Паркирање и паркинзи (општо)

Жителите на Автокоманда почнаа сами да го регулираат безредието – поставија рампа на паркинг пред зграда



„Слободен печат“ неодамна го адресираше долгогодишниот проблем со паркинг кој го имаат жителите на скопската населба Автокоманда, каде во текот на денот е постојан хаос со насекаде паркирани автомобили, по тротоари, на сред улица и на зелена површина. Жителите тогаш го искажаа своето незадоволство за овој проблем, кој според нив ги прави тротоарите непроодни и валкани, а поради паркираните автомобили мораат да пешачат по главната улица.

Изгледа незадоволството на жителите од Автокоманда ја достигнува својата кулминација, земајќи предвид дека на социјалните мрежи се појавија фотографии со опис дека оваа недела, станари од зградата Јани Лукровски број 2, која се наоѓа наспроти основното училиште „Стив Наумов“ и градинката „Детска радост“, самоиницијативно поставиле рампа на паркингот околу зградата.

Од Општина Гази Баба на нашите прашања тогаш одговорија дека во последните години овозможиле 100 нови паркинг места во населбата, иако во текот на последните десет години се изградени и вселени 90-тина нови станови, преку доградба на нови катови од зградите или целосна изградба на нови станбени комплекси. Патем, оттаму не ни одговорија дали сѐ уште постои план за изградба на катни каражи во населбата или воведување зонско паркирање.

Според жителите, поставувањето на оваа рампа е единствена одбрана на станарите од паркирање на автомобили од луѓе кои не живеат во таа зграда, односно луѓе кои работат во бројните мали и големи компании кои се сместени во населбата.

-Кога градоначалникот не е заинтересиран за проблемите со паркингот во Автокоманда, тогаш народот си презема во свои раце да си го реши проблемот – пишува жителот во објавата во која исто така најави дека во скоро време жителите уште на неколку згради самоиницијативно ќе постават рампи на паркинзите од своите станбени објекти.

Оваа објава предизвика измешани реакции кај останатите жители, кои имаа поделени мислења околу поставувањето на рампата. Некои од нив сметаат дека оваа акција е нелегална и за неа е потребна дозвола од општината, а некои, пак, силно ги поддржаа станарите на Јани Лукровски за оваа постапка.

Побаравме одговор од Општината дали земјиштето на кое се наоѓа паркингот околу зградата е во нивна сопственост и доколку е, дали е потребна дозвола за поставување рампа од овој тип и дали станарите имаат право, со дозвола од локалната самоуправа, да откупат паркинг место од паркинзите во непосредна близина на своите згради.

Принципот на откупување и индивидуализирање на паркинг местата не е новост за скопјани, земајќи предвид дека многу од инвеститорите на новоизградените станбени објекти им даваат можност на станарите за одредена сума да си откупат паркинг место во подземните гаражи или пред станбениот објект, но што се случува кога паркингот е во сопственост на општините и дали во тој случај жителите исто така имаат право да си платат за свое и секогаш „сигурно“ паркинг место пред својата зграда.

Во некои скопски општини како Центар и Аеродром, овој проблем со паркирањето донекаде го решија со поставување на зонско, а исто така и со издавање на налепници за автомобилите на резиденти и станари кои овозможуваат слободно паркирање на сите паркинзи ширум општината, опфатени од општинските паркинг служби.

Факт е дека со овој тип на регулирање на паркиралишатата, невозможно е проблемот да биде целосно решен бидејќи секогаш ќе постојат некои „црни точки“ за бесплатен паркинг на скопјани како последица од поделената градска и општинска надлежност за нивно решавање и контрола.

Во општина Гази Баба овој тип на зонско паркирање и паркирање за резиденти сѐ уште не е имплементиран, што според жителите е причина на паркинг безредие што ги прави улиците непристапни и „тежок терен“ за возачите.

Од Гази Баба до овој момент не ни одговорија на прашањата , што значи дека доколку проблемот со паркирањето во општината е игнориран и оставен на жителите, најверојатно во блиска иднина тие ќе делуваат според најавеното со што секој станбен објект ќе делува индивидуално и на „своја сметка“ ќе регулираат кој може да влегува на паркинг, а кој не.

https://www.slobodenpecat.mk/zhitelite-na-avtokomanda-pochnaa-sami-da-go-reguliraat-bezredieto-postavija-rampa-na-parking-pred-zgrada/

The new 50-seat parking at the "Lirija" school is now ready and in service of the residents of the neighborhood! This project, funded by the Municipality of Chair, is an important step towards providing better parking opportunities in the area.











https://www.facebook.com/profile.php?id=100090016557002

РЕЗИДЕНТЕН ПАРКИНГ ДО 40 ВОЗИЛА ЗА СТАНАРИТЕ БЛИЗУ АВТОБУСКАТА СТАНИЦА КИМ
Напуштениот простор меѓу зградите зад автобуската станица КИМ што беше неискористен, го преуредивме во паркинг за околните станари. Овие гарантирани паркинг места за жителите значат многу затоа што го скратуваат времето на барање слободно место и нудат поголема безбедност за автомобилите.
Жителите во овој дел од населбата имаат навистина сериозен проблем со паркирање на автомобилите затоа што овде секојдневно гравитираат многу граѓани па слободно паркинг место е навистина реткост.
Новиот паркинг дефинитивно го олеснува и решава долгогодишниот проблем на овдешните станари.





https://www.facebook.com/OpstinaCentar

Паркирај, па попливај на паркингот кај МЕПСО







После секој дожд вообичаено повеќето улици во Скопје се претвораат во езера. Но, тоа не би требало да се случува на уличките кои служат и како паркинг простори и каде ЈП „Градски паркинг“ наплаќа најскапо за паркирање, како на пример во најстрогиот центар на градот.

Паркинг просторот пред дирекцијата на МЕПСО, веднаш кај пешачкиот мост кој води кон Македонскиот народен театар неодамна се реконструираше, односно се стави нов асфалт и одново се исцртаа паркинг места. Од тука се влегува и во катната гаража „Солунски конгрес“.

И навистина, сега овој простор изгледа многу поуредено отколку претходно кога беше комплетно руиниран и каллив, благодарение пред сѐ на градилиштето во непосредна близина кое ќе одбележи една деценија од своето постоење. Но, сето тоа исчезнува штом заврне дожд и целиот простор се претвора во едно големо езеро. Па откако ќе се паркира автомобилот, вистински проблем е како човек да излезе од него, а да не му се наполнат чевлите со вода.

Може ли нешто во градов да се направи како што треба, а да не се покажат сите слабости, на пример при првиот дожд? Дали „Градски паркинг“ мисли дека доволно е да се исцртаат паркинг места и да се наплатува паркирањето, без да се обезбедат некакви пристојни услови за сите што ги користат услугите на претпријатието, без оглед на временските услови?

Притоа за сето тоа се трошат серизно многу пари, за што очигледно, исто така никому не му е грижа.

https://www.slobodenpecat.mk/parkiraj-pa-poplivaj-na-parkingot-kaj-mepso/

Ул. Фрањо Клуз-Стар Аеродром

Последица на тоа што во секоја зграда на приземје има деловни локали,претежно кафулиња и секојдневно е ваков хаос,секако има и станари кои решиле да не купат паркинг со надеж дека ќе најдат бесплатен паркинг во околината.
Вака е и во Мичурин каде фали некаква катна/монтажен паркинг.







https://www.facebook.com/jassumodopstinaaerodrom

СЕ ПРОШИРУВА И РЕГУЛИРА ДИВИОТ ПАРКИНГ ЗАД НАРОДНА БАНКА

Конечно го уредуваме, регулираме и прошируваме просторот на дивиот паркинг зад Народна Банка на кој се паркираа автомобили без ред често и со блокирање меѓу себе.
На целиот простор комплетно ќе биде изгребана цела површина и ќе биде нанесен нов асфалт со што ќе се отвори простор за 250 автомобили. Дополнително овој паркинг простор ќе биде обележан согласно сообраќајниот проект на Паркинзи на Општина Центар.
Ги замолуваме граѓаните за трпеливост за време на извршувањето на овие градежни активности.





https://www.facebook.com/OpstinaCentar

Секојдневие во Аеродром кај Тобако 2,скоро секоја зграда во приземје има минимум 2 кафичи,плус многу други локали(од фб)

А наместо обичен паркинг да направат паркинг на две нивоа, па да има отприлика 100 места за паркирање...

Edited by skopskodete - 20-Jun-2023 at 18:58

ЦРКВАТА НА ДИВО НАПЛАЌА ПАРКИРАЊЕ НА ПЛОШТАДОТ БОГОРОДИЦА, НЕМАЛЕ ПАРИ ДА ГИ ПЛАТАТ СМЕТКИТЕ ЗА СТРУЈА



На Плоштадот Пресвета Богородица со години на диво се наплаќа паркирање и никој не реагира. Плочникот и пешачката зона се блокирано со коли, а лице од црквата наплатува и им наоѓа место на возилата.

Наплатата е незаконска бидејќи за да може некој субјект да наплатува паркирање треба да добие дозвола од Советот на Град Скопје. Досега Советот на Град Скопје не дал дозвола црквата да наплатува паркирање, ниту пак ваква точка стигнала на дневен ред.

Лицето кои го затекнавме како наплатува ни рече дена дневна паркинг карта е 100 денари, а месечна 1.500 денари. На нашето прашање дали имаат дозвола за да наплатуваат ни рече да си ја гледаме својата работа.

„Не мудрувајте многу, гледајте си ја својата работа. Па со кои пари да ги платиме сметките за струја, знаете ли колкави суми ни стигнуваат. И кај да се паркираат вработените во сите овие институции кои ги направија“, ни рече лицето од црквата.



Проблемот со паркирање на Плоштадот Пресвета Богородица трае со години. Во време на ексградоначалникот Петре Шилегов инсекцијата на Град Скопје излезе на терен, ги расчисти колите и даде забрана на црквата да наплатува бидејќи немаат дозвола. Но, после неколку дена од акцијата на Градот, пак се врати сè по старо и црквата продолжи да наплаќа паркирање.

Плоштадот Пресвета Богородица почна да се гради во 2013 година во рамките на проектот „Скопје 2014“. На него се изградени три фонтани со мермерни релјефи на кои стојат скулптури на свети Никола и свети Петар и Павле. Изградбата на Плоштадот ја финансираа Град Скопје и Општина Центар и чини околу 5,3 милиони евра.

https://sdk.mk/index.php/dopisna-mrezha/tsrkvata-na-divo-naplaka-parkirane-na-ploshtadot-bogoroditsa-nemale-pari-da-gi-platat-smetkite-za-struja/

Originally posted by stef4o кај Мајчин Дом,имаше најави дека ќе се среди ова но сеуште нема ништо...(од фб)

Денеска започнаа градежните активности за изградба на нов паркинг зад ,,Мајчин дом”. Станува збор за простор на површина од 1300 квадратни метри и капацитет од околу 60 паркинг места, со што се решава уште еден важен проблем на граѓаните од овој дел на општината. Инвестицијата опфаќа асфалтирање на целиот простор, уредување на околното зеленило и партерно уредување на околниот простор.



https://www.facebook.com/OpstinaAerodrom/