Железнички билети - цени, поволности, резервации..

Домашен сообраќај

Повратни билети
За повратни патувања, корисниците на превозот имаат право на повластица од 20% за 2. и 1. класа за сите видови возови.

Месечни возни билети за студенти

Месечни претплатнички возни билети за ученици и студенти се издаваат на ученици и студенти кои патуваат од своето место на живеење до местото на учење на пругите на РМ, врз основа на легитимација К-18 .
Важноста на претплатничкиот возен билет е:

- за цел календарски месец;
- за одење и одење и враќање;
- за сите месеци во годината.

Ученици до 12-годишна возраст плаќаат полна цена од претплатничкиот возен билет.

Месечни возни билети за работници

Месечен претплатнички возен билет за работници се издава на лице кое патува од своето место на живеење до работното место на пругите на РМ, врз основ на легитимацијата К-19.
Претплатничкиот возен билет може да се купи:
- за цел календарски месец;
- за пола календарски месец;
- за одење и одење и враќање

Млади под 26 години

За поединечни патувања на млади, ученици и студенти е одредена повластицаод 30% од 2. класа од редовната возна цена за неограничен број патувања во одење и во одење и враќање.
Повластицата се одобрува врз основ на:
- важечка студентска легитимација издадена од страна на студентски организации со кои превозникот има склучен договор за повластен превоз;
- со меѓународна студентска легитимција ISIC;
- легитимација за млади ЕУРО < 26

Пензионери и стари лица

За старосни, инвалидски и семејни пензионери, како и за лица постари од 60 години, државјани на РМ, им се одобрува повластица од 30% од редовната возна цена за 1. и 2. класа за сите видови возови за неограничен број патувања.

Повластицата може да ја користи и брачниот другар на пензионерот, но само ако патуваат заедно. Повластицата се користи врз основ на чек од пензија или документ за идентификација за лица постари од 60-годишна возраст.

Деца

Деца од 4 до 12 годишна возраст имаат право на 50% повластена возна цена од цената за возрасни лица за 2 и 1 класа. Деца до 4 годишна возраст имаат право на користење бесплатен превоз без право на заземање на седиште.

Групни патувања

За училишни и научни екскурзии на ученици и студенти, кои се организирани од страна на образовни, воспитни и општествени организации (училишта, факултети, академии, спортски и културно-уметнички друштва...) се одобрува повластица од 50% од редовната возна цена за 2. класа за патнички и брз воз. Групата може да користи повластица ако се состои од најмалку 6 патника не сметајќи го наставникот или професорот, кој мора да ја придружува групата.

Повластицата се користи врз основа на објава К-16, која ја печати и продава превозникот.
Корисникот на превоз е должен објавата точно да ја потполни и да ја завери со свој печат и потпис.

Новинари

Новинарите, членови на Сојузот на новинари на Македонија имаат право на повластица од 30% од редовната возна цена за неограничен број патувања на пругите на РМ во 1. и 2. класа за сите возови.

Повластица се користи врз основ на заверена легитимација, која ја издава Сојузот на новинари на Македонија.

Слепи лица

Слепите лица, членови на Сојузот на слепите на Република Македонија, во железничкиот патнички сообраќај имаат право на повластица во висина од 75% од редовната возна цена за шест (6) патувања годишно. Слепото лице има право на придружник.
Придружникот на слепото лице има право на бесплатно патување во железничкиот сообраќај во сите случаи кога го придружува слепото лице, кога патува сам по слепото лице или при враќање по придружувањето на слепото лице.

Повластица се користи врз основ на книшката за повластено возење на слепото лице, која ја печати Сојузот на слепите на Македонија и ја издава надлежна организација-Здружението на слепи лица -членка на Сојузот, на чие подрачје живее слепото лице.

Додаток, поточно резервација за седиште на билетот за Пелагонија Експрес.

Пред неколку години, кондуктер ми дојде со „ценовник“ кој беше напишан на рака - со некои баснословни карти. Кога одбивме да платиме, не натера да се симнеме, али у последен момент кога решивме да се жалиме на станицата кајшто требаше да слеземе, се предомисли.

А беше и дрво пијан.

Многу корисно инфо Владимир! Дали можеби знаеш кои се цените за билетите од специјалната (меѓународна) понуда?

Би додал само дека тие билети без доплата можат да се користат за патување во регионални возови додека користењето на истите во Еуро-сити или Интер-сити (експресни возови) е условено со доплата (симболични износи) или задолжителна резервација (повисока доплата). Еве ги тарифите и условите:

http://www.interrailnet.com/planning/train-seat-reservations/domestic-fees

Поголемите железнички станици во земјава издаваат карти преку компјутер, додека во помалите станици тоа оди на рака, исто така и меѓународните билети се пишуваат рачно.

Доколку имате земено легитимација, на времето ISIC, тогаш цените се уште поевтини, за Битола повратна околу 290 денари, за Кичево повратна 190 денари итн.

Најпрвин добредојде на форумот друже.

Скопје-Белград-Скопје чини 2018 денари, додека во еден правец е измеѓу 1400-1600 денари, не сум целосно сигурен. Инаку со одлука на грчките железници од февруари оваа година се укинати возовите на релација Скопје-Солун-Скопје, така што единствена варијанта ти е автобусот од Скопје за Солун или патничките возови до Гевгелија а оттаму со такси.

Бобан, Скопје е поврзано само со Белград, но од Белград имаш секојдневно возови за Венеција, Цирих, Минхен, Виена, Будимпешта, Прага, Москва..., така што ако сакаш да патуваш со воз низ Европа тоа воопшто не би требало да ти биде проблем.

Единствена опција ти е да прашаш на благајна, а пред се кај кондуктерите дали ќе те пуштат бесплатно, дали ќе ти земат симболична цена или сепак ќе треба да платиш редовна цена по километар која е убедливо најскапа.

Обично возовите кон Битола се поволни за носење на велосипед, едноставно точакот го ставаш во последниот вагон на крајот од вагонот и таму никого нема да му смета. Дизел и електромоторните гарнитури се проблематични за велосипедите.

Edited by BOJAN - 30-Jun-2011 at 10:07

Originally posted by BOJAN Бобан, Скопје е поврзано само со Белград, но од Белград имаш секојдневно возови за Венеција, Цирих, Минхен, Виена, Будимпешта, Прага, Москва..., така што ако сакаш да патуваш со воз низ Европа тоа воопшто не би требало да ти биде проблем.

Скопје е поврзано само со Белград моментално, Да. Но и Белград баш нема директни линии и секојдневно возови за Венеција, Минхен, Виена и Цирих.Директен воз има само до Будимпешта од горе споменатите.
Белград има директна врска со Загреб, Будимпешта, Софија, Букурешт, Сараево и Тирана.
Во Загреб треба да смениш воз за до Љубљана, во Љубљана треба да смениш воз за до Венеција, во Венеција-Местре треба да смениш воз за до Милано, додека пак веќе во Милано почнуваат директните линии и брзи возови (TGV, AVE) кои водат во западниот, северниот и северо-источниот дел на Европа.
Доколку пак сакаш да идеш строго источно во Европа, тогаш можеш да ја земеш врската од Белград-Будимпешта-Виена. Виена е истиот случај како Милано.Да поедноставам, Милано е главна железничка раскрсница на западот, додека Виена е главна железничка раскрсница на истокот и останува Париз кој е главна железничка раскрсница на северниот Европски дел.
Е сега, од Венеција до Белград има директен воз (кој главна рута му е Венеција-Белград-Букурешт) но не и во спротивниот правец.
Според мене, картата Скопје-Белград-Скопје е неисплатлива затоа што има многу поедноставна опција со картата Балкан-флекси која има 3 различни цени (според годините) + попуст доколку си студент.Доколку си студент картата изнесува 3000 денари (50 Евра) и во неа имаш да патуваш 5 датуми во рок од еден месец.Значи оваа карта важи само за : Македонија,Грција,Бугарија,Србија,Хрватска,Романија и Словенија (за БиХ не сум сигурен). Како тоа 5 датуми?!Кога ке дојде кондуктерот ти внесува дата и број на воз во кој си моментално, на истата таа дата можеш да влезеш во бесконечно нови возови (каде што важи таа карта) без да се секираш.Следниот ден следува нова дата.
Е сега, Бобан патување низ Европа со воз е нешто кое тешко се заборава..Но исто така има многу ризици и не е се така едноставно.Ти препорачувам доколку се нафатиш на таков чекор, прво да побараш по интернетов, да прочиташ какви све трикови/ризици/забави ти следуваат на тоа патување.Ќе имаш нервози, од гужви пропуштање возови итн итн, но во поголем размер ќе доловиш голема и забавна авантура.
Се надевам дека ти помогнав барем минимално
Сето ова не го зборам само на памет, 3 години активно патувам со воз низ Европа (ми стана опсесија ) и многу добро знам што зборам.

Поздрав

Урбанист, секоја чест на твоиве патувања, но грешка имаш за делот на Љубљана. Ја се возев со директна линија Белрад-Вилах, при што се симнав во Љубљана и немав никаква потреба да менувам воз во Загреб.