Кучиња скитници

СТОТИЦИ КАСНАТИ ОД УЛИЧНИ КУЧИЊА ГИ ТУЖАТ ОПШТИНИТЕ ЗА ИЛЈАДНИЦИ ЕВРА, АКО НЕМА КАЗНИ ЗА НЕОДГОВОРНИТЕ СОПСТВЕНИЦИ ПРОБЛЕМОТ НЕМА ДА СЕ РЕШИ

Секој ден во билтените на Министерството за внатрешни работи (МВР) има по десетина пријави за каснати граѓани од улични кучиња. Улиците не само во Скопје, туку и во другите градови низ државава се полни со кучиња скитници. Собрани во глутници, кај голем број граѓани предизвикуваат страв и несигурност.

Надлежните, Општините, Град Скопје и Агенцијата за храна и ветеринарство со години немаат решение за овој проблем. Нема казнување за неодговорно сопствеништво, ниту начин како да се намали бројот на кучиња скитници кои во волкав број ги нема во ниту еден европски град.

Од буџетите на Општините секојА години се одлЕваат пари за обештетување на граѓани кои тужат бидејќи биле каснати од куче. Големиот број тужби создава и сомнежи дека дел од пријавите се лажни и дека постои корумпирана спрега меѓу општините, лекарите, адвокатите и судовите.

САКАМДАКАЖАМ.МК изминатиов месец преку платформата Пријави проблем доби над двесте поплаки и искуства од граѓани поврзани со улични кучиња. Речиси сите од нив велат дека биле нападнати од улично куче без причини и без никаква провокација.

„Ме нападна глутница кучиња на паркингот кај Детската клиника во раните утрински часови. Можеби беа 7-8 кучиња. Повлекувајќи се наназад, случајно удрив во предмет поставен на паркингот кој направи посилен звук и ги исплаши кучињата, па се разбегаа. За среќа, останав неповреден“, вели скопјанец.

„Секој втор ден во моето маало зад Педагошки факултет има кучиња кои напаѓаат. Имам психички страв, анксиозност и несигурност, не само за мене туку и за моите деца. Не сум задоволен како се решава проблемот ниту од Градот, ниту од државата“, вели Ѓорѓи Тасев од населбата Тафталиџе.

„Ме нападнаа во Општина Аеродром додека го носев детето во школо. Имам повреди на ногата, но траумите се поголеми. Детето сега секој ден го носам со кола во школо. Не тужев и не сакам пари, сакам да се чувствувам сигурно и јас и моето дете“, вели жителка во Општина Аеродром.

На ден 19.01.2024 година бев нападнат од глутница кучиња на главната улица во населба Драчево. Тие денови имало многу напади, јас сум бил третиот тој ден, но со најмногу повреди. Иако официјалните лица беа известувани да се заловат агресивните кучиња, ефект немаше. Дури и неколку пати се јавував и праќав маилови во Град Скопје и ЈП ‘Лајка‘, но резултат немаше. Имам лузни на ногата, две големи и една мала од раните, намалена можност за физичка активност поради истегнати и скинати мускулни влакна и страв од кучиња“, го споделува своето искуство жител на Драчево, а друг жител од истата скопска населба вели дека бил нападнат од куче и додека бегал ќе го удрела кола

Голем број граѓани, според искуствата од прашалникот, се нападнати од кучиња додека шетаат во парк, трчаат не кеј или возат точак низ градот. Велат дека успеале да останат неповредени и да им избегаат на кучињата благодарение на нивната присебност.

Скопјанка кажува дека неколку пати е нападната додека го шетала својот миленик и досега четири пати го тужела Град Скопје и добила 5.800 евра оштета.

„Страшно, три кучиња ме нападнаа пред зграда 46 во Новоселски Пат, едвај се одбранив. Напаѓаат мали деца, особено ако се на велосипеди и постари лица, таткото на мојата сопруга беше нападнат на истата локација па цела ноќ по болници и во полиција поминавме“, вели Јане Петровски.

„При нормално движење во Брусничка населба, Битола, големо куче со светлокафеава боја одеднаш со силно лаење се стрча кон мене, ме турна на земја, паднав на левата рака и ме касна на десниот горен дел од ногата. Поминав скоро едномесечна голгота на прегледи и уште имам повреди и рани“, вели битолчанка.

Друга битолчанка раскажува дека била нападната од глутница од 15 кучиња и спасена од минувач. Оттогаш има голем стрес и повеќе никаде не оди пешки и мора постојано да дава пари за такси.

Од ЈП „Лајка“ кое е надлежно за уличните кучиња во Скопје велат дека проблемот со улични кучиња е поради тоа што граѓаните се неодговорни, ги оставаат кучињата на улици и поради тоа што нема никакви казни за неоговорно сопствеништво.

„Основната причина за настанување на овој комунален проблем е ниското ниво на свест кај граѓаните за благосостојбата на животните и недостаток на соодветна законска регулатива, како и неспроведување на постоечката, бидејќи сите релевантни истражувања наведуваат на фактот дека главниот извор на проблемот се домашните кучиња кои неодговорно се чуваат од страна на граѓаните и нерегулираното производство на нивни легла. ‘Лајка‘ како последната алка од т.н. системско решение е целосно посветена на третирање на сите кучиња кои моментално се наоѓаат на јавен простор, со цел да се воспостави контрола на нивната бројност со примена на методот ‘залови-стерилизирај- вацинирај-врати’ како хуман, ефикасен и економски исплатлив метод кој дава видливи резултати. За постигнување на крајната цел, потребни се паралелни мерки кои би го спречиле приливот на нови единки на улица:брза и ефикасна примена на подобро законско решение кое ќе го таргетира пред се неодговорното сопствеништво како причинител број еден на проблемот, подобра идентификација на милениците, контрола на размножување и обесхрабрување на создавање на нови легла, оданочување на нестерилизиран/некастриран миленик, посериозни санкции за неодговорните сопственици, но од друга страна и подобра имплементација на тоа законско решение од страна на надлежните институции“, ја објаснуваат причината за проблемот во „Лајка“.

САКАМДАКАЖАМ.МК ги праша граѓаните што предлагаат за решавање на проблемот. Според граѓаните, кучињата треба да се отстранат од улиците. Велат дека треба да се носат во стационари надвор од градот, а не пак да се враќаат на улица и сметаат дека мора да почне да се казнува за неодговорно сопствеништво.

„Кучето не се сака само ако му се однесе манџата што не се изела дома и се фрла по тротоари, туку треба да се шета, трча, тренира. Ова е грев кон самите кучиња што се прави. Сепак, најмногу се криви луѓето. Во други земји се дава дозвола за чување куче за која се полагаат испити, и секако сите домашни кучиња се стерилизирани. Само човек со дозвола за парење на кучиња може да го прави тоа“, вели скопјанка.

„Контрола на легла на кучиња, да не се дозволува чување на кучиња на секого и тој што чува да биде психички и физички подобен за тоа. Казни и одземање на кучињата за тие што ги водат без маска пуштени од ланец, често сум се нашла во ситуација да пуштаат крволочни кучиња без ланец. Шинтерска служба и стационари каде кучињата скитници ќе се тргнат од улиците по градовите и селата. Не треба да се враќаат на улица“, вели скопјанка.

Налдежните од „Лајка“ велат дека е невозможно сите кучиња да се однесат во еден стационар. Тоа би било неиздржливо од финансиски аспект, но и не го решава проблемот.

„Џабе да се заловат сите кучиња и да се однесат во еден стационар, кога за една година од нови легла можат да се создадат повторно ист број улични кучиња. Во Скопје според нашите проценки има меѓу 6.000 и 10.000 кучиња скитници. Мора да има казни за да се реши проблемот, но не се најде еден маж што ќе рече ова и ова ќе се прави. Не треба да измислуваме топла вода. Една Европа го решила проблемот после Втората светска војна, а ние не можеме. Во Виена ако ти избега куче, полицијата ќе ти го врати со фактура од 1.500 евра. Во Холандија казна за напуштено куче е 16.000 евра. Такви казни треба да има и кај нас“, вели директорката на „Лајка“ и подпретседателка на здружението за заштита на животни „Анима мунди“ Радмила Пешева.

Граѓаните кои биле каснати од кучиња велат дека со проблеми се соочуваат и по каснувањето кога ќе отидат во болница. Дел од нив велат дека нема нема вакцина за тетанус и лекови мора да купуваат приватно. Дел од нив на нашиот прашалник одговорија дека ја тужеле општината и биле обештетени. Сметаат дека обештетувањето не помага да се надмине траумата после напад од куче.

Од Општините и од Град Скопје, иако признаваат дека има голем број улични кучиња низ улиците, се сомневаат дека сите тужби се вистински. Велат дека постои мрежа за лажно пријавувања каснување од куче меѓу полицијата, лекари кои даваат лажни потврди за повредата и адвокати кои ја тужат Оштинатата за отштета, за што од општинските буџети се излеваат стотици илјади евра годишно, а сумата расте од година в година.

Како за пример, Општина Битола во 2023 година исплатила 7. 769.952 денари (126.340 евра) за оштети, во 2022 година 2. 885. 115 денари (46.912 евра), во 2021 година 1. 129.000 денари (18.350 евра). Од Општината се посомневаа за манипулации бидејќи едни исти адвокати поднесуваат тужби, а исти лекари издаваат потврди, па побараа јавното обвинителство да отвори постапка и спроведе истрага во врска со пријавите за каснување од кучиња скитници кои се доставуваат до Општината.

„Иницијативата произлегува по укажувањата од надлежните служби, но и правните застапници на Општина Битола, дека постои основан сомнеж за сторени злоупотреби од страна на сите вклучени субјекти во постапката во предметите за надомест на материјална и нематеријална штета предизвикана како резултат од напад на куче-скитник, кои во изминатиот период се со зголемен број, а врз основа на што Општина Битола трпи сериозна материјална штета“, соопшти градоначалникот Тони Коњановски.

И во Град Скопје и ЈП „Лајка“ се сомневаат на лажни пријави за каснување од куче. Согласно завршната сметка на претпријатието за 2023 година, по тужби се исплатени 6.211.991 денари, а во 2022 7.764.624 денари.

Од Град Скопје за САКАМДАКАЖАМ.МК велат дека тужбите најчесто се поднесени едни исти адвокати и тоа адвокат Дејан Славковски, адвокатско друштво Андоновски и Саздов, адвокат Маја Саздова. Од Градот додаваат дека граѓани им пријавувале и оти адвокатите сами им се јавуваат откако ќе бидат каснати од куче, а во тек на главна расправа дознаваат дека странките воопшто не одат на преглед кај вештото лице, туку тие вештиот наод и мислење го добиваат исклучиво врз поднесена медицинска документација, па оттука и сите наоди и вешти мислења се скоро идентични.


https://sdk.mk/index.php/naslovna/stotitsi-kasnati-od-ulichni-kuchina-gi-tuzhat-opshtinite-za-iljadnitsi-evra-nadlezhnite-velat-ako-nema-kazni-za-neodgovornite-sopstvenitsi-problemot-nema-da-se-reshi/

ДОДЕКА НЕМА КАЗНИ, УЛИЦИТЕ ЌЕ НИ БИДАТ ПОЛНИ СО КУЧИЊА СКИТНИЦИ, ВО ХОЛАНДИЈА КАЗНАТА Е 16.000 ЕВРА ЗА НАПУШТЕН МИЛЕНИК, ПОДКАСТ СО РАДМИЛА ПЕШЕВА, ДИРЕКТОРКА НА „ЛАЈКА“

Директорката на ЈП „Лајка“ Радмила Пешева смета дека и граѓаните имаат вина што има голем број улични кучиња, бидејќи се лишени од каква било одговорност, а бараат услуги. Пешева во подкастот „За секого по нешто“ на САКАМДАКАЖАМ.МК вели дека тие ги едуцираат и децата како да се однесуваат покрај улични кучиња и кажува дека додека нема строги казни за сопствениците на миленици, тој проблем не може да се реши. Дотогаш, граѓаните не треба да ги вознемируваат кучињата.

Не дека ние не ги разбираме проблемите на граѓаните со улични кучиња, но проблемот не може да се реши преку ноќ. Ние имавме едукации во градинките како треба децата да се однесуваат покрај улично куче, дека не смее да се трча, не смее гласно да се зборува. Граѓаните не треба да ги вознемируваат кучињата. Сведок сум дека со точак одат дирекно на кучето кое лежи на тротоар. Ако видите дупка не одите на неа, ја заобиколувате. Така треба и со уличните кучиња“, вели Пешева.

Проблемот со улични кучиња ќе се реши кога ќе има високи казни и кога ќе се казнува, вели Пешева која вооедно е активистка за заштита на животните и потпретседателка на здружението „Анима Мунди“. Таа е свесна за големиот број улични кучиња низ Скопје, знае дека има граѓани кои се гризнати и повредени, но објаснува дека „Лајка“ тука ништо не може да направи, туку другите државни институции како Агенцијата за храна и ветеринарство и Министерството за внатрешни работи (МВР).

„Дали некој е казнет затоа што не го чипирал кучето или што исфрлил легло? Дали некој води контрола кој создава легло и каде завршува тоа легло, дали некој прашува какво е потеклото, дали некој води евиденција колку кучиња се шверцуваат од Србија и потоа се размножуваат? Размножувањето на кучиња е цела економска дејност која не е регулирана и никого тоа не го интересира, ниту Агенција за храна и ветеринарство, ни МВР. Имаме преголемо производство на кучиња, а немаме контрола како се движат и каде завршуваат. Не е надлежност на ‘Лајка’ да ги контролира овие работи, ‘Лајка‘ ја прави амортизацијата на проблемот, кога веќе е тој настанат, кога кучињата се на улица. ‘Лајка‘ само ја третира опашката на проблемот. Ние сме предлагале да се оданочи некастрирано куче и Општините да собираат пари од секој кој има репродуктивно куче. Одгледувачниците не се регулирани. Сега да отвориме ‘Реклама 5’ знаете колку кучиња ќе најдете на оглас за 50 евра и сите тие кои нема да се продадат завршуваат на улица“, вели Пешева.

Според податоците на „Лајка“, на улиците има меѓу 6.000 и 10.000 кучиња скитници. Пешева вели дека е невозможно да се стават сите кучиња во стационар и дека тоа не го решава проблемот, бидејќи повторно поради неодговорно сопствеништво легла ќе завршат на улица.

„Не се најде еден маж што ќе рече ова и ова ќе се прави. Не треба да измислуваме топла вода. Една Европа го решила проблемот после Втората светска војна, а ние не можеме. Во Виена ако ти избега куче, полицијата ќе ти го врати со фактура од 1.500 евра. Во Холандија казна за напуштено куче е 16.000 евра. Такви казни треба да има и кај нас“, вели Пешева.

https://sdk.mk/index.php/naslovna/dodeka-nema-kazni-ulitsite-ke-ni-bidat-polni-so-kuchina-skitnitsi-vo-holandija-kaznata-e-16-000-evra-za-napushten-milenik-podkast-so-radmila-pesheva-direktorka-na-lajka/

Ah, stray dogs, the unofficial furry ambassadors of the neighborhood! 🐶🌆 It's like they've mastered the art of navigating the urban jungle, with their tails as GPS antennas and their barks as the local news bulletin. They've got this 'free spirit with a touch of mischief' vibe that's hard to resist. You'll find them chilling on the street corners like they're pondering the mysteries of life, or perhaps just waiting for the next human to unwittingly drop a sandwich. It's like they're living the doggy dream – no rules, no responsibilities, just endless games of 'chase the tail' and 'let's dig up a secret treasure'! So here's to the lovable wanderers who keep the streets entertaining and the hearts warm.

ТЕТОВО СТАНА ГЛАВЕН ГРАД ЗА УЛИЧНИ КУЧИЊА



Глутници кучиња скитници го имаат преплавено Тетово. На социјалните мрежи тетовци постојано објавуваат фотографии од кучиња скитници кои ги има насекаде, на улиците, по тротоарите, од периферијата па сè до центарот на градот. Една таква глутница од десетина кучиња се наоѓа на само дваесетина метри од зградата на Општина Тетово.

Од Општина Тетово велат дека тие се носат тука од други населени места, но досега не успеале никого да санкционираат за ова. Проектот за заловување на овие кучиња кој Општината го потпиша со Здружението „Амос шелтер“ е завршен, а за негово продолжување дополнително ќе се разговара.

„Првичниот договор со здружението ‘Амос шелтер’ беше да се заловат 82 бездомни кучиња. Досега се спроведени две акции за заловување, со што е испочитуван првичниот договор. За понатамошните акции и соработки на Здружението со Општина Тетово дополнително ќе се разговара. Она што загрижува е што секојдневно се носат и по повеќе од 20 кучиња од други населени места во Тетово. Нашите екипи ги следат овие прекршители, но не е едноставно да се пресретнат на лице место и да се регистрираат таблиците на возилата што ги носат кучињата. Се работи за проблем кој не е сериозно третиран со години и со кој се соочува цела држава. Бараме трпение од граѓаните, но и помош, доколку забележат случаи на истовар на бездомни кучиња од други места во нашиот град, да пријават“, соопшти Општина Тетово.

Според информациите од тетовската полиција, минатата година во СВР Тетово биле пријавени 59 каснувања од кучиња ситници во Тетово и Тетовско, а годинава само за изминативе 4 месеци пријавени се 40 каснувања.

Неодамна, Општина Тетово донесе тарифник со кој се утрвдува надоместокот што треба Општината да им го исплати на лицата кои биле каснати од кучиња скитници. Од Општината велат дека досега се поднесени 28 пријави и сите тие се во процедура на решавање.

Според правилникот, за каснување се добиваат од пет до 15 поени, во зависност од тоа колку било силно. Ако ве каснало еднаш или повеќепати, повторно добивате од пет до 15 поени. Различен број поени се добиваат и за големината на претрпениот страв и за последиците на каснувањето.

https://sdk.mk/index.php/dopisna-mrezha/tetovo-stana-glaven-grad-za-ulichni-kuchina/

Тури и пепел на та држава во која анима мунди и група твитер/фејсбук баба-девојки и бета беќари решават кој е добар а кој зол,за смета на животот на сите останати во име на џукели.

СКОПЈАНИ ИСКАСАНИ САМИ БАРААТ ЧАРЕ ЗА БЕЗДОМНИТЕ КУЧИЊА: Во Лајка или никој не крева телефон или со недели ги чекаш да те контактираат

Според билтените на Министерството за внатрешни работи, само во последните 24 часа пријавени се четири каснувања од кучиња скитници и тоа во Градски парк, Карпош, Кисела Вода и во Аеродром. Но, оваа бројка не е конечна, односно во пракса е многу поголема, со оглед дека голем број граѓани не пријавуваат или не знаат што треба да направат во случај да се каснати од куче.

Речиси и да нема населба во Скопје каде нема кучиња скитници. Во помали или поголеми групи кучињата се собираат по паркови, пред влезови на згради, детски игралишта, продавници…

Дел од нив на ушите имаат чипови, што значи дека поминале ветеринарна контрола и се евидентирани во системот и условно не се сметаат за закана по граѓаните. Но, огромен е бројот и на кучиња кои немаат вакви чипови, кои се агресивни и често знаат да напаѓаат.

За проблемот признаваат и од Град Скопје од каде велат дека секој ден расте бројот на кучиња и се бележат нови случаи на луѓе каснати или нападнати од куче.

„Веќе ми е навистина страв. Кај и да се свртам на секој чекор улични кучиња. Децата не ги пуштам да играат надвор затоа што може да ги нападнат, само со кола ги носам до каде што треба, бидејќи сакам да бидам сигурна дека се безбедни. Пред зграда имам само 7 кучиња кој што се цел ден пред нашиот влез, а навечер целиот паркинг е исполнет со кучиња. Ние како станари потпишавме петиција за да се соберат кучињата, но од ‘Лајка’не добивме никаков повратен одговор. Викенд беше, се враќав од маркет, двете раце ми беа со кеси, тој ден решив пешки да одам воздух да ме фати, кога дојдов до паркингот од мојата зграда, се затрча едно мало куче и почна да лае, мало беше па само мрднав со кесата да го избркам но потоа од негде дојдоа уште 2 кучиња и рипнаа над мене, јас паднав и тие ми ја гризнаа и раката и ногата. Едвај успеав да се истргам, со помош на комшиите кои дојдоа да ги избркаат кучињата, влегов дома одма да ги дезинфицирам раните. Потоа отидовме до амбуланта да ме боцнат тетанус, па од амбуланта отидовме до полицијата во Кисела Вода каде што ми кажаа да извадам извештај за случајот и да го пријавам во општина. Со извештајот отидов во општината каде само дрско го земаа листот и ми кажаа дека деновиве ќе ме контактираат. И еве помина една недела, а никој не ми се јавил‘‘, раскажува В.М. од населбата Кисела Вода.

„Таа вечер бев излезена со друштво, седевме до 5 сабајле. Затоа што живеам преку улица, решив да одам пешки за да не ги замарам моите другарки. Пред Рептил маркетот на мене се затрчаа 5 големи кучиња, ме фатија за јакна и пробуваа да ме бутнат, несвесно борејќи се со нив, успеав некако да се тргнам. Јакната ми беше цела искината, со трчање стигнав до дома, и утрото одма се обратив во општина Бутел. Од таму ми кажаа дека не можат ништо без доказ дека сум била нападната, а доказот требало да биде некоја модрица или гризнување од куче. Изреволтирана се обратив директно кај градоначалникот кој ми кажа да соберам мои докази и од други луѓе и да ги однесам во Град Скопје, бидејќи тие со Лајка го средуваат проблемот. И нормално како и се во државава и тоа не го средија, јас и мајка ми секој ден ѕвоневме во Лајка, но или не креваа или ни кажуваа за брзо време ќе ги земат кучињата, ама џабе, ништо не направија. Сега каде и да одам другарка ми ме носи до врата со кола, затоа што не можам никаде сама пешки да искочам, и кога одам до маркет гледам да сме барем тројца за да не нѐ нападнат‘‘, кажува за своето искуство Н.Б од населбата Бутел.

Од Град Скопје и неговото претпријатие за згрижување бездомни кучиња „Лајка“, не добивме многу конкретни одговори во врска со овој проблем.

На прашањето дали „Лајка“ има одредена стратегија за надминување на се почестиот проблем со кучињата во главниот град, како и наводите дека во Скопје се носат кучиња од други градови, па и земји, оттаму велат:

„ЈП Лајка работи според програмата залови, стерилизирај, врати. Истовремено ЈП Лајка е вклучена во работни групи од страна на релевантни институции во кои се вклучени Агенцијата за храна и ветеринарство и Министерството за надворешни работи каде што постојано се апелира да се превземат дополнителни мерки и контрола врз општините со цел да се спречи секаков друг обид за несоодветна дислокација на кучињата од други општини во Скопје“.

Според „Лајка“, приближната бројка на бездомни кучиња во Скопје изнесува пет до шест илјади, а нивна груба проценка е дека речиси половина од нив се веќе третирани т.е. се репродуктивно неспособни.

За тоа дали има шанси во скора иднина да се среди проблемот со кучињата, од јавното претпријатие не се оптимисти.

„Стратегијата на ЈП Лајка е да истретира најмалку 2000 кучиња во тековната година, но ‘Лајка’ сама по себе не би можела да го реши проблемот доколку не се воспостави силна контрола врз сопствениците на домашни миленици и нерегистрираните одгледувачници од страна на надлежните институции. Стратешки се приоѓа на проблемот, се работи со живи единки, и брзо решение на проблемот нема. Работата на спроведување на програмата во континуитет, реалните резултати ќе ги даде за 2 години кога очекувано е овој проблем ќе биде ставен под контрола и кучињата на градските улици да бидат многу поретка појава. Во меѓувреме во рамките на нашите можности работиме на афирмација на проблемот во јавноста, работиме на зголемување на јавната свест со цел да не се оставаат кученца на улица и на таков начин да спречиме прилив на нови“, објаснуваат од претпријатието.

https://091info.mk/2023/04/05/скопјани-искасани-сами-бараат-чаре-за

tolku napadi od kučinja skitnici e znak deka državnite službi (ili opštinskite ne e važno) voopšto ne si ja rabotat svojata rabota. Vo pokulturni državi vakov problem voopšto ne postoi

НА ГРАД СКОПЈЕ И „ЛАЈКА“ ИМ ДАВАМЕ ПАРИ, А ТИЕ НИШТО НЕ РАБОТАТ, ВЕЛИ МУЦУНСКИ ОТКАКО ГЛУТНИЦА НАПАДНА ЖИТЕЛ НА АЕРОДРОМ И МУ ГО РАСТРГНА КУЧЕТО

Градот Скопје и градското претпријатие „Лајка“ немаат стратегија за справување со уличните кучиња, вели градоначалникот на Општина Аеродром Тимчо Муцунски, откако вчера глутница кучиња нападна човек и неговиот миленик. Десетина улични кучиња го нападнаа и растргнаа кучето кое неговиот сопственик го шеташе на поводник.

„Ние, како локална самоуправа, во изминатиот период одвојуваме значителни средства од сопствениот буџет кои се префрлаат во буџетот на Градот Скопје, со цел ефикасно справување со овој проблем. Во неколку наврати, од моја страна е побарано градската администрација да преземе мерки за решавање на овој проблем. За жал, секојдневните коментари, фотографии и снимки од теренот покажуваат дека тие не успеваат да најдат решение за овој проблем кој целосно е во нивна надлежност“, вели Муцунски.

Муцунски вели дека Општина Аеродром ќе ја преиспита одлуката со која се одвојуваат средства за оваа намена, ако актуелното раководство на Град Скопје во следниот период не успее да најде решение,

„Искрено жалам за сите непријатности со кои се соочуваат граѓаните и токму поради тоа уште еднаш барам Градот Скопје итно да преземе мерки за соодветно решавање на овој проблем, кој за жал секојдневно ескалира“, вели Муцунски.

https://sdk.mk/index.php/dopisna-mrezha/na-grad-skopje-i-lajka-im-davame-pari-a-tie-nishto-ne-rabotat-veli-mutsunski-otkako-glutnitsa-napadna-zhitel-na-aerodrom-i-mu-rastrgna-kucheto/

Тие лајнари што ги ранат џукеливе го прават цел проблем,континуирано,индиректно го загрозуват живото на сите други ! Неспособната власт и институции се само плус,сите заедно требит кривично да одговарат ! Не се трпи ова со џукеливе веќе !