build.mk » Forum: Реконструкција на Собранието

Author

Message

Topic Search

Topic Options

Observer

Senior Member

Joined: 13-Oct-2010
Location: MK
Online Status: Offline
Posts: 271

Quote

Reply #261 Posted: 19-May-2011 at 18:32

Сликано денес

http://www.facebook.com/suvenirimakedonija

Рок-Барок

Senior Member

БАНИРАН

Joined: 29-Aug-2010
Location: Куманово
Online Status: Offline
Posts: 118

Quote

Reply #262 Posted: 22-May-2011 at 16:00

Многу споро идат работите..од кога се на таа страна,не мрднаа

zabegan

Senior Member

Joined: 01-Jul-2008
Location: Skopje
Online Status: Offline
Posts: 7859

Quote

Reply #263 Posted: 24-May-2011 at 14:30

убава перспектива има сликава, со тротоарот и целото собраниско опкружување Crazy

Observer

Senior Member

Joined: 13-Oct-2010
Location: MK
Online Status: Offline
Posts: 271

Quote

Reply #264 Posted: 25-May-2011 at 11:16

Плаче за реновирање цело Ск :-)

http://www.facebook.com/suvenirimakedonija

ovaj_stariov View Drop Down

Senior Member

Joined: 02-May-2008
Location: Prilep
Online Status: Offline
Posts: 1321

Quote

Reply #265 Posted: 13-Jun-2011 at 13:58

Градежната експанзија го зафати и Собранието

До 20 јуни треба да заврши зајакнувањето на двете фоајеа на парламентарната Сала 1 во Собранието на Република Македонија, како дел од реконструкцијата на зградата. Дотогаш, најверојатно и ќе се знае кога претседателот на Собранието Трајко Вељаноски ќе ја закаже конститутивната седница на новиот македонски Парламент. Законскиот рок истекува во сабота на 25 јуни.

Пред влезот на Сала 1 се поставува столб, а дел од интервенцијата во Кристалната сала е во зајакнување на столбовите, кои беа 40X40 сантимери, а сега се 70X90 сантиметри.

Доградбата, надградбата, адаптацијата и зајакнувањето на објектот на Собранието започна во март минатата година, а треба да заврши најдоцна до крајот на следната година. Се предвидува изведување на нови 3.900 метри квадратни и адаптирање на 840 метри квадратни. За оваа намена е предвидено да бидат потрошени околу 700 милиони денари или 11 милиони евра.

Во речиси полупразната зграда на Парламентот, поради предвремените избори, секојдневно работите ги надгледуваат собранискиот архитект Билјана Ивановска, но и задолжените инжинери од градежната компанија „Бетон“, која е изведувач на работите, раководителот на објектот Јадранка Ѓорѓевиќ, архитект во занатскиот погон на компанијата и Душко Јовчев, директор на занатскиот погон.

Архитектот Ивановска за МИА вели дека работите завршуваат предвреме и оти многу практично се искористил периодот без пратеници бидејќи, според планот, интервенцијата во делот кај Сала 1 ќе заврши пред конституирањето на новиот состав.

- Со динамичкиот план тоа беше планирано за многу подоцна. Сега решивме да работиме таму за да ги искористиме тие 60 дена и мислам дека ги искористивме многу добро. Во иднина таму нема да има потреба да се работи, бидејќи доколку се работи во фоајето не може да се влезе во парламентарната сала, вели Ивановска.

Со доградбата и надградбата Собранието ќе добие нови 119 канцеларии, шест сали за комисии и една повеќенаменска протоколарна сала од 600 квадрати.

- Во моментов исто така се работи и на столбовите за салата со куполата, со што е почната и доградбата на објектот, посочува Ивановска. Куполите ќе бидат со радиус од четири метри.

Повеќенаменската сала ќе биде надоврзана на последното ниво на доградбата, и физички ќе биде поставена на самостојна носива челична конструкција над парламентарната сала и покриена со купола со висина од 9,80 метри и дијаметар од 34 метри.

Пратениците по завршувањето на реконструкцијата на парламентарната зграда ќе добијат своја канцеларија, а дотогаш ќе се работи според стариот систем односно канцеларија ќе добие секоја пратеничка група, потпретседателите на Собранието, координаторите на пратеничките групи...

Во делот за адаптација, просторот под салата „Борис Трајковски“, каде што беа работилници и гаражи, е адаптиран во простор за студио за Собранискиот канал, а старото депо треба да биде Парламентарен институт и ЕУ - центар.

Парламентарниот институт се работи со донација од Швајцарската амбасада преку Институтот за парламентарна демократија. Проектот е веќе завршен, а треба да се распише тендер за изведување. Останатиот дел од сутеренот ќе се адаптира за потребите на службата на Собранието.

Архитектот Ивановска објаснува дека првично не било планирано да се работи на зајакнување на објектот и оти одлуката за тоа е донесена по проценките направени од Институтот за земјотресно инженерство и сеизмологија (ИЗИС) поради сеизмиката на објектот.

- Се изненадивме кога видовме дека столбовите во ходниците се од цигла, а не се армирано бетонски столбови. За мене како архитект тоа беше најголемото изненадување, вели Ивановска.

Стручни лица од ИЗИС вршеле испитувања и, како што вели таа, оцениле дека зградата на Собранието мора да се зајакне. - Бидејќи зградата е петоаголник, работиме ламела по ламела, зајакнување па надградба. Во ноември бевме готови со првата ламела која се наоѓа меѓу двата влеза - пријавницата и службениот влез, вели Ивановска.

Според проектот на ИЗИС, објаснува таа, зајакнувањето се прави меѓу прозорите во секоја втора просторија. - Се става армирано-бетонско платно помеѓу прозорите кои се поврзуваат. Циглата ја кршиме и меѓу прозорците се ставаат платната за потоа да биде се како претходно. Почнуваме од темел, а столбови се ставаат по целата висина на објектот. Паралелно со зајакнувањето се прави замена на прозорците и на вратите, паркетот се струга и се лакира и се менува внатрешната столарија, раскажува архитектката.

- Сега сме готови со две ламели и тоа со ламела седум и ламела еден, кај Уставна сала. Паралелно со тоа ја правиме надградбата која треба да биде над целиот петоаголник. Надградбата е речиси завршена над ламела 7 и поставена е челичната конструкција над ламела еден, вели таа.

На делот од зградата на Собранието, кој е веќе завршен, е ставена и оригиналната боја на фасадата. - Максимално водевме сметка да се задржи автентичноста на објектот, објаснуваат архитектите Ивановска и Јовчев.

Зградата на Собранието на Република Македонија е една од најмонументалните градби во Република Македонија, за која во 1930 година бил распишан и конкурс за проектирање (на кој победил архитект Виктор Лукомски), а изградена е во 1938 година по проект на чешкиот архитект Виктор Ј. Худак.

http://kurir.mk/makedonija/vesti/32869-Gradeznata-ekspanzija-go-zafati-i-Sobranieto

build.mk, гради форумска историја

ovaj_stariov View Drop Down

Senior Member

Joined: 02-May-2008
Location: Prilep
Online Status: Offline
Posts: 1321

Quote

Reply #266 Posted: 13-Jun-2011 at 14:50

Уште две слики

http://sitel.com.mk/dnevnik/makedonija/se-sozdavaat-uslovi-za-rabota-na-novite-pratenici

build.mk, гради форумска историја

Macedonian View Drop Down

Groupie

Joined: 25-Jun-2009
Online Status: Offline
Posts: 78

Quote

Reply #267 Posted: 13-Jun-2011 at 18:08

Слики од пред една недела

МАКЕДОНЕЦ си кога кавал ќе ти ја распара душата кога зурла ќе ти го раскине срцето.

гитардемон View Drop Down

Senior Member

Joined: 19-Feb-2008
Online Status: Offline
Posts: 5424

Quote

Reply #268 Posted: 13-Jun-2011 at 18:17

Дефинитивно ќе изгледа многу посвежо!

И сменете го насловот во „Реконструкција на Собранието“. Ах скопјаните и членувањето

Arguing on the internet is like running at the special olympics. Even if you win, you're still retarded.

Cloverstack View Drop Down

Admin Group

Joined: 01-Sep-2007
Location: Скопје
Online Status: Offline
Posts: 12453

Quote

Reply #269 Posted: 13-Jun-2011 at 18:29

Според проектот на ИЗИС, објаснува таа, зајакнувањето се прави меѓу прозорите во секоја втора просторија. - Се става армирано-бетонско платно помеѓу прозорите кои се поврзуваат. Циглата ја кршиме и меѓу прозорците се ставаат платната за потоа да биде се како претходно. Почнуваме од темел, а столбови се ставаат по целата висина на објектот.

Може ли некој ова да го објасни малку посликовито

FoSsiL

Senior Member

Joined: 01-Mar-2009
Location: Аеродром
Online Status: Offline
Posts: 4699

Quote

Reply #270 Posted: 13-Jun-2011 at 18:41

Јас гледав кога се работеше ламелата од кај Дом на АРМ страната...

Најверојатно столбовите кои биле од цигли ки кршеле еден по еден, и колку што разбрав преку еден (што ако е така најверојатно поради поголемата издржливост на бетонските столбови, па процениле дека може да се оди преку еден, односно бетон-цигла-бетон-цигла-бетон итн), а потоа со арматура и бетон ги полнеле но со поголем волумен (ова исто така оди во прилог на горната теза, секако ако добро сум ја разбрал, можеби и сите циглини столбови ги замениле со бетонски). Нели имаше едни како се викаат тие со пумпи и црева кои тураат бетон едно време... се гледаа, барем додека работеа на таа ламела... а за внатершните столбови незнам, најверојатно и тие ги работеле, само немам претстава како...

потоа исто како што разбрав ги зајакнувале рамките на прозорците, најверојатно и тоа игра улога во цврстината и издржливоста на целиот објект, односно најверојатно влијаа на ѕидовите над и странично од прозорците...

За слики... па незнам како да најдам... зашто не го знам правиот поим за оваа работа на англиски...

Македонија - Земја на чудата!

alexgizh

Moderator Group

Joined: 07-Jan-2009
Location: Skopje
Online Status: Offline
Posts: 1976

Quote

Reply #271 Posted: 13-Jun-2011 at 19:59

Originally posted by гитардемон

Дефинитивно ќе изгледа многу посвежо!

И сменете го насловот во „Реконструкција на Собранието“. Ах скопјаните и членувањето

Иако технички Собранието е „во реконструкција“ (неговиот состав), градбата за којашто станува збор во темава е Палатата на Собранието на Република Македонија. Собранието е институција (мисловна именка), а неговата Палата е градбата. Така што, предлагам уште една брза промена на името на темата

The only thing necessary for the triumph of evil is for good men to do nothing.

Stefano

Groupie

Joined: 28-Oct-2009
Online Status: Offline
Posts: 0

Quote

Reply #272 Posted: 14-Jun-2011 at 20:05

Според тоа што можам да видам од дел од фотографиите, ми изгледа дека доста квалитетно работат и дека Палатата на Собранието на РМ (гитар корегирај ако имам јазична грешка

) ќе биде права кукла кога ќе заврши реконструкцијата! И редно беше толку делегации доаѓаа во таа институција, а од надвор делуваше како пред распад..

makonix

Senior Member

Joined: 08-Feb-2010
Online Status: Offline
Posts: 520

Quote

Reply #273 Posted: 15-Jun-2011 at 00:27

kupolata na sobranieto ke bide najgolemata kupola dosega vo MK, taka? steta sto ne mozeme da go pratime gradenjeto so sliki. Dali gorniot del na sobranieto i kupolata ke bide otvoreno za poseti, kako vo Germanija?

dule

Senior Member

Joined: 25-Mar-2011
Location: skopje
Online Status: Offline
Posts: 255

Quote

Reply #274 Posted: 27-Jun-2011 at 17:07

Ме интересира дали останаа старите прозорци или има ставено нови алуминиуски ???????

lupo

Senior Member

Joined: 13-Nov-2009
Online Status: Offline
Posts: 434

Quote

Reply #275 Posted: 27-Jun-2011 at 19:56

Mislev deka ke ja pravat porazigrana

...kaj si kapelo pak ke si kape...

leonid23

Senior Member

БАНИРАН

Joined: 30-Nov-2009
Location: Strumitza
Online Status: Offline
Posts: 579

Quote

Reply #276 Posted: 28-Jun-2011 at 19:33

Originally posted by dule

Ме интересира дали останаа старите прозорци или има ставено нови алуминиуски ???????

Па нормално дека старите ѓи стават, на што ќе личи со алуминиумски прозори ?

lupo

Senior Member

Joined: 13-Nov-2009
Online Status: Offline
Posts: 434

Quote

Reply #277 Posted: 27-Jul-2011 at 23:09

...kaj si kapelo pak ke si kape...

fichot

Members Profile

Send Private Message

Find Members Posts

Visit Members Homepage

Add to Buddy List

Senior Member

Joined: 02-Feb-2010
Location: Skopje
Online Status: Offline
Posts: 2602

Quote

Reply #278 Posted: 28-Jul-2011 at 00:59

Originally posted by lupo

Mislev deka ke ja pravat porazigrana

Три куполи малце ти се?

lupo

Senior Member

Joined: 13-Nov-2009
Online Status: Offline
Posts: 434

Quote

Reply #279 Posted: 28-Jul-2011 at 11:18

Toa e krovot, a jas mislev na fasadata.

...kaj si kapelo pak ke si kape...

axel

Senior Member

Joined: 08-Dec-2009
Location: kumanovo
Online Status: Offline
Posts: 3654

Quote

Reply #280 Posted: 03-Nov-2011 at 14:10

Покривна конструкција - првенец во државата

Собраниската сала за репрезентативни намени е комплетно во челична конструкција, со кружен облик во основа и се состои од подна конструкција и покривна конструкција од типот геодетска купола. Ваков тип на покривна конструкција за прв пат се гради во Република Македонија и затоа нејзиното проектирање е интересно од повеќе аспекти.

Во рамките на реконструкцијата и доградбата на зградата на Собранието на РМ е предвидена изградба на собраниска сала за репрезентативни намени. Собраниската сала е комплексна челична структура составена од V16 3/8 геодетска купола со дијаметар 32,0 метри и височина 10,0 метри, подна конструкција од радијално поставени решетки и потпорна конструкција од хоризонтална прстенеста решетка со дијаметар еднаков на дијаметарот на куполата, вертикална кружна решетка со дијаметар еднаков на дијаметарот на подната конструкција и косници. Челичната конструкција се потпира на новоизградената армирано-бетонска (АБ) конструкција и на шест АБ столбови. Во трудот се дадени најважните карактеристики на конструкцијата, математичкиот модел и детали за пресметувањето. Во рамките на реконструкцијата и доградбата на зградата (слика 1.) што е во тек, исто така, во нејзиниот централен дел е предвидена изградба на повеќе административни содржини во функција на работата на Собранието.

ОПШТИ КАРАКТЕРИСТИКИ НА КОНСТРУКЦИЈАТА

Административниот дел претставува класична армирано-бетонска конструкција од П+4 ката составена од армирано-бетонски греди со димензии b/h=35/35 cm и армирано-бетонски столбови a/b=50/50cm, со меѓукатна конструкција од армирано-бетонски плочи со дебелина од d=15cm и армирано-бетонски платна во делот за вертикална комуникација на објектот со дебелина од d=20cm. Темелењето на конструкцијата е остварено со армирано-бетонска темелна плоча со дебелина d=100cm на доброносива почва со дозволено напрегање од околу 235 MPa. Собраниската сала за репрезентативни намени е комплетно во челична конструкција, со кружен облик во основа, и се состои од подна конструкција и покривна конструкција од типот геодетска купола. Ваков тип на покривна конструкција за прв пат се гради во Република Македонија и затоа нејзиното проектирање е интересно од повеќе аспекти.

ГЕОДЕТСКА КУПОЛА

Геодетската купола датира уште од далечните години после Втората светска војна и е дело на R. Buckminster Fuller, генијалниот американски инженер, мислител, иноватор и носител на 28 USA патенти, автор на 30 книги, универзитетски професор, носител на голем број почесни докторски титули, а запаметен е и како втор претседател на Mensa International, меѓународното здружение на лица со највисок IQ (коефициент на интелигенција). Неговата геодетска купола станува широко применувана најпрво во Американската армија, која ги препознава нејзините можности за брза и лесна изградба со стандардизирани елементи и врски и практично неограничени носечки карактеристики, а подоцна, особено во 60-тите и 70-тите години од минатиот век, доживува експлозивна примена во спортски хали, изложбени и саемски објекти и други конструкции со големи распони дури и преку 200m (Fukuoka dome, Japan, 216m).

Основна геометриска структура од која се создава геодетската купола е "икосахедрон" (на грчки геометриско тело со 20 страни), едно од петте Платонови идеални геометриски тела (солиди), со страници од 20 идентични рамнокраки триаголници, 30 рабови и 12 темиња (слика 2.). Сите темиња лежат на површината на една опишана топка со радиус ru, φ е познатиот "златен однос" или "златен пресек" (Golden ratio, Sectio aurea), за кој уште од времето на Стара Грција и особено во времето на Ренесансата се сметало дека може да исполни највисоки естетски критериуми. Ако секоја од страните на икосахедронот се подели на два, три, четири, итн. еднакви делови, а сите новодобиени темиња се поврзат во триаголници, но така што новодобиените темиња лежат на истата топка со радиус ru се добива геодетска купола со "фреквенција" V2, V3, V4 итн. На пр. на слика 3. е прикажана геодетска купола со фреквенција V6. Со порастот на фреквенцијата енормно расте и бројот на рабовите (стаповите), страните (триаголниците) и темињата (јазлите). Така на пр. геодетска купола со фреквенција V2 содржи 65 стапови (две различни должини), 40 триаголници (два типа) и 26 јазли, со фреквенција V4 – 250 стапови (6 должини), 160 триаголници (5 типови) и 91 јазел, а куполата со фреквенција V8 дури 980 стапови (19 должини), 640 триаголници (15 типови) и 341 јазел. Меѓутоа, очигледно е дека бројот на идентични елементи (стапови или триаголници) мора да биде делив со 5 и дека само темињата на геодетските куполи со парна фреквенција лежат на екваторот (на топката).

Големиот број на елементи во геодетските куполи со повисока фреквенција денеска не претставува посебен проблем ни во изработката ни во монтажата на металните конструкции. Со компјутеризираните (CNC) машини за сечење, заварување и машинска обработка, можат да се добијат елементи со висока прецизност во поглед на должините и приклучните просторни агли, што е од пресудно значење за добивање на идеалниот облик на структурата. За монтажата пак, најбитно е точното обележување, како на елементите, така и на локацијата и ориентацијата на јазлените елементи. Од конструкторски аспект, повисоките фреквенции ги доближуваат геодетските куполи до идеалното геометриско тело – топка, оформувајќи структура со максимален волумен во однос на нејзината површина, комплетно оформени триаголни елементи. Таквиот концепт овозможува стаповите да бидат поврзани во јазлите само со една завртка (чеп, плоча) обезбедувајќи просторно крута конструкција во која сите стапови се натоварени (доминантно или) само со аксијални сили. Независно од архитектонските (естетските) и конструкторските предности на ваквите конструкции, постојат и објективни недостатоци. Тие доаѓаат до израз при решавањето на деталите за покривањето и заштитата од атмосферилии (голем број различни триаголници, проблеми со заптивањето на контактите), а во услови на користење потребата од ветреење заради појавата на кондензација.

Куполата на Собранието на Република Македонија претставува геодетска купола со фреквенција V16 5/8. Куполата всушност претставува сегмент (калота) со дијаметар (на калотата) 32,0m и височина 10,0m. со однос радиус/височина = 5/8. Радиусот на еквивалентната топка изнесува 17.80m. За овој систем, се добиени вкупно 3.355 стапови (со 391 должина) 2.560 триаголници (панели, 511 типови) и 1.322 јазли. Максималната должина на стаповите изнесува 1.30m. Од конструкторски аспект, иако непотребна, фреквенцијата на геодетската купола (а со тоа и максималната должина на стаповите) е изнудена од архитектонските барања за максимални димензии на стаклените покривни панели. Сите стапови на куполата се избрани со кружен пресек Ф88.9/4. За поврзување на стаповите во јазлите е предвиден детаљ сличен на концептот на "Mero" системот за просторни конструкции. Како проблем во конструирањето (и изработката) на овие врски можат да се наведат малите меѓусебни варијации на приклучните просторни агли (најчесто во износ од неколку степени) во одделни јазли на куполата, кои ја усложнуваат изработката и претставуваат потенцијални генератори за грешки во монтажата. Направен е обид врските да се симплифицираат и унифицираат со можност за приспособување на аголот.

Идејното решение на една ваква врска е дадено на слика 4, со напомена дека монтажата е можна само со перманентна контрола со прецизни геодетски инструменти, со цел да се сочува конфигурацијата на структурата. Во "игра" се повеќе други детали на поврзување. Конструкцијата на геодетската купола (слика 1.) во нејзиниот највисок дел е модифицирана со додавање на секундарен сегмент на калота, кој со помош на хидрауличен систем може да се подига (спушта) за да обезбеди природно вентилирање на салата и спречување на кондензација. Освен тоа, како посебен сегмент на конструкцијата, е предвиден и мал подвижен "мост" кој може да кружи по обемот на куполата со намена за чистење и одржување на покривачот од стаклени панели. Покрај сопствената тежина и постојаните натоварувања, конструкцијата е пресметана за натоварувања со снег, ветер, температурни промени и сеизмички натоварувања. Самата форма на куполата овозможува таа да има доста добри аеродинамични карактеристики при дејство на ветер, а заради релативно малите постојани натоварувања се јавуваат и релативно мали сеизмички сили и поместувања.

КОНСТРУКЦИЈА НА СОБРАНИСКАТА САЛА

Правилната работа на секоја закривена рамнинска или просторна конструкција, кај која аголот на потпирање врз основата е помал од 90°, зависи во голем степен од способноста за прием на хоризонталните реакции, без значителни хоризонтални поместувања. За таа цел, во конкретниот случај е предвидена прстенеста хоризонтална решетка ("голем ринг") во ниво на долниот раб на геодетската купола (слика 1.). Вертикалните реакции од геодетската купола, преку косници се предаваат во јазлите од долниот појас на кружно закривена ободна вертикална решетка на кои, исто така се потпираат носачите на подната конструкција.

Подната конструкција е оформена со вкупно 44 радијално поставени рамнински решетки со различна должина (слика 5.), кои во врската со ободната вертикална решетка имаат височина од 1.0m. Една половина од радијалните решетки, со должина половина од радиусот, се потпира на двопојасна кружно закривена решетка, а втората половина продолжува до "малиот ринг" со дијаметар 4,0m и височина 2,40m. Сите радијални решетки меѓусебно се поврзани со секундарни подни носачи во вид на прстени. Анализите покажаа дека вака конципираната подна конструкција е силно осетлива на хоризонтални торзиони осцилации. Подната конструкција е драстично "смирена" со поставување на хоризонтални спрегови во ниво на рамнината на подот, а со тоа е намалена и периодата на осцилации. Комплексната челична конструкција (купола, решетки, подна конструкција) во еден дел се потпира на новоизградената АБ конструкција преку неподвижни лежишта (ослободени од моменти), а во преостанатиот дел на вкупно шест АБ столбови со височина 12.80m преку неопренски лежишта кои пренесуваат само вертикални реакции.

МОДЕЛИРАЊЕ И НАТОВАРУВАЊА

Изграден е комплексен математички модел кој ги опфаќа геодетската купола, подната конструкција на собраниската сала, АБ конструкцијата на административните простории и АБ столбовите. Користен е програмскиот пакет SAP2000 со FRAME елементи (челик и бетон) и SHELL елементи (меѓукатни плочи). За генерирање на просторните координати на 16V 5/8 геодетската купола е користен софтверот CADRE Geo 6.0. Како поспецифични, ќе бидат прикажани натоварувањата на геодетската купола:

- Ветер. Се нанесува како концентрирана сила во секој јазел.

- Снег. Основното натоварување со снег е земено во износ од 0.75 kN/m². За поголеми агли е извршена редукција, а за агли поголеми од 60º во однос на основата натоварувањето со снег е 0. Натоватувањето во секој јазел е производ на соодветното натоварување со снег и припадната површина.

- Температура. Анализирано е влијанието од рамномерна промена на температурата ΔT = ±20ºC.

- Кровен покривач (стакло). Според Проектот за архитектура се применува изолационо стакло тип RX WARM/SA d=10mm, со тежина 0.60 kN/m2. Натоварувањето е нанесено како концентрирана сила во секој јазел.

- Сеизмика. Анализата од сеизмички влијанија е направена со помош на спектрална крива според МКС стандарот за сеизмички активни зони со земјино забрзување PGA a=0,4g. Заради малите постојани натоварувања на куполата, се генерираат мали сеизмички сили, а со тоа и мали поместувања. Тоталните влијанија се добиени врз база на соодветните товарни комбинации за определување на најнеповолните влијанија. Извршената статичка и динамичка анализа на конструкцијата покажува дека се добиени многу добри резултати во поглед на напонско-деформационата состојба, што е од особено значење ако се имаат предвид комплексната структура и неповолните услови на самото место. Периодата на првиот тон изнесува Т = 0.38 sеc.

http://www.porta3.com.mk/index.php?option=com_content&task=view&id=3176&Itemid=122