Скопје преку наши идеи, замисли, решенија

Еве уште една... истиот опфат како првата само различен агол... 

Браво Фоссил... навистина интересно. Впечатливо... навистина ме остави без зборови... како изгледа од други агли?

Ама изгледа интересно... 

Како и да е... Не викам дека вака треба... само дадов предлог... имам повеќе... овој успеав да го нацртам...

А инаку за сајлите... остај тоа... не сум инжињер.. незнам како треба правилно... ниту пак за висината на столбовите... 

Но е добар почеток за размислување надвор од конвенцијалното... т.е. за размислување воопшто...

Edited by FoSsiL - 04-Dec-2012 at 01:05

Е ајде де... Што е? 

Како ви се гледа?... Ви се допаѓа?... Би прифатиле вакво нешто за/како решение?...

@ Fossil

Навистина сега откако се протурка она нерационално вкопување на булеварот Гоце Делчев под земја, само за да плоштадот Скендербег добие што поголема површина, ова решение станува пологично отколку порано. Но сепак се работи за замашна инвестиција. Нели сметаш дека средствата и енергијата треба да се насочат кон посеопфатни решенија, односно дооформување на примарната сообраќајна мрежа (што само по себе ќе ги релаксира овие критични точки, како оваа кај судска палата, каде што поминува многу сообраќај кој реално не би поминувал таму доколку пополниме некои сегменти од мрежата кои ни фалат), отколку средствата и енергијата постојано да ги расплинуваме на поситни и поограничени решенија со кои всушност секогаш ќе се бркаме со напластените проблеми, наместо да почнеме поодлучно да ја расчистуваме таа листа?

Инаку за оваа крстосница да биде решена некако покомпликувано отколку сега, јас би бил приврзаник единствено доколку целокупното решение овозможи и денивелирана ЛРТ траса на линијата север-југ. Во таков случај мислам дека вреди.

О... Пешачките коридори се изоставени... Ама отприлика знаете кои би требало да бидат.... единствена работа е дали да бидат наземни, надземни или комбинирани... со оглед дека не би сакал да ставам обични пешачки премини на булевари со профил од 8 ленти... 

И идната трамвајска линија е исто така изоставена... 

Има доста детали кои треба да се допрецизираат... Ама ги оставив, поради тоа што приоритет ми беше сообраќајното решение... и на него се сконцентрирав... и затоа само него го работев...

Edited by FoSsiL - 31-Oct-2012 at 23:42

ЛРТ Линијата А што поминува низ куќите зад Порта Влае претпоставувам дека е грешка, или? Во секој случај, мислам дека би било погрешно ЛРТ линијата воопшто да се води по улица Ѓорче Петров, доколку не продолжува понатака на запад. Доколку би завршувала кај бул. Македонска Војска, најдобро би било врската со Партизанска да е директна, за да нема непотребно тесно грло на најкритичниот дел од улицата Ѓорче Петров. Доколку линијата би продолжувала до Дексион, би можел да разберам улицата Ѓорче Петров да се оформи примарно како ЛРТ коридор.

За приградската железница немам замерка, но ми се чини дека би било најдобро да има вистинска интеграција со ЛРТ системот, барем на една линија која е очигледна (Ѓорче - Бардовци - Скопје Север - Железара - Транспортен центар - Кисела Вода - Лисиче). Особено со брзата изградба кај Бардовци, Злокуќани и Визбегово, индустриската зона долж М-3 и онаа планираната покрај Лепенец, како и планираните населби Зајчев Рид и кај Касарната Илинден, мислам дека (само) приградска железница не би бил најсоодветен избор.

За тролејбусот, без да навлегувам во моите дилеми дали воопшто ни е потребен таков концепт, ќе се задржам само на линиите. Линиите 2 и 3 мислам дека се утка. Линијата 2 е особено чудна што помеѓу двете крајни станици многу побргу ќе стигнеш пешки отколку со тролејбус. Кај линијата 3 претеран е оној слалом кај Бутел (иако претпоставувам целта ти била да се спои линијата со станицата Скопје Север), но главен проблем е целиот концепт. Еве што би направил јас врз база на твојов модел:
- Линија 2 од бул. Војводина би ја продолжил не накај Транспортен Ц. туку по бул. Хрватска до последната станица на Линија 3 (или пак по бул. Александар Македонски со другата последна станица на линијата 3)
- Линија 3 би ја укинал и нејзиниот источен дел би го зацртал како ЛРТ кој ќе биде крак на линијата А или Ц


Edited by Cloverstack - 16-Oct-2010 at 19:13

Оваа раскрсница уште откога јас ја анализирав ми се врти сеуште во глава и некои финеси ми текнуваат, нешто одфрлам. Да знаев скечап ќе го средев и со добри визуелизации и пресеци на што мислам. Планирав да добработам нешто скици, па ако бидат во некое скоро време ќе ги пуштам во другата нишка па ќе ги разгледаме. Само една работа што на некој начин, ако може да се рече, би ти замерил. Некако си премногу пристрасен за трамвај, тролејбуси и слично и мислам дека често ти се проблем во анализиве за рационален осврт. Дури за простор што е совршен за плато сакаш да биде зеленило со шина во средина, веројатно што си го видел низ други градови, не затоа што така е потребно туку само некако на сила да и ископираме и донесеме нешто што во друг град се јавило како потреба.


Edited by lslcrew - 15-Oct-2010 at 00:26

КЛУЧКАТА КАЈ СУДСКАТА ПАЛАТА:
Сметам дека оваа невралгична точка на Скопје во голема мера ќе си остане и по евентуална изградба на примарната сообраќајна мрежа во Скопје, така што треба да се работи во насока на нејзино релаксирање. Веќе изнесов еден став околу ова прашање, но следува негова надградба, со што се обезбедува далеку поголема проточност на раскрсницата. Еве ја идеата:



*сите дебели линии (во зелена, жолта, портокалова и кафена боја) означуваат по две ленти во една насока.
-зелено: ниво на земја
-жолто: прво ниво тунел
-портокалово: второ ниво тунел
-кафено: ескада
-црвено: подземна ЛРТ линија на прво ниво тунел
-сино: подземна тролејбусна/О-Бан линија на прво ниво тунел

Целта е да се релаксираат главните правци на оваа раскрсница и тоа исток-запад (долж бул. Гоце Делчев) и север-југ (долж бул. Крсте П. Мисирков), како и да се добие квалитетен јавен транспорт на оваа исклучително богата со институции точка на Скопје.
Започнуваме од булеварот Гоце Делчев, чии средни ленти започнуваат благо да понираат точно под стоковната куќа Мост (велам благо, затоа што самиот булевар е веќе вкопан под земја, иако тоа можеби не се приметува лесно). Тие се веќе целосно под земја (покриени) пред раскрсницата со улицата Стив Наумов. Крајните две ленти пак остануваат да ги следат денешните контури на булеварот. Тие крајни две ленти нудат можност за приклучување од бул. Гоце Делчев на ул. Стив Наумов и на бул. Крсте П. Мисирков. Средните две ленти на булеварот пак минувајќи кон исток се спуштаат на второ подземно ниво, преминувајќи ја раскрсницата со бул. Крсте П. Мисирков и одбегнувајќи пресекување како со ЛРТ и трамвајната мрежа (која овде се наоѓа над овие со портокалово прикажани линии, односно на прво ниво тунел), така и со останатите насоки на сообраќај. Средните две ленти понираат на ниво на земјата, веднаш по раскрсницата со улицата пред МКТВ.

Средишните ленти на булеварот Крсте П. Мисирков пак ја премостуваат раскрсницата со бул. Гоце Делчев на ниво на кратка (300-400) метри ескада во вид на 2+2. Прилично лесна за изведба и за организација на сообраќајот варијанта. Сите оние возила кои би ја користеле раскрсницата кај Судската Палата за менување на насока (запад кон север или пак исток он југ) би биле приморани да чекаат на семафоризирана раскрсница, или пак поради големиот број на возила кои би ја одбегнувале истата дури и кружен тек може да се земе в предвид. Верзијата со кружниот тек:



Стигнуваме до тоа како е интегриран јавниот транспорт (ЛРТ и тролејбусната/О-Бан) мрежа во овој простор, со цел автомобилскиот и јавниот транспорт да не си пречат еден на друг. Во пределот на раскрсницата Гоце Делчев/К. П. Мисирков се приметува дека насоките на сообраќај е распределено на 4 различни нива. Првото тунелно ниво е резервирано за градскиот јавен транспорт, кој пред Универзитетот се сретнуваат од 4 насоки, во форма на латинската буква Х, но притоа без да се меѓусебно преплетуваат самите колосеци (Чаир-Центар и жел.ст. Централна-Автокоманда). Со цел да се обезбеди максимален комфорт и ефикасност на јавниот транспорт, тука би предвидел една поголема подземна станица, со два перона од островски тип. Самото распределување на типот на возила и нивните наоски кои би застанувале на двете платформи има две варијанти (има всушност 4 но 2 од нив бараат многу понеефикасни или многу поскапо решение). Тие се следните:

А) [ ЛРТ-платформа-ЛРТ ][ Тролеј-платформа-Тролеј ]



Оваа варијанта за мене е послаба од втората, затоа што менувањето на типови на транспот (за чие функционирање и самата станица е дизајнирана токму вака) е отежнато, односно за секоја промена ЛРТ-тролеј или обратно е потребно менување на платформата, преку некои од двата пешачки коридори кои се наоѓаат на јужната и северна страна на платформите и потоа преку второ подземно ниво прават врска со останатата платофрма или некој од многубројните излези на површината.

Б)[ ЛРТ-платформа-Тролеј ][ Тролеј-платофрма-ЛРТ ]



Втората варијанта овозможува директен трансфер (значи без потреба за менување на самата платформа) помеѓу следните насоки: Чаир-жел. ст. Централна (и обратно), како и Центар-Автокоманда (и обратно). Мислам дека предностите се очигледни: побрзи и поефикасен трансфер помеѓу двете линии и сите 4 насоки кои истите ги сврзуваат. Но, каде е проблемот во оваа варијанта? Гледаме јужно од самата раскрсница по течението на булеварот Крсте П. Мисирков: ремовме дека средните 2+2 ленти токму овде почнуваат да се искачуваат на надвозникот/ескадата, а токму таму би требало и тролејбусот да излезе на ниво на земјата. Ова може лесно да се реши со тоа што тролејбуските возила би излегувале на површина веднаш јужно од раскрсницата и би се вклучувале во сообраќајот, додека возилата од ескадата би се симнувале на ниво 0 стотина метри подоцна. Треба да се нагласи дека за ова да биде изводливо, конструкцијата ан столбовите на ескадата треба да биде во формата на буквата П, низ кои би поминувале тролејбуските возила паралелно со горните автомобили.

За крај една проста и дебилна скица за (дали?) некакво разјаснување на ситуацијата:

9 i 13 kako model najmnogu mi se dopagjaat, a od kolicinjana od pezo bea najdobri imase pravo