Интернет и телекомуникации

-Со помош на звучниот сигнал, кој има за цел да го информира претплатникот дека бираниот број е пренесен и можеби остварува поскап разговор, крајниот корисник ќе биде максимално заштитен од превисоки сметки - информираат од АЕК

Незнам дали е попаметно да донесат регулатива со која ќе се утврди единствена цена за разговори помеѓу мрежи. Незнам дали е ова законски можно, но секако е поелегантно решение од „звучен сигнал“.

Edited by tonikostov - 29-Aug-2011 at 09:00

ФИНИШИРААТ ПОДГОТОВКИТЕ НА ХОЛАНДСКИОТ ВИРТУЕЛЕН ОПЕРАТОР

За еден месец WTI Macedonia почнува со фиксна и интернет

Од компанијата информираат дека во финална фаза е тестирањето на техничките системи и решенија, како и потпишувањето на договори за меѓусебно поврзување со домашните оператори. Со мобилна телефонија WTI Macedonia ќе почне веќе од септември откако ќе потпише договор со национален роаминг партнер

Виртуелниот оператор Ворлд Телеконект Интернешнел Македонија (WTI Macedonia) најавува дека кон средината на идниот месец ќе започне со нудење услуги во фиксната телефонија и интернет. Од компанијата информираат дека во финална фаза е тестирањето на техничките системи и решенија, како и потпишувањето на договори за меѓусебно поврзување (интерконекција) со домашните оператори. Со мобилна телефонија WTI Macedonia ќе почне веќе од септември оваа година, откако ќе потпише договор со национален роаминг партнер.
-Нашата стратегија е да обезбедиме иновативни и квалитетни услуги во секое време и секое место за нашите клиенти - вели за ВЕЧЕР, Гер Ротинк, новиот извршен директор на (WTI Macedonia) кој се очекува официјално да ја преземе функцијата во текот на следните 10 дена.
Како една од првите негови одлуки беше преиспитување на среднорочната стратегија со поголем фокус на воведување на водечките услуги во индустријата на услугите со додадена вредност на пазарот во Македонија, многу порано од планираното. Ротинк вели дека веднаш ќе побара итни средби со извршните директори на сите оператори во Македонија, за да се испита потенцијалот од можната соработка и воедно да ги финализира преговорите со избраниот национален роаминг партнер.

WTI Групацијата од Холандија на македонската јавност и се претстави кон крајот на ноември минатата година откако претходно доби нотификација за работа како виртуелен оператор во земјава. Од компанијата, која е глобален провајдер за конвенционални телефонски услуги и услуги базирани на Воип протокол, односно услуги кои овозможуваат поевтини интернационални разговори, тогаш најавија дека по неколку месеци ќе стартуваат со работа. Ротинг признава дека официјалното отпочнување на услугите на WTI Macedonia е малку одложено поради проширувањето на инвестиционата стратегија на ниво на целата групација.
- WTI и Boekhorn групациите се целосно посветени на македонскиот пазар и остануваме благодарни на извонредната поддршка и трпение на Владата на премиерот Никола Груевски, како и поддршката од тимот на Агенцијата за електронски комуникации и нејзиниот нов директор. Дијалогот со надлежните министерства и другите институции во Македонија, како што е УСАИД, дополнително придонесоа кон забрзување на нашата инвестициона стратегија и во текот на следните недели ќе ви откриеме уште најмалку два нови проекта во кои ќе инвестираме, а се комплементарни веќе постоечките активности во полето на телекомуникациите - вели Ротинк.

Во согласност со изјавите дадени за медиумите на крајот од минатата година од страна на Марсел Боекхорн, самоизградениот холандски милијардер кој е и главниот инвеститор во WTI Групацијата, други компании од групацијата на Боекхорн се очекува да влезат на македонскиот пазар во текот на следните неколку месеци со цел да се формира посилна поддршка кон тековните активности на WTI Macedonia.
-Драматичното зголемување на планираните инвестиции од страна на Боекхорн Групацијата ќе и овозможи на својата ќерка-компанија WTI Македонија, до крајот на годината покрај основните услуги за фиксната и мобилна телефонија, да преземе и главна улога во воведување на иновативни решенија во сегментот на услуги со додадена вредност.

Услугите на WTI Македонија и СИМ-картичките ќе функционираат исто како оние на постоечките оператори.
-Потрошувачите ќе добијат не само подобри цени, туку и услуги кои им се нив
порелевантни. Имаме намера да бидеме иновативен оператор и силно веруваме дека
нашето доаѓање на македонскиот пазар директно ќе влијае врз сите претплатници, а
не само врз оние кои ќе ги користат нашите услуги - велат од WTI.
Целна група на WTI ќе бидат фамилијарните корисници, како и оние кои многу често телефонираат во странство, посебно оние што се јавуваат кај свои роднини во дијаспората.

http://www.time.mk/read/495185b336/30b19d59d9/index.html

Ама кога пораките беа со јавување на оној бројот 1551 или 070 1551, како ли беше, и му се читаше текст на некој младич таму што ја внесуваше преку компјутер пораката. Ч беше 3/4, Ш беше £, и некои такви зафрканции. Ова 1994-1995, така нешто.

А дали некој се сеќава на времето кога смс беше бесплатен во Македонија?

Јас се сеќавам и памтам дека кога најавија дека ќе се плаќа, за инат пратив 30тина глупи и безврска пораки. Ама низ годините, ми ги наплатија и тие, и тоа дебело.

Добар глас надалеку се слуша

Од јуни поефтинуваат СМС пораките
05.05.2011 | Македонија | Извор: Макфакс
Намалување на малопродажната цена на СМС пораките од јуни, најавуваат од Агенцијата за електронски комуникации (АЕК), која неколку месеци води постапка за намалување на големопродажната цена која мобилните оператори ја плаќаат меѓусебно.

Од воведувањето на мобилната телефонија во Македонија, пред 15 години, цената на СМС пораките е непроменета при што од АЕК се надеваат дека од јуни со измените на големопродажната цена ќе дојде и до намалување на цената која ја плаќаат крајните потрошувачи.

„Постапката за донесување на големопродажна цена на СМС пораките ја започнавме пред неколку месеци. Согласно законските одредби целата постапка трае неколку месеци и очекуваме во јуни да заврши целата постапка со што големопродажната цена би се намалила затоа што нашата анализа покажа дека 15 години е истата цена“, изјави   Роберт Ордановски, директор на АЕК.

Со намалување на цената на СМС пораките ќе се зголеми обемот на користење на оваа услуга. Како што додаваат од АЕК, со оваа регулатива во Франција бројот на испратени пораки тројно пораснал.

Од Агенцијата информираат дека ќе има и промени во преносливоста на бројот, односно целата постапка да може да се заврши за еден ден. Од септември преку звучен сигнал ќе бидат информирани корисниците дека повиканиот број извршил промена на мобилниот оператор, а ќе се зголеми и грижата за правата на корисниците со што подетално ќе се разгледува содржината на претплатничките договори.

Агенцијата најави дека донесена е регулатива со која ќе се обезбеди универзална услуга која опфаќа целосен телефонски именик, како и услуги за лицата со посебни потреби.

Со универзалната услуга граѓаните ќе добијат пристап до телефонски именик преку кој ќе можат да дојдат до информации за претплатничките броеви и на мобилните оператори.

Брендот Т обезбеди бесплатен хотспот интернет Македонски телеком и Т мобиле Македонија од вчера преку нивната хотспот мрежа обезбедуваат безжичен бесплатен пристап за сите корисници на интернет во Македонија кои ќе се најдат на над 300 локации низ државава. На овие локации корисниците на која било мрежа ќе можат лесно, едноставно и бесплатно преку Wi-Fi да се поврзат на најдобриот и најбрз интернет на нивните омилени места, како: кафулиња, ресторани, хотели, плажи, трговски центри, такси-возила, а и во новите автобуси на ЈСП Скопје", од кои засега во 20 брендирани автобуси кои возат на најфреквентните линии во главниот град. Како што на вчерашната промоција на новата услуга посочија Жарко Луковски, главен извршен директор на Т мобиле Македонија и Матијас Ханел, директор за маркетинг во Македонски телеком, пристапот до интернет преку хотспот локациите на Телеком е промотивен, бесплатен, односно без дополнителна месечна претплата и неограничен за сите корисници без оглед на кој оператор му припаѓаат. Поврзувањето е многу едноставно, а обезбеден е трипати побрз интернет од просекот досега. Корисниците истовремено ќе можат да уживаат и во бесплатните локализирани мобилни апликации, како што се МаксТВ водич, Идивиди речник, Идивиди хороскоп и Златна книга. - Сето ова е во согласност со најавите на Телеком и Т мобиле за обезедување најбрз и иновативен интернет за своите корисници, според мотото Најбрзиот интернет каде и да си!", а по решенија, што ги нема во многу земји во светот и кои се изработени од нивните тимови. Тоа го потврди и истражувањето реализирано од повеќе специјализирани фирми меќу кои е и Електро-техничкиот факултет во Скопје, чии што експерти велат дека интернетот на овие две компании е убедливо најдобар, најстабилен и најбрз - изјави Луковски. Брендот Т подготви уште едно неверојатно и уникатно искуство за сите интернетски корисници во Македонија. На 7 мај првпат во Македонија граѓаните, независно дали се дома или во движење, ќе можат да го проследат првиот онлајн концерт во живо на Македонска филхармонија, на кој ќе бидат изведени познати македонски хитови. Сите оние кои сакаат да уживаат во ова досега невидено случување, единствено што треба да направат е да се поврзат на интернет и да пристапат на линкот: web.maxtv.mk. http://vecer.com.mk/?ItemID=D42D0D4EA38FDD48B45F21DA19D0A0B0

Edited by Mobile - 14-Apr-2011 at 13:38

Originally posted by axel Годинава ќе проработи четвртиот мобилен оператор

Нели требаше до 1ви април да почне ? Или кај нас се иде на дупло поголем временски рок

До каде е Дигитализацијата на предавателите на МТВ ?

Се што знам од медиумите за ТушМобил е дека Мирко Туш (сопственикот на целиот холдинг Туш) веќе подолг период го нуди на продажба но нема заинтересирани. За влез на македонскиот пазар не сум слушнал, но со оглед на тоа дека не им оди баш најдобро во Словенија, се сомневам во такви најави.