Пехчево - Компанијата „Кит - Го“од Штип почна со изградба на хотел во центаротна Пехчево. Објектот, што ќе се наоѓа покрај кејот на Пехчевска река, се гради според европскистандарди и ќе има капацитет од 60 легла.

Предвидено е хотелот да има сопствен СПА-центар, ресторан, летна тераса и други придружни простории за ваков вид објекти. Сопственикот и главен менаџер на „Кит-Го“ очекува градежните работи да завршат летово, а следната година хотелот официјално да биде пуштен во употреба.

Според градоначалникот на Пехчево Јованчо Станоевски, оваа инвестиција и  зголемениот интерес за изградба на приватни вили и викенд куќи во Туристичко-рекреативниот центар Равна Река отвораат можности за развој на туризмот во општината. (МИА)

Претор доби сместувачки капацитет - се отвора одморалиштето "Шеќерана"

Четврток, 07 Јули 2011 11:37

Објектот на "Шеќерана", кој е целосно разубавен, среден и реновиран по цели осум години за прв пат ќе прими гости ова лето. Со многу добра услуга и примамливи цени ова ќе биде единствено место во Претор, за сместување на заинтересирани туристи.

Одморалиштето располага со вкупно 36 соби, 108 легла, тераса со поглед на езеро, парк, спортски игралишта, сопствена плаќа и сопствен паркинг.

Цените за пансион изнесуваат 850 денари по особа во двокреветна или трокреветна соба.

Ноќевањето изнесува 1050 за трокреветна соба, или за една особа 500 денари.

Телефони за контакт и резервации:

тел. 047 480 005

моб. 071 774 625

„Фибула ер травел“ ќе гради хотел со пет ѕвезди во Охрид

Локациите долго ги чекаат своите хотели

Соња Јованова

Откако Владата реши државното градежно земјиште за изградба на хотели да го продава по почетна цена од едно евро за метар квадратен, локалните бизнисмени побрзаа да ги купат повеќето од слободните локации, па така за две до три години најавена е изградба на дваесетина нови хотели низ цела држава. Експертите се сомневаат дека продажбата на атрактивни државни локации по ниски цени буди сомнеж за злоупотреби преку пренамена на земјиштето за други цели

Изградба на дваесетина нови хотели се најавува за две до три години низ цела Македонија, од кои засега само за два се знае дека ќе бидат брендирани со име на светски хотелски синџир, додека за останатите сe уште не се знае чиј бренд ќе носат. Хотелиерскиот бизнис стана особено атрактивен во земјава откако Владата реши државните градежни парцели да ги продава со почетна цена од само едно евро за метар квадратен, па така и многу од најавените хотели ќе се градат токму на државно земјиште. Иако секоја градежна активност е за поздрав, затоа што е предзнак за раздвижување на економските текови, неизбежно е прашањето има ли Скопје потреба од толку многу хотели и можат ли сите рентабилно да работат? Ако се земе предвид дека голем дел од продадените државни парцели за изградба на хотели се наоѓаат на атрактивни локации, а се продадоа по багателна цена, која во некои случаи достигна само 20 илјади евра, логично е и прашањето ќе се изградат ли навистина сите тие хотели или по извесно време парцелите ќе се пренаменат за изградба на друг вид комерцијални објекти или пак, станбени. Сомневањата уште повеќе се подгреваат кога ќе се види дека повеќето од локациите се продадоа уште минатата година, а до денеска на ниту една од нив нема градежни активности.

Таков е случајот со локацијата која ја купи Марјан Јованов, поранешниот директор на Дирекцијата за нафтени резерви, кој иако уште во ноември минатата година купи државно земјиште во општина Центар, наспроти Градска плажа, за да гради хотел, до денеска се уште нема почнато со изградбата, а според информациите од општина Центар, нема добиено ниту градежна дозвола.

“Рокот од девет месеци во кој треба да извадам градежна дозвола се уште тече, имам добиено одобрение за урбанистичка согласност и за брзо време треба да добијам градежна дозвола. Немам намера да изнесувам детали за изградбата на хотелот и да ви кажувам каков ќе биде проектот, а со тоа и да се промовирам себеси. Кога ќе имам потреба од промоција на хотелот ќе ве викнам и вас и другите медиуми и се ќе дознаете“, ни изјави Марјан Јованов.

На левиот брег на реката Вардар, наспроти градскиот парк, освен хотелот на Јованов, предвидена е изградба на уште четири други хотели, а ќе се гради и хотел во скопската општина Аеродром, на инвеститорот Стоун бриџ, кој исто така купи државно земјиште, но пред да се донесе владината мерка за почетна цена од едно евро за метар квадратен и плати 550 илјади евра парцела од 5.175 квадратни метри. Хотелот ќе се гради во близина на мостот Близнак, покрај реката Вардар.

Менаџерите на Стоун бриџ информираат дека дозволата за градба веќе е во процедура на издавање, а имаат изработено и првичен проект. Предвидено е хотелот да биде со пет ѕвезди

Експертите коментираат дека продажбата на атрактивни државни локации по ниски цени буди сомнеж за злоупотреби преку пренаменување на земјиштето за комерцијални цели. Според нив, доколку инвеститорите не почнат навреме со изградбата на објект предвиден во условите по кои го купиле земјиштето, локацијата лесно се преобразувала за друга намена.

“Големи малверзации се прават со таквите атрактивни, а евтини локации. Ја купува некој по повластени услови, како на пример по почетна цена од едно евро за метар квадратен, а пазарната цена му е на пример 300 евра и потоа со промена на детален урбанистички план или ја претвораат во комерцијален објект“, смета упатен во градежништвото, кој сакаше да остане анонимен.

Дел од сопствениците на парцелите кои ги контактираше “Капитал“ пак, уверуваат дека се сериозни инвеститори кои ќе изградат атрактивни хотели. Еден од нив е и сопственикот на фирмата Дивелоп груп, Александар Ивановски, кој се јавува како инвеститор на два хотели на атрактивни локации во Скопје и во Охрид. Во Скопје на плоштад ќе го гради хотелот Мериот, дел од светскиот синџир Мериот интернационал, додека во Охрид пред само неколку месеци ја купи познатата локација Горица 3, која повеќе години не можеше да најде инвеститор.

“Мериот Скопје веќе е во првата фаза на изградба, имаме обезбедено одобрение и се знае дека ќе има 166 соби со модерен луксузен стил, банкет-сала за 700 луѓе и уште многу други содржини, а ќе биде готов до 2013 година. Но, за хотелот во Охрид се уште сме во процедура за добивање градежна дозвола и досега имаме единствено идејно решение за хотелот. За неколку недели патувам во Виена во архитектонското биро, каде што треба да добијам информации во која насока ќе се движи проектот“, вели Ивановски.

Освен Дивелоп груп, хотел во Охрид, но од светски бренд, ќе гради и туристичката агенција Фибула ер травел, која пред неколку дена купи две атрактивни државни локации за само 20 илјади евра. Градоначалникот на Охрид, Александар Петрески, очекува дека и Дивелоп груп и Фибула за брзо време ќе поднесат барање за добивање одобрение за градба со цел локациите инфраструктурно да се уредат, но предупредува дека поради повластената цена на комуналии која ќе ја платат овие инвеститори ќе се создаде нелојална конкуренција меѓу веќе израдените хотели.

“На местото каде што ќе градат Дивелоп груп нормалната цена на комуналиите е 200 евра по метар квадратен и толку платиле тие што порано ги изградиле хотелите. Но, бидејќи Владата донесе мерка инвеститорите да платат само 5% од комуналиите, тоа значи дека наместо два милиони евра, само 100 илјади евра ќе се слеат во општината“, Александар Петрески, градоначалник на општина Охрид.

Освен во Скопје и во Охрид, кои се најатрактивни градови за изградба на хотели, според јавните објави на Министерството за транспорт, допрва ќе се градат хотели и во Битола, Кратово, Пробиштип, Гевгелија и Штип, каде што лани беше продадена првата државна локација за изградба на хотел. Сопственикот на фирмата Оаза од Штип, Љупчо Манџуков, кој ја купи парцелата од 2.877 квадратни метри за само 5.564 евра, вели дека веќе се прави проект за изградба на хотел, но во преговори биле за добивање концесија за ископување минерални суровини, со цел хотелот да добие и спа-центар.

“Локацијата е во близина на бањата Кежовица, па затоа барам и концесија за експлоатација на минерални суровини. Сигурно ќе градам хотел, само уште не знам дали ќе биде хотел со спа-центар, што е многу поатрактивно, или ќе биде рекреативен центар на четири катови со тениски игралишта“, вели Манџуков.

Фибула ер травел во преговори со седум светки брендови на хотели

Туристичката агенција Фибула ер травел преговара со седум светски брендови на хотели, меѓу кои и Хилтон и Краун плаза, за изградба на хотел во Охрид, потврди за “Капитал“ директорот на Фибула ер травел, Асим Медједовиќ. Пред неколку дена Фибула купи две атрактивни парцели со површина од 18 илјади метри квадратни по цена од околу 20 илјади евра.

Локации за хотели продадени по почетна цена од едно евро за метар квадратен:

Фибула ер травел, хотел во Охрид, купено земјиште за 21 илјади евра;

Марјан Јованов, хотел во општина Центар, Скопје, локација наспроти Градска плажа, купено земјиште за 355 илјади евра;

Дивелоп груп, хотел во Охрид, локација Горица 3, купено земјиште за еден милион евра;

Оаза, хотел во Штип, локалитет Кежовица, купено за 5,5 илјади евра.

Локации за хотели продадени по пазарна цена:

Дивелоп груп, хотел Мериот во Скопје, локација на плоштад, купено за 37 милиони евра;

Стоун бриџ, хотел во општина Аеродром, купено за 546 илјади евра.

http://www.kapital.com.mk/mk/dneven_vesnik.aspx/72868/lokaciite_dolgo_gi_chekaat_svoite_hoteli.aspx?iId=2326

Емирот од Катар сака да гради хотел во Охрид- еколозите се кренаа на нозе

Уште еден хотел ќе никне до поранешниот хотел Парк, каде веќе се гради џиновскиот апартмански комплекс на охридското крајбрежје. На местото на популарната дискотека и ресторанот Парк предвидено е да се изгради уште еден објект на шест ката.