Исцртување-мапирање на МКД во google/maps

Originally posted by krale Џ си е добро dj (иако има и варијанти dzh или dz). Ѓ се транскриптува gj. Проблемот е што кај нас во пасоши S го транскриптуваат dz.

Ова неможе да биде добро бидеќи само кај нас овој звук се транскриптува така. Уште почудно е што никогаш порано така не се транскриптувало, нити во македонскиот нити во другите словенски јазици. Јас мислам дека звукот/нашата буква Џ најсоодветно е претставена со двата знака Д и Ж, како и во српскиот, бугарскиот, хрватскиот јазик. По таа анологија, ако ж е zh, џ би морало да биде dzh и никако поинаку. Звукот Ѓ пак е соодветен со Đ или dj, па и тука сме уникатни, но барем тука има некаква логига поради различното изговарање на Ѓ и Đ (освен во Прилеп, Гостивар и Неготино).

Видете вака, поентата на романизацијата на било кој јазик е пишаниот збор да стане разбирлив и за тие што не го знаат писмото. Поентата е да биде некој поедноставен систем, кој колку може повеќе да соодветствува со оригиналното-изворно писмо. На пример на јапонски つ се романизира како tsu, кое не звучи толку како цу, колку како су. Исто и ち звучи повеќе на тьши, но сепак се романизира како chi а не како tshi. Има и други примери по светот. Ете во грчките документи ΓΙΑΝΝΗΣ ΧΡΥΣΟΣΤΟΜΟΣ ΚΩΝΣΤΑΝΤΙΝΙΔΗΣ на англиски би бил GIANNIS HRYSOSTOMOS KONSTANTINIDIS, а на Кипар би било YIANNIS CHRYSOSTOMOS CONSTANTINIDES (поради британското минато). Значи целта може некому му е транскрипцијата да биде што е можно полесно разбирлива за англофоните, но тоа важи за држави кои имаат потреба од тоа (како што имале Кипарците). Колку од вас знаат да читаат кинеска романизација (пинјин) нека кренат рака Системот е навистина комплициран. X во никој случај не е кс, туку е ~хс, с, сш. Q не е ќ, туку е ~ч. Така што како и да е, не мора да му ја мислиме многу како ќе читаат Американците, Скопџе или Скопје, важно е да биде на лесно разбирлив систем, систем кој што се учи брзо. Англофоните не знаат ни дека на италијански Vicenza е Виченца а не Вајс'нза.

Се согласуваме дека е важно да биде унифицирана романизацијата и да се користи истата во сите институции, но мислам дека веќе е прифатена на секаде оваа новата со sh, ch, zh, kj, gj, dz, dzh (или dj, немам видено).

Значи да сумирам, треба да биде систем со препознатливи симболи за странците, ама не мора да значи и дека мора да можат да го читаат од прва. Важно да не мора да учат уште нови симболи како Š и слично, туку од веќе постоечките да научат правила на читање.

Edited by гитардемон - 26-May-2011 at 16:44

Се сложувам за тоа да се оди со стандардна латиница. Само неможам да се сложам Струмица да се романизира како Strumitsa. Дали Скопје, за да не биде читано Скопџе, треба да се романизира како Skopye?

Јас не сум експерт за јазици, иако говорам и разбирам неколку, но ми смета неунифицираноста. Значи ако сме се одлучиле дека Ш=SH, Ж=ZH, Ќ=kj и слично, тоа треба да се озваничи во македонија, и од сега па натаму и на патокази, и на натписи на улици и на пасоши, таблици да стои така. Ми се чини дека имаме огромно шаренило кое само внесува конфузија како на пример ш=sh=š=s или џ=dž=dz=dzh. Друго што приметив а ме чуди доколку веќе романизацијата на македонската кирилица се базира на англискиот јазик, од каде па њ=nj или па ж=zh или џ=dzh??

Originally posted by phenomenon    Погледни ги населените места во: Србија,Чешка,Полска, Литванија. Гледаш дека тие си го чуваат своето писмо.

Извини, не сакам да бидам груб, те почитувам како член, меѓутоа кажа многу голема глупост. Најискрено, извини, веројатно не си лингвист, па не си запознат, меѓутоа тотална бесмислица кажа.

Ред со ред:

Како прво, Литванија, Чешка и Полска имаат официјално латинично писмо, па кај нив нема ни потреба од романизација. Може да има потреба од англизација за Google Earth, но на англиски топонимите за овие земји се прифатени како изворните имиња, и затоа сретнуваш „чудни букви“ во нивните имиња и на англиски.

Originally posted by phenomenon А ние, бидејќи сме најпаметни за Š ќе пишуваме SH, за Ž ќе пишуваме ZH итн, што според мене е идиотизам. Единствен јазик во Европа без дијакритички знаци се англискиот и холандскиот.

Холандскиот има дијакритици, тука е ë. И англискиот имал графеми како æ до скоро, а некои уште ја користат во научни изданија.

Originally posted by phenomenon Погледнете колку дијакритични знаци има чешкиот, францускиот, полскиот, виетнамскиот...

Тоа е така бидејќи имаат неверојатно комплицирани фонолошки табели. Знаеш колку звуци, колку начини на изговор на една буква има во тие јазици? Тоа не е случајот со македонскиот јазик.

Во пасошите порано не беше проблем да се пишува правилната латинска транскрипција на македонската азбука, кога имаше машини за пишување, а има проблем сега со компјутерите и стотици фонтови.

Не, тоа беше југословенска унифицирана политика.

Originally posted by phenomenon Еј, глупост, имаш ли граници? Имаш и грчко и грузиско и ерменско писмо и деванагари и хангул, кинеско, јапонско, арапско, хебрејско...

И најважното од сите за нас, КИРИЛИЦАТА! Не знам каде си видел транскрипција на грчки, ерменски, грузиски, хангул, катакана и хирагана со дијакритици (освен за должината на самогласките во последните две). Како може да се идентификувате со латиницата, никогаш нема да сфатам!

Жити сè која е таа правилна транскрипција на македонскиот? Српско-хрватските букви Š и Ž? Дали бугарската, руската, украинската и белоруската романизација ја имаат било која од овие букви во официјалната транскрипција? Знаеш ли која е воопшто поентата на романизацијата? Да биде разбирливо за тие што не го знаат изворното писмо! Од каде, и од кога, и зошто употребата на Š и Ž е чување на македонското писмо?

Навистина многу се разочарувам секогаш кога ќе дискутираме за употребата на кирилицата. Немам видено држава кој толку не се грижи за своето писмо. Со сето ова речено и извадено од мојот систем, се надевам ќе продолжиме малку посмирено...

Originally posted by phenomenon      Лично, јас не гледам никаква причина да пишувам SH, ZH, GJ, KJ. По таа логика и регистрацијата за Штип треба да е SH.

Не. Регистрацијата на Штип треба да е Ш.

Само што по некоја инерција од ЈУстандард, никогаш не се променила во МК.

Originally posted by phenomenon    Погледни ги населените места во: Србија,Чешка,Полска, Литванија. Гледаш дека тие си го чуваат своето писмо. А ние, бидејќи сме најпаметни за Š ќе пишуваме SH, за Ž ќе пишуваме ZH итн, што според мене е идиотизам. Единствен јазик во Европа без дијакритички знаци се англискиот и холандскиот. Погледнете колку дијакритични знаци има чешкиот, францускиот, полскиот, виетнамскиот... Во пасошите порано не беше проблем да се пишува правилната латинска транскрипција на македонската азбука, кога имаше машини за пишување, а има проблем сега со компјутерите и стотици фонтови. Еј, глупост, имаш ли граници? Имаш и грчко и грузиско и ерменско писмо и деванагари и хангул, кинеско, јапонско, арапско, хебрејско...    А ако се раководиш според пасошите, таму ќе ја откриеш и генијалната реченична конструкција "Улица Булевар Кочо Рацин" и сл.

Буквите во латиница што користат дијакритични знаци, не се македонски букви, туку српски/хрватски. Зошто да не користиме за Ч на пример со ченгеле надоле, а не нагоре? Зошто по српска, а не по турска транскрипција?

Значи македонскиот НЕМА латиница, па затоа се користи најблиската транскрипција на јазикот на којшто е битно да се знае - во случајов англискиот.

Погледни ги населените места во: Србија,Чешка,Полска, Литванија.
Гледаш дека тие си го чуваат своето писмо. А ние, бидејќи сме најпаметни за Š ќе пишуваме SH, за Ž ќе пишуваме ZH итн, што според мене е идиотизам. Единствен јазик во Европа без дијакритички знаци се англискиот и холандскиот. Погледнете колку дијакритични знаци има чешкиот, францускиот, полскиот, виетнамскиот...
Во пасошите порано не беше проблем да се пишува правилната латинска транскрипција на македонската азбука, кога имаше машини за пишување, а има проблем сега со компјутерите и стотици фонтови. Еј, глупост, имаш ли граници? Имаш и грчко и грузиско и ерменско писмо и деванагари и хангул, кинеско, јапонско, арапско, хебрејско...
   А ако се раководиш според пасошите, таму ќе ја откриеш и генијалната реченична конструкција "Улица Булевар Кочо Рацин" и сл.

Јас имам друго прашање за тебе, зошто македонската латиница е на второ место, а англискиот на трето?

Така за многу работи низ google maps се прикажува македонското кирилично име, па оддолу македонското латинично, наместо англиското име. На пример:

Црква „Пресвета Богородица“, и наместо да пишува под тоа Church "Holy Mother of God", пишува Crkva "Presveta Bogorodica". Кога одам во map editor да видам дали воопшто го има англиското име, го има, ама на трето место. Инаку google не ги прифаќа неанглиските букви за англиските имиња (барем досега ми рекле да ги сменам во англиско писмо), на пример Štip би ти рекле да го промениш во Shtip. Не знам за Š, ама за Ç кога ги правев џамиите низ Битола имав проблем на англиски.

Originally posted by phenomenon     Дали мапирањето важи и за wikimapia.org, со оглед дека таму гледам помалку грешки во оденос на Google Earth? Па така на wikimapia.org, кумановските населени места Долно и Горно Којнаре се напишани правилно, а не како Долно и Горно Коњаре (неправилно) на Google Earth. Исто така салата Панко Брашнаров не е таа што е обележана (градската сала), туку таа сала се наоѓа во Карпош,веднаш до училиштето Магдалена Антова (источно, зградата со црвен кров). Исто така на Google Earth се јавуваат два топонима Тромеѓа. Тој западниот не ја обележува Тромеѓа, туку ја обележува населбата Иго Тричковиќ, неофицијално позната како Пуковско. Официјалното име за населбата Бабин Дол е Јане Сандански. Ве молам, ако може некој од мапирачите да го исправи горенаведеното.

Google maps и Wikimapia.org се две различни работи, а многу работи се тотално погрешни посебно на Wikimapia.

Тие КОЈНАРИЊАТА, ја грешно сум ги пишал. Кажи како треба ќе дотераме.
Инаку на македонскава мапа се уште има погрешни имиња, до пред некое време покрај с. ГАРИ имаше GAIRE, покрај Миладиновци (Скопско) го пишуваше старото име Adzarlar.

Позз,