Општинска зграда Карпош

Осумте месеци за изградба на општинската зграда на Карпош станаа 12 години и уште не е готова

Завршувањето на изградбата досега повеќепати беше најавувано, но сега од Општината се повнимателни и не даваат никакви прогнози, туку велат дека тоа зависи од парите што можат да се издвојат во буџетот за наредната година за оваа намена.

Новата општинска зграда на Карпош е веројатно најдолго градениот административен објект во Скопје. Се гради веќе 12 години и сѐ уште не се знае кога ќе биде завршена, иако кога започнаа градежните работи, есента 2012 година, беше кажано дека за осум месеци Општината ќе добие нова зграда. Целиот проект требаше да чини помалку од три милиони евра, но низ годините, особено последниве кога сериозно се зголемија цените на градежните материјали, инвестицијата значително порасна.

На патот на изградбата се испречија многу пречки, а општинската администрација остана сместена во бараките во дворот на основното училиште „Лазо Трповски“. Од Општина Карпош велат дека сѐ уште не можат да кажат кога зградата ќе биде готова, дека тоа зависи од парите што можат да се издвојат за оваа намена, но дека се работи и дека само во изминатите три години во неа се вложени повеќе од половина милион евра.

Во новата општинска зграда сѐ уште се изведуваат градежни активности и не е подготвена за вселување. Динамиката на работењето е во согласност со средствата што се одвојуваат за нејзино завршување. Од 2021 година до сега за општинската зграда се искористени 33.727.000 денари. Само оваа година се потрошени 5,7 милиони денари општински пари за внатрешно уредување, а до крајот на годината ќе бидат искористени и 10 милиони од ребалансот на Буџетот. Колку средства ќе бидат одвоени за довршување на општинската зграда за следната година ќе знаеме по донесувањето на Буџетот на општината за 2025 година, кој во моментот е во изработка – објаснуваат од Карпош.

Оптимистичките најави за нејзиното довршување досега не се остварија. Во 2016 година се очекуваше изградбата да финишира во мај и веднаш потоа во неа да се всели администрацијата. Тогаш беше речено дека веќе е поставена електричната изолација и дека останува да се постават подовите, керамичките плочки и санитарен јазол.

Но, од 2017 до 2021 година работите на објектот сосема запреа, а тогашниот градоначалник Стефан Богоев четири години се обидуваше да најде решение како да се доизгради новата зграда, затоа што она што веќе било изградено, како што тврдеше, отстапува од проектот врз основа на кој е добиено одобрението за градба. Со цел да се надминат пречките и да се дојде до решение со кое би се откочил процесот на изградба, во Општината беше формирана работна група што требаше да ја провери целата документација во врска со новата општинската зграда, а потоа започна изработка на нов проект.

Градоначалникот Стевчо Јакимовски, набрзо по преземањето на мандатот најави дека ќе побара од Советот на општината во буџетот за следната година, да се обезбедат средства за довршување на изградбата за да може во текот на 2022 година да биде пуштена во функција.На прашањето од „Слободен печат“ како Јакимовски планира да ја доврши зградата кога изградбата е запрена затоа што објектот отстапува од проектот, од Карпош кусо одговорија дека во тек е постапка за измени во тек на градба, што е во согласност со законите.

Увид во градежните работи градоначалникот направи и на почетокот на минатата година при што беше констатирано дека издвоените 23 милиони денари од буџетот на Општина Карпош за 2023 година нема да бидат доволни за довршување на целата зграда. Од тие причини, како што објасни тогаш, во функција требаше да бидат ставени приземјето, првиот и вториот кат, за до септември да можат во неа да се преселат најголем дел од општинските служби. Останатите катови требаше да бидат завршени годинава.

Тоа не се случи, а од Општината сега се повнимателни и не даваат никакви прогнози кога би завршиле градежните работи.

Колку за потсетување, новата административна зграда е сместена на местото на поранешните општински бараки, кои беа стари речиси 40 години. Објектот се гради според идејното решение на архитектонските студија „Скарс“ и „Архитекти“. Зградата има пет надземни нивоа, при што секторите треба да бидат сместени по катови, а на приземјето да се врши прием на странки и да биде сместена архивата. Кога тоа ќе се случи, засега не се знае.

https://www.slobodenpecat.mk/osumte-meseci-za-izgradba-na-opshtinskata-zgrada-na-karposh-stanaa-12-godini-i-ushte-ne-e-gotova/

Се довршува и новата општинска зграда на локалната самоуправа во Карпош. Оттаму велат дека е во тек оглас за јавна набавка за избор на изведувач за изведба на завршните занаетчиски работи на административниот објект на локалната самоуправа.

– До крајот на месецот треба да се избере најповолниот понудувач, кој ќе треба да изврши поставување на електрика, осветлување, санитарии, одвод, санитарен и противпожарен водовод, хидро, термичка и звучна изолација, молерофарбарски работи, керамичарски работи и друго – потенцираат од Општина Карпош без да прецизираат кога би можело да се очекува објектот да биде готов.

Градоначалникот Стевчо Јакимовски беше на увид во новиот објект на почетокот од јануари годинава, при што беше констатирано дека издвоените 23 милиони денари од буџетот на Општина Карпош за 2023 година нема да бидат доволни за довршување на целата зграда. Од тие причини, беше одлучено годинава да се стават во функција приземјето, првиот и вториот кат за да може најголем дел од општинските служби да се преселат во новата зграда некаде до крајот на септември.

– Се планира објектот да биде довршен и целосно да биде ставен во функција во текот на следната година – соопштија тогаш од Општина Карпош.

Инаку, новиот објект на Општина Карпош „влезе“ во дванаесеттата година од почетокот на изградбата. Кога почна да се гради во 2012 година, тогашниот и сегашен градоначалник Стевчо Јакимовски најави дека ќе биде готова за осум месеци. Во текот на градбата, Општината промени неколку фирми изведувачи, а за зградата беше земен кредит во висина од 1,4 милиони евра. Последниве неколку години, Општината бараше решение за да се надмине проблемот, бидејќи она што беше изградено отстапуваше од проектот врз основа на кој беше добиено одобрението за градба.

https://www.vecer.press/општина-ѓорче-петров-официјално-ќе-го/

ЈАКИМОВСКИ НА УВИД ВО НОВАТА ОПШТИНСКА ЗГРАДА: ДО КРАЈОТ НА СЕПТЕМВРИ ЌЕ СЕ СТАВИ ВО ФУНКЦИЈА ДЕЛ ОД ОБЈЕКТОТ

Градоначалникот Стевчо Јакимовски беше на увид во новиот објект при што беше констатирано дека издвоените 23 милиони денари од буџетот на Општина Карпош за 2023 година нема да бидат доволни за довршување на целата зграда. Од тие причини беше одлучено годинава да се стават во функција приземјето, првиот и вториот кат, за да можат најголем дел од општинските служби да се преселат во новата зграда некаде до крајот на септември. Објектот се планира да биде довршен и целосно да биде ставен во функција во текот на следната година.





https://twitter.com/OpstinaKarpos/status/1610997423098167296/photo/3

Како Јакимовски ќе ја доврши новата општинска зграда кога изграденото досега отстапува од проектот?

Новиот градоначалник на Општина Карпош Стевчо Јакимовски денеска најави дека ќе побара од општинскиот Совет во буџетот за следната година да се обезбедат пари за довршување на изградбата на новата општинска зграда за да може во текот на 2022 година објектот да биде пуштен во употреба.

-Утрово дојдов да ја видам општинската зграда. За жал забележав дека некаде прокиснува. Така е кога нема луѓе во некој објект, тој пропаѓа. Ќе се потрудам на седница на Совет со новиот буџет да обезбедиме средства за оваа зграда и наредната година да ја пуштиме во функција – рече Јакимовски.

Но, како што е познато, проблемот со доизградба на овој објект не беа парите, туку фактот дека она што досега е изградено отстапува од проектот.

-Сакаме да ве информираме дека во тек е постапка за измени во тек на градба, што е согласно законите – одговараат кусо од Општина Карпош на прашањето од „Слободен печат“ како планира градоначалникот Јакимовски да ја доврши новата општинска зграда кога изградбата е запрена затоа што објектот отстапува од проектот.

Претходното раководство, на чело со градоначалникот Стефан Богоев четири години се обидуваше да најде решение како да се доизгради новата зграда каде требаше да биде сместена општинската администрација, затоа што она што е веќе изградено отстапува од проектот врз основа на кој е добиено одобрението за градба. Со цел да се надминат пречките и да се дојде до решение со кое би се откочил процесот на изградба, во Општината беше формирана работна група која требаше да ја провери целата документација во врска со новата општинската зграда.

Во септември годинава од Карпош информираа дека работната група, составена од стручните служби на општинскиот Секторот за урбанизам направиле увид и ја провериле целокупната документација.

-Со оглед на тоа што веќе постоечкиот објект (новата општинска зграда) отстапува од основниот проект, во тек е постапка за изработка на нов проект. Откако стручните лица ќе го изработат проектот, за него ќе биде поднесено барање до Министерството за транспорт и врски, со цел завршување на општинската зграда – тврдеа тогаш во Карпош.

Дали во меѓувреме е изработен нов проект и доставен до надлежното Министерство, нема конкретен одговор од Општина Карпош.

https://www.slobodenpecat.mk/kako-jakimovski-kje-ja-dovrshi-novata-opshtinska-zgrada-koga-izgradenoto-dosega-otstapuva-od-proektot/

Ова остана вака недовршено,веќе се забележува и одредено оштетување на фасадата од атмосферски влијанија(од твитер)

Какви рендери излегуваа кога се планираше ова, а излезе торта никаква, најбезвезна у свет. Ако општината не остава пример, што понатаму за другите субјекти.

Нека ја продаде, па нека направат нова на друга локација, ако воопшто остана некоја парцела за градење.

БОГОЕВ ТРИ ГОДИНИ НЕ ЗНАЕ ШТО ДА ПРАВИ СО НЕДОВРШЕНАТА ОПШТИНСКА ЗГРАДА НА КАРПОШ ЗА КОЈА ЈАКИМОВСКИ ГО УТНА ПРОЕКТОТ



Три години нема никакви градежни работи на административната зграда на Општина Карпош, ниту е најдено решение како да се продолжи реализацијата на овој проект. Откако во 2017 на градоначалничката функција на местото на Стевчо Јакимовски дојде Стефан Богоев, беше кажано дека зградата не може да се доврши оти е утнат проектот. Она што досега е изградено во голема мера отстапува од проектот врз основа на кој е добиено одобрението за градба, па зградата нема да може да добие употребна дозвола.

Ниту изминативе три години за ова не е најдено решение, па зградата и понатаму зјае недовршена иако во голема мера е изградена, поставена е фасада и прозорци.

„Државниот завод за ревизија во својот редовен извештај за материјално-финансиското работење на Општина Карпош констатираше дека новата општинска зграда е изградена спротивно на избраниот проект и одобрението за градење. Како Опшина формиравме работна група од стручните служби од Секторот за урбанизам, кои во моментов прават проверка на целата документација во врска со општинската зграда, со цел можно откочување на процесот“, велат од кабинетот на градоначалникот на Општина Карпош Стефан Богоев.

Зградата на Општина Карпош почна да се гради во октомври 2012 година и тогашниот градоначалник Стевчо Јакимовски најави дека ќе биде готова за осум месеци. Во текот на градбата Општината промени неколку фирми изведувачи, а за зградата беше земен кредит во висина од 1,4 милиони евра.

Градоначалникот Богоев по стапување на функцијата кажа дека досега ништо за зградата не е платено. Наменскиот кредит кој бил подигнат се користел за други цели наместо да се исплаќаат фирмите изведувачи.

https://sdk.mk/index.php/dopisna-mrezha/bogoev-tri-godini-ne-znae-shto-da-pravi-so-nedovrshenata-opshtinska-zgrada-na-karposh-za-koja-jakimovski-go-utna-proektot/

Исто како за несудената зграда на Општина Ѓорче Петров

Да се потсетиме...