Fine Holding

„Парите од двете заостанати рати за комуналии за комплексот Космос ќе ги платам само ако извршител ми тропне на врата“, ова е ставот на сопственикот на Космос Фијат Цаноски по вчерашната најава за присолна наплата на долгт од страна на општина Гази Баба. Тој вели дека не се плаши од тоа што општината преку извршителот му дала само седум дена рок за да ги плати парите. Вели, парите можам да ги платам веднаш, но не ги уплаќам затоа што објектот ми се урива, а јас се уште калкулирам дали да продолжел со инвестицијата. Тие две рати не ги платил затоа што два месеци му била одземена дозволата за градба.

„Мене не ми се проблем девет милиони денари да платам за комуналии. Во секој момент можам да му ги платам. Ако затропа извршителот следниот ден ќе ги уплатам. Но не заслужува да им ги платам оти ми го урива објектот. Кај се видело да те урива, а ти да плаќаш за комуналии.“

Дека Цаноски има да ги плати парите покажува и неговиот имотен лист во кој навел дека освен големиот имот, на банкарска сметка има половина милион евра, над 700 илјади во акции, има и побарување од толкава сума, но и долг од милион и 300 илјади евра. Сепак, навел дека има и голем подвижен и неподвижен имот, меѓу кои е и преубавата куќа во Струга и куќата за одмор во Скопје. Поради, како што вели, нерегуларното и неосновано уривање на комплексот, Цаноски денеска поднел тужби против градежната инспекторка и градоначалникот на Гази Баба Тони Трајковски. Цаноски вели дека на неговото вчерашно отворено писмо и покрај смс пораките, не му одговориле ниту премиерот Никоал Груевски , ниту претседателот Горѓе Иванов, ниту пак некој од останатите на кои беше упатено.

„ Ни ми се одговори, а не ни очекувам да ми одговорат на писмото. Правдата ќе ја барат на суд. Ама за жал и судството е во голема паника и страв.“

Ианку, според сопственокот на комплексот и според изведувачот поради уривањето на комплексот „Космос“ двете фирми претрпеле штета од над девет милиони евра. Цаноски заедно со изведувачот барале од надлежните институции да дозволат фирмата која го изведува комплексот да може да влезе и да ги собере опремата и личните документи кои се наоѓаат во комплекост кој од пред неколку дена се урива. До денеска не им било дозволено. Цаноски денеска добил одговор од деканот на Архитектонскиот факултет во Скопје во кој му објасниле како требало да ги пресмета спорните коти поради кои се урива комплексот. Според деканот немало отстапки во објектот.

Верица Павлоска http://alsat.mk/ekonomija/3012211.html