Еве уште најдов.... 

Откако новиот објект на Министерството за надворешни работи ќе се пушти во употреба, а тоа се најавува за државниот празник 11 Октомври, во сегашното седиште на МНР привремено ќе се преселат вработените од Министерството за транспорт и врски. Преселбата на администрацијата е поради стартот на реконструкција на фасадата на зградата, која ќе се изведува во барокен стил. Проектот предвидува и надградба на уште два ката, како и комплетно реновирање на канцелариите во внатрешноста на објектот.
Новиот изглед на Министерството за транспорт и врски ќе чини околу 4,9 милиони евра, а градежните работи му се доверени на „Бетон".

http://www.plusinfo.mk/vest/56717/Baroknata-fasada-na-Transport-kje-gi-seli-vrabotenite-vo-MNR

Нови два ката и стилска фасада за Министерството за транспорт

Објектот ќе биде готов во 2013 година. Таму ќе се сместат и сите органи на Министерството

Деспина Трајковска

И зградата на Министерство за транспорт и врски ќе добие нова фасада, и тоа стилска. Обновата на надворешниот лик на објектот ќе биде, всушност, дел од неговата комплетна реконструкција, која ќе опфати и надградба за два ката. Се очекува зградата да го добие конечниот изглед следната година. Проектот предвидува објектот статички да се зајакне, да има главен влез на северната страна, два лифта кои ќе ги поврзуваат сите катови, голема сала за состаноци и презентации, како и пристап за лица со посебни потреби и противпожарни скали. Пред почнување на доградбата и обновата на фасадата, ќе се изврши неопходно зајакнување на постојната конструкција.
„Предвидено е целосно зајакнување на постојната конструкција и на сите столбови, односно столбовите во подрумскиот дел, на приземјето и катовите, а предната фасада да биде лоцирана пред постојните столбови. Пред почнувањето на градежните работи неопходно е изведување на подготвителни активности со оглед на фактот што станува збор за постар објект. Имено, во тек се активности за соодветно уредување на подземната инфраструктура, по што ќе биде изведено зацврстување на основата на објектот“, објаснуваат од Министерството за транспорт, кое просторот во подновениот објект ќе го дели со сите негови сектори и органи кои сега работат во други објекти.

Поточно, во зградата ќе се преселат Државниот инспекторат за градежништво и урбанизам, Државниот инспекторат за транспорт, Државниот комунален инспекторат и Агенцијата за сигурност во железничкиот систем.

Проектирано е објектот да има главен влез на северната страна, два лифта кои ќе ги поврзуваат сите катови, голема сала за состаноци и презентации, како и пристап за лица со посебни потреби и противпожарни скали.

Канцелариите на првите три ката ќе бидат наменети за општите служби на Министерството, на четвртиот и петтиот кат ќе се наоѓаат кабинетите за заменик-министерот и министерот, заедно со салите за состаноци. Покривот ќе биде рамен и организиран како покривна градина.

Објектот ќе го гради „Бетон“, кој има обврска во рок од една година од почетокот на реконструкција да заврши со реализација на целиот проект. За време на реконструкцијата, Министерството за транспорт и врски ќе биде привремено сместено на друга локација, која се' уште не е позната.

А кој кажа дека го копирале ЦУМ? Само споделив со вас дека прв објект од сосесдството на кој ми заличи е ЦУМ. Незнам што сте толку алергични на споредби, како да сте ЛСЛ и Хуго автори на проектов. Но добро, ми разоткривте дека Версај сте го имале во предвид и сега треба да ми е објектов посварлив за просечниот граѓанин и можеби да му се полесно сварливи потрошените 5 милиони евра? Па и во Шутка да отидеш ќе најдеш куќи со гипсани статуи на слободата. Да не зборам за хотел Амбасадор каде што од секаде е по нешто украдено.