На Голем Град врие од змии и од странци

Францускиот весник „Либерасион“ во вчерашниот број објави репортажа на две страници од Голем Град, за него веќе се емитувале документарци и во балканските и во европските земји, а слаб интерес има само од македонските медиуми, велат истражувачите
Единствениот остров во земјава, Голем Град, како импозантно место продолжува да плени од секој можен аспект. Домот на змиите во последниве години интензивно се истражува како научен феномен, а за тоа најмалку интерес покажале токму оние што најмногу треба да ги интересира - македонските граѓани. Странски туристи, медиуми и истражувачи во потрага по нова авантура и приказна се редовни гости на овој остров. Така, во вчерашниот број на престижниот француски весник „Либерасион“ на две страници е објавена репортажа, насловена „Земја на влечугите“, која ги следи истражувањата на живиот свет на островот што ги спроведуваат француска екипа научници, предводени од Ксавиер Боне, во соработка со македонското еколошко друштво, националниот парк „Галичица“ и со српското херпетолошко друштво. - Екипата од „Либерасион“ на Голем Град беше во јуни. Сепак, за овие истражувања беа заинтересирани повеќе странски медиуми, па така беа и едни фриленсери, односно самостојни новинари што прават репортажи секаде во светот, а потоа им ги продаваат на познати француски куќи - раскажува Богољуб Стеријовски, член на македонското еколошко друштво и главен организатор на научното истражување. Покрај споменатите, документарни филмови снимиле и ТВ-екипи од Германија и од Србија, како и уште една екипа од Франција. - Францускиот филм веќе е објавен, јас го имам и цедето и морам да признаам дека продукцијата е врвна, исто како да гледате филм од „Нешнл џиографик“, „Дискавери“ или Би-би-си. Имаше и официјална промоција, а филмот може да се најде на официјалниот сајт на националниот институт за биолошки истражувања на Франција. Исто така е излезен и српскиот филм. Францускиот тим на островот снимаше една недела , Германците останаа три дена, а Србите четири дена. Македонските медиуми, освен еден, досега не покажале никаков интерес и покрај тоа што официјално ги поканив преку мејл - вели Стеријовски. Инаку, на самото истражување интензивно се работи уште од 2007 година и се прават популациски проучувања за поскокот, змијата-рибарка и херманиевата желка. Покрај Стеријовски, само уште еден студент е истражувач од Македонија, додека другите се од Босна, Србија, Хрватска, Црна Гора, Гана и од Франција. За нив се заинтересирал и Французинот Ксавиер Боне, кој е еден од малкуте независни истражувачи во Европа и кој работи на истражувања за морски змии во Нова Каледонија (Меланезија) и со тигар-змиите на островите во Австралија. Желките ги има проучувано во Мароко, Казахстан и во Франција. Ова е уникатно парче земја какво што нема во Европа. Вистинска биолошка ризница, биле неговите први зборови кога стапнал на островот. - Кога почнавме да истражуваме се изненадивме од популацијата на желки, на толку мал простор, од околу 20 хектари. За змиите веќе е општопознато. И самиот Боне рече дека по уникатност и по број на единки - на ниедно друго место во Европа не видел побројни популации на овие видови - раскажува истражувачот и додава дека главната цел на истражувањата се да се одреди статусот за заштита и конзервација на овие три вида на национално ниво. На терен најчесто се истражува по сезони, а најпопуларни се будењето од зимски сон, парењето и периодот пред хибернација. Досега се маркирани 1.600 желки, 350 поскоци и 3.000 змии-рибарки. Се претпоставува дека нивниот број е многу поголем, меѓутоа тоа ќе се утврди на крајот од истражувањето, кое е планирано да заврши во 2015 година. Резултатите ќе се објават во еминентни светски списанија што ја третираат оваа проблематика.

http://www.novamakedonija.com.mk/NewsDetal.asp?vest=1141184424&id=9&prilog=0&setIzdanie=22422

НОВИОТ ЛИК НА ГРАДОТ ВО АГЕНДАТА НА ТУРИСТИЧКИТЕ ВОДИЧИ


Странските туристи воздивнуваат на Фонтаната и Александар


Туристите кои еднаш веќе го посетиле старото Скопје сега сакаат да се вратат за да ги видат новите споменици, велат туристичките работници

Туристите кои еднаш веќе го посетиле старото Скопје сега сакаат да се вратат за да ги видат новите споменици, велат туристичките работници


Странските туристи што го виделе новиот лик на метрополата најмногу се фасцинирани од фонтаната "Победа" и "Воинот на коњ", велат туристичките водичи. Според нив гостите биле пријатно изненадени од начинот на кој е уредено централното градско подрачје иако го доживувале како премногу монументално. Освен фонтаната, туристите најмногу сакале да ги видат и Спомен-куќата на мајка Тереза, Старата скопска чаршија, Старата железничка станица и Калето особено навечер поради ефектите од осветлувањето. На агендата странците неизбежно барале да се стави и македонската кујна и фолклорот. Од Туристичкиот сојуз на Скопје велат дека градот изобилува со приказни, но наместо македонски водичи нив ги раскажуваат водичи од други земји, па се случувало Грците и Бугарите да си имаат своја приказна. Тие бараат државата да го среди хаосот во оваа професија.
- Скопје може да се вброи во петте најстари градови во Европа, тоа е стариот град Скупи и тој факт треба подобро да се искористи за промоција на градот. Значи поентата треба да се стави на тој факт, но и на етимологијата. Новите споменици се многу позитивни и добро е што луѓето од овие краеви сфатија дека треба да и се враќаат на традицијата - вели Добрила Боба Кнежевиќ од Националната асоцијација на туристички водичи на Србија.

Според туристичките водичи од Словенија она што на словенските туристи им недостига кога доаѓаат во градот е за викенд да има каде да си купат сувенири и да се постават информативни туристички пунктови.
- Секој пат кога ќе дојдам во Скопје има нови работи и многу се гради, секој град си има свој идентитет можеби новиот лик на центарот е малку преголем за нас, но гостите се задоволни - изјави Доменика Куритник, член на Туристичкото здружение на Словенија.

За добра промоција на градот е потребно да има и квалификувани водичи, велат од Туристичкиот сојуз на градот. Тие бараат по примерот на европските земји кои си го штитат културното наследство и кај нас да се воведе обврска турите што доаѓаат од надвор да земаат локални водичи.
- Пред три дена јапонска група се движеше по плоштадот, водичот одеше два метра пред нив, а тие како мачиња одеа по него, наместо да им раскажува за историските споменици. Новините на плоштадот се интересни за туристите најчесто кои се на минување и кои се импресионирани од нив. Една од причините за зголемувањето на туристи во метрополата е новиот лик на градот, но најмногу гости привлекува бесплатната реклама што Грција ни ја прави поради проблемите што ги има со нашето име, па тоа предизвикува љубопитност кај туристите - вели Гордана Јанакиеска, претседателката на Туристички сојуз на Скопје.

Во Скопје туристите не плаќаат влезници за влез во музеите, бидејќи влезот е бесплатен, што е пропуст за локалните власти, бидејќи тоа ќе им биде дополнителна заработувачка и е пракса сегде во светот, сметаат туристичките работници. Турците, Холанѓаните, Финците, Јапонците и Кинезите се најзаинтересирани да ги видат убавините на земјата.
- Туристите во Скопје се фасцинирани од ефектот на западна и источна култура - Старата чаршија и спомениците, како и од македонската кујна. Морам да признам дека туристите се пријатно изненадени од новите споменици особено од фонтаната и "Воинот на коњ" и има добри реакции. Оние групи од тур-операторите кои се наши партнери сега велат сакаме да го видиме новото Скопје. Ако се сеќавате на Шкотите, тие повторно се заинтересирани да го посетат Скопје, бидејќи, како што велат, сакаат да го видат новиот лик на градот - изјави туристичкиот водич, Јасмина Арсова.


Панорамскиот автобус ќе паузира до април
Панорамскиот автобус на кој требаше да се возат туристите кога се носат во обиколка на градот нема да сообраќа до април наредната година. Иако од Јавното сообраќајно претпријатие(ЈСП) се уште не одлучиле, најверојатно туристичкиот автобус ќе се исклучува од сообраќај од први ноември. Од Јавното претпријатие велат дека автобусот зиме нема да работи поради ниските температури. Од напролет тој како и останатите автобуси ќе вози како редовна линија по трасата на 15. Цената на билетот во панорамскиот автобус ќе се чини како и останатите. Последен пат овој автобус беше искористен за дочекот на кошаркарскиот тим на Македонија за освоеното четврто место на ЕП во Литванија. Наредната година ќе пристигнат уште петнаесет панорамски автобуси во Скопје.
http://www.vecer.com.mk/?ItemID=C6871128AD30804CBF64472EB55DA493

ОБЦ, на линкот има некој постари репортажи од Македонија уште пред да почне да се реставрира Калето, Пред да се средат патеките во Чаршијата,Пред да се изгради куќата на Мајка Тереза, Пред да се Среди Зоолошката, Пред да пристигнат Автобусите, Пред да се почне со Проектот Скопје 2014, Пред да се изгради Жичарата, пред да се реставрират мостовите и дел од булеварите. Кога го гледам такво Скопје сфаќам колку навистина НИШТО немало, освен можеби носталгија и љубов кон градот од субјективни причини. Но од туристички аспект не гледам што би правел Турист во такво Скопје повече од 4 саати.

OCB воглавном се согласувам со тебе и точно е дека набројаните локации се вредни за посета, но дали се и доволни???
Јас тврдам дека се само за некој кој е многу добро упатен и се интересира конкретно за ваков вид на туризам. Освен тоа овие локации се на многу голем простор и не се концентрирани па така за нивно разгледување е потребно губење на многу време, што секако со денешното темпо на живот е многу неприфатливо за странските туристи. Значи на крај останува заклучокот дека овие локалитети се само за алтернативен или културен туризам, кој не е масовен и непрофитабилен затоа што претежно платежната моќ на алтернативците е скромна.
Додека обичниот комерцијален турист прво што прави доаѓа во центар на градот го шета и тоа му остава најсилен впечаток. За жал досега центарот на Скопје беше навистина ТАЖЕН. Па така освен Старата Чаршија и нејзините содржини , Калето (кое во тоа време се распаѓаше), Соборниот Храм и неколкуте музеа (кои исто така се во лоша кондиција) и немаше многу да се посети.
Еве и малку статистика да не излезе дека зборувам на празно:

Скопје се поатрактивно за странски туристи
10.01.2012 - 17:27 | Бизнис
Скопските хотели полни за Новогодишните празници. Подновениот изглед на македонската метропола ги привлече туристите


Хотелиерите велат дека побарувачката за сместување во главниот град е се поголема, а најголем интерес има од странските туристи.

Тоа го потврдуваат и бројките. Последните статистички податоци велат дека во октомври, бројот на странски туристи е зголемен за над 35% споредено со истиот период 2010. Само во Скопје, во октомври регистирани се близу 30 илјади странци во туристичка посета.

Според хотелските работници, над 90% од капацитетите во Скопје биле исполенти за време на новогодишните и божиќните празници. За нив тоа е позитивен сигнал дека главниот град од транзитна, станува туристичка дестинација, благодарејќи на новите содржини кои ги нуди метрополата.
http://sitel.com.mk/dnevnik/biznis/skopje-se-poatraktivno-za-stranski-turisti

П.С. ако сакат Администраторите нека ја преместат дискусијата во нишката за туризам.

туристите ги има во милионски броеви, и секоја индивидуа има различни мотиви за посетување на некој регион, од социјални и економски, па се до лични вкусови, заинтересираност во одредени области и т.н.
проблемот со нас е што сакаме да ги привлечеме оние туристи што се заинтерсирани за град како Париз на пример, наместо да ги привлечеме оние кои се заинтересирани за град како Скопје, што е тотално глупо... ние самите си поставуваме сопки, од неукост и ставови по некои форсирања врежани во општествово...
Скопје дури и да беше град во кој ќе имаше само комиблокови, пак ќе можеше да привлекува туристи, десетина повеќе или помалку, не е битно, битно е да се поставиш правилно на пазарот, кај правите потрошувачи, со прави понуди и цени, исто како кај секој бизнис и производ, не се разликува... го продаваш она што го имаш на најдобар можен начин, а ако не ти се продава нешто, тоа е грешка во бизнисот...

и доста веќе со форсирање на тие ставови дека Ск2014 влијаело при привлекувањето на страни, Ск2014 учествува со 0,0000001% во сето тоа...
да има зголемување на бројот на туристи, но тоа се должи на еден ред фактори
1. Македонија е прилично свежа и непозната дестинација во светот, поради заситеност на луѓето од веќе познатите дестинации, туризмот автоматски се префрла во земји како нашата... фактички, и да не мрднеме со мал прст, туризмот ќе се шири
2. Во блисково минато, се извршија неколку важни промоции, се разви авиопревозот, се отворија нови понуди и т.н.
плус, тука се политиката, спортот, манифестации и т.н., затоа и не треба само да се гледаат бројќи, туку да се следи и она што ги предизвикува

всушност, се повеќе ми личи како статистиките на нашава земја, да се злоупотебуваат во нечија корист, повеќе одколку што се користат како информација за натамошен развој

http://www.youtube.com/watch?v=R_jRjPl9iRQ

 
  

Fotografii na denot 12ti Juli - Wall Street Journal

Deca se razladuvaat vo Ohrid, Makedonija:


http://online.wsj.com/home-page

Fala za linkot!

Да, убаво направено соодветно за тоа време , 2000 година беше објавен овој спот ...