Нов објект на Народна банка

ПО ПОТРОШЕНИ 15 МИЛИОНИ ЕВРА, ЌЕ СЕ РАСПИШУВА НОВ ТЕНДЕР ЗА ДОВРШУВАЊЕ НА БАРОКНАТА ЗГРАДА НА НАРОДНА БАНКА



Народна банка ќе распише нов тендер за довршување на барокната зграда која се наоѓа во центарот на Скопје, за која досега се потрошени 15 милиони евра. Повеќе од две години не се гради и зјае во фаза на карабина објектот кој е до зградата на Министерството за надворешни работи, а е дел од проектот „Скопје 2014“ на тогашната влада предводена од Никола Груевски.

Градежните работи кои се одвиваа со бавно темпо целосно прекинаа лани во јули, кога беше раскинат договорот со градежната фирма „Бетон“ поради непочитување на обврските. Сега, од Народна банка велат дека ќе распишат нов тендер за довршување на објектот.

„По раскинувањето на договорот за градба минатата година, Народната банка ги презеде сите неопходни чекори за заштита на имотот на банката, како и за утврдување на можностите за завршување на градбата во блиска иднина. Во моментот се врши неопходно прилагодување на проектната документација, коешто е дел од спроведена постапка за јавна набавка на проектантски услуги. По што ќе следи постапка за јавна набавка на нов изведувач на градежни работи, којшто треба да ја доврши градбата на објектот. Очекуваме во скоро време изградбата на новиот објект на Народната банка непречено да продолжи“, велат од Народна банка.

Новата зграда на Народна банка почна да се гради во 2016, како дел од проектот „Скопје 2014“. Според договорот склучен тогаш со „Бетон“, изградбата треба да чини 23 милиони евра. Досега, како што објаснуваат од Народна банка, изведени се над 60 отсто од градежните работи предвидени со основниот договор, односно на „Бетон“ му се исплатени 15 милиони евра.

Зградата треба да има осум ката, на врвот ќе има купола, барокна фасада, а на влезот антички столбови, какви што имаат сите згради од проектот „Скопје 2014“. Aвтори на идејното решение за изгледот на зградата се Никола Стакинов и Лазар Димов. Тие се автори и на идејните решенија за барокни фасади на Министерството за правда, „Пелагонија“ и зграда на АД ЕСМ.

https://sdk.mk/index.php/naslovna/po-potrosheni-15-milioni-evra-ke-se-raspishuva-nov-tender-za-dovrshuvane-na-baroknata-zgrada-na-narodna-banka/?fbclid=IwAR1cZ6STIXUICyxDzMgQYPdGsDkhzkSx7jlVmLs3ZulwJpCRYG7IIF_zO-A

ЗА НОВАТА ЗГРАДА НА НАРОДНА БАНКА СЕ ПОТРОШЕНИ 15 МИЛИОНИ ЕВРА, НЕ СЕ ЗНАЕ ДО КОГА ЌЕ СТОИ НЕДОВРШЕНА ОТИ Е РАСКИНАТ ДОГОВОРОТ СО „БЕТОН“

На новата зграда на Народната банка со месеци нема градежни работи, ниту се знае дали и кога ќе продолжат откако е раскинат договорот со ГП „Бетон“. Објектот кој се наоѓа во центарот на градот до зградата на Министерството за надворешни работи стои недовршен, во фаза на карабина, а за него досега се потрошени 15 милиони евра. Од Народната банка уште не знаат како ќе се постапи во иднина односно дали ќе се склучи нов договор за довршување на објектот.

„Договорот потпишан со ГП ‘Бетон‘ е раскинат на 13 јули годинава поради неисполнување на договорните обврски од страна на изведувачот. По раскинувањето на договорот, Народната банка ги презема сите неопходни чекори за заштита на имотот на банката, како и за утврдување на идните можности за завршување на градбата во блиска иднина“, велат од Народна банка.

Новата зграда на Народна банка почна да се гради во 2016 година, како дел од проектот „Скопје 2014“. Според договорот склучен тогаш со „Бетон“ изградбата треба да чини 23 милиони евра. Досега како што објаснуваат од Народна банка изведени се над 60 отсто од градежните работи предвидени со основниот договор односно на „Бетон“ му се исплатени 15 милиони евра.

„Вредноста на договорот во моментот на склучување изнесува 1.477.332.301 денари, реализацијата по истиот изнесува 910.628.093 денари со ДДВ, односно 61,64%. Дополнително во текот на 2017 година, поврзано со основниот договор е склучен и реализиран и договор за непредвидена работа поврзана со новиот објект односно заштита на градежна јама во износ од 12.322.911 денари, при што во рамки на неговата реализација се потрошени 64,71% од планираните средства“, објаснуваат од Народна банка.

Зградата треба да има осум ката, на врвот ќе има купола, барокна фасада, а на влезот антички столбови, какви што имаат сите згради од проектот „Скопје 2014. Aвтори на идејното решение за изгледот на зградата се Никола Стакинов и Лазар Димов. Тие се автори и на идејните решенија за барокни фасади на Министерството за правда, „Пелагонија“ и зграда на АД ЕСМ.

https://sdk.mk/index.php/makedonija/za-novata-zgrada-na-narodna-banka-se-potrosheni-15-milioni-evra-ne-se-znae-do-koga-ke-stoi-nedovrshena-oti-e-raskinat-dogovorot-so-beton/

Значи уште еден објект станува историски...дури бараат нов изведувач и дури се заврши уште неколку години отидоа...

Без поголеми промени

https://www.vecer.press/новиот-објект-на-народната-банка-ќе-се/

ПОДЗЕМЕН ТУНЕЛ ЌЕ СЕ ГРАДИ ДО НОВАТА ЗГРАДА НА НАРОДНА БАНКА: Огласот наскоро, преселбата на крајот на годината

Народната банка ќе гради подземен тунел на новиот објект кој е во завршна фаза од изградбата. Фактор дознава дека согласно планот за јавни набавки огласот на кој треба да се најде фирма изведувач за градењето на тунелот требало да биде објавен во месецот што помина, односно во март годинава. Сепак поради потребата да се докомплетира потребната документација, како што потврдуваат и од Народната банка, процесот малку се пролонгирал. За што ќе биде потребен тој подземен тунел и која конкретно ќе биде намената прашавме во Народната банка. Оттаму одговорија без да соопштат многу детали за тунелот.

„Планираната постапка за подземниот тунел на новиот објект, Народната банка ќе ја започне кога ќе се создадат услови за нејзино спроведување т.е. по комплетирање на потребната документација. Подземниот тунел, во согласност со потребните стандарди, е наменет за сообраќајно поврзување на новиот објект на Народната банка со подземната гаража во близина на објектот, стои во одговорот од Народната банка.

Инаку Народната банка треба да се пресели во новиот објект кога ќе биде целосно готов, а според проценките тоа е до крајот на годинава.

„Согласно со договорот градбата се очекува целосно да заврши до крајот на 2022 година, по што би следел технички прием на објектот и опремување со соодветна опрема, по што ќе започне процесот на вселување, велат од Народната банка за Фактор.

Поодамна односно уште во 2013 година, градот Скопје расправаше за задолжување од близу пет милиони евра, кои требаше да бидат наменети за изградба на подземна улица од Владата до Народната банка, но до објектот каде сега се наоѓа централната банка односно до Комплекс банки. Сепак таква улица никогаш не се изгради.

Зошто е толку потребно да има ваков тунел сега, сепак останува нецелосно јасно.

https://faktor.mk/podzemen-tunel-kje-se-gradi-do-novata-zgrada-na-narodna-banka-oglasot-naskoro-preselbata-na-krajot-na-godinata

Без некоја позначајна промена барем однадвор,можеби само нешто околу куполата имаат работено

Денешни

Нема некој поголем напредок, освен што се работи на куполата...

Дали во новава зграда е предвидено само народна банка да се всели или и други институции бидејќи во старата зграда има повеќе институции?