Тротоари

Илинденска е страната баш од мостот па до Владата, каде што стоеше чадорот на А1, или посликовито од кај едниот лав до плавите барикади пред Влада.
За другиот дел е точно пред Собранието, делот што е ограден со плавите барикади до кривината за влез во Собранието, зашто понатаму има сеуште солиден тротоар кој продужува накај Рекорд.
Се на се погодени се виталните точки, останува уште да го исполнат ветувањето за средување на тротоарите кај Веро, НБРМ и Рамстор.

Искрено кажано џабе ги прават тротоарите ако сеуште возила се паркираат на нив. Еве им шанса сега на некои улици и физички да издвојат каде може да се паркира а каде не. Поготво тоа важи за Партизнска каде што некаде има простор ама некаде навистина нема простор за паркирање.

Скопско секојдневие.

Треба да им е јасно дека асфалтирање поневажни тротоари е редовна работа секој месец, секоја година, а не бомбастично да се најавува правење тротоари. Па еве се фали градот има нова асфалтна база, не сфаќам што е тешко овие тротоари и калливите површини да се поминат со асфалт.

Забележав дека се реконструира тротоарот на бул.11 Октомври во делот од кај Жена парк. Багерот го отстрануваше асфалтот ...


Град Скопје: Реконструкцијата на тротоарите се одвива според предвидената динамика
20.07.2011 - 13:23 | Македонија
Проектот за реконструкција на тротоарите и на пешачките патеки на неколку клучни улици и булевари во централното градско подрачје што почна кон крајот на минатиот месец се одвива според предвидената динамика, информира Град Скопје.


На потегот од мостот „Гоце Делчев“ до зградата на НУБ „Свети Климент Охридски“ деновиве од десната страна на тротоарот се нанесува тампонски слој и се рамни површината, а од левата страна е нанесен тампонски слој на 70 отсто од површината, а бетонски префабрикувани плочи се поставени на 50 отсто од површината. На терен работат екипите на ИГМ „Вратница“.

На булеварите ВМРО и Партизански одреди (околу Соборниот храм) тротоарите и пешачката патека се обновуваат на површина од околу 3.500 квадратни метри. Тротоарот на оваа делница е целосно раскопан, тампонски слој е нанесен на 50 отсто од површината, а плочки се поставени на 30 отсто од патеката. На реконструкција на овој потег работи градежната компанија „Чингар инжинеринг“ од Скопје.

На булеварот Илинден, поточно од мостот „Гоце Делчев“ до зградата на Владата на Република Македонија, се реконструираат тротоарите на површина од околу 5.000 квадратни метри. Патеката е раскопана и тампонирана во должина од 200 метри, а на 20 проценти од површината се нанесени бекатон-плочки. На терен работи фирмата „Урбан инвест“ од Кавадарци.

Се обновува и тротоарот на дел од улицата „11 Октомври“ од страната на паркот „Жена борец“. На терен работат екипи на градежната компанија „Пелагонија - Гостивар“.

Edited by vlatko.mk - 20-Jul-2011 at 12:50

slepcive od grad skopje

Понекогаш се прашувам што ги кошта од градов да фрлат неколку лопати асфалт и да ги освежат овие тротоари, кои се далеку од центарот на градот. Ова е кај постојката во Автокоманда, веднаш до Земјоделскиот факултет, а состојбата е очајна долж целиот булевар. Ваков пример имаше и на постојката кај судовите, ама фино со асфалт се среди.
Градоначалнику реагирај и тука!

Mnogu mi se dopagja Se nadevam deka se povekje trotuari kje se napravaat kako ovie!

Од естетска гледна точка изгледа навистина солидно - сега ќе ја видиме функционалноста со тек на време и издржливоста. Доколку добро се покажат овие тротоари мислам дека може уште многу да се обноват на ист принцип.

ГРАД СКОПЈЕ


Се уредува и тротоарот кај главната пошта


Екипа на Град Скопје веќе неколку дена работи на уредување на тротоарот пред главната пошта во Скопје. Целата површина е тампонирана, поставени се рабници, а вчера почаа да ги редат и бетонските префабрикувани плочи. На внатрешната страна од тротоарот се инсталираат плочки со темно сива боја, а на делот што е до сообраќајницата на булеварот ВМРО, со светло-сива боја.
Уредувањето на овој тротоар е дел од проектот за реконструкција на тротоарите во централното градско подрачје што во јуни го почнаа да го реализираат градските власти и ќе чини 600 илјади евра.

Во оваа акција е опфатена и реконструкцијата на тротоарите на улицата Васил Аџиларски", односно потегот пред паркот Жена-борец" во централното градско подрачје, покрај булеварот 11 Октомври", како и тротоарите на булеварите Гоце Делчев", Даме Груев", Партизански одреди" и Климент Охридски".

изворна вест

i hate paver али браво за овие другиве што се пред собрание.