Надградба на ГТЦ

(Видео) ГТЦ пропаѓа, дуќани се изнајмуваат и за нула денари



Негогаш архитектонски и бизнис бисер на Скопје, денес запуштен, руиниран и пред пропаст е Градскиот трговски центар.

Неодамнешниот инцидент каде пради откачен клима уред се сруши дел од покривот и за среќа немаше ниту еден повреден е само последното предупредување дека на ова здание му се заканува целосен распад.

Некогаш врвулици од луѓе а денес празни ходници (особено на првиот и вториот спрат) празни излози, просјаци и полуфункционално кино е сликата што е секојдневие во ГТЦ.

Приземјето на оддава впечаток дека ГТЦ е пред колапс. Таму има доста луѓе, полни се дуќаните, ходниците и „уличките“. Фреквенцијата на луѓе тука е најголема поради бројните продавнииц, но и банки, кафулиња и ресторани.

Слично е и во подрумските простории особено кај двата големи маркети и неколкуте пекари и сендвичати.

На првиот спрат глетката е целосно различна. Тука освен вработените во дуќаните и канцелариите, може да се забележи одвај по некој човек кој се упатил кон неколкуте малку дуќани што останале да функционираат, а тоа се најчесто бутици.

Но затоа тука „врие“ од деловни простори што се издаваат.

„Се издава“ „Се издава или продава“ „Дуќанот е префрлен на приземје“ „Се продава“ се најчестите написи на излозите во дуќаните на првиот и поготово на вториот спрат.

Голема понуда и никаква побарувачка

Во ГТЦ се издаваат и продаваат различни простории со различни квадратури и за различни намени а нивната цена варира од квадратурата, местоположбата, одржуваноста, но и од тоа дали има свој тоалет или не.

Но и покрај лошата состојба на трговскиот цените за купување не се воопшто евтини и се движат од 1.500 па се до 2.500 евра за еден метар квадратен.

Кај изнајмувањето пак е малку поинаку. Кириите се нешто поевтини отколку на друга локација во центарот на Скопје, но треба да се има предвид дека покрај киријата, има и месечни трошоци за одружување чиј износ зависипред се од квадратурата на дуќанот.

Токму тоа е причината што некои сопственици се одлучуваат дуќаните да ги изнајмуваат за нула денари, а сопственикот да ги плаќа само режиските трошоци.

24инфо.мк контактираше со еден таков сопственик.

„Дуќанот го издавам без пари, ваше е само да ги плаќате трошоците за одржување, тие за мојот дуќан изнесуваат околу 22.000 денари или 350 евра месечно“ ни рече Никола, сопственик на дуќан на првиот спрат во ГТЦ.

Тој се решил на таков чекор затоа што повеќе од две години дуќанот му седел празен, а трошоците за одржување веќе му станале товар кој се потешко го менаџира. На прашањето дали би го продал, нашиот соговорник вели дека досега три пати го осласувал, но не успеал да најде купец.

Сопственици на празни дуќани во ГТЦ има многу и секој на свој начин се обидува да дојде до некаков приход од нив, но се почести се случаите каде се нуди деловен простор за нула денари.

ГТЦ се спаси од барок и доби зелен покрив

За време на владеењето на ВМРО-ДПМНЕ, тогашната власт предводена од Никола Груевски имаше идеја да го затвори ГТЦ и да го „преоблече“ во барокно руво, што предизвика реакции на граѓаните кои со жив штит го бранеа ГТЦ.

По смената на власта во 2017 година, тогашната градска власт предводена од градоначалникот Петре Шилегов постави зелен покрив и изгради јавен простор на кровот на ГТЦ што требаше да ги мотивира луѓето помсовно да доаѓаат.

Сепак, откако со Скопје раководи Данела Арсовска зелениот кров е запуштен, дел од зеленилото е исушено, не работат ниту чешмичките.

И ранет и разрушен, ГТЦ денес се уште гордо стои како порта на градскиот плоштад и ја чека својата судбина, за која ретко кој знае каква ќе биде.

https://24info.mk/2024/07/22/%D0%B2%D0%B8%D0%B4%D0%B5%D0%BE-%D0%B3%D1%82%D1%86-%D0%BF%D1%80%D0%BE%D0%BF%D0%B0%D1%93%D0%B0-%D0%B4%D1%83%D1%9C%D0%B0%D0%BD%D0%B8-%D1%81%D0%B5-%D0%B8%D0%B7%D0%BD%D0%B0%D1%98%D0%BC%D1%83%D0%B2%D0%B0

Originally posted by MKDSTRUGA Најголем проблем на ГТЦ е тоа што е отворен. На пеколни температури во лето и минусни во зима, шетање по излози низ ГТЦ е лудост кога веќе имаме 3 други поголеми трговски центри. ГТЦ треба да се затвори, по мое со стаклени фасадни елементи кој би били провидни и не би ја нарушиле архитектурата и изгледот. Потоа целосно да се реновира. Приземјето и првиот спрат може да имаат трговска намена додека вториот кат може да се пренамени во канцелариски парк со најмодерно опремени канцеларии, дел за стартапи или странски фирми од ИТ и РНД индустријата. И финално кровот треба целосно да се претвори во парк бидејќи вака како што е сега представува огромна бетонска површина која за ништо не се корсти.

Според мене, ова е најразумното размислување досега и можеби најблиску до најостварливото. Сепак, би сакал да истакнам дека најголем проблем на ГТЦ, меѓу другите проблеми, е децениската негрижа и запуштеност, главно заради неспособно раководство и раскарани дуќанџии. Досега се вршени само површни шминкања, а не е решен ниеден од горливите проблеми што се влечат уште од 1990-те.

Иако сметам дека затворање на ГТЦ со стакло исто така би било голем залак од причина што разладувањето и загревањето на тој простор ќе треба да се врши со централно ладење/греење, а факт е дека и сегашното централно ладење/греење едвај постигнува да разлади и да загрее во многу од дуќаните. Сето тоа ќе треба да се финансира, а стварно не гледам кој би вложил. Дури не верувам ни дека државата или градот би вложиле во нешто што ќе претставува дополнителна финансиска дупка за нив.

Edited by Џоле - 18-Jul-2024 at 15:33

Најдобро е да има систем кој се затвора и отвора. Преку лето навечер да го отвараат, систем нешто како што имаат ресторани и кафе барови стакло.

Горе да биде како Вимблдон кога не врне дожд и кога не паѓа снег да си е отворено а за поладни денови да се затвора.

Пак ќе напоменам издавањето на дуќаните треба да биде исклучиво на млади луѓе со лимит до некоја одредена година (до 30 и некоја година)

Треба да си остане ГТЦ затоа што е единствен отворен трговски а не затворен од сите страни.

Да се реновира скроз од корен. Да се направат некакви услови за млади да започнуваат бизниси во ГТЦ. Има потенцијал да заживее повеќе ГТЦ само треба некаков добар план и добра организација.

Државата е лош стопанственик! Под хитно да се продаде ГТЦ! Доста симулираме комунизам!

рушење не ама реконструкција да, иако со Саем искуството вели поинаку [1] практично горе може да оди стакленик налик Јавен Кафиќ каде со фрактални клупи би се пополнил простор [2] додека зградите може да се обложат со лед платно [3] или цел комплекс "ребрендира" постмодерно некако [4][4]

~

ќути сејвната на веб.архив инаку испарила от Вечер ...

Originally posted by Zelenikovo ...

Znam deka e bolno i nepopularno, no edinstveno resenie e rusenje na GTC.

Распадот на ГТЦ: Како фамилијата Бајрам му пресуди на градскиот симбол





https://irl.mk/raspadot-na-gtc-kako-famili-ata-ba-ram-mu-presudi-na-gradskiot-simbol/

Ете уште една идеја како да се спаси ГТЦ и паметно да се искористи тој простор, ако на едниот кат се премести зелено пазарче, друг би можел да биде сточен пазар.

Сите знаат дека АД ГТЦ работи без лиценци и сите молчат

Сѐ почна кога минатата година се откри скандалот со „копањето“ крипто валути во магацинскиот простор на ГТЦ од страна на компанија на Елвис и Габриел Бајрам, советник во Град Скопје од партијата на Ромите, коалициски партнер на владеачката СДСМ. Овој очигледен криминал со кражба на струја од ГТЦ, а дозволен од страна на АД ГТЦ на сметка на дуќанџиите остана неразјаснат. Сите се прават дека не се надлежни и дека всушност таму никој никогаш и не крадел струја затоа што и немало струјомери во магацините на ГТЦ. Но, фактите говорат поинаку. Сметката за струја која сопствениците на дуќани во Градскиот трговски центар во Скопје ја добиле по затворањето на гаражите во ГТЦ на 16 ноември 2021, каде браќата Бајрам држеле компјутери за копање биткоини, била помала за најмалку 40 отсто. Основано може да се процени дека четири години дуќаните во ГТЦ плаќале струја и за бизнисите на браќата Бајрам. Нивните трошоци за струја се проценуваат на над 800.000 евра.

Затворањето на овој скандал во јавноста се поврзува со политичка одлука.

Сите се прават ненадлежни во очигледната незаконистост со редиструбуцијата на струјата на сопствениците на дуќаните од страна на АД ГТЦ за што и надлежна државна институција (Регулаторна комисија за енергетика) вели дека тоа ова акционерско друштво не смее да го прави.

И пак сме во иста ситуација - РКЕ официјално вели дека АД ГТЦ нема лиценци за препродажба на струја, вода и топлинска енергија, дека оваа ситуација е недозволива, ама едноставно нема кој да го натера раководството на АД ГТЦ на чело со директорот Ѓоко Трајчевски да се преземе нешто за да целата оваа долгогодишна нелегална работа влезе во некои нормални текови.

За РКЕ единственото решение е АД ГТЦ да побара да стане затворен дистрибутивен систем, да побара дозвола за тоа, по што РКЕ би ги издала потребните лиценци и сѐ ќе си дојде во некој нормален тек. Ама директорот Ѓоко Трајчевски упорно тоа не го прави. Ито толку упорно молчи на сите наши прашања за проблемот со АД ГТЦ. И никому ништо. Сите сега нешто чекаат. Нема инспектори, нема истражители, нема полиција, нема обвинители...

Не молчат само членовите на Здружението на граѓани сопственици на дуќани ГТЦ 1973. Тие се упорни во своите барања, апели, средби, укажувања на апсурдноста во која со години се наоѓаат, се сомневаат на многу нелегални работи во раководењето на ГТЦ, криминали, укажуваат на проблемите... и тоа.

Тие бараат одвојување на управувањето со електричната енергија на АД ГТЦ, брааат секој деловен простор да добива директно сметка од операторот за услугата (струја, вода, топлиснка енергија), а заедничките трошоци за електрична енергија и вода да се мерат посебно и да се делат на сите деловни простории без разлика на сопственоста.

За хигиената, обезбедувањето и поправките бараат распишување тендер и ангажирање на надворешни лиценцирани фирми.

Тие велат дека веќе побарале од инспекцискиот совет да издаде забрана за АД ГТЦ за вршење на нелиценцирани дејности. Одговор и на тоа нема. А бараат само примена на Законот за забрана и спречување на вршење на нерегистрирана дејност. АД ГТЦ со години врши нерегистрирани дејности и наплата на нерегистрирани дејности во фактури, без лиценци и посебни дозволи и без склучени договори согласно Законот за енергетика со лиценцирани снабдувачи.

А како оди тоа рефактурирање, на пример на сметките за струјата. На пример во еден период струјата се купуваше за 3,130 денари за киловат/час, а АД ГТЦ на сопствениците на дуќаните во ГТЦ струјата ја продава за 15,9 денари за киловат/час. Вкалкулираната маржа е од околу 500% без дозавола за вршење дејност.

АД ГТЦ нема лиценца за електрична енергија, нема лиценца за парно греење, нема лиценца за управување со ГТЦ, за водоснабдување, за обезбедување, нема одобрена методологија за пресметка на електрична енергија, нема одобрена методологија за пресметка на топлинска енергија, нема дозвола за трговија со акцизна роба - електрична енергија... Ама сето тоа го прави.

„Бараме Владата да назначи прокуратор во АД ГТЦ за спроведување на Законот за енергетика. Прокуратор за заштита на потрошувачите. Бараме нов тим за ГТЦ. Ново раководство во АД ГТЦ. Раководство кое ќе работи со лиценци. Сегашното раководство не сака да работи со лиценци. Сегашното раководство фалсификува финансиски документи , дури и фактури кон нас. Бараме формирање на собрание на сопственици во ГТЦ како што пропишал законодавецот, а тоа го препорачува и Министерството за транспорт и врски“, велат од Здржението на друќанџиите ГТЦ 1973.

Во врска со работењето на АД ГТЦ интересен е и податокот од истражувањето на Центарот за граѓански комуникации за транспарентноста на државни претпријатија во 2020 година. Уште тогаш е утврдено дека на дното на листата се наоѓа АД Градски трговски центар Скопје. Ако во 2018 година ова акционерско друѓтво не исполнуваше буквално ниту еден стандард, во 2020 година АД ГТЦ исполни 16 % од стандардите, што настана како резултат на тоа што се вброи во листата на иматели на информации од јавен карактер, и на веб-страницата има посебен оддел за пристап до информации, потоа ги објавува основните податоци за контакт: назив, адреса, телефонски број, е-адреса, а на веб-страницата се пронајдени и други информации и податоци што произлегуваат од надлежноста и работата на акционерското друштво.

Градскиот трговски центар продолжува да книжи и загуби во работењето. И минатата 2021 година, исто како и претходната, оваа компанија ја завршила со негативен финансиски резултат, иако загубата лани е малку намалена во однос на 2020 година.

Молкот на надлежните институции и натаму е во тек. Се чека реакцијата по најавениот протест.

https://www.mkd.mk/makedonija/skopje/site-znaat-deka-ad-gtc-raboti-bez-licenci-i-site-molchat