Јавна чистота

Во Скопје има преполни контејнери, а покрај некои улици веќе се формираат мини-депонии



Скопје продолжува да тоне во нечистотија, состојбата низ градските улици е алармантна, пренатрупаниот смет кој изгледа како да не е собран со денови веќе се претвора во мини депонии, а од високите температури, смрдеата која произлегува од нив се чувствува интензивно долж улиците.

Една од најкритичните точки е токму наспроти амбасадата на САД – стратешкиот партнер на Македонија. Мини паркот спроти нив наместо со зеленило исполнет е со ќебиња, искрешени пластични столици и секакво ѓубре, а преку улица контејнерите речиси и да не се гледаат од смет и од кабастиот отпад и автомобилските гуми кои се расфрлани насекаде.

Ужаснува сликата позади мене, целиот тротоар, а и спортското игралиште во позадина се преполни со ѓубре, токму онаму каде што младите треба да се забавуваат и да спортуваат.

Градот никогаш не бил повалкан, а сметот може да се забележи на секој агол, од контејнери до улици – се жалат скопјани. Хигиената во градот ја помножуваат со нула – а причината за истата пред се ја гледаат кај прептријатијата кои според нив ниту имаат ред, ниту соодветно си ја вршат работата.

Но, вината ја гледаат и кај самите граѓани, кои велат, мора да си ги променат навиките, да ја променат свеста и да се грижат за околината во која и тие живеат.

Упативме прашања до ЈП Комунална хигиена Скопје зошто градот се наоѓа во оваа поразителна состојба и дали сметаат дека соодветно како прептријатие си ја обавуваат својата работа, но одговор не добивме, како што не одговорија и на прашањето дали имаат доволно работници и потребна механизација да го одржуваат градот чист.

https://kanal5.com.mk/vo-skopje-ima-prepolni-kontejneri-a-pokraj-nekoi-ulici-vekje-se-formiraat-mini-deponii/a654143

Градов никогаш не бил понечист.

Реално со оглед на тоа колку малку плаќаме на општините за уредување на јавни површини и овој ред и поред што го имаме е повеќекратно над можностите.
Тоа е и една од причините за постоење на урбан хаос, општинските власти се наркомански зависни од еднократните уплати за комуналии од разно разните 'инвеститори'.

@stef40,@Џоле,благодарам за одговорот. Како што претпоставував, главната вина се пак има компанијата за чистота.

Originally posted by Galileo Каде е проблемот на Скопје со градската чистота? Веке неколку години гледам вакви слики и не ми е јасно - претпријатието за jвна чистота има некомпетентно раководство, лоша организација и не си ја врши совесно работата, нема доволно коли за собирање и контејнери за губре,депониите се малку и немаат доволен капацитет за примане и преработка на губрето,нерегулирано отстрануване на отпадот или што? Или можеби има некои други причини, не знам..

Проблемот е покомплексен има повеќе фактори што влијаат

1.Ниска свест на населението кое буквално фрла отпад на секој чекор.
2.Недоволно контејнери(во одредени населби каде има многу нови згради поставени се помалку контејнери)
3.Не постоење посебни контејнери во кои маркетите ќе го одлагаат отпадот од амбалажа и ги полнат или фрлаат околу постојните контејнери.
4.Нередовно празнење на контејнерите од страна на КХС во некои реони од градот.
5.Неформални собирачи на отпад(претежно Роми кои најчесто собираат картонска и пластична амбалажа но прават неред околу контејнерите).
6.Уништување на канти за ситен отпад речиси низ целиот град а исто така и новите пластични контејнери се покажаа како неквалитетни механизмот и капаците се расипаа за кратко време и веќе најголем процент се нефункционални.
7.Висок надомест за одлагање кабаст отпад на официјална депонија(поради тоа стар мебел и санитарија се остава поред контејнерите)

Скопје смрди на секој чекор, ѓубре насекаде, демне опасност од зарази!



-Имаме енормна појава на фрлање отпад околу контејнерите. Постојано се фрла и тоа кога тие ќе се испразнат. На пример во 8 часот сме ги испразниле контејнерите и сме расчистиле околу нив, во 10 часот повторно има ѓубре околу нив. Се сомневаме дека тоа се прави со тенденција – велат од ЈП Комунална хигиена. Најавуваат пријави до Министерството за внатрешни работи за да почнат постапки за истрага против непознати сторители. Според претседателот на ЗЕЛС и градоначалник на Општина Кисела Вода, Орце Ѓорѓиевски, постојат два начина да се реши ваквата состојба.

-Првиот начин е да се раздвои ЈП Комунална хигиена, односно да се подели по општини, и механизацијата и вработените, а вториот начин е општините дополнително да се ангажираат за одржување на хигиената – вели Ѓорѓиевски



Скопјани знаат и самите да си го загорчат животот, со некултурно и неодговорно однесување, а потоа вината да ја префрлаат на надлежните комунални претпријатија, општински или пак на градското ЈП Комунална хигиена.

Мини депонии од кои се шири неподнослива смрдеа, особено сега кога е жешко, се формираат околу контејнерите, иако овие садови се наменети токму за фрлање на отпадот. Ако се земе предвид дека се работи за комунален отпад, тој на овие високи температури е потенцијална „бомба” за ширење на заразни болести. Граѓаните негодуваат, иако некои од нив и самите се несовесни и го фрлаат сметот таму каде што не му е место. Не сакајќи да ги отворат контејнерите, полесно им е да остават ѓубрето покрај нив. На оваа појава деновиве предупредија од ЈП Комунална хигиена.

-Имаме енормна појава на фрлање на отпад околу контејнерите. Постојано се фрла и тоа кога ќе се испразнат контејнерите. На пример во 8 часот сме ги испразниле и сме расчистиле околу нив, во 10 часот повторно има ѓубре околу нив. Се сомневаме дека тоа се прави со тенденција – велат од претпријатието.

Вакви случаи се регистрирани на булеварот „Крсте Мисирков“, во близина на ТЦ „Мавровка“, на улиците: „ Џон Кенеди“ и „Христијан Тодоровски-Карпош“, во општината Чаир, „Народен фронт“, „Даме
Груев“, „Партизанска“ и „Митрополит Теодосиј Гологанов“, во општината Центар, како и на улиците: „1510“ и „Христо Татарчев“ во општина Кисела Вода…

Од ЈП Комунална хигиена велат дека не можат да преземат ништо, бидејќи освен собирањето и транспортирањето на отпадот немаат други ингеренции.

-Нашата еко-патрола може само да ги едуцира и информира граѓаните на кој начин да го одлагаат отпадот – децидни се од ЈП Комунална хигиена.

Дел од граѓаните вината за мини депониите околу контејнерите ја префрлаат на Комунална хигиена.

-Цело Скопје периодов е претворено во депонија. Очигледно е дека не се чисти навремено и секојдневно. Контејнерите се полни со денови, а смет има и околу нив. Полни се исто така и малите канти. Ѓубре расфрлано насекаде. Срамно е главен град вака да изгледа – реагира Слаѓана Шавкулоска.

Марика Стоименова го повикува ЈП Комунална хигиена да дојде и да го собере ѓубрето.

-Жива зараза, смрди, не се дише, срамота – коментира таа.

Биле Ѓоргиева смета дека за тоа виновни се самите граѓани.

-Вие немате култура, како можете до контејнер да фрлате или има кој да ви го собира ѓубрето – додава таа.

И Дејан Станчевски е со истото мислење.

-Што ви е крива општината, што ви е крив градоначалникот или пак Град Скопје кога вие мештаните ја правите таа глетка која ви е пред очи секојдневно. Претпријатието не може да постигне од несовесноста на граѓаните. И 10 контејнери за кабаст отпад да има вие пак на земја ќе фрлате. Жал ми е за дечињата што ја дишат таа смрдеа, но реалноста е таа – потенцира Станчевски.

Вера Тушевска, пак, вели дека уште 10 пати да го собираат ѓубрето, за два дена ситуацијата би била иста.

-Јас би ја оставила ваквата ситуација еден месец па отпадот да им дојде во двор и на улица да не можат да поминат – наведува таа.

Според претседателот на ЗЕЛС и градоначалник на Општина Кисела Вода, Орце Ѓорѓиевски, постојат два начина да се реши ваквата состојба.

-Првиот начин е да се раздвои ЈП Комунална хигиена, односно да се подели по општини, и механизацијата и вработените, а вториот начин е општините дополнително да се ангажираат за одржување на хигиената. Досега сите средства што ги плаќаат граѓаните за одржување на хигиената одат во ЈП Комунална хигиена, а доколку се раздвои претпријатието по општини и кај нив ќе одат приходи – наведе Ѓорѓиевски, нагласувајќи дека сето ова што се случува како што вели, не само сега, туку и последниве две години е резултат на нефункционалноста на ова претпријатие и на Град Скопје.

Општина Центар, пак, работите ги презеде во свои раце, со оглед на тоа дека во рамките на ЈП ПОЦ постои посебен Сектор за одржување на хигиената.

Изминатите денови на неколку локации во оваа општина се чистеше просторот околу контејнерите. Се чистеше со цистерна на улица „9 Мај” и „Христо Смирненски” , а се наводнуваше кај Зелено пазарче и Сквер Јадран. Исчистени и освежени се и други локации во општината.

Од општината апелираа до граѓаните да бидат совесни и да го фрлаат ѓубрето во садовите за отпад, а не покрај нив.

-Ваквото однесување го загрозува јавното здравје и претставува опасност од ширење заразни болести – децидни се од Општина Центар.

И од ЈП Комунална хигиена апелираат да престане тенденциозното непрописно и несовесно исфрлање отпад на јавни површини. Уште еднаш потсетија дека секое одлагање отпад надвор од наменски поставените садови претставува директно прекршување на Законот за јавна чистота, а сторителите подлежат на санкции. Притоа, најавија дека ќе поднесуваат пријави до Министерството за внатрешни работи за да почнат постапки за истрага против непознати сторители.

https://www.vecer.press/skopje-smrdi-na-sekoj-cekor-gjubre-nasekade/

НИЕ ГО ЧИСТИМЕ СКОПЈЕ, АМА ГРАЃАНИТЕ ПРАВАТ ДЕПОНИИ ПОКРАЈ КОНТЕЈНЕРИТЕ, ВЕЛАТ ОД „КОМУНАЛНА ХИГИЕНА“



Секој ден се соочуваме со масовно фрлање ѓубре на јавни површини низ Скопје, велат од ЈП „Комунална хигиена“. Од претпријатието велат дека тие редовно ги празнат контејнерите, но секој ден има купишта ѓубре и околу нив.

„Во периодот јануари-јуни 2024 година, екипите на претпријатието подигнаа и транспортираа вкупно 2.500 кубни метри отпад од диви депонии на територијата на градот Скопје. Интервенирано е во сите скопски општини, при што се отстранети приближно 150 диви депонии. Основната дејност на ‘Комунална хигиена‘ е собирањето и транспортот на комуналниот отпад од домаќинствата и правните субјекти, коишто континуирано се реализираат седум дена во неделата, согласно оперативниот план. Покрај своите редовни активности, вработените се секојдневно максимално ангажирани за извршување вонредни акции, како што е расчистувањето диви депонии коишто настануваат како резултат на непрописното и несовесното одлагање отпад на јавните и на сообраќајните површини“, велат од „Комунална хигиена“.

Од претпријатието апелираат до граѓаните својот отпад да го одлагаат исклучиво во наменски поставените садови, контејнерите, кантите или корпите за отпадоци.

https://sdk.mk/index.php/dopisna-mrezha/nie-go-chistime-skopje-ama-graganite-pravat-deponii-pokraj-kontejnerite-velat-od-komunalna-higiena/

Ѓубре, отпадни води и лоша миризба, ова е секојдневна глетка на студентите на патот до УМТ





https://mk.tv21.tv/gubre-otpadni-vodi-i-losha-mirizba-ova-e-sekojdnevna-gletka-na-studentite-na-patot-do-umt/

(ГАЛЕРИЈА) Тетово меѓу највалканите европски градови, а не меѓу најчистите, како што вети Касами











https://meta.mk/galerija-tetovo-megju-najvalkanite-evropski-gradovi-a-ne-megju-najchistite-kako-shto-veti-kasami/

ФИРМА ОД СЛОВЕНИЈА ЌЕ ГО ЧИСТИ ЃУБРЕТО ВО ТЕТОВО ОТКАКО ПОТПИША ДОГОВОР СО ОПШТИНАТА ЗА ЈАВНО-ПРИВАТНО ПАРТНЕРСТВО



Проблемите со сметот во Тетово никако да се решат. Преполни контејнери има речиси на сите страни, а тетовските комуналци, иако се трудат, не успеваат навреме да го соберат сметот. Недоволниот број на луѓе, а и малите и нередовни плати што ги примаат, само уште повеќе придонесуваат Тетово да се гуши во смет. За излез од ваквата тешка состојба Општина Тетово се реши да потпише договор за јавно-приватно партнерство со фирма од Словенија за собирање и депонирање на комуналниот смет од градот.
Општината првин направи физибилити студија за оправданоста на јавно-приватно партнерство, а потоа спроведе тендер на кој е избрана фирма од Словенија, а на Одлуката е донесена на последната седница на Советот на Општината.

„За најповолен понудувач се избра компанијата „Саубермахр Словенија, услуги за заштитна животна средина“ со седиште во Мурска Собота. Предмет на договорот е воспоставување на јавно-приватно партнерство за собирање и депонирање на комунален отпад на цела територија на Општина Тетово до депонија Русино кое се остварува како јавна набавка. Целите што треба да се постигнат со доделување на договорот за јавното приватно партнерство е интегриран систем за управување со отпад кој ќе биде ефикасен во однос на отстранување на целиот отпад, намалување на количините и да се отстранат опасностите по животната средина“, изјави Бесар Дурмиши, претседател на Советот.

На седницата мнозинството од советот усвои заклучок со кој се одобрува Општината да направи уште физибилити студии за оправданост за формирање на повеќе јавно-приватни партнерства, за изградба на административна зграда на општината како и за изградба, реконструкција и управување со аква-парк во спортско-рекреативен центар во Тетово.

https://sdk.mk/index.php/dopisna-mrezha/firma-od-slovenija-ke-go-chisti-gubreto-vo-tetovo-otkako-potpisha-dogovor-so-opshtinata-za-javno-privatno-partnerstvo/