Sky City (Џеваир облакодери и трговски центар)

Да, има некаква збрка. Навистина неодамна имаше оглас за земјиштето (веќе беше објавен и порано, барем еднаш, ама очигледно неуспешно), баш со критериум за минимум еден објект, со минимум катност п+33. Ама портпаролката на општина Аеродром или нешто се збркала во објаснувањето на катноста, или лошо е пренесено во весникот.

Еве го најновиот ДУП за тој простор (има претрпено неколку претумбации во последниве години). Веста се однесува на издолжената парцела во средина. Поголемата парцела долу е онаа на „Чевахир“, а помалите три парцели погоре за ниски градби (п+3 и п+6).




Edited by Cloverstack - 18-Feb-2011 at 15:30

СЕ ПРОДАВА И ВТОРАТА ПАРЦЕЛА ЗА ВИСОКОКАТНИЦИ ВО АЕРОДРОМ
Облакодерите се уште се само на хартија

Роза Петкова


Уште четири облакодери ќе се градат на територијата на општина Аеродром, на просторот меѓу булеварите Трета македонска бригада и Србија, зад бензинската пумпа „Макоил“. Земјиштето се продава на оглас, кој неодамна го објави Министерството за транспорт и за врски, со почетна цена од 4.600 денари за еден квадратен метар. Во огласот се вели дека градежната парцела е со големина од 12.460 квадратни метри, од кои околу 7.000 квадрати се наменети за градба. Наведено е дека максималната височина е 500 метри, со приземје и со 124 ката, при што треба да се изгради најмалку една висококатница која што не може да биде пониска од 33 ката. Облакодерите се предвидени во деталниот урбанистички план „Индустриска зона“ и во периодот кога тој се носеше се спомнуваше дека ќе се градат стокатници, а сега во Општина Аеродром објаснуваат дека станува збор за четири висококатници чија вкупна висина треба да одговара на 124 ката.
- Тоа е втората парцела за четири висококатници, со максимална висина до 40 ката, со минимум 33 ката, а бројката од 124 ката се однесува на вкупната висина - вели Маја Манчевска, портпаролка во Општина Аеродром.
Заинтересираните инвеститори ќе се пријавуваат во Министерството до втори март, а јавното наддавање е закажано за деветти март. Избраната фирма ќе треба да изгради станбени згради, за кои претходно ќе уплати депозит од 5,7 милиони денари. Сепак, планот овозможува освен за семејно домување, кое треба да биде застапено до 60 отсто, објектите да имаат и друга намена, која не може да биде поголема од 40 отсто од градбата.
Лани, по неколку неуспешни обиди, Министерството ја продаде првата парцела од овој ДУП, наменета за облакодери, на турската компанија „Џеваир“. Во Општината велат дека инвеститорот во моментот го премерува и го испитува земјиштето и дека очекуваат набрзо да почне изградбата. Турската фирма на јавното наддавање лесно го купи земјиштето бидејќи даде само 100 денари повеќе од почетната цена, односно 4.700 денари за еден квадратен метар. Компанијата беше обврзана да склучи купопродажен договор, да извади градежна дозвола и изградбата да ја заврши најмногу за шест години.
Претставниците на компанијата тогаш најавија дека освен зградите ќе изградат и голем трговски центар. Тие соопштија дека компанијата „Џеваир“ е фирма со долгогодишна традиција, една од најуспешните компании во Турција која во изминатите децении има изградено неколку хотели во својата земја, во Либан и во Саудиска Арабија.

http://www.vreme.com.mk/DesktopDefault.aspx?tabindex=2&tabid=1&EditionID=2245&ArticleID=156572

Originally posted by Djole88 Трусното подрачје на Скопје, како и условите за изградба на потребната инфраструктура биле дел од главните причини од кои од „Џеваир“ не се одлучиле да изградат толку високи објекти.

Трусноста на Скопје за толку високи објекти нема многу влијание врз одлуката за изградба на вакви објекти. Во поглед на однесувањето на толку високи објекти на земјотрес може да се каже дека влијанието ќе биде многу мало што може воопшто да не се почувствуваат вибрации во објектот. Ова особено доаѓа до израз во региони како нашата земја каде што се очекуваат земјотреси од ударен тип (кратко траење на максималните амплитуди и брзо пригушување на осцилациите) при што најчесто страдаат пониските, покрути објекти со периоди на осцилирање блиски до периодите на побудата т.е. земјотресот. Ова впрочем е видено и во 1963 година кога повисоките објекти скоро и да не биле оштетени, а некои пониски биле срамнети.

Причината за неградење на вакви високи објекти би ја побарал на друго место, а секако има многу такви.

http://en.wikipedia.org/wiki/List_of_tallest_buildings_in_Europe ...  ete posiroko malce

Дали тоа ќе значи највисоките згради на Балнакот?

Каков е насловов, како да 40 ката им се малку... дали и толку ќе се изградат.

Скопскиот Менхетeн се урна од 100 ката на 40

Турскиот холдинг „Џеваир“ нема да ја искористи можноста за изградба на облакодери од 125 ката

Наместо стокатници во Аеродром, ќе се градат четири четириесеткатници. Турскиот холдинг „Џеваир“ од Истанбул, кој го купи плацот за изградба на стокатниците за 1,6 милиони евра, нема да ја искористи можноста да изгради облакодери високи до 125 ката. Откако од компанијата ги „снимиле“ условите на теренот, одлучиле да инвестираат во поскромни објекти, иако урбанистичкиот план предвидува изградба на таканаречен скопски Менхетeн. Се очекува изградбата да започне по новогодишните празници.

Градоначалникот Ивица Коневски вели дека Турците периодов обезбедуваат машини потребни за геомеханичко испитување на теренот, а истовремено се подготвуваат да ја почнат и процедурата за добивање градежна дозвола.

„Верувам дека целата постапка ќе заврши во скоро време, оти станува збор за навистина сериозна компанија со реноме, чиј влез во Аеродром ќе ја означи досега најголемата инвестиција од оваа сфера во нашата општина, но и во Скопје. Станува збор за проект вреден речиси 200 милиони евра, од кои општината ќе инкасира околу 1 милион евра само од комуналии“, вели Коневски.

Според градоначалникот, скопскиот Менхетн ќе го сочинуваат, генерално, станови, но и значителен дел деловни простории, а Турците планираат да градат и трговски центар. Зградите ќе имаат 40 ката, иако ДУП-от дозволува изградба на висококатници високи дури до 125 ката, но обврзува да не се пониски 33 ката.

Трусното подрачје на Скопје, како и условите за изградба на потребната инфраструктура биле дел од главните причини од кои од „Џеваир“ не се одлучиле да изградат толку високи објекти. Според нивните анализи и од досегашното искуство во градење, утврдиле дека просторот предвиден за градба, меѓу бензинската пумпа „Макоил“ и касарната „Гоце Делчев“ е идеален за четири четириесеткатници. „Снимањето“ на условите на теренот беше една од причините зошто веднаш по лицитацијата за земјиштето, од компанијата не кажаа што и колку планираат да градат. Ибраим Џеваир, сопственик на холдингот, единствено изјави оти е убеден дека тоа ќе бидат згради досега невидени во Скопје и во Македонија.

Инаку, компанијата „Џеваир“ во своето шеесетгодишно постоење има изградено неколку хотели со пет ѕвезди, фабрики и трговски центар во Истанбул, а свои објекти има и во Либан и во Саудиска Арабија. Влезот во Македонија го најавува токму преку општината Аеродром, регистрирани преку фирмата „Турк-Мак“.

Сопственици на наменското земјиште станаа по пат на лицитација на која за еден квадрат понудија 4.700 денари, што беше само за 100 денари повеќе од почетната утврдена цена. Земјиштето, практично, доби сопственик во вториот обид за отуѓување, и тоа по половина година откако прв пат беше понудено на лицитација, но тогаш немаше заинтересирана компанија што би инвестирала во досега невидениот проект за Скопје.

http://www.utrinski.com.mk/default.asp?ItemID=833C8387F960564DBDD91095A71F3F58

Edited by Djole88 - 23-Nov-2010 at 14:58

Зашто овие три згради не се изградија карши холидеј ин?? Уште една голема промашена работа на погрешна локација,

Јас типувам на 40+ катови

хехе , ама сепак почнале,ќе се градат трите кули умерено одеднаш, или една по една ?