Originally posted by kultuzin Земјоделецот Ванчо Котевски од Куклиш е уште поголем скептик. Во Агрокор гледа нов Сведмилк. “И Агрокор ќе биде нешто како Сведмилк. Слушај ме. Ќе видиш. Следната година ќе протестираме пред Влада како млекарите. Влезот на Агрокор требаше да ни го олесни живот, а не да ќарат само Тодориќ и дестина струмичани. Не може веќе вака. Скапи семиња, скапо ѓубриво. Не останува ништо за нас. Субвенциите кои ги дава државата не помагаат. Тие се само за да го одржиш производството. Не можеш да инвестираш во зголемување на стандардите, ниту пак да го зголемиш производството“, вели Котевски. Ако се сеќават Администраторите уште пред да почне да се гради Агрокор зборував дека се работи за потенцијален Сведмилк, тогаш постот ми беше избришан од неразбирливи причини, но сега почна и отворено да се зборува за можен криминал.

Stom e kazano od "ekspert" kako zamjodelecot Vanco Kotevski na vistina treba da se zamislime

Агрокор сака и се обидува да го купи Меркатор,па за еден откупен центар во Струмица мислам нема шанса да прават некои гимнастики.Премногу е мала инвестицијата за да има матни работи

Обем на стоковната размена со странство

четврток, 05 јануари 2012


 

Според претходните податоци на Државниот завод за статистика, вкупната вредност на извозот

на стоки од Република Македонија во периодот јануари-ноември 2011 година изнесува 4 073 620

илјади САД долари, а на увозот 6 390 062 илјади САД долари. Покриеноста на увозот со извоз е

63.7%. Трговскиот дефицит, во периодот јануари-ноември 2011 година, изнесува 2 316 442 илјади

САД долари.

Трговската размена по производи покажува дека во извозот најголемо е учеството на катализаторите

на носачи со благородни метали или нивни соединенија, фероникелот, производите од железо

и челик (валани производи), облеката и преработките од нафта. Во увозот најмногу се застапени

платината и легурите на платина, необработени или во прав, суровата нафта, моторните возила за

превоз на лица и електричната енергија.

Во периодот јануари-ноември 2011 година, најголемо учество во извозот на стоки имаат земјите-

членки на ЕУ 27 (60.7%) и земјите од Западен Балкан (27.8%), а во увозот на стоки најголемо

учество имаат земјите-членки на ЕУ 27 (54.5%) и земјите во развој(26.6%). Според вкупниот обем

на надворешно-трговската размена, Република Македонија најмногу тргува со Германија, Србија,

Грција, Бугарија и Италија (44.1% од вкупната надворешно-трговска размена се врши со овие пет

земји).

http://www.stat.gov.mk/PrikaziSoopstenie.aspx?rbrtxt=78

Од април Југохром ќе работи под полна пареа

Комплетно ќе биде заменета електрично-водоводната мрежа а ќе бидат сервисирани и трансформаторите за комбинатот напролет да стартува под полна пареа.

- Нашиот најголем бренд го извезуваме во 15 земји. Европа, Русија, Турција и други. Ги продадовме сите залихи и во една таква состојба го стопиравме производството изјави за Сител директорот на Југохром Фероалој, Костас Јанкоглу. Притиснати од светската криза но и скапата струја, чија цена се зголеми двојно во првиот квартал од годината, моравме да го сопреме производството, вели тој.

Капацитетот во моментов го оддржуваат 80 работници и уште толку работат на сервисирање на иститот. За од април Костас најави враќање на работа на сите принудно отпуштени.

Ако производот добие повисока цена на берзите ќе има дополнителни вработувања. Но смета дека во моментов во Македонија нема соодветен кадар за работа во металната индустрија.

- Од април ќе вратиме 80 проценти од вработените а подоцна и сите 800 вработени. Ако попушти кризата се надеваме и за зголемување на производството а со тоа ќе се зголеми и потребата од нови вработени, додава Јанкоглу. 

Развојниот буџет на комбинатот од Јегуновце предвидува во наредниот период инвестициите да достигнат до 60 милиони евра, со што Југохром ќе стане дел од елитата во металната индустрија.

http://www.sitel.com.mk/dnevnik/biznis/od-april-jugohrom-ke-raboti-pod-polna-parea

Британска хај-тек компанија ќе инвестира во Македонија

Скопје, 31 јануари 2012 (МИА) - Британска хај-тек компанија ќе инвестира во Македонија, со што ќе се отворат од 50 до 200 нови работни места, најави министерот за привлекување странски инвестиции Бил Павлески.

- Претходниве два дена имавме интезивни и успешни преговори со бизнисмените кои дојдоа заедно со принцот Мајкл од Кент. Многу сме блиску до договарање за отворање на нов кол-центар во Македонија во високата технологија, изјави Павлески на хуманитарната гала вечер организирана во чест на официјалната посета на Македонија од принцот Мајкл од Кент.

На инвестоторите, како што рече, претежно им се допаѓа тоа што Македонија има доста високо образована интелектуална работна сила.  

- Овој Call-центар е она на што работевме поинтезивно во последниве неколку месеци за развивање на информатичката технологија во Република Македонија. Овие работни места ќе дојдат од земји како Англија, Јужна Африка, Индија, Русија и други места, посочи Павлески.

Спиоред него, ова е многу значаен проект и покажува дека Македонија има доста висококвалитетна работна сила, посебно во информатичката технологија.

Тој изрази надеж дека со овој проект Македонија ќе привлече уште позначајни и поголеми инвестиции во оваа сфера.

Павлески информира дека со бизнисмените од Англија дискутрирале и за инвестиции во други сфери, во агрокултура, за градење на луксузни хотели во близина на некои од скијачките центри, а има заинтересираност и за концесии во рударството.

http://www.mia.com.mk/default.aspx?vId=90891089&lId=1&pmId=501

Џонсон Мети го спаси извозот во 2011

Александар Јанев

Катализаторите што ги произведува британската компанија Џонсон Мети, која работи на Бунарџик, го спасија македонскиот извоз во 2011 година. Иако металската, рударската и текстилната индустрија во последниот квартал од 2011 го намалија производството, статистиката за трговската размена прикажа раст на извозот во декември од 23%, главно поради зголемувањето на производството на катализатори.

Иако британската компанија ја отвори фабриката на Бунарџик во 2010 година, производството на катализатори се наметна како главен столб на македонскиот извоз лани, од кога значително се зголеми производството. Со продажба на катализатори во вредност од половина милијарда долари на германскиот и на британскиот пазар лани, Џонсон Мети стана најголем извозник од Македонија.

Според годишните податоци за цела 2011 година, освен катализаторите, најголем раст во извозот има кај производството на машини и транспортни уреди од дури 130,8% и минералните горива што ги извезува Окта на косовскиот пазар.

Сепак, статистичките податоци за пораст на извозот во декември лани се во колизија со претходните индикатори за пад на индустриското производство, кои ги објави Државниот завод за статистика - огромен пад од 22,7% во металската индустрија, намалување на производството кај тутунската и нафтената индустрија, производството на мебел и опрема за транспорт. Кризата што ги зафати клучните сектори на кои се потпира домашната економија донесе пад на индустриското производство на крајот од 2011 година од 4,8%.

Негативниот тренд од реалниот сектор ги промени и очекувањата на сите меѓународни финансиски институции и на Народната банка за движењето на економијата во последниот квартал од 2011 година.

Гувернерот на НБМ, Димитар Богов, објави дека бруто-домашниот производ (БДП) во тој период оствари минимален раст од 0,7%, токму поради намалената странска побарувачка и извозот.

http://www.kapital.com.mk/mk/dneven_vesnik.aspx/79744/dzhonson_meti_go_spasi_izvozot_vo_2011.aspx?iId=2576

Рекордни инвестиции во 2011 година

Компанијата „Џеваир“ најави инвестиција од 150 милиони евра за изградба на четири 40-катници, а се најавува и изградба на турска фабрика за експлоатација на мермер во околината на Прилеп
Над 51 милион евра турски инвестиции влегле во земјава во периодот јануари-септември 2011 година, што е повеќе отколку сите досегашни инвестиции од Турција кај нас. Според податоците на Народна банка, од 1997 до 2010 година во Македонија имало 48 милиони евра турски инвестиции, што е 1,43 отсто од вкупните странски инвестиции во земјава во овој период. Најголем турски инвеститор во Македонија е компанијата ТАВ, која е концесионер на аеродромскиот систем и се очекува да инвестира над 150 милиони евра. Турската компанија веќе ги осовремени скопскиот аеродром „Александар Велики“ и „Св. Апостол Павле“ во Охрид, а според концесискиот договор во иднина ТАВ треба да изгради и нов карго-аеродром во Штип. Инвеститори од Турција се присутни во трговијата, градежништвото, здравството и други дејности. Поголеми инвестиции од оваа земја се првиот затворен трговски центар во државава „Рамстор“, очната болница „Европа“ во Скопје и фабриката за производство на лепила „Белене“ во Берово што беше во рамките на „Охис“. Компанијата „Џеваир“ најави инвестиција од 150 милиони евра за изградба на четири 40-катници во општината Аеродром, се најавува и изградба на турска фабрика за експлоатација на мермер во околината на Прилеп, како и изградба на цементарница и на фабрика за производство на храна и прехранбени продукти. Најнова турска инвестиција во земјава е онаа на компанијата „Лимак“, која во минатата недела купи две парцели кај старата железничка станица во Скопје. „Лимак“ за двете парцели плати безмалку 4 милиони евра, а освен објекти за привремено сместување, мали комерцијални и деловни единици, големи трговски единици, деловни простории на оваа локација треба да изгради и подземна сообраќајница. Битен елемент во економската соработка меѓу двете земји е трговската размена. Турција е една од земјите со кои Македонија има најголем обем трговија. Во минатата година вкупната трговска размена меѓу двете земји била околу 417 милиони долари. Македонија лани во Турција извезла стоки во вредност од околу 73 милиони долари, а вредноста на увозот изнесувала околу 343 милиони долари, што укажува дека имаме дефицит во размената со оваа земја. 48 милиони евра вкупно влегле во земјава од 1997 до 2010 година, што е 1,43% од вкупните странски инвестиции во земјава 287 милиони евра странски инвестиции влегле лани во Македонија 51 милион евра вложила Турција во првите девет месеци 17,7% од вкупните инвестиции во 2011 година во Македонија доаѓаат од Турција

http://www.novamakedonija.com.mk/NewsDetal.asp?vest=22812837413&id=9&prilog=0&setIzdanie=22517

Британска компанија го купи „Голдмак“ од Радовиш(ПС:требаше во `економски вести ама не знам каде се)

Зделката е резултат на посетата на принцот Мајкл од Кент, кој предводеше британска бизнис-делегација во Македонија, во чии рамки беа и претставници од британската компанија.

Во „Бордерлес Јуроп“ најавуваат проширување на капацитетот на „Голдмак“ за да се зголеми услужната дејност на компанијата, која ќе соодветствува со барањата на странските клиенти за преработка и за трговија. Новиот бизнис-модел ќе има потреба од производство на рачно изработен накит за европските продавачи и ќе го стимулира локалното население, воедно подобрувајќи го имиџот на Македонија како земја со стручна и квалификувана работна сила за бизниси од сите индустрии.

- „Голдмак“ е класичен пример на компанија каква што се бара од страна на потенцијален инвеститор. Компанијата може да се процени на транспарентен начин и да се инвестира во сите нејзини погони, технологија и стручност, за да се зголемат нејзината конкурентност и извозниот потенцијал на европските пазари - изјави Рај Пауер, претседател на Британската бизнис-групација.

Директорот на Агенцијата за странски инвестиции и промоција на извозот на Република Македонија, Висар Фида, посочи дека Радовиш има долгогодишна традиција на изработка на накит.




http://www.novamakedonija.com.mk/NewsDetal.asp?vest=32122355258&id=10&setIzdanie=22521

По две години реконструкција пуштени во погон новите капацитети на Пивара Битола

Читав баш пред некој ден, веројатно во Капитал, и се зачудив дека регулаторната комисија оставала простор на бензинските компании да си изберат маржа од 0,5 - 3,5 денари, или некој друг сличен ценовен интервал. Тоа значи дека теоретски може да постојат разлики во цените, но според напишаното во весникот, намалувањето на цената би значела за некои компании дури и дека би влегле во загуби поради тоа што реално во моментов само 2-3 компании во државата имаат доволно голем продажен ланец за промена во цената да им донесе реално зголемен број на потрошувачи за да се анулира загубата поради намалувањето на цената, но истовремено тие 2-3 компании држат најголем дел од пазарот, така што не им се исплати воопшто да работат со помала маржа, кога и онака имаат неверојатен профит.

Во секој случај, теоретски, флуктуација на цените е дозволена од комисијата.

Edited by гитардемон - 27-Mar-2012 at 15:32