И од Агрокор нема фајде!

imitrov@kapital.com.mk;%20spasevska@kapital.com.mk">Петре Димитров, Александра Спасевска

Секој ден во 4 часот наутро кванташкиот пазар во Струмица веќе врие од луѓе. Во тоа време доаѓаат трговците со овошје и зеленчук од другите градови за да купат стока, која потоа завршува низ другите градови во земјата и во странство. Земјоделците и ситните откупувачи се таму час порано.

“Нема светло, па се гледаме со ламби-батерии. Често се случува кога ќе се раздени да видиш што всушност си зел. Си велиш, па јас не платив за тоа. Земјоделците знаат да ни продадат лоша стока. На врв ги ставаат најубавите корнишони, а внатре во вреќата стават сешто. Ама ако купиме под цената, секогаш има на кого да продадеме“, вели Марјан Делев, откупувач на зеленчук и овошје.

Кога екипата на “Капитал“ го посети овој пазар, кој неодамна беше незначајно реновиран, многу зделки беа веќе склучени. Се броеа парите.

“Нема бог знае каква заработка. Но што да правиш, мора да се преживее“, вели братот на Марјан, Венцо Делев, кој освен што работи како шофер за една транспортна компанија, му помага на брат му во откупувањето.

Нема голема надеж ни кај земјоделците за новата производна сезона. “Капитал“ ги праша со каква мисла ја почнуваат следната сезона. Таа ќе биде различна затоа што сега го имаат откупно-дистрибутивниот центар на Агрокор. Но, земјоделците не очекуваат тоа да им ја зголеми заработувачката. Велат, профитери ќе си останат големите откупувачи, а најголем ќар ќе има Ивица Тодориќ. Според нив, реално ништо не се променило по влезот на Агрокор. Дури се плашат и да не добијат пониски цени. Велат дека цените на зеленчукот и на овошјето се на ниво од 2000 година, а цените на ѓубрето и на семето растат.

“Агрокор си нарачува од големите откупувачи. Моментално откупува пиперки, карфиол, корнишони... Јас како земјоделец да однесам таму стока нема шанси. Не можам ни да влезам. Земјоделците се трета или четврта рака на тоа што стигнува во Агрокор. Влезот таму е невозможен, освен ако немаш фамилијарни врски. Сè е одбрано друштво. Се плашам дека цените и понатаму ќе ни бидат ниски. Нема фајде ни од Агрокор“, вели земјоделецот Киро Трајков од Пиперово, кој заедно со фамилијата егзистира единствено од земјоделство.

Соселанецот на Киро, Александар Ѓоргиев, исто така вели дека стандардите кои не им се познати на струмичките земјоделци ќе ги урнат и така ниските цени.

“Го знам јас Тодориќ. Има фабрики за замрзнато овошје и зеленчук во Србија и за сладолед. Ни во Србија не го сакаат затоа што не плаќа на време и затоа што ги руши цените. Плус Агрокор бара квалитет за мали пари. Не дојде овде за да ни ги покачи цените. Сите знаеме зошто дојде. Да ќари евтина стока. Немаштијата нè прави уште на старт неконкурентни. Во новиот откупен центар ти бараат и амбалажа, а не ти ја плаќаат. Уште еден трошок! А кај се парите за семето, другите материјали...“, вели Ѓоргиев.

Земјоделецот Ванчо Котевски од Куклиш е уште поголем скептик. Во Агрокор гледа нов Сведмилк.

“И Агрокор ќе биде нешто како Сведмилк. Слушај ме. Ќе видиш. Следната година ќе протестираме пред Влада како млекарите. Влезот на Агрокор требаше да ни го олесни живот, а не да ќарат само Тодориќ и дестина струмичани. Не може веќе вака. Скапи семиња, скапо ѓубриво. Не останува ништо за нас. Субвенциите кои ги дава државата не помагаат. Тие се само за да го одржиш производството. Не можеш да инвестираш во зголемување на стандардите, ниту пак да го зголемиш производството“, вели Котевски.

Крсте Лешков од Богданци со години доаѓа да продава на овој пазар. На неговото лице со еден поглед можете да видете колку тежок живот имал. Светат само неговите сини очи.

“Министерот Ставрески беше пред две-три години во Богданци. Мислев дека ќе нè спаси. Ветуваше, де она, де ова. Секоја година сè една иста песна пееме. Ништо добро не излегува. А и субвенциите не помагаат бог знае колку. И постојано каснат. Лани ми одобрија, ама оваа година не се пријавив. Тоа се малку пари. Пиперката за да порасне голема сака вода и ѓубре. Не може без пари. Нели ме гледаш. Утепан сум“, вели Лешков, кој стоката ја продава во камион паркиран на влезот од кванташкиот пазар. Тука и спие.

Македонски амортизери на африканскиот пазар

Фабриката за амортизери „СТД“ од Нов Дојран  ја испорача првата извозна пратка за Централноафриканската земја Буркина Фасо и со тоа направи продор на пазарот од овој континент.

Увозник на првите 420 парчиња хидраулични амортизери, кои претставуваат иновативен дострел на основачот на фирмата „СТД“ Стојче Тасев, е фирмата „ТЦВ Бус“ од Буркина Фасо.

- Соработката со оваа фирма ја почнавме заедно со холандската Амбасада во Македонија и нивната организација  „ПУМ консалт “ чии стручни лица посредуваа во бизнис контактите со транспортни фирми од Африка и Јужна Америка. Најбрз одговор за деловен контакт добивме од сопствениците на транспортната компанија „ТЦВ Бус“ кои пред два месеци престојуваа во Дојран со цел да се запознаат со нашето производство и квалитетот на изработката, вели управителката на фабриката  - Теодора Каракашева.

Фабриката за амортизери “СТД“ од Нов Дојран  постои веќе 28 години и претставува етаблиран извозен бренд од Дојран, со самиот факт што нивната иновација “хидрауличниот телескопски амортизер“ стекна масивна употреба за потребите на големи транспортни компании од земјите на поранешните југословенски простори и Балканот  - Србија, Црна Гора, Босна и Херцеговина, Бугарија и Грција.

Годинава, по неколкугодишна соработка со „Македонски железници“ на репарација на нивните амортизери, за првпат почнуваат да произведуваат и испорачуваат специјално изработени амортизери за вагони за потребите на „МЖ“. Тоа значи усвојување на нова производна линија за железнички транспортни возила, покрај веќе постојните  450 различни видови на амортизери, осовини и специјални делови за сите видови возила што се дел од производниот програм на фабриката „СТД“. Продорот на африканскиот континент и контактите за соработка со Јужноамерички компании се потврда за веќе добиените домашни и меѓународни признанија: Награда за најуспешна иновација 1985 година и Меѓународна награда за најдобра иновација за 2010 година за што ја доделува Министерството за образование и наука при Владата на Романија.

Прилепски тутун и цигари на кинескиот пазар 22.11.2011

Вторник, 22 Ноември 2011 13:43

Прилепскиот Тутунски Комбинат за две недели ќе почне солиценцно производство на две марки цигари за кинескиот пазар. Договорот со кинеската компанија Конге-Конге Комбинатот го потпиша во јули минатата година, најави директорот Александар Дерменџиев:
- Очеувањата од овој договор се за многу кратко време да го труплираме производството. Првичните количини-веќе имаме добиено нарачки од 20.000 мастер кеси-тоа се околу 200 тони  кои ќе започнеме да ги работиме за околу две недели, рече Дерменџиев најавувајќи дека тоа многу ќе значи за зголемена искористеност на капацитетите од сегашните 20% на компанијата која ќе го зголеми производството од постојните 60 тони за домашниот Пазар за 3,5 пати. Испратен бил еден контејнер цигари за партнер од Обединетите Арапски Емирати од каде се очекува повратен одговор дали е можен извоз на прилепски цигари на тој пазар.

Комбинатот очекува следната недела да добие и да ги тестира примероците на хартија која би се употребувала во изработка на т.н. самогасечки цигари-регулатива која од петокот стапи во сила во земјите на Европската Унија.
Во оваа насока а како своевидна логистика на Комбинатот и севкупното македонско тутунско стопанство Министерот Димовски истакна дека Македонија е на добар пат да го зацврсти договорот  за пласманот на суровиот ориентален тутун од земјава на кинескиот пазар
- Во посета на Министерството е заменикот Министерот за земјоделство на Н.Р. Кина. Ние ги почнавме разговорите со кинеската делагација и морам да кажам дека сум задоволен од тоа што како почеток го имаме зацртано во разговорите и тоа ќе се формализира во еден протокол кој ќе го потпишеме помеѓу двете страни.
Минатата година во земјава присутни беа експерти од Агенцијата за карантински болести од Шангај кои дадоа позитивен извештај како зелено светло за пласман на македонскиот тутун на кинескиот пазар.

Емирот на Катар ќе јаде македонско јагне?!

Катерина Попоска

Македонско јагнешко месо ќе се најде на трпезата на шеикот Хамад бин Калифа Ал Тани, дознава “Капитал“. Емирот веќе нарачал 1.000 јагниња

Емирот на Катар, шеикот Хамад бин Калифа Ал Тани, сака да купи 1.000 македонски јагниња, дознава “Капитал“ од извори во Владата. Преку катарска компанија, која ќе регистрира свое претставништво во Македонија, шеикот Ал Тани сака да увезува македонско јагнешко месо. Засега, првите 1.000 јагниња се нарачани најверојатно од Штипско и од Прилепско. Извори од Владата откриваат и дека тие се само за проба, па ако емирот е задоволен, ќе се склучат договори кога и колку јагниња Македонија ќе треба да испорача за Катар.

Пред еден месец, кога шеикот Ал Тани и 14 министри од Владата на Катар беа во официјална посета на Македонија, најавија дека покрај македонско јагнешко месо, сакаат да увезуваат и овошје, зеленчук и вода за пиење. Иако тогаш дојде во лов на македонски инвеститори, емирот бараше и пазар за катарските ресурси. Од Владата и од кабинетот на претстедателот Ѓорге Иванов тогаш информираа дека Катар сака да инвестира во енергетика, инфраструктура, градежништво, земјоделство, туризам и трговија.

Иако претседателот Иванов во моментов е во Доха, каде што учествува на четвртиот форум на Алијансата на цивилизациите, со емирот разговарал само за политички теми, како спознавање на културите, иновативност, кооперативност и образование, но не и за детална економска соработка меѓу Македонија и Катар.

“Капитал“ неофицијално дознава и дека најверојатно во март следната година државната катарска авиокомпанија Катар ервејс (Qatar Airways) ќе воспостави директна редовна авиолинија Доха-Скопје. Во Агенцијата за цивилно воздухопловство немаат детали за оваа информација.

“Засега не сме добиле формално барање од Катар ервејс за директен редовен лет Скопје-Доха. Ако добиеме, ќе го разгледаме и соодветно ќе одговориме“, изјави директорот на АЦВП, Дејан Мојсовски.

Македонската воздухопловна власт се подготвува во февруари 2012 година да договори директен лет и од Скопје за Дубаи, дознава “Капитал“.

http://www.kapital.com.mk/mk/dneven_vesnik.aspx/77533/emirot_na_katar_kje_jade_makedonsko_jagne_!.aspx?iId=2505

Девизните резерви за првпат над 2 милијарди евра