Велосипедски патеки и пунктови

Сликано на 17 Март 2011, кај Мостот Близнаци во Гази Баба...

СКОПСКА НАСКОРО НИЗ СКОПСКИТЕ УЛИЦИ Ќе се возат дабл-велосипеди Цената за изнајмување на единечните велосипеди останува 10 денари за еден час, а додека пак за оние со две седишта ќе изнесува 30 денари за еден час, рече директорот Јакимовски Скопјани од 1 мај ќе имаа прилика низ скопските улици да возат велосипеди со две седишта или попознати како дабл-велосипеди, најави Борче Јакимовски, директорот на Јавното претпријатие "Градски паркинг". Јакимовски додаде дека од овој вид во Скопје ќе има 20 велосипеди со две седишта и 10 детски велосипеди. -Проектот "Изнајми велосипед" беше одлично прифатен кај граѓаните, па поради тоа решивме истиот да го спроведеме и оваа година. Во моментов се подготвува техничката документација за набавка на овие велосипеди, па се надеваме дека наскоро по скопските улици ќе можат да се видат овие велосипеди, вели директорот Јакимовски. Во тек е распишан тендер за набавка и на нови единечни велосипеди, а причината и идејата за набавка на дабл-велосипеди е тоа што кога се изнајмуваат велосипедите, најчесто се изнајмуваат од двајца. - Цената за изнајмување на единечните велосипеди останува 10 денари за еден час, а додека пак за оние со два седишта ќе изнесува 30 денари за еден час, рече Јакимовски. Според искуството од минатата година, многу често се случуваше скопјани да ги менуваат деловите на изнајмените велосипеди и поради тоа од првите 100 во одлична состојба сега се 70 велосипеди. Од Јавното претпијатие се надеваат дека и оваа новина ќе биде прифатена со добри критики од страна на граѓаните. Но, и покрај високите цени за паркирање, граѓаните сепак, летно време се одлучуваат да возат велосипед, но некои од нив наместо да плаќаат паркинг место почесто во Центар одат пеш. (А.И.)

www.vecer.com.mk

Ѓорчепетровци останаа без можност за најмување велосипеди

ЈП „Градски паркинг“ деновиве ќе отвори два нови пункта, но не во Ѓорче. Набавката на нови велосипеди е во постапка

Деспина Трајковска



Скопјани уште извесен период нема да можат да изнајмуваат градски велосипеди во Ѓорче Петров. Ниту, пак, ќе имаат можност да се возат на нови. Иако од Град Скопје и ЈП „Градски паркинг“, како реализатори на проектот „Изнајми велосипед“, уште пред почетокот на новата сезона ветија и дополнителни пунктови за изнајмување, но и стотина нови велосипеди, по улиците уште се возат седумдесетината стари, кои и натаму може да се најмуваат само на три локации низ градов.

Ѓорчепетровци и дефинитивно уште извесен период ќе чекаат да добијат пункт во својата населба, оти од ЈП „Градски паркинг“ немаат пари да го оспособат паркингот за велосипедите. Директорот Борче Јакимовски објаснува дека претпријатието не ги заборавило граѓаните од тој реон на градот. Напротив, како што вели, свесни се за потребата од пункт во Ѓорче Петров и околината, но, сепак, моментно не се финансиски моќни да ја реализираат идејата.

„Свесни сме дека кај граѓаните постои интерес за ширење на мрежата на локации од каде што може да се изнајми велосипед. Особено ни е јасен интересот на граѓаните од Ѓорче Петров и околината, но од оправдани причини, тоа не можеме да го сториме во оваа фаза од проектот. Неговата имплементацијата чини скапо, иако навидум не е така. Конкретно, паркингот во Ѓорче Петров работи само во прва смена, што значи дека не постојат услови велосипедите да се изнајмуваат во текот на целиот ден. Значи, за да ги обезбедиме сите услови, првенствено ни се потребни пари неопходни за вработување нови лица на паркингот, со што автоматски ќе се продолжи неговото работно време. Сега немаме такви можности“, објаснува Јакимовски, кој и покрај се', се надева дека во скоро време ќе најде начин како и на ѓорчепетровци би им се овозможило да изнајмуваат велосипеди во својата населба.

Инаку, надлежните се подготвуваат до средината на наредната недела да оспособат два дополнителни пункта, едниот на паркингот кај Железничка станица, а другиот на затворениот паркинг кај стоковната куќа „Илинден“. Во меѓувреме работат и на спецификацијата за јавната набавка на 40 до 50 велосипедите што планираат да ги купат.

Истовремено, проширување на возниот парк во проектот „Изнајми велосипед“ се очекува и од страна на градските власти, кои досега веќе требаше да купат нови 75 велосипеди со парите што ги добија како донација, но сепак, набавката неодамна беше поништена. Се очекува наскоро повторно да се обидат да ги купат велосипедите за кои скопјани секојдневно покажуваат голем интерес. И оваа сезона, исто како и лани тие имаат можност да ги рентаат од три локации во градов, и тоа за 10 денари од час.

http://www.utrinski.com.mk/?ItemID=5AC76B059009F94F9CF0FDEE5105703F

Епа за ова горе зборам цело време. Прво сите булевари во Скопје имаат патеки заедно со велосипедски што нашиве граѓани мислат дека се тротоари (!). Ако овие тротоари се денивелираат и се сведат на ниво на сообраќајот значи до жардинерата кон патеката за пешаци апсолутно сум сигурен дека многу повеќе ќе се користат пред се поради нашата култура и запознаеност и секако ќе излгедаат одлично.

Па ова не е баш некое добро решение, прво патеката е тесна, нема некоја можност за претекнување без да се убиеш, второ блокирана е од двете страни со високи ивичници (односно жардињерата и тротоарот). Во Скопје по Партизанска се осмислени многу подобро, барем ја така мислам. И не мора да се денивелираат, туку треба да се постават столпчиња за да не се паркираат коли на нив и исто така ако велосипедистите возат по улицата (на потегот по Партизанска) треба казни да се пишуваат. 

Кај нас владее мислење дека колата можеш комотно да си ја оставиш на улица или да ја паркираш и вертикално по тротоари и зелени површини и тоа пред самиот објект кај што граѓаните си вршат услуги. Мислам дека ако сум сообраќаец ќе казнувам по 1 милион пати на ден и пак нема да се научат па после се бунеле немало паркинг места а сите катни каражи се празни! Епа господа пројде времето кога во центар на главен град можеа да се оставаат колите кај ќе ви текне! Со ова велосипедските патеки се пребукирани и крајно време е да се одделат физички како што напоменав и да се денивелираат на ниво на лентите за коли секако со можност и физички да бидат разделени со разделници не мора со целосна жардиниера.

Jas mislam fizicko odeluvanje e najdobroto resenie, a i bi izgledal na nesto.So stolpcinja izgleda grdo a mnogupati sum videl deka gi krsat.

доволно е да турат боја само на ивичникот кој ги дели и да се почитуваат законите во сообраќајот, ништо друго

Многу добар текст,убаво што не осврнува на наjголемата болка каj нас,ТОА ШТО СЕ ИЗГРАДИЛО ТРЕБА ТЕКОВНО ДА СЕ ОДРЖУВА!

мене многу ми боде очи потокот од третата слика, одамна е така, а е во центар на град, знае некој од што е?
истото важи и за вреќите песок во Аеродром... немаат никаква функција а навлегуваат на патеката