Манастир Пресвета Богородица - Согле

Во голем пожар кој синоќа избувна целосно изгоре стариот конак на манастирот „Света Богородица‘‘ во велешкото село Согле.

8. октомври 2012

Пожарот избувнал во 21,30 часот и покрај брзата интервенција на Противпожарната единица од Велес и вработени во ЈКП „Дервен“ од Велес и Чашка кои интервенирале со возило со вода пожарот бил локализиран некаде после 2,30 часот, а целосно изгаснат утрово околу 8 часот, информира Љупчо Лепидовски командир на ППЕ од Велес.

Според првичните информации пожарот бил предизвикан од дотраената електро инсталација,но истрагата ќе утврди дали и човечки фактор е во прашање.

Првичната проценка на испекторите за заштита од пожари, е дека е направена материјална штета од околу 1 милион денари, односно целосно се изгорени 300 метри квадратни од стариот конак, кујна трпезарија и целиот инвентар во собите на конакот.

Инаку, навремената интервенција на ППЕ спречила огнот да се прошири и на новиот реконструиран конак кој пред два месеца беше осветен на голем народен собир и на манастирската црква.

Владиката на Епархијата Повардарски митрополитот Агатангел веќе бил на местото на опожарениот конак и повикал екипи на ГП „Изгрев‘‘ од Велес, а кои веќе работат на расчистување на опожарениот објект, информира командирот на ППЕ од Велес Љупчо Лепидовски.

http://grid.mk/read/news/90075836/983722/vo-pozhar-izgore-stariot-konak-na-sveta-bogorodica-vo-sogle