Според возниот ред до Белград треба да се стигнува за околу 9 часа и 15 минути, додај на тоа некој саат каснење и го добиваш патот до Белград. Искрено со ноќниот воз тоа не е проблем бидејќи во Белград според возниот ред треба да стигнеш во 5:40 часот, ќе може да си поспиеш ако касни, но ако треба да фатиш друг утрински воз од Белград...

Сепак, на овие маки ќе дојде крајот со рехабилитацијата на значаен дел од пругата Скопје-Белград, барем ќе нема спори возења од 20 до 50км/ч.

11 Sati do Belgrad so voz koja glupost e toa, pa da trcas do tamu e po blisku.

СОБРАНИЕТО ОДЛУЧИ
Ќе се позајмува за железничкиот сообраќај

Собранието даде зелено светло за заем кај Европската банка за обнова и за развој за Проектот за подобрување на железничкиот Коридор 10.
Со заемот се обезбедуваат 17, 6 милиони евра за реализација на проектот, што ќе го имплементира Министерството за транспорт и за врски кое дополнително, во рамки на својот буџет, треба да обезбеди средства за намирување на обврските по основа на ДДВ. Рокот на отплата е 15 години и грејс-период од три години. Каматната стапка е варијабилна со шестмесечен еулибор, зголемен за маргина од еден процент на годишно ниво. Заемот ќе се повлекува во транши, а минималниот износ на секоја транша изнесува 250 илјади евра.
Проектот за подобрување на железничкиот Коридор 10 опфаќа реконструкција на 53 километри од пругата, при што се опфатени делниците Табановце – Куманово, Миравци – Смоквица, Згроболци – Градско и Градско – Неготино.
Целта е да се подобри состојбата на железничката пруга од овој Коридор и да се намалат трошоците за нејзино одржување.

http://www.vreme.com.mk/DesktopDefault.aspx?tabindex=0&tabid=1&ArticleID=148265&EditionID=2119

Originally posted by Danielbtmk Ова е во Македонија?!

Да, поточно овде:
41°59'27.66"N  21°31'25.76"E


Сликано е точно на границата помеѓу „новата“ и  „старата“ пруга, во правец кон исток се разбира (и на гугл земја се познава преодот од старо кон ново, веднаш после свртницата)

Еве имаме регистрирано за потфатот:
http://www.build.com.mk/forum/forum_posts.asp?TID=476&PID=10144#10144

Ова е во Македонија?!

Владимир, навистина е така, има доста ограничувања на брзината, но можеби со модернизацијата на овие делници треба да се врати максималната планирана брзина на пругата-120 километри на час.
Впрочем, и самото Министерство за транспорт и врски во својот петтогодишен план за работа предвидува зголемување на брзината на пругата на Коридор 10 на 120 километри на час до 2011 година.  

Или министерот Јанакиевски лаже или документите на Македонски железници се неточни.
Во извадокот за брзините на движење од  „Објава на мрежа за 2010 година“ на МЖ стои дека брзината помеѓу Табановци и Куманово е 100 километри на час, а истото се однесува  и за Миравци-Смоквица, Градско-Неготино, а единствено на делницата Згрополци-Градско брзината е ограничена на 80, т.е. 85 километри на час.

Се поставува прашањето кој од овие два извора лаже, министерот кој неточно е информиран за постоечката состојба или МЖ која ги надувава брзините во своите изданија за клиентите?

Доколку брзините се навистина како оние од Објавата на мрежа, тогаш со модернизацијата на овие делници би било добро да се зголеми брзината барем на 120 километри на час.

Македонија со заем од Европската банка за обнова и развој ќе ја реконструира железничката пруга од Табановце до Гевгелија, која е дел од Коридорот 10. Заемот во износ од 17,6 милиони евра го одобри Бo... Види повеќердот на директори на Банката на 6-ти овој месец.
Како што соопштија вицепремиерот и министер за финансии Зоран Ставрески и министерот за транспорт и врски Миле Јанакиески на заедничка прес-конференција, ќе се реконструираат четири делници од железничката пруга во должина од 53 километри.
Според нив, тоа ќе придонесе за подобрување на состојбата на железничката пруга на Коридорот 10, намалување на трошоците за нејзино одржување и обезбедување сигурен сообраќај на овие делници, како и зголемувње на брзината на движење на возовите за 30 до 40 километри на час.
Министерот Јанакиески појасни дека ќе се реконструираат делниците Табановце-Куманово во должина од 13 километри, Миравци-Смоквица во должина од 13 километри, Згрополци (Ногаевци)-Градско во должина од девет километри и Градско-Неготино во должина од 21 километар. Градежните работи ќе почнат во 2011 година, а треба да завршат до 2013 година.
- На овие делници во моментот брзината на движење на возовите е меѓу 50 и 60 километри, а по реконструкцијата таа ќе достигне до 100 километри, истакна Јанакиески.
Според минитерот за финансии Ставрески, последниот ремонт на овие делници, чиј кумулиран поминат товар е проценет на 230 милиони бруто тони, е извршен пред повеќе од 40 години. Пругата има големо значење и за економскиот развој бидејќи најголемиот дел дури 90 проценти од транспортот на стоките се одвива преку овој Коридор.
Инвестицијата, како што рече Ставрески, ќе претставува значаен проект за подобрување на инфраструктурата, како и за конкурентноста на економијата.
- Одобрувањето на овој заем од страна на ЕБОР претставува уште една потрврда за силната поддршка која ја дава оваа меѓународна финансиска институција на политиките и реформите кои во континуитет ги спроведува Владата на Република Македонија, изјави министерот за финансии.
Заемот што го одобри ЕБОР е со рок на отплата од 15 години, со грејс период од три години и каматна стапка од два процента.
Ставрески и Јанакиески на денешната прес-конференција информираа дека конкретно се работи и на реализација на проектот за изградба на железничката пруга од Коридорот 8 кон Бугарија, која се очекува да продолжи да се гради наредната година, за што, според проценките, се потребни 400 милиони евра.
ЕБОР обезбеди грант средства во износ од 1.200.000 евра како техничка помош за имплементација и и супевизија на проектот, а од овие средства 500.000 евра ќе бидат наменети за изработка на физибилити студија и студија за влијанието врз животната средина. Активностите околу изработка на овие струдии треба да завршат до средина на 2011 година, по што ќе следи и обезбедување на неопходните финансиски средства за затворање на финансиската конструкција, за што досега ЕБОР и Европската инвестициска банка покажаа интерес за финансирање.

Извор: МИА

Еве една слика на железничкото стојалиште Брвеница кое е на самиот премин м под надвозникот.

Возот точно застанува на прелазот на овие два пата а од надвозникот може да се фрли-падне свашта.



Вакви примери можам над 40-тина да наведам и постирам

Edited by Vladimir P - 06-Jun-2010 at 19:15

Clov, одлично ...