Плоштад Скендербег

Реално плоштадот како концепт за уредување на тој простор воопшто не е лош. И мене ми се допаѓа. Секогаш нели може и подобро, но и вака не е лошо. Ми се допаѓа што таа просторна целина би се оформила солидно со прилично пристоен елемент како што е плоштадот. Исто така се добива и голема пешачка површина и цврста врска на Чаршијата со културно-уметничкиот, а сега веќе и делумно административен центар на Скопје.... Како и да е склопот на МОБ и нејзината околина со Чаршијата како дел од скопското минато и културно наследство од ориентот би дал примамлива целина која вреди да се ‘‘истражува‘‘ континуирано. И од Скопјани, но и од толку посакуваните и бараните странски туристи.

Тргајќи ги на страна сите заднински намери и евентуални ситуации, како и меѓуетничките односи.... целата замисла воошто не е лоша и вреди да се реализира. И би била уште повеќе успешна ако етничките заедници во Македонија ги симнат сите пердиња, ги отргнат сите предрасуди и стереотипи и ги разрешат сите наметнати проблеми, за на крајот да се помират меѓусебе и да можеме да збориме за меѓуетнички соживот.

На некој ова му звучи и премногу оптимистично и нереално и тешко остварливо... но се надевам дека ќе дојде ден кога работите ќе станат толку очигледни, проблемите ќе станат толку ирационални што никој нема да има корист од нивно евентуално продлабочување, ако воопшто им се дозволи... Едноставно ќе ни се здосади од овие глупи меѓуетнички закачки, пребирања, препреки.... 

Кога ќе дојде тој ден, ќе видиме. Но во секој случај посакувам се‘ најдобро да биде. А може да биде, ако се сака... Живееме заедно, што да се прави, таква ни е судбината Тогаш треба да се освестиме и да почнеме вистински заедно да ја живееме. И едните, и другите, третите, четвртите....

од аспект на пешачка зона, најмалку е оправдан, можеби ќе даде просторна целина која досега ја сопирал булеварот, ама дефинитивно нема да поддржи никакво движење, од страната на МОБ, буквално целиот простор е забарикадиран, а природни движења скоро и да нема, единствениот мост кој водеше од центар натаму, го отераа да влага во објект, а и да го испланираа убаво, народ после тоа ќе требаше да се движи по сокачиња и изместени лавиринти, меѓу објекти кои сами по себе не привлекуват пешаци како минувачи... единствената врска на плоштадов со надворешниот свет, се стоковната куќа, која веќе третира едно движење Центар - Стара чаршија, и улицата Стив Наумов, која го поддржува движењето Центар - Битпазар... овие две движења не водат кон плоштадот, туку го „одминуваат“ од страните

а плоштадот сам по себе, многу е тешко дека ќе привлече пешаци, на него нема никаква содржина, апсолутна, проста, рамна плоча е, ниту фонтани, ни зеленило, ни урбана опрема, споменик, ништо... а проектот сам по себе бара модификација на таа делница од булеварот и цела конструкција за плочата, што и не дозволува многу содржини на површината