Споменик Филип II - Битола

На вчерашната седница опозицијата праша колку изнесува финансиската конструкција на Филип Втори.

-Заедно со пропратните облекти и инсталации, колкав дел од овие средства се исплатени на изведувачите, праша Златко Ќурчиевски, советник од СДСМ.

Градоначалникот рече дека процесот на изградба на споменикот и партерното не е се уште завршен, но ќе ги добијат информациите откако се ќе биде готово.

-Јас, штом завршиме со сите формалности и штом биде ставен во функција, ќе ви доставам каде, за што, колку сме трошеле, колку чини сето тоа, колку е од буџетот на општината и колку сме успеале по нешто да добиеме од другите места. Имаме и донатори кои донираа во материјали, работна рака, рече градоначалникот на Општина Битола, Владимир Талески.

Маја Богоевска
< ="" ="text/"> \n aktiel@tera.com.mk

На плоштадот Магнолија привршува изградбата на споменикот на Филип Втори, за чија изградба е донесена одлука од Советот на Општина Битола. Покрај споменикот, ќе има и ново партерно уредување околу него. Овој споменик останува и како обележје на градот за наредните генерации.

-Едноставно сакаме идниот период, се надевам дека и идните генерации ќе го прифатат тоа, сите поважни личности коишто живееле и дејствувале на овај простор да бидат одбележани. Ние сме сведоци дека дел од минатото, поблиското или подалечното, можеби имаа споменични обележја, но немаа сите периоди. За жал овој период беше многу запоставен, а ценејќи ја историјата и фактите знаете дека Филип Втори е всушност човекот кој ја изгради Хераклеја Линкестис. Советот и ние ценевме дека е добро на плоштадот да има еден споменик на кралот Филип Втори, кој што ќе укаже дека всушност не постои се од скоро, значи тоа е еден долг историски период кој што укажува на многу настани и случки, како што знаат многумина да кажат, на бурниот Балкан, изјави градоначалникот Владимир Талески.

Од неодамна постои активна преписка помеѓу битолчани на се повеќе популарниот facebook околу изградбата на споменикот на Филип Втори на плоштадот Магнолија. Формирана е гупа која се нарекува Не сакам споменик на Филип II Македонски на плоштад „Магнолија". Групата преку подолг текст на својата страница објаснува зошто не ја поддржува изградбата на споменикот. Меѓу другото истакнуваат дека изградбата на споменикот е недомаќинско трошење на парите на данокоплатците за политичко - пропагандни цели (наместо за подобрување на катастрофалната инфраструктура на градот) Споменикот не се вклопува во архитектурниот пејзаж на плоштадот и други коментари. Групата засега брои 258 членови, а дел од нив имаат и свои коментари околу изградбата на споменикот. Како реакција, се создаде една друга група која не се согласува со ваквиот став, која се вика Сакам споменик на Филип Втори Македонски на плоштадот Магнолија. На нивната страница истакнуваат дека оваа група е направена за сите кои гордо и со исправени глави можат да кажат кои сме, што сме и од каде сме. Гоце Делчев рекол дека МАКЕДОНИЈА не страда од грци, бугари и срби, туку МАКЕДОНИЈА страда од самите Македонци. Групата е многу побројна, засега има 1504 членови и апсолутно ја поддржуваат иницијативата за изградба на овој споменик како дел од историјата на Македонија. И од општината пред се ја истакнуваат историската важност за поставувањето на Филип Втори.

-Град од околу 100.000 жители како што е Битола, по примерите на светските метрополи и град со најголемо, исклучително големо културно историско богатство, треба да има некаде во јадрото во центарот на градот еден споменик коњаник. Зкачи ако одлуката е за Филип Втори, мислам дека тоа е еден прекрасен пример како треба да се почитува историјата и како треба да се даде почит кон исклучителни личности кои што со своето дејствување во овој простор оставиле силен печат, вели Талески.

Наскоро со привршувањето на работите, битолчани ќе можат да го видат и споменикот и неговото опкружување во вистинското издание.