НАЈ

Дубаи е еден од урбаните центри кои најбрзо се развиваат во историјата на човештвото. На својата територија постојат градби кои го носат епитетот “најголеми”, “највисоки”, “најскапи” на светот. Од мал пристанишен град се трансформираше со неизмерно богата метропола, а во продолжение Ви ги претставуваме десетте архитектонски чуда на Дубаи.

10. Emirates Towers

Ова е една од “најстарите” градби и првиот симбол на Дубаи како град кој сака да биде препознатлив. Се состои од две индивидуални структури. Во едната се наоѓаат канцелариски простирии, а во другата – хотел. Првата кула е повисока и според височината се наоѓа на дванаесеттото место во светот. Во хотелскиот дел собите чинат по 420 долари од ноќевање.    

9. Пристаништето во Дубаи

По завршувањето на градбата, ова ќе биде најголемото пристаниште изградено на светот. Иако е завршена само првата фаза од изградбата, според големината веќе го надминува пристаништето Del Ray во Калифорнија. Ќе се состои од преку 200 високи згради и комплекси, вклучувајќи ги и Dubai Internet City, Media City, како и американскиот универзитет.

8. Business Bay

Во срцето на градот се создава простор, за кој се очекува дека ќе биде финансискиот епицентар на Блискиот Исток, а подоцна и на светот. Се наоѓа во средишниот дел на комерцијалниот кварт, а во иднина ќе се состои од 230 згради и ќе претставува адекватен одговор на Manhattan, Tokyo и останатите деловни и финансиски центри.    

7. Mall of Arabia

Ќе претставува најголемиот трговски центар на светот, поголем дури и од оној во Dongguan во Кина. На две нивоа ќе се изградат објекти за забава и шопинг, потоа хотели на врвот, како и локации за спорт, но и најголемата Starbucks кафетерија.

6. Burj Al Arab

Препознатлив ширум светот по својот оригинален облик на едро, Burj Al Arab е највисокиот хотел на светот, изграден на вештачки остров во близина на крајбрежјето на Дубаи. Цените за користење на една соба во хотелот со седум ѕвезди чини од 1.000 долари па сè до 28.000 долари за кралскиот апартман. Дизајниран во форма на едро, тој претставува симбол на градот.     

5. Hydropolis

Првото луксузно одморалиште под вода наречено Hydropolis ќе се изгради недалеку од хотелот Burj Al Arab. Ќе се наоѓа на 20 метри под нивото на морето во Персискиот залив, а конструкцијата ќе се состои од челик, бетон и плексиглас. Ќе може да прими 2.200 гости, а неговата изградба ќе чини преку милијарда долари. Почетокот на изградбата на ова чудо многупати беше одложувано, така да постои можност да не се случи во ова столети, ако тоа и воопшто се случи.

4. The World Islands

Најголемиот светски архипелаг изграден од раката на човекот се наоѓа, а каде на друго место, освен во близина на крајбрежјето на Дубаи. Дизајниран на таков начин, да ја претставува мапата на светот со преку 300 посебни острови. Еден од најскапите проекти е предвиден за престој на жители кои се спремни да платат од 1 до 15 милиони долари за куќа на ова необично место. Се шпекулираше дека Brad Pitt и Angelina Jolie купиле остров на местото од Етиопија, но подоцна тоа беше дематирано.    

3. Dubailand

Моментално Walt Disney World на Флорида е најголемиот тематски парк на светот. Сепак, како стојат работите, Dubailand со два пати поголема површина од 2015 година ќе го превземе приматот од ова престижно место. Ќе има 45 “мега проекти” и 200 помали кое ќе чини неверојатни 6 милијарди долари.    

2. Острови во форма на палма

Најпрепознатливите острови се изградени исто така во Дубаи. Конструирањето на првата од трите предвидени палми започна во јули 2001 година, а првите жители почнаа да се вселуваат во јануари 2006 година. Останатите две пални, сеуште се во изградба. Магнатот за недвижности, Donald Trump во момнетов лично е ангажиран во изградбата на Palm Trump International Hotel и кулата на ова место.    

1. Burj Dubai

Врвот на достигнувањата на светските архитекти кои во Дубаи “си играат Господ” дефинитивно е најголемата кула на светот Burj Arab. Нејзиното завршување се очекува во средината на следната година, а со моменталната висина ја престигна и славната Taipei 101 во Тајван. Направена е од 330.000 кубни метри бетон, 39.000 кубни метри челик, а ќе ја покријат 142.000 квадратни метри стакло. Во неа ќе се наоѓаат 56 лифтови кои ќе се движат со брзина од 1,75 до 10 метри во секунда. За посетителите ќе биде отворен во септември 2009 година. Цената на квадратен метар канцелариски и станбен простор ќе направи да помислите дека Manhattan е џабе локација.

http://bluezone.com.mk/poveke.aspx?id=1634