Катна гаража Разловечко востание - кај ССМ

Возилата на светло, граѓаните во темница: Лифтови вон функција и скали како од хорор-филм во гаражата „Разловечко востание“





Од АДИССДП тврдат дека еден од основните приоритети им е оспособувањето на лифтовите, а дека во периодов се работи на осветлување на скалишниот простор.

Граѓаните што ќе решат да ги паркираат своите возила во катната гаража „Разловечко востание“, лоцирана зад Градскиот трговски центар, мора да бидат подготвени дека откако ќе го остават својот автомобил, ќе треба да се симнуваат по скали што наликуваат на сцена од хорор филм. Затоа, неизоставно, пред да го побараат излезот, треба в рака да имаат мобилен телефон со пуштено осветлување, да го затнат носот и набрзина да претрчаат по скалите, притоа внимавајќи да не стапнат во локви од урина или во нешто уште полошо.

Во оваа гаража, со која стопанисува АД за изградба и стопанисување со станбен и со деловен простор, поранешно ПУИГ, не работат лифтовите, а на скалите нема никакво осветлување и се претворени во јавни тоалети. Со оглед дека во гаражата, како што е официјално наведено на нивната веб-страница, има 22 полунивоа за паркирање, значи дека оние што се паркирани погоре, имаат прилично голем пат да поминат по темните и смрдливи скали. Другата варијанта за излегување од гаражата е да се оди по лентите по кои се искачуваат возилата, што е крајно небезбедно.

Паркиравме во гаражата за празниците, со намера да го прошетаме детето на плоштад. Но, кога тргнавме по скалите да се симнуваме, страв да го фати човек. Жива темница, смрди ужасно на мочка, со едната рака се обидував да осветлам со мобилниот додека в раце го носев детето, кое беше преплашено. Лифтовите не работеа. Целата атмосфера беше ужасна. На враќање се качувавме по делот каде што возат автомобилите, оти не можев да замислам пак да се качувам по тие темници. Срамота, што да се рече друго – реагира наша сограѓанка.

За ужасната состојба на гаражата, во која останатиот дел, наменет за движење и паркирање на возилата е чист и осветлен, одговор побаравме од АДИССДП, од каде што тврдат дека еден од основните приоритети им е оспособувањето на лифтовите.

Во насока на подобро и поефикасно работење на катната гаража „Разловечко востание“, ставањето во функција на лифтовите е меѓу основните приоритети на Секторот за стопанисување со станбен и деловен простор при АДИССДП. Во тек е постапка за избор за најповолен понудувач за сервисирање и одржување лифтови и лифтовски постројки, и веднаш по нејзиното завршување, односно во најкус можен рок ќе се пристапи кон поправање и оспособување на сите 4 лифта – одговараат од претпријатието.

Оттаму појаснуваат дека во изминатите неколку денови била извршена санација на оштетените сијалични места и замена на дел од нив со нови, па целосно се осветлени сите нивоа на катната гаража, а во периодов се работи на осветлување на скалишниот простор.

Залагањата на нашето Друштво секогаш се во насока на одржување хигиена на гаражите и на другите простори со кои стопанисуваме, а ваквиот пристап подразбира тековно одржување на скалишниот простор, како и генерално чистење на целата гаража двапати месечно кога се врши и дезинфекција. Според редовниот календар на активности, последна акција од овој тип беше одржана на 22 и 23 декември – велат од АДИССДП и додаваат дека тогаш биле исчистени и патеките на движење, скалишниот простор и заштитните огради.

Сепак, како што посочуваат од АДИССДП, треба да се има предвид дека катната гаража „Разловечко востание“ е објект од отворен тип поради што е отежната контролата за влез на надворешни лица, кои не се корисници на гаражата, па поради тоа се размислува за неколку опции што ќе овозможат посоодветна заштита и одржување на нивото на хигиена.

Сепак и покрај тоа што е гаражата од отворен тип, какви што се всушност речиси сите катни гаражи во градов, доколку лифтовите се стават во функција и доколку има светло по скалите, ситуацијата би била поинаква. Затоа што скопјани што ги користат услугите на оваа гаража и за тоа уредно плаќаат од час, би требало да имаат нормални услови и да излезат од неа откако ќе паркираат или кога ќе се вратат по возилото.

https://www.slobodenpecat.mk/vozilata-na-svetlo-gragjanite-vo-temnica-liftovi-von-funkcija-i-skali-kako-od-horor-film-vo-garazhata-razlovechko-vostanie/

Ми текна мене пред некое време ама изгледа без кола не сум смеел да бидам таму зошто приватен бил паркингот, не можев да се расправам па си отидов

Две на брзина





Edited by SkopjeZaVardar - 27-Nov-2016 at 17:21

20161126_155741 by Ani.build, on Flickr

20161126_155744 by Ani.build, on Flickr

20151201_143705_Richtone(HDR) by staro.skopje, on Flickr

Нешто што штракав со фотоапаратот деновиве:

DSC08084 by george k. 1981, on Flickr

DSC08121 by george k. 1981, on Flickr

DSC08122 by george k. 1981, on Flickr

DSC08039 by george k. 1981, on Flickr

Еден детаљ од катната гаража...

DSC05980 by george k. 1981, on Flickr

Патем, гаражата беше доста запуштена во однос на чистотата. Долниот дел кај лифтовите беше полн со ситно ѓубре (лисја, кал, земја, отпадоци итн.), а на најгорниот кат имаше многу вода (поради дождовите, нормално). Она што ме зачуди е тоа што не успеав да забележам некаков систем за одвод на дождовницата (можеби постои, но јас не го забележав). Целата внатрешност на гаражата е чист бетон (и најголемите поддржувачи на брутализмот би можеле да му „позавидат“ на ова „ремек-дело“), бетон кој на моменти изгледа како да е нашљакан без некаков ред, онака, случајно. Тоа посебно може да се забележи на површината по која треба да возат или да се паркираат возилата. На најгорниот кат, пак, подот е премачкан со некој материјал кој е веројатно водонепропустлив и кој на око изгледа фино. Жал ми е што не ми текна да направам неколку фотки од внатрешноста, но можеби другпат пак ќе одам.

Па зависи што ќе осмислат со законот, на пример Луксембург е прогласена целата земја за слободна финансиска област, додека во Дубаи и Шангај постојат одвоени области, но мислам дека повеќе спомнуваа, а и денеска на расправата за Уставот слушав дека повеќе ги споредуваа со слободните економски зони, а бидејќи тие се одвоени, така мислам дека ќе бидат и овие, т.е. оваа, бидејќи не верувам дека ќе бидат повеќе. Идејата е добра, а и не гледам зашто не би можело да биде баш на овој простор, со две-три високатници на просторов, сигурно ќе бидат дури и надминати капацитети на зоната, не верувам баш да има навала.

Би сакал да верувам дека идната хипотетичка 20-катница ќе има доста длабоки темели кои ќе овозможат барем 2-3 нивоа за подземен паркинг.

Не знам дали под слободна финансиска зона мислат баш на одреден географски ограничен простор (како на пример 2 km2 од државата), но мене ми е сосем привлечна идејата таму да се градат згради со иновативни фасади над 20 ката, кои би биле центарот на терцијарниот (услужен) сектор, односно банкарство, консалтинг, и слични не-мануфактурни дејности.

Местоположбата е полн погодок со оглед близината до останатите високи згради во тој дел на Скопје (Соравиа и ССМ), близината до централната банкарска институција - НБРМ (по ново БРМ), и близината до Јадран Сквер (кој е седиште на Комерцијална, Еуростандард, Поштенска, Охридска и Уни Банка).

Тоа што ќе бидат блиску до Вардар ќе биде супер за фотки, think Moscow and London!

Originally posted by gjoko на тоа место нели се предвидуваа стокатниците.да не ги мешаме овие турскиве,пошто тие беа засебна работа

стокатниците беа само помпезна најава во време кога тој муабет беше популарен... за тој простор сеуште не е донесен конкретен план