На бул. Илинден е подобро да возиш по коловоз одошто на раскрсниците да се искачуваш на велосипедска патека. На делот од Влада до Фонтана нема велосипедска патека. Возиш велосипед по тротоарот, а на секој 6 до 10 метри има вдлабнати канали за одвод на водата од олуците на зградите (класично кршење на точакот). На останатите раскрсници ти треба умешност за подигање на предното а потоа задното тркало за да се искачиш на новите рабници. Ако не си витруоз во тоа тогаш на точкар секој втор ден на исправање тркала.



Нема рабници на раскрсниците, вистинско уживање во возење



Нема рабници на раскрсниците, вистинско уживање во возење



Се вози и на снег



Пак на снег

Сиромашни се овие што возат велосипеди во Амстердам по секакво време??? Или ние сме многу богати па се возиме со коли ???


Edited by radem1 - 28-Jun-2011 at 17:59

Јас да известам дека велосипедската патека е целосно завршена на потегот од новата зграда на Министерството за надворешни работи до зградата на ФОН, во моментов се гради пристапот до истата кај мостот Слобода. Активно се работи и на потегот помеѓу мостот Гоце Делчев до лизгалиштето под Кале.

Не би рекол дека би ти се смееле за одење со точак на работа. Напротив, имав можност три месеци да стажирам и просто бев зачуден колку многу луѓе одеа со точак на работа. Проблемот повеќе е во тоа што реално во оваа скопска чунгла не се исплати да возиш точак, затоа што ниту се ниски тротоарите, ниту се асални, па со самото издигнување на тротоарите и гаѓање на дупките секоја година мењавам по неколку пати гуми и бандажот полека добива кривулеста форма. Да има солидна инфраструктура за точаци мислам дека многу повеќе луѓе би ги користеле.

ПУШТЕНА ВО УПОТРЕБА РОЛЕРСКО-ВЕЛОСИПЕДСКАТА ПАТЕКА ДО МОСТОТ „БЛИЗНАК“      

Градоначалникот на Град Скопје, Коце Трајановски, градоначалникот на општината Гази Баба, Тони Трајковски и директорот на ЈП „Улици и патишта“, Синиша Ивановски, денеска /05.07.2011 година/ и официјално ја пуштија во употреба новата делница од ролерско-велосипедската патека по кејот на реката Вардар од левата страна, што води од фабриката „Комуна“ до мостот „Близнак“. Овој потег е продолжение на ролерската патека од центарот на градот до фабриката „Комуна“ што Градот Скопје ја изгради минатото лето.

- Ролерско-велосипедската патека во делот од фабриката „Комуна“ до мостот „Близнак“ е долга 2.338 метри, а широка 4 (четири) метри. На терен беше направен ископ, подлогата беше тампонирана и беа поставени рабници. Патеката е асфалтирана, означена е хоризонталната сигнализација и се поставени сообраќајни знаци. На изградба на овој дел од ролерско-велосипедската патека на кејот работеа екипите на фабриката „Карпош“ и на ЈП „Улици и патишта“. Градот Скопје за овој градежен зафат потроши околу 7 милиони денари. Ролерско-велосипедската патека на левата страна од кејот на Вардар нуди можност за спортување и рекреација, како и непрекината велосипедска врска од Ќерамидница и Автокоманда до центарот на градот – рече денеска градоначалникот Трајановски.

Тој најави дека наесен оваа делница ќе се осветли, а наредната година ќе се работи на изградба на пешачката патека на овој потег.

Градоначалникот на општината Гази Баба, Тони Трајковски, рече дека овој дел конечно се урбанизира и најави дека за хигиената и јавниот ред на патеката ќе се грижат општинските инспектори.

http://www.skopje.gov.mk/ShowAnnouncements.aspx?ItemID=4360&mid=482&tabId=1&tabindex=0

Не дај боже да ја измиеја патеката.

Originally posted by Cloverstack Фотки од патеката Ај погодете како овие автомобили стигнале на ова место

Автомобилите се привремено тука ,ги користат работниците ангажирани од Паркови и Зеленило кој се задолжени за уредување на околината на кејот од другата страна.






Edited by dule - 07-Jul-2011 at 21:44

Еве нешто и на слична тема

Пешаци, велосипедисти и моторџии на иста патека   Граѓаните се револтирани од возачите на мотори и на скутери, кои со големи брзини се движат меѓу многубројните посетители, на кои им се загрозува безбедноста. Се случува и велосипедистите да не ги почитуваат правилата и да се движат на пешачките патеки и обратно       Ниту казните од 25 евра што полицијата секојдневно ги изрекува не влијае на дисциплинирање на несовесните возачи на мотори и на скутери, кои го узурпираат просторот наменет за пешаци и за рекреативци, покрај кејот на Вардар. Иако, горниот дел е уреден со клупи и е наменет за пешаците, а долниот дел за велосипедистите и за љубителите на ролерките, тоа правило ретко кој го почитува. Граѓаните се револтирани од возачите на мотори и на скутери кои со големи брзини се движат меѓу многубројните посетители, на кои им се загрозува безбедноста. Се случува и велосипедистите да не ги почитуваат правилата и да се движат на пешачките патеки и обратно. - Често пешачам со сопругата на кејот. Кога ќе седнеме на клупите немаме раат. Цело време поминуват велосипеди и мопеди. Долу има обележана велосипедска патека, која треба да ја користат велосипедистите, а моторите, пак, воопшто не смеат да се движат тука. Попладне голем број родители со деца се шетаат, луѓе во години одмараат на клупите, а помеѓу нив поминуваат со голема брзина. Треба да се има ред кој каде треба да се движи, па така спокојни ќе бидеме и ние пешаците и рекреативците што возат велосипеди и ролерки - ни изјави чест посетител на кејот. Од градот Скопје информираат дека нивната надлежност завршува со пропишувањето на режимите за користење на велосипедските патеки. - Согласно поставената сигнализација на патеките на кејот, секаде е забрането управување со мопеди и автомобили. Органите задолжени за регулирање на сообраќајот, должни се да им изрекуваа казни на оние што не го почитуваат воспоставениот режим на користење на велосипедските патеки - додаваат надлежните од градот. Според законот за безбедност на сообраќајот на патиштата, казната за моторите и за велосипедите со мотор кои се движат по велосипедска и по пешачка патека изнесува 25 евра. Од СВР Скопје информираат дека особено во летниот период кога е зголемена фреквенцијата на луѓе, се случува да се изречат и од 10 до 15 казни дневно за ваквите прекршоци.       Автор: Б.Г

http://www.novamakedonija.com.mk/NewsDetal.asp?vest=7711954308&id=14&prilog=0&setIzdanie=22324


Edited by Cloverstack - 07-Jul-2011 at 23:30

Мапата на велосипедски патеки е утната кај делот на Партизанска. Од раскрсницата со Рузвелтова па до Тифани, нема ни асална пешачка патека а камо ли велосипедска. Таа постои да но на неа има автомобили.

ОСВРТ: Јавен велосипедски систем сеуште не постои во Скопје Веќе една година функционира проектот „Скопје изнајми велосипед“, а сеуште не постојат видливи ефекти во растоварувањето на патниот сообраќај во главниот град. До каде е стигнат проектот и кои се идните планови, какви се досегашните резултати и какви се искуствата од соседните главни градови? Најновата информација за овој проект е дека претпријатието „Градски паркинг“ наскоро ќе пушти во употреба 45 нови велосипеди и 2 нови пункта за изнајмување велосипеди кај стоковната куќа „Илинден“ и под Транспортниот центар, со што скопјани ова лето ќе имаат на располагање 110 велосипеди кои ќе се изнајмуваат на 5 пунктови. За жал, градските власти сеуште не ја реализирале кинеската донација од 10.000 евра за купување велосипеди доделена во ноември минатата година. Со реализацијата на оваа инвестиција бројот на велосипеди за изнајмување би можел да се искачи до 200. Скопје е еден од првите главни градови на Балканот кој успеа да го отпочне проектот за изнајмување на велосипеди. Во април минатата година во Белград отпочна проектот „Циклирање“ на Иницијативата за оддржлива урбана мобилност и градот Белград. Пилот – проектот предвидува инвестиција од 350.000 евра за купување на 500 велосипеди поставени на 70 паркиралишта. Чекор напред кај овој план е автоматскиот систем на паркиралишта кој овозможува плаќање со кредитна картичка, мобилен телефон или со смарт – картичка за изнајмување на велосипедот по примерот на поголемите европски градови. За жал, белградскиот модел на јавен велосипедски превоз сеуште не профункционира во сиот сјај, освен почетната иницијатива на невладините организации стара една година. Слично на Белград, во Загреб уште од 2008 година постои проект за воведување на јавен велосипедски систем преку изнајмување на велосипеди на 10 пунктови. Тогашната идеја не профункционира во јавен велосипедски систем, па така минатата година повторно се актуелизираше проектот преку организацијата „Цивитас – елан“. Планирано е велосипедите да се изнајмуваат преку напредна технологија со користење на смарт – картички за плаќање, пунктовите да бидат сместени на секои 300 до 400 метри, а како партнери во проектот да се вклучат Јавното сообраќајно претпријатие од Загреб и Хрватските железници. За разлика од Скопје, Белград и Загреб, Љубљана е главниот град кој успеа да го спроведе проектот за јавен велосипедски систем, каде се воведоа и законски мерки за велосипедистите идентични на оние за учесниците во останатиот патен сообраќај. „Бицикељ“ системот нуди 300 велосипеди за изнајмување на 31 пункт, секој поставен на растојание од 300 до 500 метри во градското подрачје на Љубљана со работно време од 6 до 22 часот. И во Љубљана плаќањето се врши преку автоматски систем со користење на смарт – картичка. Искуствата од соседните балкански градови, но и од европските метрополи укажуваат дека системот за изнајмување на велосипеди во Скопје треба да се менува во насока на негова автоматизација. Пунктовите кои овозможуваат електронско изнајмување и враќање на велосипедите ја даваат можноста истите да се постават на голем број места на најфрекфентните локации во градското подрачје, за разлика од системот во Скопје кој е силно сврзан со малубројните постоечки паркинзи на претпријатието Градски паркинг. Освен избраниот модел, голем проблем со велосипедите за изнајмување во Скопје е начинот на нивна употреба од страна на граѓаните. Во брошурата „Градови и велосипеди“, која произлезе од минатогодишната работница на фестивалот „Велофест“, се укажува дека рекреативното користење на велосипедот низ околината на Скопје е најзастапено денес. Патеката покрај Вардар, покрај железничката пруга во Кисела Вода и оние во градскиот парк се најмногу користени од страна на граѓаните, па оттука интересот за изнајмување велосипеди кај скопјани е насочен најчесто за рекреација по овие патеки. За разлика од рекреативното користење на велосипедите во Скопје, целта на соседните балкански градови е велосипедот да постане дел од системот на јавниот превоз во градот, со кој на граѓаните ќе им се овозможи нов вид на јавен сообраќај покрај автобусите, трамваите и железницата. Постојат повеќе причини за појавата на овој проблем во Скопје. Основната причина лежи во 40 – тината километри велосипедска патека изградена досега во главниот град. При градењето на нови булевари и проширување на постојните неретко е изоставена изградбата на велосипедска патека покрај булеварот, а онаму каде што постојат истите се окупирани од автомобилите и од пешаците. Градот Скопје треба да се ангажира најпрвин за целосно обележување на постоечките патеки и нивна реконструкција, а потоа и за изградба на нови патеки онаму каде што е потребно. Изградбата на велосипедска патека на булеварот Св. Климент Охридски во центарот на градот би бил позитивен пример во таа насока. За разлика од Скопје, во главниот град на Хрватска постои 150 километри долга мрежа на велосипедски патеки, додека во Љубљана велосипедските патеки се долги 120 километри. Најблиску до Скопје е Белград со околу 70 километри изградени велосипедски стази, но планот на градските власти во Белград е истата да се прошири на најмалку 200 километри до 2021 година. Скопје во моментов нема план за тоа колку, каде и до кога ќе треба да се изгради нова инфраструктура за велосипедистите. Дополнителна причина зошто во Скопје сеуште не постои јавен велосипедски систем е непостоењето на мерки кои би ги отргнале граѓаните од користење автомобили. Последната мерка за зголемување на цената на такси – превозот во Скопје доведе до поголема употреба на јавниот автобуски превоз во градот. Поголемата цената на такси – превозот, но и позначителното зголемување на цената за паркирање во строгиот центар на градот се само дел од мерките кои би ги насочиле граѓаните на изнајмување велосипеди. Како и да е, искуствата од европските метрополи и проектите на соседните балкански градови се добра насока за тоа како треба да се изгради јавен велосипедски систем во Скопје. Сегашниот проект треба да се надгради во согласно со позитивните примери од другите градови, за Скопје да добие ефикасна алтернатива на постоечкиот јавен автобуски превоз. И на малкуте велосипедски патеки во Скопје, велосипедистите се среќаваат со голем број препреки: Бојан Блажевски

http://www.build.mk/?p=8181


Edited by build.mk - 17-Jul-2011 at 22:50

Градоначалникот на Вилнус има решение за непрописно паркираните автомобили на велосипедски патеки

Кај бе Вилнус со Скопје ќе го споредуваш кај нас медитеранска култура се паркира кај ќе се стигне и 100 тенка да донесеш не можеш да го научиш народот џабе се и казни ќе треба едно 50 поколенија за да тргне работата.