Универзална сала

ЉУТКОВ ВЕЛИ ДЕКА УНИВЕРЗАЛНА САЛА Е НЕЗАКОНСКИ ПРЕЗЕМЕНА ОД ГРАД СКОПЈЕ, ПОБАРА ОБВИНИТЕЛСТВОТО ДА ИСТРАЖИ

Министерот за култура Зоран Љутков тврди дека преземањето на Универзална сала од Град Скопје е незаконски спроведено. Тој рече дека целата документација за случајот во кој Министерството за култура со претходната министерка Бисера Костадиновска-Стојчевска ја презеде Универзална сала заради изградба, е предадена во Обвинителството за да се истражи.

„По темелно и стручно прегледување на целокупната документација, процес кој траеше два месеца, извештајот е готов и фактите потврдени од професионалци и искусни правници, вработени во Министерството за култура и туризам, говорат дека Универзална сала е преземена од Град Скопје во Министерството за култура и туризам на незаконски начин, во постапка која е проблематична, со прекршувања на повеќе закони. Постапката е започната со Одлуката на Град Скопје како постапка за промена на инвеститор согласно член 70 од Законот за градењето. Склучениот договор од страна на Министерство за култура и Град Скопје, содржи контрадикторни одредби, не е заверен на нотар, не содржи таксативно кои права и обврски се предаваат и што всушност се предава. Исто така договорот помеѓу Градот Скопје и Министерството за култура, како и Решението за реконструкција од 22.03.2024 година издадено од Општина Центар, не се запишани во Катастарот на недвижности, односно во јавната книга во која се врши запишување на правото на сопственост и на други стварни права на недвижностите“, рече министерот Љутков на прес-конференцијата за 100 дена Влада и работењето на Министерството.

Љутков кажа дека ниту во договорот ниту во записникот од примопредавањето на документација помеѓу Град Скопје и Министерството за култура, не е опфатена ниту примопредадена целокупната документација која била потребна за да се продолжи со реконструкцијата на Универзална сала.

„Согласно ова, на Министерството за култура не му биле пренесени во целост правата и обврските согласно закон. Целокупната документација е предадена во Јавното обвинителство затоа сега нема многу да навлегуваме во детали до произнесувањето на надлежните државни органи“, рече Љутков.

Во моментов се преиспитува дали постојната состојба има потреба од изработка на нова техничка документација по пожарот кој го зафати објектот во април.

Одлуката за преземање на Универзална сала беше изгласана во Советот на Град Скопје во септември 2023.

https://sdk.mk/index.php/dopisna-mrezha/lutkov-veli-deka-univerzalna-sala-e-nezakonski-prezemena-od-grad-skopje-pobara-obvinitelstvoto-da-istrazhi/

Куполата на Универзална сала не е оштетена во пожарот, ама пожелно е да се смени!

Не е намалена носивоста на шесте челични елементи што се непосредно до прстенот на највисокиот дел од конструкцијата на Универзална сала. Ова го покажале првичните лабораториски тестирања на опожарениот материјал во акредитирана лабораторија, кај кој имаше видливи оштетувања (набабрување), поради што беше демонтиран и однесен на испитување.

– Првичните испитувања покажаа дека, без разлика што имаа набабрување, не е намалена носивоста на ниту еден од елементите. Променета е формата, но нема деформации по должината на попречниот елемент. А, променетата форма е резултат на температурата во текот на пожарот, која достигнала и до 500 Целзиусови степени и воздухот што бил заробен внатре во елементот, кој бил со три пати поголем притисок од нормалниот, иако јас очекував да има намалување на носивоста и на еластичноста на челикот – истакна Михаил Гаревски, директор на Институтот за сеизмички отпорни градби и климатски промени, кој ги спроведува испитувањата.

Тој објасни дека овие челични профили се топло валани и се поотпорни од ладноваланите во однос на температурата. Сепак, Гаревски рече дека ќе му препорача на изведувачот да ги смени и да постави нови.

Тој најави дека денеска ќе се направат уште две-три испитувања во лабораторијата и дека до крајот на наредната недела извештајот ќе биде конечен.

Претходно, со дигалка на висина до 30 метри, беше направена макровизуализација на сите елементи од главната нова конструкција и беа утврдени и обележани елементите што ќе треба да се извадат за да се однесат на тестирање во акредитирана лабораторија за утврдување на носивите карактеристики на челичните елементи од конструкцијата.

И првичната визуелна контрола без дигалка на ИСОГКП покажа дека нема деформации на елементите и профилите на Универзална сала што биле опфатени со пожарот, а Гаревски тврдеше дека градежните активности околу реконструкцијата можат да продолжат. По барање на изведувачот на градежните активности за реконструкција на Универзална сала – „Универзал балкан“, Институтот направи и експертиза, бидејќи Министерството за култура побарало од изведувачот да се процени дали тој може да продолжи со расчистувањето на шутот од пожарот, а потоа и со градбата.

Како што наведе Гаревски тогаш, било констатирано дека има опожарување на делови од лаковите од куполата што одат кон прстенот, а има опожарување и околу самиот прстен. Воедно, било констатирано и опожарување на врската меѓу лакот, столбот и попречните греди околу обемот на куполата.

Универзалната сала во Скопје се запали на 9 април годинава, само по еден месец откако почнаа градежните работи за нејзина реконструкција и по 10 дена откако беше поставена новата купола. Како што кажаа на последниот брифинг, поранешната министерката за култура, Бисера Костадиновска-Стојчевска, изведувачот и надзорот на објектот, предвидениот рок за градба до 2026 година ќе се запази, односно концертната сала нема да остане недоправена.

Тие рекоа дека во пожарот изгорело само она што требало да се отстрани кога ќе почнела втората фаза за изведување на внатрешноста и дека нема да се продолжи со реконструкцијата додека не се испита целиот објект.

https://www.vecer.press/kupolata-na-unibverzalna-sala-ne-e-ostetena/

ОД ПОЖАРОТ НА УНИВЕРЗАЛНА САЛА НА КУПОЛАТА ИМА НЕКОЛКУ НАБАБРЕНИ ЕЛЕМЕНТИ И ТИЕ СЕ НАЈКРИТИЧНИ, ВЕЛИ ГАРЕВСКИ КОЈ ГИ ПРАВИ ИСПИТУВАЊАТА



Најголеми оштетувања од пожарот на Универзална сала има на куполата, каде има 6-7 набарени елементи, вели Михаил Гаревски од Институт за сеизмички отпорни градби и климатски промени. Приватниот институт на Гаревски е избран од фирмата изведувач „Универзал-Балкан“ за да ги изврши испитувањата дали челичната конструкција е оштетена од пожарот.

„Со 30-метарски кран направивме детална визуелна инспекција до највисоката точка на куполата. Заклучивме дека пожарот бил најголем кај прстенот односно кај куполата, најмногу горело таму. Има 6-7 набабрени елементи на прстенот, тие се најкритични и ќе треба да се види дали треба да се отстранат и да се сменат. На горниот прстен обележавме за да ги испитаме и еден попречен елемент кој не е деформиран, но е опожарен и ќе се носи во лабораторија за да се види колкава е носивоста на затегнување и да се процени дали челичната конструкција ја изгубила или задржала носивоста. Во рок од 10 дена ќе се знаат точните резултатите од испитувањето“, вели Гаревски.

Универзална сала се запали на 9 април, само еден месец откако по пауза од две години продолжија градежните работи за реконструкција. Веднаш по пожарот, од градежната фирма „Универзал-Балкан“ рекоа дека најверојатно се запалил стар кабел или некоја стара инсталација.

Министерката за култура Бисера Костадиновска-Стојчевска неколку дена по пожарот рече дека експерти од ИЗИИС и Градежен факултет ќе вршат испитувања на челичната конструкција за да се види дали е оштетена. Но, ИЗИИС и Градежен факултет не е се вклучени во испитувањата.

https://sdk.mk/index.php/dopisna-mrezha/od-pozharot-na-univerzalna-sala-na-kupolata-ima-nekolku-nababreni-elementi-i-tie-se-najkritichni-veli-garevski-koj-gi-pravi-ispituvanata/

(ФОТО+ВИДЕО) Три дена по пожарот – сè уште трае увидот во Универзалната сала

Високите лимени огради околу Универзалната сала се сè уште таму, а зад нив не може многу да се види. Она што се забележува е челичната конструкција на куполата која беше поставена неодамна, само две недели пред избивањето на пожарот. Таа на Универзалната сала ѝ го дава специфичниот изглед по кој е препознатлива и без која, по пожарот, најверојатно не би го имала истиот лик. Но, освен металната конструкција на врвот на објектот, под неа, барем во делот на куполата, не е останато многу
Трет ден по големиот пожар што ја зафати Универзалната сала во Скопје и минималниот број на новости околу околностите за инцидентот познати оттогаш, беа причина за екипата на „360 степени“ од прва рака да провери во каква состојба е и што се случува со објектот, кој меѓу скопјани е неретко познат како симбол на солидарноста.





https://360stepeni.mk/foto-video-tri-dena-po-pozharot-se-ushte-trae-uvidot-vo-univerzalnata-sala/

Одлично што изгоре!

Сега веќе нема да треба да се замараме со реновирање ѓубриња. И доста веќе со свенешто прогласување за идентитет, како тука во случајов со прогласување на безвредна барака за идентитет на градот и плачење по архитектонски неафтентична копија на бугарски циркус.

Нова сала на друго место! End of story!

Што мислите, ја спремаат ли за зграда?

Универзална сала во пламен!



Гори Универзалнатата сала во Скопје, која во моментов е во процес на реконструкција. Пожарникарните единици се веќе на терен а надлежните служби ја расчистуваат околината. Булеварот Партизански Одреди е делумно затворен во правец кон Центар. Причините за пожарот се сѐ уште непознати.





https://marh.mk/univerzalna-sala-e-vo-plamen/?fbclid=IwAR1uK5a1z7Pq8Tgmi_jOceakztEfgjKXQ_O45kF16eumh6EiaNmJiZ4VLyA_aem_AcehOoOXufnmaX46Q4dKNKE0az2LKc7gQRFKGphhE05mSSVQmhcdpPwQIqxl52UCJ91QnmQPMUo8PQHycLSa8Icy

Originally posted by Џоле Избори се ближат, фантазии се нижат

Јас мислам дека универзална ќе се заврши, премногу важен објект е за Скопје.
А за тоа како ќе се заврши не сакам ни да мислам. Уште од сеа можам да го замислам алуминобондот или како и да е. Во внатрешноста можеле да ги задржат лустерите во некоја форма ама тоа би било научна фантастика за нашиве...

Започнаа подготовките за реконструкција на Универзалната сала





По неколкумесечните натегања околу предавањето на проектната документација од Град Скопја на Министерството за култура, денес започнаа работите околу расчистување на шутот во и околу Универзална сала. Министерката за култура Бисера Костадиновска-Стојчевска во неколку наврати и јавно апелираше до Град Скопје да го изврши предавањето на целосната документација поврзана со реконструкцијата на Универзална сала, за конечно денес да се започне со чистењето на шутот и отпадот по што ќе започнат градежните работи.

Реконструкцијата која ја започна поранешниот градоначалник Петре Шилегов во 2021 година и беше во застој од доаѓањето на Данела Арсовска на градоначалничката функција.

Три месеци откога дојде на местото градоначалничка на град Скопје, Арсовска излезе на прес конференција пред Универзална сала и тоа крајот на февруари 2022 за да го изнесе ставот дека проектот за изградба на Универзална сала е небезбеден и дека треба да биде стопиран, додека Асоцијацијата на архитекти на Македонија на чело со Мишко Ралев, остана на ставот дека тоа е политичка одлука на градоначалничката донесена без факти и аргументи. На изјавата на Арсовска реагираше фирмата проектант „Мегарон инженеринг“, која кажа дека проектот е безбеден и сите измени се одобрени од Институтот за земјотресно инженерство и инженерска сеизмологија (ИЗИИС).

Нова разврска случајот Универзална сала добива во ноември, 2022 година министерот за локална самоуправа, Ристо Пенов, изјави дека има целосна согласност од градоначалничката Данела Арсовска за реконструкцијата на Универзална сала целосно да ја преземе Министерството за култура.

Во јануари оваа година, после долги обиди да се преземе документацијата за реконструкцијата на салата, Владата (Министерството за култура) ја презема Универзална сала од град Скопје.

https://gradska.mk/zapochnaa-podgotovkite-za-rekonstrukczi%d1%98a-na-univerzalna-sala/

АРСОВСКА КОНЕЧНО ПОТПИША ПРЕДАВАЊЕ НА УНИВЕРЗАЛНА САЛА, ВЛАДАТА ЌЕ ЈА ГРАДИ ВО НАРЕДНИТЕ ТРИ ГОДИНИ

Градоначалничката Данела Арсовска конечно ја предаде скопска Универзална сала на Министерството за култура. Арсовска минатата недела ја потпишала одлука за предавање на салата на Владата, речиси три месеци откако Советот на Град Скопје ја донесе одлуката.

Сега Владата преку Министерството за култура ќе ја продолжи реконструкцијата на концертната сала која со доаѓањето на Арсовска на функција беше стопирана. Владата планира Универзална да се реконструира во наредните три години и на вчерашната владина седница е донесена одлука парите да се обезбедат од буџетите за наредни три години 2024, 2025 и 2026.

„После серија иницијативи преземени од наша страна, успеавме да постигнеме договор со Град Скопје согласно Одлука на Советот на Град Скопје, кој претставува вистинскиот правилен пат да се продолжи со реконструкцијата на Универзална сала. Министерството за култура станува инвеститор на Универзална сала и очекувам веднаш да ја добиеме целокупната документација од Градот Скопје, за започнување со подготовка на проектно-техничката и финансиската документација за реконструкцијата на салата“, вели министерката за култура Бисера Костадиновска-Стојчевска.

Универзална сала почна да се реконструира во времето на ексградоначалникот Петре Шилегов. Градежните работи за првата фаза, надворешноста, почнаа во септември 2021 непосредно пред локалните избори. Се работеше нецел месец, по што со доаѓањето на фунцкија на Арсовска работите беа стопирани и салата две години стои разурната и отворена. Арсовска тогаш велеше дека нема да ја гради Универзална сала оти проектот на нејзиниот претходник не бил безбеден, за што се искара и со проектантот, Асоцијацијата на архитекти на Македонија и министерката Костадиновска-Стојчевска.

https://sdk.mk/index.php/dopisna-mrezha/arsovska-konechno-potpisha-predavane-na-univerzalna-sala-vladata-ke-ja-gradi-vo-narednite-tri-godini/