Повратна Скопје-Гевгелија (~400 денари), имаш 30 минути таму повеќе од доволно да се купи карта, повратна Гевгелија - Солун (~550 денари), ете ти повратна за 15 евра. Секогаш ми заштедувало пари.

Бизнисмени и туристи први за Солун

Цената на билетот во еден правец е 756 денари (12,2 евра), а повратните билети што ги купивме за еднодневното патување до Солун нѐ чинеа 1.220 денари (19,50 евра). На станицата дознавме дека оваа цена е со 30 отсто попуст и дека ќе важи за време на промотивниот период до 10 јуни, а потоа ќе биде 1.520 денари

повеќе на: http://www.novamakedonija.com.mk/NewsDetal.asp?vest=51214826103&id=10&prilog=0&setIzdanie=23171

него мене ме мачи што е со ценава .... од каде тоа сега дека цената била со 30 посто попуст па ќе се менувала цената ???

Денеска и официјално од Белград тргна возот „Хелас експрес“ на релација Белград-Скопје-Солун-Белград. Први фотки може да видите од српскиот форум Railserbia.net. Возот сабајлево ќе биде во Скопје. Првиот воз се состои од еден македонски кушет вагон, еден македонски патнички вагон и еден српски патнички вагон. Во Солун ќе биде додаден и еден грчки патнички вагон, преку лето ќе сообраќа и вагон за превоз на автомобили, а во возниот ред се предвидени и спални вагони на релација Скопје-Белград и Белград-Солун ако има интерес од патниците. Нека е со среќа!

Originally posted by daci92 Смешно Скопје - Солун 6 часа...

Имаш автобуси ако не ти одговара со воз...

5 часа ce ; )

Инаку, возниот ред на релација Скопје-Гевгелија си останува ист како и досега, ама на релација Гевгелија-Скопје вечерниот патнички воз сега поаѓа во 18:50 часот.

Edited by BOJAN - 06-May-2014 at 09:39

Од 10-05-2014 повторно во сообраќај редовен воз на релација Белград-Скопје-Солун и обратно

Originally posted by zookisk Патничкиот воз 642 Битола – Скопје во недела ќе тргне еден час порано Патничкиот воз 642, кој сообраќа на релацијата Битола – Скопје в недела на 09-03-2014 место во 12.45 часот од железничката станица Битола ќе тргне во 11.35 часот. - Поместувањето на возното време е поради сообраќајни причини. Се работи за еднократно поместување на возното време на патничкиот воз 642. Другите патничките возови од Битола кон Скопје и обратно остануваат непроменети, информира МЖ Транспорт АД–Скопје

Спортско - навивачки причини
На влезот на Прилеп...


Edited by Тркало - 12-Mar-2014 at 02:36

Возовите на релација Скопје-Солун ќе се вратат во сообраќај од крајот на април годинава. Во завршна фаза се договорите меѓу железниците на Србија, Македонија и Грција. Конечниот договор ќе падне на крајот на март во Атина, пишуваат српските медиуми. Конечно добри вести!

Пролетва повторно воз Солун - Скопје?

Паралелно со патничкиот воз, се' поизвесно е дека ќе почне и редовна линија на комерцијални товарни возови од Солун до Скопје

Од нашиот дописник
Миркица Поповиќ


Атина – Укинатиот воз Солун - Скопје може да се врати во живот оваа пролет. Според информации на „Утрински“, македонските и грчките железници се во преговори за враќање на линијата Солун – Идомени - Скопје, која потоа би продолжила кон Белград. Доколку успешно се завршат преговорите, се очекува првиот воз од Солун за Скопје да свирне некаде околу Велигден. Идејата во Грција е дека сакаат повторно да имаат патнички воз кој ќе ги поврзува со западна Европа, да им се овозможи на младите кои патуваат со Интерреил да имаат одново пристап до Грција, а возот секако би им служел и на патниците од Скопје до Солун, кои ќе имаат железничка поврзаност со Грција.


Оваа линија заедно со другите две меѓународни линии од Солун до Софија и Истанбул, беше укината во почетокот на 2011 поради финансиски проблеми на компанијата и неисплатливост.

Во овој момент се разговара возот од Солун до Скопје да патува два до три пати неделно. Откако ќе се пушти, ќе се проверува колкава е заинтересираноста и според тоа или ќе се интензивира или ќе се намали бројот на возови. Изминатата летна сезона имаше викенд-воз од Солун до Скопје, за која имаше голем интерес и добра искористеност од македонска страна.

Пресметките се дека трошоците на грчката железница ќе бидат околу 2.000 евра за секое патување на возот од Солун до Скопје (трошоците за возот Солун-Атина се околу 300 евра). Поради тоа постои интерес возот да има што повеќе патници, па дури и со нешто поевтин билет. Во секој случај, според информациите и проценките, доколку линијата повторно се пушти, нема да има план за нејзино повторно укинување. Цената на билетите се' уште не е позната, но генералната политика на грчките железници е да обезбедат билет кој би бил поевтин од автобускиот превоз. За сега од Скопје до Солун има само автобуски превоз, а цените се движат од 1.500 до 1.800 денари за повратен билет.

Паралелно со патничкиот воз, се' поизвесно е дека ќе започне и редовна линија на комерцијални товарни возови од Солун до Скопје. Ако до сега возовите сообраќаат само по потреба, кога има стока за пренос, планот е некаде од март да има редовно по два комерцијални воза неделно кои ќе пренесуваат стоки од Солун и пристаништето до Скопје.

Покрај линијата Солун - Скопје на која работат двете страни, од македонска страна се вршат подготовки за реконструирање на пругата од Битола кон Грција. Македонското Министерство за транспорт и врски неодамна најави дека во текот на 2014 би започнале работите за реконструирање на пругата од Битола до Кременица, кои се очекува да се завршат за две години. При реконструкцијата се планира да се пушти крак и кон индустриската зона „Жабени“, што би можело да отвори шанси за евентуално поврзување и со комерцијален товарен воз од Битола кон Грција за пренос на стоки, извоз и увоз, бидејќи во индустриската зона веќе има грчки инвеститори.

Според информациите на „Утрински“, кај грчката страна би имало расположение да се продолжи линијата Солун - Лерин и да оди до Битола. Коментарите од грчка страна се дека доколку навистина се реконструира во догледно време оваа железничка линија не се гледа пречка зошто не би се продолжила линијата која веќе постои од Солун од Лерин и до Битола. Работите во оваа насока се олеснети со повторното враќање на возот Солун - Лерин, кој беше укинат исто така во јануари 2011 заедно со уште голем број домашни и сите меѓународни железнички линии поради финансиски проблеми на грчките железници. Линијата Солун - Лерин беше вратена во живот на крајот на октомври 2012 година, по 22 месеци прекин. Според новиот распоред, воз од Солун до Лерин има три пати дневно, секој ден.

Жители на Лерин позитивно гледаат на еден ваков потенцијален развој на железничкиот сообраќај. Првичните коментари се дека оваа линија најдобро би била искористена за комерцијални товарни возови за да се подобри економската размена. Во однос на патнички воз, коментираат дека можеби повеќе би им служел на туристи кои патуваат кон Грција, за да избегнат плаќање патарини, отколку на Грците. Покрај ова, се смета дека покрај железничката линија, општините Битола и Лерин можеби треба да размислат за искористување на фондовите за прекугранична соработка за проект за автобуска линија Битола - Лерин. (М.П.)

http://www.utrinski.mk/?ItemID=6A2F32F3F3E9B54281D99BD6B0867AC3