Кучиња скитници

Originally posted by Magdalena Ah, stray dogs, the unofficial furry ambassadors of the neighborhood! 🐶🌆 It's like they've mastered the art of navigating the urban jungle, with their tails as GPS antennas and their barks as the local news bulletin. They've got this 'free spirit with a touch of mischief' vibe that's hard to resist. You'll find them chilling on the street corners like they're pondering the mysteries of life, or perhaps just waiting for the next human to unwittingly drop a sandwich. It's like they're living the doggy dream – no rules, no responsibilities, just endless games of 'chase the tail' and 'let's dig up a secret treasure'! So here's to the lovable wanderers who keep the streets entertaining and the hearts warm.

I really hope you're a bot,if not go seek help in a mental hospital.

ВИДЕО-АНКЕТА: Проблем без решение – Кучиња господарат на скопските улици, трчаат, лаат, па и касаат минувачи



Освен неодговорни сопственици и недоволна контрола на бројот на кучињата што се чуваат дома, најголем проблем е што во нашата држава нема прифатилишта за трајно сместување на бездомните животни, со што кучињата без сопственици би се тргнале од улицата. Засега во оваа насока никој сериозно не размислува.

Глутници кучиња низ Скопје ги плашат граѓаните, кои се чувствуваат небезбедно да се движат низ улиците на своите населби, особено во доцните ноќни часови. Се жалат жителите на Аеродром, на Карпош, на Ченто, Железара, всушност поплаки има од сите делови на градот. И додека граѓаните упорно бараат да се најде некакво решение за проблемот, полициските билтени речиси секојдневно информираат за луѓе каснати од кучиња.

Пет-шест кучиња веќе подолго време се „декор“ на градскиот плоштад, ги пречекуваат и ги душкаат групите туристи, трчаат по велосипедистите, лаат по некои минувачи. Сите апели и барања на граѓаните овие кучиња да се тргнат од плоштадот, останаа залудни.

Во Скопје единствена институција задолжена за справување со бездомните кучиња е ЈП „Лајка“, но нејзината задача е да ја спроведува програмата „Залови, стерилизирај, врати“. Тоа значи дека се заловуваат кучињата што немаат ушна маркичка, потоа врз нив се спроведува комплетен ветеринарен третман, вклучително и стерилизација, и повторно се враќаат на територијата каде што се заловени. Прифатилиштето на „Лајка“ нема капацитет за трајно прифаќање на кучињата.

Во изминатиот период заловувачите на ЈП „Лајка“ спроведоа стратешко заловување на кучиња низ скопските општини. По акцијата во Центар ги прашавме зошто не се заловени кучињата на плоштадот „Македонија“.

Оттаму постојано посочуваат граѓаните да пријавуваат доколку на улица видат куче што не е третирано. Но, проблем се и кучињата што поминале третман и се на улици. Кога ќе се здружат и особено кога се од нешто испровоцирани, се случува да нападнат. Застрашувачки изгледаат кога се во чопор, па со право граѓаните се чувствуваат небезбедно.

Во Скопје има илјадници кучиња на улиците, но никој не може точно да каже колкав е нивниот број. Програмата „Залови, стерилизирај, врати“ се чини не ги дава резултатите што се очекуваа, па наместо да се намалува бројот на бездомни животни по улиците, навидум, се зголемува. Најзагрижувачко е тоа што на улиците сѐ повеќе се среќаваат напуштени расни кучиња, некои дури и од видовите кои важат за опасни – ротфајлери, волчјаци, па дури и питбули, кои им здодеале на сопствениците или им се виделе како преголема обврска, па завршиле на улица нестерилизирани и подготвени за неконтролирано размножување.

Неодговорното сопствеништво е сериозен проблем на кој со години укажуваат здруженијата за заштита на животните. „Анима мунди“ неколкупати предлага измени и дополненија на Законот за заштита и благосостојба на животни, усогласени со успешните европски практики, кои според нив се игнорирани, иако дефинираат мерки за контрола, сузбивање, надминување на проблемот. Основните мерки што ги предлага ова здружение се законска забрана за евтаназија на бездомни животни, законска забрана за размножување на кучињата, освен во случај на регистрирана одгледувачница, регулирање и воведување данок за таа дејност, законска забрана за напуштање миленик, задолжително регистрирање (со микрочип) на животните од раѓање и создавање функционална јавна и единствена база на податоци од домашни миленици како и кучињата што се користат при лов, а кои честопати се напуштаат или се подаруваат доколку не ги задоволуваат потребните стандарди, како и законска регулација на трговијата со домашни миленици во пет-шоповите и одгледувачниците.

Премиерот Димитар Ковачевски на почетокот на годинава, кога здруженијата за заштита на животни протестираа против убивањето и мачењето бездомни животни во Струга, рече дека и покрај тоа што станува збор за ингеренција на локалните власти, Владата ќе бара помош од Брисел, преку ИПАРД-програмите да се изгради стационар што ќе биде дом за тие кучиња.

Барањата се легитимни и ќе се подготви нов закон, кој ќе ги опфати сите услови за чување домашни миленици, почнувајќи од чипирањето. И јас чувам куче и знам како е. Во однос на кучињата скитници, сметам дека е време и градоначалниците да си ја вршат својата работа и да поведат грижа за тоа што им се случува на нивните улици – рече Ковачевски.

Во Законот за заштита и благосостојба на животните меѓу другото во член 27 е прецизирано дека „сопствениците на кучиња се должни да ги пријават своите кучиња еднаш годишно во ветеринарните амбуланти, клиники и болници кои се овластени за спроведување на ветеринарно здравствена заштита од јавен интерес во нивното место на постојан престој, со цел да ги регистрираат и идентификуваат, како и да ги исполнат одредбите во однос на здравствената заштита согласно со прописите од областа на ветеринарното здравство“.

Под регистрирање и идентификување, како што прецизираат од Агенцијата за храна и ветеринарство се мисли на чипирање на домашните миленици. Но, казната за нечипирано куче е само 30 евра во денарска противвредност, а притоа никој не контролира дали сопственикот ја спровел оваа законската обврска. Па, така, голем дел од граѓаните не го прават тоа и доколку кучињата завршат на улица, не може да се утврди сопственикот. Казната за сопственикот на напуштен миленик е 500 евра и досега АХВ информирала само за еден таков случај.

Но, освен неодговорни сопственици и недоволна контрола на бројот на кучињата што се чуваат дома, најголем проблем е што во нашата држава нема прифатилишта за трајно сместување на бездомните животни, со што кучињата без сопственици би се тргнале од улицата. Засега во оваа насока никој сериозно не размислува.

Податоците покажуваат дека кучињата и мачките имаат висока репродуктивна способност и дека се размножуваат со геометриска прогресија, што значи дека од еден пар кучиња или мачки за 8-9 години може да се добијат до 60.000 потомци.

https://www.slobodenpecat.mk/video-anketa-problem-bez-reshenie-kuchinja-gospodarat-na-skopskite-ulici-trchaat-laat-pa-i-kasaat-minuvachi/

Ги заболе надлежните за овој проблем, кога 24/7 се возат со автомобили.

Да ги видам да одам пешки или да возат велосипед, особено навечер, кој ќе им помогне кога ќе бидат нападнати од глутница кучиња-скитници...

од фб,во Мичурин од Лајка немаат надлежност и можност да ги заловуваат бидејќи веќе поминале процес на стерилизација и кастрација.Немаат доволни капацитети за да ги вдомат сите така што градов како и за многу други работи така и за ова нема било каков долгорочен концепт и стратегија.



Ни во Тетово не е ништо подобро



https://telma.com.mk/2023/05/04/stvarno-ni-e-strav-jas-odam-so-chador-ama-tie-koga-kje-te-napadnat-5-6-pa-i-10-ima-ti-ne-mozhesh-da-se-odbranish-tetovchani-nikako-da-kurtulat-od-ulichnite-kuchinja/

Жална глетка кај Железничка, бездомни кучиња умираат од глад и жед и се опасност за сите



Речиси секој ден се регистрирани нови напади од бездомни кучиња низ улиците на Град Скопје. На некои места се забележани и цели глутници кучиња, а тоа предизвика бурни реакции од граѓаните на социјалните мрежи.

Еден скопјанец со објава на Фејсбук алармираше дека бил сведок на жална глетка на Железничката станица во Скопје.

-Пред саат време на Железничка, жална гледка, гладни, жедни и истоштени од дивеење на Скопските улици, болни, пополека умираат. Мислам дека е многу поразумно и похумано, ако веќе не планираат да ги згрижат (од градов/државните институции, или пак невладиниве организации за права/заштита на животните, кои што зимаат еден куп пари од донации за таа намена, а само знаат да ни попуваат како да се однесуваме со животните, а не прават ништо суштински, ниту за заштита и подобрување на правата и условите на животните, ниту пак за луѓето), подобро ќе биде барем да се умртват, односно еутаназија на дивите кучиња во градов, зошто вака се стварно греота, a уште поважно и пострашно се сериозна опасност, не само за деца и жени, туку дури и за возрасни мажи (и ова го кажувам од искуство), бидејќи пред некое време, лично бев каснат за нога од диво куче додека возев со велосипед низ градов и благодарен сум Му само на Бог што не завршив со посериозна повреда, исто неколку пати имам дојдено во ситуација сам со неколку диви кучиња за време на пешачење и е стварно застрашувачки, па и за возрасен маж, особено ноќно време (верувам дека голем дел од Скопјани имаат слични искуства и можат да се поистоветат со мене) и може само да замислам што ќе се случело доколку на мое место било некое мало дете, и не можам да им се изначудам на умот на тие што носат одлуки во институциите задолжени за оваа работа и зошто не преземаат никакви мерки во врска со овој сериозен проблем со кој се соочуваат секојдневно голем дел/па можеби и мнозинството од Скопјани!? (затоа што тоа мало дете може да биде и детето на директорот на некоја од овие институции, али тој веројатно заслепен од себичност и алчност за богатење и како да се намести некој коруптивен тендер, не ни размислил за тоа, дури ни за своето дете, а не пак за нас обичните смртници).
Срамота е, у 21 век, дојдовме или поточно се донесовме у ситуација да му е страв на човек да се прошета низ градов! (Само Господ нека ни е на помош! И ова го мислам најсериозно.)

Иначе баш ме интересира, кои се вашите мислења/ставови и како вие размислувате во врска со ова? Граѓани, невладините организации, а особено институциите задолжени за оваа работа, кои што се најодговорни и должни да го решат овој проблем, бидејќи се платени за тоа од нас граѓаните (преку нашиот данок, иако сме најсиромашна држава во Европа [секако после Молдавија, Косово и Босна, ако ги рачунаш за држави, да не ме обвинат за фејк њуз/лажни вести], сепак плаќаме највисок данок, околу една третина од нашата бруто плата иде за државните институции, а од нив мизерна услуга, и чисто се сомневам дека ќе ми ја укажат таа чест да го слушнам нивното мислење.), напиша скопјанецот.

https://skopjeinfo.mk/zhalna-gletka-kaj-zheleznichka-bezdomni-kuchinja-umiraat-od-glad-i-zhed-i-se-opasnost-za-site

Originally posted by nenad tolku napadi od kučinja skitnici e znak deka državnite službi (ili opštinskite ne e važno) voopšto ne si ja rabotat svojata rabota. Vo pokulturni državi vakov problem voopšto ne postoi

Е да, таму речиси и воопшто нема ни кучиња скитници, па нема ни проблем

(ВИДЕО) Ланскиот „есап“ од напади од кучиња: Скопје 400 илјади евра, Кичево 110 илјади евра, Велес 96 илјади евра…



https://360stepeni.mk/video-lanskiot-esap-od-napadi-od-kuchina-skopje-400-iljadi-evra-kichevo-110-iljadi-evra-veles-96-iljadi-evra/

Наместо да се реши проблемот се прави лотарија

----------------------------------------------------------------

ТЕТОВЦИ ЌЕ ДОБИВААТ ПОЕНИ ЗА ТОА КОЛКУ ПАТИ И КАДЕ БИЛЕ КАСНАТИ ОД КУЧЕ СКИТНИК ВРЗ ОСНОВА НА КОИ ЌЕ ИМ СЕ ПРЕСМЕТУВА ОТШТЕТА



Ако ве касне куче скитник во Тетово, треба да го земете правилникот издаден од Општина Тетово и според него да утврдите колку поени ќе добиете врз основа на кои ќе ви се исплати надомест. За каснување се добиваат од пет до 15 поени, во зависност од тоа колку било силно. Ако ве каснало еднаш или повеќепати, повторно добивате од пет до 15 поени. Различен број поени се добиваат и за големината на претрпениот страв и за последиците на каснувањето.

Ова е само дел од правилникот што го издаде Општина Тетово, со кој се утврдуваат критериумите за висината на надоместокот што ќе го добијат граѓаните по каснување од куче скитник. Според него, секој каснат граѓанин ќе добие предлог-спогодба и можност за надоместок од минимум 30.000 до максимум 100.000 денари.

Исплатата ќе биде од буџетот на општината, а сумата ќе ја одредува посебна Комисија за надоместок на штета, во која, покрај вработени во општината, се и лекар трауматолог и лекар психијатар.

„Правилникот во кој е објаснета целата процедура е објавен на веб-страната на општината, заедно со барањето кое оштетеното лице треба да го пополни и достави преку архивата до Комисијата за постапување по барања за надоместок на штета. Со ова, Општина Тетово им излегува во пресрет на граѓаните, со тоа што процедурата за вакви случаи се поедноставува и се намалуваат, односно избегнуваат судските трошоци, како и трошоците за извршители, адвокати и така натаму“, соопшти Милена Вучевска од канцеларијата за односи со јавност на Општина Тетово.

Од Општина Тетово не соопштуваат колку пари досега им биле исплатени на граѓаните кои ја тужеле општината зашто биле каснати од кучиња скитници. Таа исплата досега одела преку Јавното комунално претпријатие, кое подолг период е во финансиска криза и со блокирана жиро-сметка, па многумина тетовци чекаат на исплата, а за дел од нив сè уште траат судските рочишта.

„Лани во февруари, кога излегував од работното место, за нога ме касна куче скитник. Имаше цела глутница кучиња. Ја тужев општината, но сè уште нема конечно решение за исплата. Спорот го добив, беше пресудена отштета од околу 90.000 денари, но општината се жалеше и сега спорот е на апелација“, вели Ана Марија Блажевска, жителка на Тетово

https://sdk.mk/index.php/dopisna-mrezha/tetovtsi-ke-dobivaat-poeni-za-toa-kolku-pati-i-kade-bile-kasnati-od-kuche-skitnik-vrz-osnova-na-koi-ke-im-se-presmetuva-otshteta/

Последниве денови проблемов се актуелизира но чинам ќе биде само една фарса без некој успешен епилог.
Особено изразен е проблемот во Скопје,Струга,Кичево и Битола.
-------------------------------------------------------
ПОЛА БИТОЛА СЕ ЖАЛИ, А ПОЛА ГИ ХРАНИ УЛИЧНИТЕ КУЧИЊА, ЗА ПРИФАТИЛИШТЕТО ДОПРВА ЌЕ СЕ РАСПИШУВА ТЕНДЕР



Уличните кучиња кои се намножени во Битола, а дел во глутници го запоседнаа центарот, Широк Сокак и долниот дел од паркот, ги поделија битолчани. Едни се жалат дека не можат да прошетаат низ Битола, а уште помалку со себе да ги поведат миленичињата зашто глутниците бездомни животни ги напаѓаат, а други пак ги хранат.

„Некој нека ми каже како да го прошетам кучето до Шеталиште, а да не ме нападнат уличните кучиња на Широк Сокак во Битола? И со кое право се неприкосновени уличните кучиња и го имаат запоседнато Широк Сокак, за сметка на домашните, со кои што не можеме да поминеме поради агресивноста и навлегување во нивниот терен? Еве јас ќе го дадам кучето на некој доброволно што ќе се пријави да го прошета низ Широк Сокак, а да не го нападнат уличните кучиња“, коментира револтиран битолчанец.

Додека едните се жалат, другите ги хранат.

„Секој ден сретнувам битолчанец како им носи храна на кучињата во долниот дел од паркот. Таму се насобра цела глутница. На стотина метри погоре има детски парк. За да се качите на Тумбе Кафе потребно е да поминете покрај нив. Кај Безистенот им оставаат сомуни леб. Немам ништо против кучињата, но мора да се соберат во прифатилиште, да добијат потребна грижа, а и ние безбедно да се движиме низ улици“, вели битолчанка.

Кучињата ги закараа дури и соседите.

„Еден ден сосетката ми вели: ‘Ти си тој што пишува на Фејсбук против кучињата? Поради тебе ќе ги застрелаат по улици и ги трујат’. И од тогаш престана да ми зборува, а не сака да чуе дека ќерка ми навечер дома не може да се врати од кучиња. Пред некој ден за да се спаси се качи на хауба од возило паркирано крај патот“, вели битолчанец.

Општината во 2020 исплатила 1,29 милиони денари (над 30.000 евра) по тужби на граѓани каснати или нападнати од кучиња, а во 2021 сумата уште повеќе се зголеми. Од 21 октомври до 16 ноември 2022 , за неполн месец, Апелациониот суд од Битола решавал дури по 12 случаи за надомест на нематеријална штета поради каснатини од кучиња. На оштетените им се доделуваат средства за претрпен физички бол и страв.

Едно од главните вертувања на сегашната локална власт беша изградба на прифатилиште. Минатата година имаше најави дека во дел ќе биде направено до Нова година. Сега велат дека не можат да прецизираат рокови зашто се врзани со тендерска постапка.

„За прифатилиштето, лоцирано во близина на Средното земјоделско училиште ‘Кузман Шапкарев’, во тек е подготовка на тендерска документација за адаптација на објектот. На почетокот на оваа година ќе биде распишана јавна набавка за адаптација, по што ќе започне изведбата на терен. Во меѓувреме, до објектот е донесена санитарна и техничка вода, како и одводна мрежа. Минатата година е направен проект и обезбедена е дозвола за градба“, соопштија од Општина Битола.

Дотогаш приватна ветеринарна установа веќе врши заловување, стерилизирање и кастрирање на кучињата.

https://sdk.mk/index.php/dopisna-mrezha/pola-bitola-se-zhali-a-pola-gi-hrani-ulichnite-kuchina-za-prifatilishteto-doprva-ke-se-raspishuva-tender/