Aдминистративни објекти (општо)

Виница

е интензивираат работите околу реконструкцијата и изградба на нова фасадата на општинската зграда. По завршување на делот во кој се наоѓаат Музеј Теракота и Дом на култура Тошо Арсов, изградбата на енергетски ефикасна фасада продолжува на останатиот дел од општинската зграда. За реализирање на овој проект обезбедени се средства од Буџетот на Општина Виница и Биро за рамномерен регионален развој.

https://www.facebook.com/MilePetkov2

Административна зграда (и веројатно и погон) на Industry Service, служба за производство и достава на храна на индустриски капацитети, некаде во Скопје.













https://www.behance.net/gallery/179733583/Proxy-Industry-Service-HQ

Edited by Џоле - 05-Mar-2024 at 12:33

Не паметам дали објектов имаше своја нишка:

Премиерот Ковачевски во посета на ИКТ Центарот за чување и заштита на податоци во Прилеп [20.11.2023"> by Влада на Република Северна Македонија, on Flickr

Премиерот Ковачевски во посета на ИКТ Центарот за чување и заштита на податоци во Прилеп [20.11.2023"> by Влада на Република Северна Македонија, on Flickr

Премиерот Ковачевски во посета на ИКТ Центарот за чување и заштита на податоци во Прилеп [20.11.2023"> by Влада на Република Северна Македонија, on Flickr

Фасадно обликување на АДМИНИСТРАТИВЕН ОБЈЕКТ СИНПЕКС во склоп на Индустриски комплекс Синпекс / 3SArchitects



Година на проектирање: 2023

Автори: Наташа Стојаноска, Лазар Стојаноски

Соработници: Филип Јосифовски

Проектантско биро: 3SArchitects, Скопје

Инвеститор: СИНПЕКС доо Битола

Локација: ул. “Индустриска” бр. бб, КО Битола 5, Битола

Површина: 1350 m2

Објектот е дел од индустриски комплекс составен од неколку објекти. На барање на Инвеститорот изготвен е Проект за фасадно обликување на објектот кој претходно бил седиште на Битолската текстилна фабрика Битолатекс.

Самиот објект датира од 60те години на 20 век и низ годините имал неколку реконструкции и адаптации на просторот според тогашните потреби. Новиот сопственик на објектот планира да го претвори во ново административно седиште на компанијата.



Архитектонскиот израз на новото решение го отсликува развојот на компанијата во 21 век, при што се употребени современи материјали. Програмски објектот ја зарджува функцијата која ја има уште од неговата изградба, но денес трпи промени во склад со современите потреби и барања на новиот Сопственик. На кровот е предвидено да бидат вградени фотоволтаици кои дополнително ќе обезбедат енергетска самостојност на објектот.

Изборот на материјали е направен со цел лесно одржување и трајност за ова поднебје чија годишна температурна разлика изнесува повеќе од 70о С.





Објектот како дел од индустриски комплекс е изграден со приземје и кат со ориентација на канцелариите исток запад на чии фасади се поставени најголем дел од фасадните отвори како максимално би се осветлил работниот простор. Приземјето има полу-јавен карактер и е составено од приемен дел, простории за вработените, мали сали за состаноци, архива и изложбен дел за презентации и случувања од различен карактер. Катот е предвиден за директорските канцеларии и главната сала за состаноци и е од затворен – приватен карактер.



Aдминистративниот објект има два влеза, едниот од југ наменет како приватен влез, и другиот на северната страна како главен влез во овој објект кој воедно гo поврзува овој објект со останатите објекти од Индустрискиот комплекс.





Кровот над северниот влез е претворен во кровна градина до која се пристапува од катот при што е обезбеден пристап до надворешен простор и за корисниците на катот.





Фасадата е оформена како обвивка од вертикални и хоризонтални алуминиумски елементи со растер кој ги прати постојните фасадни отвори, поставени на метална потконструкција преку термоизолацијата од камена волна. Фасадната столарија е од алуминиум врамена со алуминиумските профили. Фасадните отвори кај двете нивоа се поставени на разминување како би се создало динамично обликување на еден строго дефиниран растер од постоечките фасадни отвори со дополнително врамено надвишување од металната конструкција, со кои треба да биде разбиена правилната хоризонталната силуета на постојниот објект со должина од 60 м, а висина од 8 м.





Начинот на кој се оформени фасадните отвори нуди програмска дистинкција на содржините за посматрачот при што, малите и тесни фасадни отвори се оформени кај утилитарните простории, правилните врамени прозори кај просториите канцелариските простории за вработени, додека деловите на западната и источната страна со најголеми застаклувања се наменети за директорските канцеларии и изложбениот простор како најрепрезентативни делови на објектот.



Објектот не претставува конечно оформен организам туку е подложен на постојан процес на прилагодување на потребите од современиот живот во периодот во кој се случуваат.

Изборот на проектантска стратегија во насока на ревитализација на објектот е базирана на:

– детална анализа на објектот и тоа: историска, архитектонска, програмска, економска и конструктивна (во контекст на периодот во кој е изграден)

– изборот за современата содржина на објектот е разработена во склад со изворната содржина, а во релација со новата програма која ќе ја содржи објектот и нивната компатибилност.



На база на извршеното истражување идентификувани се квалитетите на постојниот објект и елементите кои се основа за проектантска, обликовна и содржинска надградба, при што главната цел на проектантот е да обезбеди континуирана употребата на објектот при што и оваа интервенција во иднина треба да биде евалуирана како претставник на еден од историските периоди низ кој минува објектот при некоја идна промена и трансформација.

https://marh.mk/fasada-sinpeks-3sarchitects/?fbclid=IwAR2bnZjwZQ7ZQZAYM4Wpp1rMHAo0WZUjveCr0zuJamnUXbEXQg4d-D2xL4o

Почна обновувањето на изгорените бараки на дирекцијата на ЈП „Улици и патишта“





Јавното претпријатие „Улици и патишта“ почна со обновувањето на своите опожарени бараки позади ТЦ „Буњаковец“. Деновиве нивни екипи го расчистиле шутот кој остана по пожарот, а веќе е поставена и табла со изгледот на бараката и со назив на фирмата изведувач.

– Просторот е исчистен. Веќе се подготвуваат елементите кои што треба да се монтираат. За околу 15 дена се очекува да биде готова карабината – изјави директорот на ЈП „Улици и патишта“, Борис Настов.

Тој додаде дека потоа ќе се постават и кровните елементи. Станува збор за монтажен објект кој ќе биде со истиот габарит како и претходниот, но од поиздржлив материјал, односно од лесен бетон, а не од дрвен материјал, како и со подобра термичка изолација.

Како што истакна Настов, тој очекува за три месеци, а најдоцна до Нова година бараката да биде комплетно подготвена за вселување на вработените кои сега привремено се наоѓаат во простории во зградата на јавното претпријатие „Комунална хигиена“ .

Пожарот во кој на 22 декември, минатата година беа зафатени бараките на ЈП „Улици и патишта“, со површина од 380 квадратни метри, според МВР, прво избил во патничко возило „нисан“ со скопски регистарски ознаки, сопственост на Н.Л. (38-годишник од Скопје). Од пожарот делумно беше зафатено и патничко возило „шкода“ со скопски регистарски ознаки, сопственост на обвинителот Гаврил Бубевски, кое било паркирано на тротоарот, до бараките на ЈП „Улици и патишта“.

https://www.vecer.press/почна-обновувањето-на-изгорените-бар/

ПО 60 ГОДИНИ РЕКОНСТРУИРАН ЦЕНТАРОТ ЗА ВРАБОТУВАЊЕ ВО КУМАНОВО, СО ПАРИ ОД ЕУ



Комплетно е реконструирана зградата во која што се сместни службите на Центарот за вработување во Куманово. Проектот за модернизација, санација и адаптација на објектот насловен „ЕУ за млади“ чини 10.3 милиони денари (над 165.000 евра), средства обезбедени од Европската унија. Со оваа реконструкција се добиваат подобри услови за вработените и граѓаните кои ги користат услугите на оваа институција.

„Овој проект претставуваше голем предизвик за реконструкција затоа што не беше обновен од 1960-те години и беа потребни поголеми зафати за да се подобри неговата функционалност. Сега центарот доби нова фасада на зградата, променета е кровната конструкција и прозорците, со што се зголеми енергетската ефикасност на целиот објект. Греењето ќе биде на палети со што значително ќе ги намалат трошоците за струја“, кажа директорот на Агенцијата за вработување, Абдуш Демири.

Раководителката на Центарот за вработување во Куманово Марија Димитриевска, вели дека во освен просторното уредување направена е и функционална организација на работењето на центарот, со тоа што невработените лица и работодавачите ќе ги добијат потребните услови на едно место.

„Тоа значи дека тие ќе дојдат до информации на побрз и поедноставен начин. Сите вработени во Центарот кои работат на одредена проблематика се сместени во исти простории, така да многу е полесен пристапот и многу поедноставно граѓаните да ги добијат потребните информации и доколку е потрено колегите ќе знаат каде да ги упатат“, кажа Димитревска.

Во Центарот за вработување во Куманово до 31 мај годинава евидентирани се 15.214 лица како активни баратели на работа, или 10 отсто од вкупно евидентираните лица на ниво на државата, и 5.602 лица пасивни баратели на работа. Директорката кажа дека за време на пандемијата имало тенденција на отпуштање на вработените во одредени сектори кои биле најмногу погодени од коронакризата, а пред сè во чевларската индустрија, но сите оствариле паричен надоместок од Агенцијата. Сега најголем дел од нив се вратени на работа.

Центарот вработување во Куманово е првиот од неколкуте во државата кои во наредниот ќе бидат реконструирани од проектот „ЕУ за млади“.

https://sdk.mk/index.php/dopisna-mrezha/po-60-godini-rekonstruiran-tsentarot-za-vrabotuvane-vo-kumanovo-so-pari-od-eu/

https://www.facebook.com/Komuna-Saraj-Municipality-of-Saraj-%D0%9E%D0%BF%D1%88%D1%82%D0%B8%D0%BD%D0%B0-%D0%A1%D0%B0%D1%80%D0%B0%D1%98-822691744495521/

ДРЖАВАТА ЈА ОТКУПУВА ЗГРАДАТА НА ЕСМ, ЈАВНОТО ПРЕТПРИЈАТИЕ ЌЕ СЕ СЕЛИ ВО СОСЕМА НОВИ ПРОСТОРИИ



https://24.mk/details/drzhavata-ja-otkupuva-zgradata-na-esm-javnoto-pretprijatie-kje-se-seli-vo-sosema-novi-prostorii

Административна зграда , Скопје









https://www.facebook.com/ArhiGroupPlanA/