Образовни институции (општо)

Originally posted by stef4o Почнува доградбата и надградбата на основното училиште „Блаже Конески“ на површина од околу 2500 квадратни метри. Со ова, реализираме значаен капитален проект во областа на образовната инфраструктура, што претставува инвестиција во младите, иднината на општината и државата. Свесни за потребата од нови инфраструктурни инвестиции во образованието, на почетокот на 2024 година започнуваме со доградба и надградба на училиштето „Блаже Конески“ која ќе се реализира во две фази и со која постојниот објект на училиштето ќе биде добие дополнителни 26 училници, 13 наставнички кабинети, голем централен хол, дополнителна спортска сала, просторија за библиотека и трпезарија со кујна на вкупна површина од околу 2500 квадратни метри. https://www.facebook.com/TimcoMucunski

Деновиве почнаа со рушење на еден од објектите,поставена е инфо табла и дел од училиштето е оградено











Edited by stef4o - 31-Aug-2024 at 14:28

ГОДИНАВА СТУДЕНТИТЕ ЌЕ ИМААТ ДВА ДОМА ПОМАЛКУ НА РАСПОЛАГАЊЕ, НО ЌЕ ГИ СМЕСТИМЕ И ВО УЧЕНИЧКИТЕ ДОМОВИ, РЕЧЕ ЈАНЕВСКА

Оваа година студентите ќе имаат два дома помалку на располагање поради започнатата реконструкција на студентскиот дом „Кузман Јосифовски-Питу“ во Скопје и планираната на студентскиот дом „Стив Наумов“ во Автокоманда, рече денеска министерката за образование и наука Весна Јаневска.

Министерката беше на увид на градежните работи на „Кузман Јосифовски-Питу“ и рече дека Министерството за образование и наука (МОН) „ќе направи засилени напори да ги смести сите што исполнуваат услови и во останатите домови“, посочувајќи дека на располагање за студентите се и ученичките домови.

Во студентскиот дом „Кузман Јосифовски-Питу“ во Скопје, првиот меѓу државните домови кои етапно ќе се реновираат, во моментов се прави демонтажа на инсталациите, прозорците и вратите. Според изведувачот на градежните зафати, процесот се одвива според планираната динамика и се очекува реконструкцијата да заврши за една и пол година.

Според Јаневска, се прави темелна реконструкција во овој дом која ќе опфати поставување енергетски ефикасна фасада, нови инсталации, санитарии и подови, нов покрив со фотоволтаици и ќе има соби за лицата со попреченост.

„Во исто време, чекаме одобрување од Град Скопје за да почнат теренските активности во студентскиот дом ‘Стив Наумов’ во Автокоманда, и во ист период правиме планови и сѐшто е потребно во однос на документацијата за да бидеме подготвени да продолжиме со реконструкција и на останатите домови. Изведувачите велат дека динамиката е според планот и очекуваме првиот дом да биде завршен најдоцна за година и пол“, кажа Јаневска.

Објектот во центарот на Скопје е изграден пред 66 години, според проектот на професорот Јован Ранковиќ. Проектот се реализира со заем од Германската развојна банка (KtW) од 20 милиони евра и грант од 5 милиони евра преку Програмата за регионална енергетска ефикасност за Западен Балкан на Европската Унија.

Реконструкцијата ја врши австриската компанија „Штрабаг“.

https://sdk.mk/index.php/makedonija/godinava-studentite-ke-imaat-dva-doma-pomalku-na-raspolagane-no-ke-gi-smestime-i-vo-uchenichkite-domovi-reche-janevska/

Драчево добива ново училиште

Новиот објект, кој ќе биде финализиран за околу две години, ќе обезбеди просторна функционалност од околу 3600 квадратни метри. На приземјето и двата ката ќе бидат распоредени 19 училници и 7 кабинети, со модерен хол, трпезарија со кујна, канцеларии, подрумски и сите други неопходни простории.









https://www.facebook.com/1OrceGj

НАПРЕДУВА ИЗГРАДБАТА ЗА ПРОШИРУВАЊЕ НА КАПАЦИТЕТИТЕ НА ООУ „КОЛЕ НЕДЕЛКОВСКИ“
Станува збор за доградба на 4 нови училници, лифт за учениците со потешкотии во движењето, пристапна рампа во приземниот дел покрај скалишниот пристап и задниот дел на објектот, тоалет за лица со инвалидитет и други помошни простории.
Со доградбата на овие училници создаваме услови за 100 нови ученици кои наставата ќе ја следат од пријатни и осветлени простории.



https://www.facebook.com/gerasimovskig

Почнува доградбата и надградбата на основното училиште „Блаже Конески“ на површина од околу 2500 квадратни метри. Со ова, реализираме значаен капитален проект во областа на образовната инфраструктура, што претставува инвестиција во младите, иднината на општината и државата.
Свесни за потребата од нови инфраструктурни инвестиции во образованието, на почетокот на 2024 година започнуваме со доградба и надградба на училиштето „Блаже Конески“ која ќе се реализира во две фази и со која постојниот објект на училиштето ќе биде добие дополнителни 26 училници, 13 наставнички кабинети, голем централен хол, дополнителна спортска сала, просторија за библиотека и трпезарија со кујна на вкупна површина од околу 2500 квадратни метри.







https://www.facebook.com/TimcoMucunski

„Архитектонско и урбанистичко решение на нов студенстки кампус“ во Културно социјалниот простор - „Центар Јадро“.
Водејќи се од потребата за нови студентски домови, студентски визии, потреби и перцепции студентите во 9-от семестар се одлучија за изработка на студентски кампус источно од зградата на Македонската Радио Телевизија. При изработката добија и директна помош од архитектите вработени во општината која што е плод на долгогодишната соработка меѓу општината и Архитектонскиот факултет.







https://www.facebook.com/OpstinaCentar

Студентскиот дом „Стив Наумов“ 10 дена е без топла вода



https://24.mk/details/studentskiot-dom-stiv-naumov-10-dena-e-bez-topla-voda

По успешната имплементација на енергетско-ефикасната фасада, ОУ „Блаже Конески“ во населбата Мичурин наскоро ќе добие современа доградба и проширување на капацитетите, при што ќе се одезбедат десетици нови училници, мала спортска сала и ред други содржини наменети за осовременување на образовниот процес.
Во првата фаза од проектот е планирано да се срушат централниот и источниот блок со вкупно 6 училници и топлата врска со салата и на нивно место да се изградат 12 училниици, мала спортска сала, како и топли врски за големата и малата спортска сала. Во втората фаза ќе се урне северниот блок со вкупно 4 училници и на нивно место според планираното решение ќе се добијат 14 училници.
Дополнителни содржини што се предвидени со проектот се:
Наставнички кабинети – 13 дупли кабинети за 2 наставника и 3 кабинети за 1 наставник; нова библиотека; кујна со трпезарија за 60 деца; мултинаменска просторија со бина; лифт; два тоалета за лица со посебни потреби и посебни санитарии за ученици и персонал; неколку хигиеничарски остави; повеќе административни канцеларии; како и 3 училници за дневен престој.



https://www.facebook.com/OpstinaAerodrom/

Во Визбегово се гради основно училиште



Жителите од населеното место Визбегово ќе добијат ново основно училиште.

Како што напиша на својата фејсбук страница, градоначалникот на Општина Бутел, Дарко Костровски, конечно на повидок е решение на долгогодишниот проблем со потребата од ново основно училиште кој го имаат жителите.

Направивме увид во градежните активности во новото општинско основно училиште во населеното место Визбегово. Динамиката со која се одвиваат градежните активности е според зацртаното и предвиденото – истакна Костовски.

Тој информира дека договорот за изведување на градежните работи за изградба на објектот е во висина од 106.590.812,00 денари со вклучен ДДВ , а рокот за реализација на договорот се предвидува да биде 18 месеци. Вкупната површина на градежната парцела е 12.029 м2.

https://www.vecer.press/во-визбегово-се-гради-основно-училишт/

ОУ „БЛАЖЕ КОНЕСКИ“ КОНЕЧНО ДОБИВА НОВА ФАСАДА

Основното училиште „Блаже Конески“ во населбата Мичурин наскоро ќе добие целосно нова фасада, со што ќе почне реализацијата на едно од главните ветувања на градоначалникот Тимчо Муцунски за обнова на сите основни училишта на територијата на Општина Аеродром.

Фасадата на зградата на ова основно училиште ќе биде реконструирана со средства донирани од компанијата ТИТАН Цементарница „Усје“ АД Скопје која за таа цел ќе обезбеди 4.446.548 денари или околу 72 илјади евра. Ваквиот проект произлегува од конструктивната соработка на Општината и раководниот тим на оваа општествено-одговорна компанија.





https://www.facebook.com/OpstinaAerodrom/