот со финансиите што се однесуваат на Македонија, оние 17,6 милиони од ЕБОР се строго за коридорот 10, а оние 11 милиони од ЕУ се строго за линијата Битола - Кременица. Ние тоа што досега подновивме од возниот парк мислам дека беше од заем од светска банка. За да продолжиме со подновување очигледно ќе треба да продолжиме и со задолжување, бидејќи нашите сопствени средства завршуваат секаде, само не онаму каде што најмногу требаат и каде што инвестицијата би била навистина продуктивна - во инфраструктурата.
Edited by Cloverstack - 29-Sep-2010 at 14:58
|
|
Andrej_LJ
Senior Member
Joined: 20-Oct-2008
Location: Ljubljana
Online Status: Offline
Posts: 2954
|
Quote Reply
#138 Posted: 29-Sep-2010 at 14:50 |
|
Дали ние со дел од заемот ќе купуваме нови шински возила, или таа дел од веста се однесува само за Србија? Мислам дека очајно ни требаат нови ЕМУ/ДМУ гарнитури, како и патнички и товарни вагони.
|
|
"Тaм, където глупостта е образец, разумът е безумие." Гьоте
|
|
build.mk
Senior Member
Joined: 13-May-2010
Online Status: Offline
Posts: 216
|
Quote Reply
#139 Posted: 29-Sep-2010 at 14:34 |
Реконструкција на Коридорот 10 со европски париЖелезничкиот
дел од Коридор 10 ќе се реконструира со средства од Европската банка за
обнова и развој (ЕБОР). Во ист ден, на 15 септември 2010 година,
Собранието на Република Македонија го изгласа заемот од 17,6 милиони евра од ЕБОР,
а во Белград се потпиша договорот за заем на 100 милиони евра за
купување на нови локомотиви и реконструкција на неколку делници од
Коридорот 10.
Главниот услов за заем на ЕБОР кон Македонија и Србија е да се
реконструираат најкритичните делници од Коридорот 10. Вкупниот заем кон
двете држави изнесува 52,6 милиони евра со што ќе се реконструираат 165
километри од железничкиот Коридор 10. Во Македонија е планирано да се
реконструираат делниците Табановце – Куманово, Миравци – Смоквица,
Згрополци – Градско и Градско – Неготино со вкупна должина од 53
километри со цел да се подигне брзината на движење на 100 километри на
час. Во Србија е планирано да се реконструираат делниците Сопот –
Ковачевац, Винарци – Џорџево, Мала Крсна – Велика Плана, Бујановац –
Букаревац, Врањска Бања – Ристовац, Степојевац – Вреоци – Лазаревац и
Голубинци – Рума во вкупна должина од 112 километри.
Рокот
за завршување на реконструкцијата е 1 мај 2014 година, а отплатата на
заемот ќе се врши во период од 15 години со 3 години грејс-период.
Главната цел за доделување на кредитите е подобрување на железничката
инфраструктура и зголемување на брзините на Коридор 10.
Покрај овој заем од Европската банка за обнова и развој, Македонија и
Србија добија и други средства за реконструкција на делници од
Коридорот 10. На Коридор 10 d, до 2014 година е планирано да се реконструира и делницата Битола – Кременица за железнички сообраќај со брзина од 100 километри на час со околу 11 милиони евра од фондови на ЕУ.
Во Србија во тек е искористување на кредитот од Европската
инвестициона банка од 80 милиони евра за модернизација на 93 километри
од Коридорот 10, меѓу кои и делницата Гиље – Параќин на пругата Белград –
Ниш. За неколку месеци ќе започне модернизацијата и електрификацијата
на пругата Ниш – Димитровград, за што Чешката експортна банка и одобри
на Србија заем од 120 милиони евра.
Коридорот 10 е еден од паневропските коридори на Средна и Источна
Европа. Започнува во Салзбург а завршува во Солун и има четири
дополнителни краци од Грац до Загреб, од Будимпешта до Белград, од Ниш
до Истанбул и од Велес до Игуменица. Коридорот 10 ги поврзува државите
Австрија, Словенија, Хрватска, Србија, Македонија и Грција.
Бојан Блажевски
|
http://www.build.com.mk/?p=5041
|
|
Vladimir P
Senior Member
Joined: 06-Apr-2008
Location: Скопје
Online Status: Offline
Posts: 3304
|
Quote Reply
#140 Posted: 18-Sep-2010 at 10:04 |
Пред 40-сетина години со тај развој на железницата, експесниот воз 290 од Скопје кој тргнуваше во 23:04 во Белград пристигаше во 07:06, по него можеше точно да го подесиш својот сат. 
|
|
|
|
