Градинки

Нова градинка во Ѓорче Петров, ќе згрижува 120 деца Нова детска градинка со капацитет да згрижи 120 деца од предучилишна возраст беше отворена денеска во Општината Ѓорче Петров. Градинката „Кокиче“ е опремена по најсовремени стандарди и е клон на градинката Росица во оваа општина. – Новите детски градинки значат дека во одредени места во нашата држава има зголемена популација деца, а оттаму и зголемена потреба за згрижување во предучилишни установи. Ние сме свесни дека голем број дечиња се на листи на чекање и оти дел од постоечките градинки се со недоволен капацитет да ги примат сите деца. Од тие причини Владата во изминатите неколку години спроведува акциски план за реконструкција и отворање нови детски градинки на територија на цела Македонија. Како дел од тој план беше и преадаптацијата и изградбата на новата градинка Кокиче која денеска ја отвораме, истакна премиерот Емил Димитриев. Покрај оваа, рече, изминатите години Владата помогнала за изградба на градинката „Пампурче“ во Новоселски пат, а со општината работат и на проширување и преадаптација на градинката „Росица“ во училиштето „Мирче Ацев’ која наскоро ќе биде пуштена во употреба. – Ова е трета градинка во општина Ѓорче Петров која заедно ја отвораме во изминатите години. Нов објект кој ќе згрижи околу 120 деца од општината и ќе се реши проблем на 120 родители. Овде децата ќе имаат нови модерни современи услови по сите стандарди за згрижување деца од предучилишна возраст, истакна на отворањето на градинката дополнителниот заменик-министер за труд и социјална политика Диме Спасов. Отворањето на овие три нови градинки во Ѓорче Петров не е доволно, рече Спасов, додавајќи дека Владата и Министерството нема тука да застанат и оти ќе продолжат и натаму да инвестираат во изградба и опремување нови градиски објекти. Изградбата на една од градинките, посочи тој, е во завршна фаза и набрзо треба да биде пуштена во употреба, а во 2017 година се планира да започне и изградба на детската градинка во Волково, кога, како што рече, треба да започне и новиот проект за изградба на 140 нови детски градински. Проектот за изградба на 140 детски градинки во наредните четири години, како што истакна, целосно ќе го реши деценискиот проблем и запоставеноста во минатите години во деведесеттите години. Градинките ќе создадат нов капацитет за 18 илјади деца од предучилишна возраст и со тоа целосно ќе бидат намалени листите на чекање. Градоначалникот на општина Ѓорче Петров, Сокол Митровски информира дека новоизградената градинка „Кокиче“ е клон на градинката „Росица“. Општината, рече тој, изнајде решение со промена и комплетна адаптација на дел неискористен простор во основното училиште „Ѓорче Петров“ да ја зголеми сигурноста, да го осовремени просторот за згрижување на децата, но и да го прошири и зголеми капацитетот за згрижување на деца.

http://denesen.mk/web/?p=468457

Нова детска градинка во општина Јегуновце





фото: миа.мк

Темели за нова детска градинка во село Петровец. На фотографијата може да се види и зградата на италијанската болница чијашто изградба се чини дека е стопирана или паузирана.



фото: mia.mk

Нова детска градинка се гради во Пинтија



Започна изградбата на нова детска градинка во скопската населба Пинтија, општина Кисела Вода. Објектот ќе се простира на површина од 480 метри квадратни и ќе се состои од три занимални за прием на деца од предучилишна возраст и една занимална јасли. Градинката ќе може да прими од 80 до 90 дечиња, а општината за изградбата ќе вложи 19,5 милиони денари. На денешното поставување на камен – темелник присуствуваа министерот за труд и социјална политика Диме Спасов и градоначалникот на општина Кисела Вода Билјана Беличанец – Алексиќ. Свечениот старт на изградбата на детската градинка е во рамките на одбележувањето на 60-годишниот јубилеј на оваа скопска општина.

http://www.build.mk/?p=45128

Нова детска градинка во скопската општина Кисела Вода

Денеска беше пуштена во употреба првата детска градинка во скопската населба Припор. Новата градинка „Стапалче“, во рамки на Детската градинка „8 Март“, има капацитет да прими 75 дечиња и располага со две занимални, една повеќенаменска просторија и јасли наменети за најмалите дечиња.







На отворањето присуствуваа министерот за труд и социјална политика Диме Спасов и градоначалничката на општина Кисела Вода Билјана Беличанец – Алексиќ. „Министерството за труд и социјална политика ја обезбеди опремата целосно за овој објект додека општина Кисела Вода инвестираше во реконструкција, адаптација на целокупниот процес што е значителна инвестиција од страна на општината“ изјави министерот Спасов. Од општинскиот буџет на Кисела Вода за новата градинка „Стапалче“ беа одвоени 12,3 милиони денари. Со заедничка инвестиција, пред еден месец беше отворена градинка и во населбата Црниче. Од локалната самоуправа соопштуваат дека во наредниот период предвидуваат изградба на дополнителни две градинки.

Во согласност со четиригодишната програма за работа на Министерството за труд и социјална политика, во македонските општини треба да се изградат вкупно 40 градинки или по околу 10 вакви образовни установи во текот на една година.

http://www.build.mk/?p=42682

Бакрачески и министерот Спасов свечено ја отворија детската градинка во Велгошти
     
22.10.2013 | 16:26
Извор: Нетпрес




Градоначалникот на општина Охрид, Никола Бакрачески, и министерот за труд и социјална политика, Диме Спасов, денеска свечено ја отворија детската градинка во други просторни услови во Основното Училиште "Живко Чинго" во село Велгошти.
Просторот со површина од 200 метри квадратни што е во рамки на Детската градинка „Јасна Ристеска“ располага со две занимални, дистрибутивна кујна и два тоалети.

„Иницијативата за отворање на ваков објект е на жителите на Велгошти“, рече градоначалникот Никола Бакрачески, кој потенцира дека ова е само уште еден доказ дека Локалната Самоуправа посветено ќе работи на сите оние ветувања кои што во минатиов период ги даде на жителите на ова село.

„Ќе продолжиме и понатака со реконструкција и адаптација на градинките во Охрид не само на овие две. Најавувам дека во текот на оваа и наредната година ќе работиме на подобрување на условите во градинките и во школите во Охрид, што подразбира реконструкција и адаптација на просторните услови и на реквизитите за сместување на децата од пред школска возраст“, рече Бакрачески.

Министерот за труд и социјала, Диме Спасов нагласи дека со оваа градинка дополнително се зголемува капацитетот за сместување, згрижување и воспитување на децата од предучилишна возраст во општина Охрид.

„Охрид е вистински пример на општина која работи на подобрување и унапредување на постоечките капацитети. Оваа градинка треба да придонесе во демографскиот раст и развој на наталитетот во општината“, рече Спасов.

Директорката на градинката, Розе Костеска, рече дека станува збор за хетерогена група, која ќе работи со деца на возраст од две до шест години. На почеток запишаните 35 дечиња ќе бидат сместени во една занимална, но доколку се зголеми бројот ќе функционира и втората занимална.

„Со ова им се овозможува на децата организирано образование, воспитување и згрижување, кога ќе почнат со училиште ќе имаат поголеми стекнати вештини и навики за учење“, рече Костеска.

Пред две недели градоначалникот Бакрачески и министерот Спасов ја ставија во употреба градинката во посебни просторни услови во село Лескоец.

http://tocka.com.mk/1/108772/bakraceski-i-ministerot-spasov-sveceno-ja-otvorija-detskata-gradinka-vo-velgosti

ПС.Овде вероватно удел во проектот има и досегашниот градоначалник,па ако тие не го спомнаа,еве јас ќе додадам една реченица

Edited by gjoko - 22-Oct-2013 at 19:21

Премногу експлицитно за мој вкус.

Edited by totobobo - 13-May-2013 at 22:07

Не сакам да мрчам, ама некако кичесто ми изгледа фасадата, дури и за детска градинка...

Градинка „Вудро Вилсон“, Тетово



http://bit.ly/16veBZi

Нова градинка во ресенско Јанковец
Петок, 05 Април 2013 18:33

Министерот за труд и социјала Спиро Ристовски денеска во ресенското село Јанковец пушти во употреба нова детска градинка која ќе згрижува 20-тина деца.



пс,другиот текст го прескокнувам `од разбирливи `причини

Курир