ЕБРД се мисли дали да ни даде пари за Бошков Мост

Европската банка за обнова и развој објави дека размислува дли да и додели заем на Македонија, гарантиран од страна на државата, од 65 милиони евра за хидроцентралата Бошков Мост.

АД Електрани на Македонија планира да изгради хидроцентрала од 70 мегавати под име Бошков Мост во близина на Дебар. Покрај евентуалните пари од ЕБРД, ЕЛЕМ би требало да инвестира уште 42 милиони евра за финансирање на изградбата на проектот.

Со овој проект ќе се поддржи развојот на обновлива енергија преку нов капацитет во земја и регион со големи недостатоци од енергетски капацитети и високо ниво на јаглеродни емисии, се вели во официјалното соопштение на ЕБРД.

http://www.plusinfo.mk/vest/7535/EBRD-se-misli-dali-da-ni-dade-pari-za-Boshkov-Most--

ЕБОР го поттикнува развојот на мали хидроелектрани во Македонија

http://daily.mk/cluster3/0ea5e11de20e3be83071165423151004/841685

Може да не е на Црн Дрим браната пошто ионака се пуни со пумпи. Ташмаруништа е првото село од струшката котлина така да било каква брана не прави логика. Може да е оваа локација 41°16'57.88"N 20°36'55.26"E и затоа патот со Бороец да кружи така според план. само па тука нема логика за две брани.

Еве пробав нешто логично, ако приметиш и на картата од погоре тука е локацијата Цер. Едната северната брана е само за да се прифатат води и по природен пад пренасочат во јужното езеро за кое предходно пишаував.

Како тоа би изгледало.




Edited by lslcrew - 08-Aug-2011 at 05:28

ИНТЕРВЈУ

Чебрен и Галиште поблиску до реализација од кога било досега

Катерина Попоска

ВЛАДИМИР ПЕШЕВСКИ, вицепремиер за економски прашања

Владимир Пешевски го доби вториот мандат вицепремиер за економски прашања. Во интервјуто за “Капитал“ зборува за дел од поголемите предизвици на новата влада во делот на економијата. Амбициозната владина програма, според него, е реално остварлива. Не крие дека поради последните турбуленции во светската економија воопшто нема да биде едноставно македонската економија да оствари стапка на раст од 4%-5% во следните две години.

За периодот 2012-2013 година Владата проектира економски раст од 4%-5%. Мислите ли дека проекциите се реални? Како ќе ги остварите?

Во моментот кога ги правевме проекциите тие беа и сe уште се реални, особено имајќи ги предвид проектите кои сега се дел од новата владина програма. И за време на предизборната кампања ние нагласувавме дека една од претпоставките за овие проекции е дека нема да се случи нова светска економска криза. Деновиве сме сведоци дека ризиците во светската економија значително се зголемуваат, така што реално нема да биде воопшто едноставно македонската економија да оствари стапка на раст од 4%-5%. Главен адут за овој економски раст е ефикасно спроведување на политиките предвидени во програмата на Владата. Тука, пред сe, мислам на проектите за подобрување на бизнис-климата, грижата за малите и средните претпријатија, големиот број инфраструктурни и енергетски проекти, стимулирање на туризмот и земјоделството и подобрување на работата на јавната администрација. Доколку растот во Европа е пристоен и се движи меѓу 2% и 4%, очекувам да продолжи порастот на извозот и поголем влез на странски инвестиции, што комбинирано со останатите активности треба да резултира со раст во Македонија над тој во Европа. Се разбира, доколку на светско ниво се повтори кризата од 2009 година, тогаш ќе биде потребно прилагодување на владините мерки и политики кон новата реалност.

Што ќе го повлече растот за кој зборувате, кои индустрии?

Во прв план тоа се градежништвото, енергетиката, земјоделството и странските инвестиции. Во делот на градежништвото ќе продолжиме со олеснување на постапките за брзо доаѓање до почеток на градење, како што се реформите во катастарот, управувањето со градежно земјиште, отворање нови индустриски зони во повеќе општини, подобрување на законите во делот на добивање дозволи и слично. Позитивно е искуството од општина Илинден, каде што пред изборите за многу краток период беа продадени 16 локации на домашни инвеститори, каде што ќе се градат нови погони. Во енергетиката има многу проекти кои се веќе во напредна фаза за почнување на изградбата на нови далноводи, неколку производствени капацитети на електрична енергија и рехабилитација на дел од постоечките, како и на нови рудници. Очекувам и значителен прогрес во делот на земјоделството и производството на храна. Овде планираме значителни подобрувања на владини мерки и политики на стимулација, но очекуваме и квалитетни инвестиции од домашните инвеститори. Ќе ставиме акцент и на експлоатацијата на минерални суровини, за што планираме значително забрзување на постапките за добивање концесии, што ќе значи нови инвестиции и работни места. Во делот на туризмот ќе продолжиме со проектот за привлекување странски туристи. Токму затоа сметам дека стапките на економски раст кои ги проектираме не се преценети.

Како Владата ќе стигне до 25% стапка на невработеност? Кои мерки планирате да ги преземете?

Главниот фокус на Владата е кон инвестициите, кон подобрувањето на бизнис-климата и за домашните и за странските компании. Тие понатаму создаваат работни места кои се реални и одржливи. Кога ќе ги погледнете мерките и политиките во владината програма тие се испреплетуваат. Не може да се каже дека мерките за даночно олеснување, за подобрување на бизнис-климата или за поттикнување на странските инвестиции се само за една област од економијата. Целта е низ нивна комбинација да се остварат ефектите на раст на економијата и зголемување на вработеноста. Целта на секоја влада е да ги контролира и да успее со реален раст на БДП и реално намалување на невработеноста. Затоа, не можеме да кажеме дека ќе донесеме две или три мерки со кои ќе се постигне раст на економијата или други 2-3 мерки со кои ќе се намали невработеноста. Секој што се обидел на таков ad hoc начин да го решава проблемот, а имало такви случаи во минатото, не ги познавал основните економски принципи.

Во последниот месец се чистат списоците од Агенцијата за вработување. Дали тоа е дел од начините за намалување на невработените?

Веројатно се работи за редовна активност на Агенцијата за вработување и ажурирање на списоците. Лично не сум запознаен со деталите, бидејќи тоа е задача на Агенцијата. Сепак, не случајно во одговорот на претходното прашање го користев зборот реално намалување на невработеноста. Стапката на невработеност има статистичка димензија, но има и реална состојба. За жал, долги години во Македонија постои диспаритет меѓу овие две категории. Мое лично убедување е дека се потребни подобрувања во делот на статистичката евиденција, на тоа кој се пријавува како невработен. Ова не го говорам како политичар, туку како некој што се занимавал со бизнис претходно. Често сум се среќавал со случаи каде што на конкурси за вработување невработени, кои биле препраќани од Агенцијата, експлицитно барале од потенцијалниот работодавец да не ги вработи. Покрај тоа, има случаи на луѓе кои во континуитет намерно избегнуваат да се евидентираат како вработени за да можат и да користат дел од социјалната помош, а паралелно да остваруваат дополнителни приходи како непријавени вработени. Ова особено е случај со сезонските работници. Таквите случаи треба да се избришат од евиденцијата на невработени, но проследено со паралелно креирање поголема флексибилност во нивното пријавување и одјавување. Се разбира, важно е да се има точна евиденција на невработените и нивната структура со цел да се овозможи прилагодување на владините политики во образованието и индустријата. Сепак, целта не е со статистика да стигнеме до цифрата од 25% невработеност, туку со креирање нови работни места. Затоа, паралелно ќе го следиме внимателно и бројот на вработени, каде што очекувам во апсолутен износ во наредните години да имаме сериозен нагорен тренд.

Во владината програма најавувате 350 милиони евра странски инвестиции за оваа година, а вкупно две милијарди до 2015 година. Но, анализите на Виенскиот економски институт покажуваат дека Македонија за оваа година не треба да очекува повеќе од 200 милиони евра? Колку е реалната бројка?

И во двата случаи се работи за проекции, така што вистината ќе се види кога НБРМ ќе ги објави официјалните податоци по завршувањето на 2011 година. Тоа што е интересно за мене е постојаното инсистирање на медиумите за ставот на Владата за мислењата на овој институт. Зошто не ги прашате нив да објаснат зошто во предизборие објавија податоци за Македонија кои се очигледно неточни и тенденциозни? Само во првиот квартал на 2011 година имаме повеќе инвестиции од проекциите на Виенскиот институт за цела година. Во однос на износот до 2015 година, ако почнеме реализација на само дел од инфраструктурните проекти од владината програма бројката од две милјарди евра ќе биде надмината. За реализацијата на некои од поголемите инфраструктурни проекти предвидено е учество и на странски инвеститори, при што дел од инвестициите ќе бидат во следните четири години, а дел потоа.

Што се случува со проектот Чебрен и Галиште? Неодамна повторно го одложивте рокот за доставување понуди од потенцијалните инвеститори. Кои се проблемите за да се реализира најголемиот хидроенергетски проект?

Веќе се претквалификуваа девет компании. Дел од нив се градежни, кои ми се чини од тактички причини се пријавија на конкурсот. Ваквите компании за реализација на проектот пожелно е да имаат и партнер од областа на енергетиката и може да се очекува дел од нив да се обидат да се “пронајдат“ едни со други со цел да дадат заедничка понуда. Од различни причини речиси сите компании бараа од Владата продолжување на рокот за давање понуда. Неофицијално, една од компаниите дури најави дека е подготвена да достави понуда и пред продолжувањето на рокот, но сепак, сметавме дека е добро да имаме повеќе понуди. Од тие причини го одложивме рокот до крајот на септември. Не ја исклучувам можноста да има и уште едно пролонгирање, во консултација со Меѓународната финансиска корпорација, која е наш советник во овој проект. За овој проект се зборува речиси 40 години во Македонија, што укажува на тоа колку е сложен. Мислам дека сега е најблиску до реализација од кога било досега. Во делот на самиот проект, во јавноста ќе слушнете најразлични коментари од тоа дека немало доволно вода во Црна Река, дека браната Чебрен е многу висока и економски неисплатлива, дека браната Галиште не треба да се гради, односно на нејзино место треба да се изгради проточна електрана, дека ќе се нарушел режимот на вода во Вардар итн. Јавноста треба да знае дека дел од овие коментари и критики доаѓаат од “добронамерни“ луѓе кои не сакаат проектот Чебрен и Галиште да се реализира. Несомнено дека и овој проект, како и секој друг, има голем број ризици: хидролошки, геолошки, градежни, политички, финансиски, регулаторни, пазарни. Наша цел е преку структурата на проектот дел од нив да ублажиме, дел да елиминираме, а дел да оставиме на инвеститорот како комерцијален ризик. Секој инвеститор треба да си го процени вкупниот ризик и своите можности и тоа да го вгради во понудата што ќе ја даде. Сакаме да овозможиме инвеститорот кој ќе победи, доколку е посветен, да оствари пристојна стапка на оплодување на средствата кои ќе ги вложи во овој проект. Но, задача на Владата е да овозможи максимално искористување на потенцијалот на овој проект, кој е многу важен за македонската економија.

http://www.kapital.com.mk/mk/dneven_vesnik.aspx/72199/chebren_i_galishte_poblisku_do_realizacija_od_koga_bilo_dosega.aspx?iId=2308

Edited by Cloverstack - 12-Aug-2011 at 17:47

Еве мачку подетално за процедурите што ќе следуваат:

Заживува проектот ХЕЦ „Луково Поле“ ЕЛЕМ и „Поири инфра“ склучија договор за еколошката студија за проектот вреден 62 млн. евра Маја Томиќ Германската консултантска компанија „Поири инфра“ од 1 септември ќе ја започне изработката на студијата за влијанието врз животната средина од реализацијата на проектот ХЕЦ „Луково Поле“, инвестиција на „Електрани на Македонија“, вредна 62 милиона евра. ЕЛЕМ треба да ја реализира во период од четири години со сопствени средства и со кредит што ќе го добие од Светска банка. Изработката на студијата чини 272.000 евра, а тие ќе се платат од заемот на Светска банка од 2,24 милиони евра, кој пролетоска му беше доделен на ЕЛЕМ за плаќање на подготвителните работи за овој проект. Договорот за студијата вчера го потпишаа директорот на ЕЛЕМ, Влатко Чингоски, и претставникот на „Поири инфра“, Хенри Брзезински, во присуство на министерот за животна средина и просторно планирање, Абдилаќим Адеми. За осум месеци, односно до мај минатата (  ) година, консултантот треба да понуди комплетна еколошка студија со план за управување со животната средина, според градежни методи базирани врз примена на најсовремени технологии. „Еколошката студија ќе треба да одреди и користење специјални градежни методи, како и план за еколошко управување со целиот проект“, рече Чингоски. Според Брзезински, „Поири инфра“ во наредните осум месеци ќе прави детална процена за природните живеалишта на локацијата каде што ќе биде лоцирана хидроцентралата, а ќе се прави процена и на законската рамка. А, Министерството за животна средина, пак, ќе изготви решение за одобрување на студијата и со своите ресурси ќе му помага на инвеститорот. ХЕЦ „Луково Поле“ треба да го зголеми уделот на обновливата енергија во вкупното производство на струја во Македонија. Според хидролошките анализи, ќе се обезбедат дополнителни 160 гигават-часа електрична енергија на годишно ниво. Притоа, главниот дел на зголеменото производство од „Луково Поле“ ќе се реализира преку постојните мавровски централи „Вруток“, „Равен“ и „Врбен“, а помал дел преку новата ХЕЦ „Црн Камен“, која е предвидена дополнително да се изгради во рамки на овој проект. На тој начин, годишното производство на електрична енергија на Мавровскиот хидроенергетски систем би се зголемило за 159 милиони квч. електрична енергија. „Луково Поле“ ќе биде акумулација со волумен од 39 милиони метри кубни и ќе е лоцирана во планинскиот масив на Кораб, во строго заштитената зона на Националниот парк „Маврово“. Вклучува и изградба на 20 километри долг канал со два тунела, а на околу три километри низводно од браната се предвидува и изградба на мала хидроелектрана „Црн Камен“. Кон средината на април годинава, ЕЛЕМ и Светска банка склучија договор за заем во износ од 2,24 милиони евра, наменети за реализација на активностите што ќе се одвиваат пред почетокот на изградбата на „Луково Поле“. За подготвителните работи се потребни вкупно 3,4 милиони евра, при што ЕЛЕМ најави дека остатокот од 1,16 милиони евра ЕЛЕМ ќе ги обезбеди од сопствени средства.

http://www.utrinski.com.mk/?ItemID=99AC2EC44C0B8E43B3E1CBC0FF65FA31

СВЕТСКА БАНКА ЌЕ И ДОДЕЛИ 155 МИЛИОНИ ДОЛАРИ НА МАКЕДОНИЈА

За ХЕЦ "Луково Поле" - 55 милиони долари!

Поддршката од Светска банка ќе биде во делот на енергетиката. Во текот на 2012 година ќе започне реализацијата на проектот ХЕЦ "Луково Поле", кој е инвестиција на ЕЛЕМ вредна 50 до 55 милиони долари. Уште во текот на оваа година ќе започне реализацијата на проектот за изградба на 400-киловолтен далновод од Штип до Ниш спроведен од страна на АД МЕПСО, кој чини 18 милиони долари. 20 до 30 милиони долари Македонија добива од Светска банка за зајакнување на конкурентноста на економијата, како и за подобрување на квалитетот на образованието

Македонија ќе добие финансиска помош од Светска банка во вредност од 155 милиони долари во наредниве 2 години. Според министерот за финансии Зоран Ставрески кој е на Годишното собрание на Меѓународниот монетарен фонд и Светската банка, средствата Македонија ќе ги добие бидејќи двете финансиски институции ја оцениле земјава како држава со здрави економски политики, односно по остварените резултати во однос на порастот на БДП, степенот на зголемување на странските директни инвестиции и високиот пораст на извозот. Станува збор за кредити со најповолни услови: рок на отплата од 15 години со грејс-период од 5 години и каматна стапка од 2% годишно.

Тој посочи дека поддршката од Светска банка ќе биде во делот на енергетиката.
-Во текот на 2012 година ќе започне реализацијата на проектот ХЕЦ "Луково Поле", проект поддржан со средства од Светска банка. Уште во текот на оваа година ќе започне реализацијата на проектот за изградба на 400-киловолтен далновод од Штип до Ниш спроведен од страна на АД МЕПСО. Покрај тоа, ќе добиеме и средства за поддршка на инфраструктурни проекти за општините, проект со кој што десетици општини во земјава, пред се од посиромашните региони, ќе добијат пари за реализација на инвестициски проекти во делот на реконструкција на улици и улично осветлување, набавка на возила за јавните комунални претпријатија и слично во висина од 30-35 милиони долари - изјави Ставрески.

Проектот ХЕЦ "Луково Поле" е инвестиција на ЕЛЕМ кој треба да ја реализира во период од четири години со сопствени средства и со кредит од 50 до 55 милиони долари што ќе го добие од Светска банка. Изработката на студијата за влијанието врз животната средина чини 272.000 евра, а тие ќе се платат од заемот на Светска банка од 2,24 милиони евра, кој пролетоска му беше доделен на ЕЛЕМ за плаќање на подготвителните работи за овој проект.

ХЕЦ "Луково Поле" треба да го зголеми уделот на обновливата енергија во вкупното производство на струја во Македонија. Според хидролошките анализи, ќе се обезбедат дополнителни 160 гигават-часа електрична енергија на годишно ниво. "Луково Поле" ќе биде акумулација со волумен од 39 милиони кубни метри и ќе е лоцирана во планинскиот масив на Кораб, во строго заштитената зона на Националниот парк "Маврово".
Изградбата на 400-киловолтниот далновод Штип - Ниш во должина од 69,83 километри чини 18 милиони евра и се планира да биде пуштен во работа во 2014 година.
Министерот Ставрески вели дека Македонија доби и гаранција од Светска банка за добивање на кредит вреден 35 милиони долари од комерцијални банки.
- За осигурување од природни непогоди и катастрофи, што е значајно за земјоделците и приватните фирми за заштита на нивниот имот од поплави, град и слично, Македонија доби 5 милиони долари - вели Ставрески.

Тој нагласува дека 20 до 30 милиони долари Македонија добива од Светска банка за зајакнување на конкурентноста на економијата, како и за подобрување на квалитетот на образованието.
- Сакаме да се подобри квалитетот на образованието во насока на продуцирање на кадри коишто ги бара пазарот на работна сила, што секако е и еден од клучните елементи на подобрување на конкурентноста на македонското стопанство. Ќе има и буџетска поддршка во насока на спроведување на реформите во повеќе области - рече Ставрески.

Тој нагласи дека остварените резултати во однос на порастот на бруто-домашниот производ, степенот на зголемување на странските директни инвестиции и високиот пораст на извозот се клучните три работи што беа позитивно оценети од страна на мисијата на ММФ и на Светска банка за Македонија.

http://www.vecer.com.mk/?ItemID=43DFFC8294E74542BFF37CA778495B76

Пред крајот на рокот ново одложување за Чебрен и Галиште

Нов рок за Чебрен и Галиште. Пред крајот на веќе стариот 30 септември уште едно одложување. 15 декември е новиот термин до кога заинтересираните компании треба да достават понуди за изградба на овој капитален проект во енергетскиот сектор. За променетиот рок компаниите биле известени минатата недела.

http://daily.mk/cluster3/41e126042009b114bdb5ece96ca6b32f/918153

Originally posted by Cloverstack ХЕ Врбен

Координати може ?

Се гради минихидроцентрала на Каменичка река

Водните потенцијали на Каменичка Река се ставаат во функција на производство на електрична енергија. Започнаа градежните работи за изградба на минихидроцентрала која ќе има средно годишно производство од 2 мегавати електрична енергија.

Во моментов на терен работи изведувачот Гранит, а зафатот ќе биде готов наредната година, кога и произведената енергија ќе биде пуштена во системот.

- Зафатот е лоциран веднаш под јаловиштето на рудникот Саса, а цевководот од фи 800 ќе биде во должина од 3 км. Инвеститор е АД „Мали хидроцентрали“ за изведувач е „Гранит„, вели Дарко Митевски, градоначалник на М. Каменица.

Ова е прв пат проблематичните води на Каменичка Река, кои често знаат да предизвикаат поплави по течението и да предизвикаат штети, да се стават во корист на Општината.

- За Каменица ќе биде добро бидејќи ќе се искористуваат водените потенцијали, а од друга страна со имплементирање на законите за децентрализација ќе добиваат и одреден надоместок за искористување на водните ресурси. Во текот на 2012 ќе биде завршена и пуштена во употреба, вели градоначалникот на М. Каменица, Дарко Митевски.

Инаку, Каменица треба да добие уште две мали хидроцентрали. Во тек е тендерот за доделување на уште една концесија на Каменичка Река и една на Косевичка Река.

Според министерството за економија оваа есен се очекува да биде пуштена во работа првата мала хидроелектрична централа изградена на река Брбушница,во Виница, а до крајот на годината, согласно најавите од концесионерот „АД Мали хидроцентрали“, ќе бидат пуштени во употреба 3 мали хидроелектрични централи во земјава.

http://daily.mk/cluster3/7c6daa93b7e2e625cb15bdc09370db64/946912

Министерот за економија Ваљон Сарачини денеска изјави дека очекува наскоро да започне процедурата за изградбата на големите хидроцентрали Чебрен и Галиште.

- Верувам дека пролонгираниот рок до 15 декември за апликации на јавниот повик за нивна изградба ќе биде и конечен и оти ќе завршиме со фамозниот проект кој датира од пред 40 години. Рокот беше пролонгиран по барање на потенцијалните апликанти за да подготват поквалитетна понуда. Имаме индиции дека има заинтересирани и очекуваме до 15 декември овој голем проект да се реши, изјави Сарачини на паузата на Работилницата за анализа на енергетската политика и планирање во Македонија, огрганизиарна од УСАИД.

Тој посочи дека имал средба и со хрватскиот експерт Горан Граниќ од институтот „Хрвое Пожар“ за проектот Вардарска долина, кој му пренел дека треба да се подготви предфизибилити студија за прецизно да се утврдат сите карактеристики на проектот. Потоа да се изработи физибилити студија и на крај Владата да ги дефинира конкретните чекори што би ги презела со кинезите со кои беше потпишан Меморандум за соработка за Вардарска долина.

Академик Григор Каневче смета дека роковите зададени во Стратегијата за енергетика за изградба на стратешките енергетски објекти може да се реализираат во дадените рамки кои дозволуваат  пролонгирање  на изградбата за година или две, но не повеќе. Според него, до 2030 година Македонија нема да може да изгради нуклеарна централа дури и ако веднаш почне со интензивни подоготовки.

- Македонија мора да ги зголеми инвестициите во енергетиката и навреме да се започнат и завршат сите активности предвидени со Стратегијата согласно временскиот план. Не може да очекува да  не инвестира во енергетскиот сектор, а цената на енергијата да опаѓа. Напротив мора да се инвестира за цената да опаѓа, а компаниите за да инвестираат мораат да имаат реална цена за енергијата, изјави академик Каневче.

Секое доцнење па макар и од година до две, истакна, би значело значително  зголемување на увозот на енергија, а со тоа и зголемување на цената на енергијата.

На денешната Работилница се презентриаа дел од резултатите добиени со пресметки спроведени со МАРКАЛ моделот кој во Македонија се развива со помош на УСАИД.

- Станува збор за моќна алатка што овозможува спроведување на голем број различни анализи за можни развои на енергетиката во Македонија и за цената на одредени сценарија. Покрај тоа, дава оценка за бенефитите кои се добиваат од дадените сценарија како што се поголемото искористување на обновливите извори на енергија, зголемување на енергетската ефикасност и намалување на емисијата на стакленичните гасови во атмосферата со задоволување на потребите од сите врсти на енергија за периодот кој се анализира, појасни академик Каневче.

Во овој момент, нагласи, во Македонија се анализира развојот на енергетиката до 2030 година, а во следната фаза ќе се анализира се до 2050 година.

Џон Герисен од Канцеларијата за енергетика и инфраструктура на УСАИД во Вашингтон рече дека целта на денешната работилница е да се разгледаат резултатите од моделирањето кое беше користено за анализи на трошоците и користите од енергетските политики кои во моментов постојат во Македонија.

- Оваа активност е дел од регионалната програма на УСАИД  што се имплементираше во 11 земји членки на Енергетската заеница за зајакнување на нивните капацитети во рамките на стратешкото планирање во секторот енергетика преку користење на софтверската програма МАРКАЛ/ТАЈМС. Таа програма се користи и во повеќе од 70 земји во светот, како и од ЕУ и САД и преку неа можат да се оценат користите и трошоците од енергетските политики и да се направи нивно моделирање, изјави Герисен.

Во Македонија, додаде, моделот го користевме во соработка со Министерството за економија и МАНУ за анлизирање на стратегиите за обновливи извори и за енергетска ефикасност.

http://kurir.mk/makedonija/vesti/48155-Po-15-dekemvri-ke-pocne-procedurata-za-izgradba-na-Cebren-i-Galiste