Моделарство, макетарство и колекционерство

Ова е последниот дел, два патнички вагони од Walthers, малку поретки и по скапи вагони. "Шарите" се од првата фаза на Amtrak, од периодот 1975-77ма, и се "вагон ресторан" - за тоа се празните делови без прозорци на средината на вагонот.

Комплетот вклучува и мала доработка, дел од тоа се овие држачи за раце до вратите, кои се ужасно "терсене"  за местење а потоа треба и да се обојат (црни беа).

 Деталите се убави, со бројки на вагоните и опис "Food service car" над секоја врата, како и отвори за вентилација, исто како на оригиналните модели.

 Вагоните се најдолгите што ги имам а и најдолги во HO размер. Споредено со FP-45 (најдолгата локомотива што ја имам) вагонот е подолг за 5цм

Слика од мојата Amtrak  композиција од периодот на `70тите со EMD F40PH, багаж вагон и двата ресторан вагони. Фалат уште неколку стандардни патнички вагони, но тоа понатаму.

Дел од вагоните што стасаа во пакетот, ова ми се најомилените цистерни:

Exxon Specialty products - една од најретките цистерни на Mehanotehnika и моја омилена, произведени во помала серија. Повеќе ги има во Америка, немам видено на екс Ју просторите да се продава. И покрај долго барање оваа ми е втора во колекцијата.

Другата е 33.000 tank car производство на Atlas - мислам најдолга цистерна што се произведува во HO размер, доста ретка и многу скапа. Поради должината, на стандардни шини од Mehanotehnika помалку закочува на кривините.

 Оваа цистерна е во понудата на Mehanotehnika од средината на `60тите, но само во N размер. Инаку како модел во реалноста се произведува од почетокот '60тите. Има супер детали, како што пишува "Built 3-64"