Министерство за финансии (Југобанка)

Пред некој ден таму веќе еден багер го корнеше плочникот пред зградата.

Истата фирма што го изведе Министерството за Финансии ќе ја прави и Пелагонија:

http://www.lsg-group.eu/blog/building-pelagonija-skopje/

http://www.lsg-group.eu/blog/opening-of-the-ministry-of-finance-in-macedonia/

Originally posted by ciseaux Стражарска куќарка пред Министерство за финансии.

Намали ја големината на фотографиите, мислам дека лесно се прави тоа на Imgur.

Стражарска куќарка пред Министерство за финансии.


[/IMG][/IMG]

Според мене, убав контраст на стилови има меѓу овие две градби и убаво изгледаат една до друга. Се надевам дека и ГТЦ, кога веќе ќе ја реновираат фасадата во таков стил ќе создаде добра контрасна целина со Соравија и новата катна од карши.

Денес поминав покрај Министерствово и видов дека уште се работи на страничниот дел (оној што гледа кон Градски ѕид). Зградата беше пуштена во употреба пред една недела, а уште не е довршена. Класика.

Никој не го оспорува обликувањето на нашиот простор, но ова што сега му се случува на Скопје е силување, и ништо повеќе. Менувањето фасади без согласност на архитектите кои се уште живи не може да се нарече никако поинаку. Бришењето на трагите од модерната (која е далеку поавтентична за Македонија од квази барокот и останатото квази неоисториско срање што ни се наметнува) е урбицид. Никој не оспорува дека припаѓаме во Европа, но таа Европа денес гради модерни, самоодржливи и економски исплатливи зданија, а не евтини гипсени фасади што повеќе личат на театарски кулиси одошто на сериозна обнова на една зграда. Фактот што се обновуваат само предните делови на зградите доволно зборува за сериозноста на пристапот. За претераниот број споменици на така мал простор е веќе зборувано, излишно е да се повторуваме. Сум имал можност да прошетам низ неколку европски градови кои имале далеку поголеми плоштади од плоштад Македонија, па на нив имало само по една или по најмногу три скулптури. Скопскиот плоштад е задушен од споменици и предимензионираната скулптура на т.н. Воин на коњ. Со новата подна фоната само дополнително ќе го намалат просторот за пешаци. Градат згради на кејот, каде што изрично постои забрана за градење поради нестабилно земјиште и подземни води (ама не, таму зградите се највидливи). Ова што се прави нема врска со градење идентитет, или некаква архитектонска смелост што сме ја потиснувале поради одредени историски и други комплекси, ова е - повторувам - силување на урбанизмот и архитектурата на еден град. Силување на историското и културното наследство (модернизмот) од периодот кога се градеше македонската држава. Сега се бришат сите траги на некакваси архитектонска смелост (колку и да ги мразите зградите од социјалистичкиот период на Македонија, голем дел од нив со својата креативност се светлосни години понапред од оваа ретроградност што денес ја гледаме). Скопје со овој проект имаше историска шанса да влезе во учебниците по архитектура со нешто ново, смело и досега невидено. Наместо тоа, станавме предмет на потсмев. кој не верува во тоа, нека изгугла за проектот Скопје 2014, и нека обрати внимание што велат за него реномираните светски портали и списанија за архитектура. Јас лично не оспорувам дека во рамки на самиот проект има и добри работи, но гледан како целина, тој нанесе далеку поголема штета одошто добробит.

Само уште ова да го додадам: во самата општина Центар имаме маала што се статоци од рурално Скопје, кои можеа да станат административни квартови каде што може да ги напикаат сите згради што ги напикаа во Мал ринг, со што ќе се добиеше двојна корист - ем ќе се урбанизираа тие делови и ќе заличеа на нешто, ем властодршците ќе си ги исполнеа своите фараонски соништа и фантазии. Но зошто да биде едноставно, кога може да биде сложено. И фушерски.

Edited by Џоле - 03-Sep-2014 at 20:25