Тој не е почнат, ниту има некаква вистински конкретна најава. Со оглед дека во меѓувреме се заплетка и во партиски натегања, лично не би очекувал дека наскоро може да има некакво придвижување на проектот. А и не можам да речам дека ми е жал доколку биде така, затоа што за разлика од оној планираниот во Аеродром, овој кај СЦ Борис Трајковски е хендикепиран со квадратурата, а два аква паркови во Скопје мислам дека не прави воопшто логика во било каква догледна иднина.

Сега Аква паркот ќе биде готов до 2015 како што е во под насловот или до 15 август како што е во текстот, јас навистина понекогаш неможам да ги разберам новинарите посебно кога и тие самите неможат да се разберат. Ајде може е печатна грешка.

Стварно кога ќе биде играден аква паркот-15 август годинава или 2015 година?!?!
Оваа новинарска грешка датира уште пред некој месец и досега на никој не му текнало да увиди дека треба да се корегира тоа и дека 2012 и 2015 година не се исто туку тоа е огромна разлика.....и мислам дека тоа 2015 год. е грешката затоа што сепак е премногу време за еден ваков аква парк.

Znae li nekoj sto bidna so 15. zatvoreni bazeni, koi pred 2-3 godini bea najaveni od strana na agencijata za mladi i sport t.e. vladata na RM? 

ПРОДОЛЖЕН ОГЛАСОТ ЗА ИЗВЕДУВАЧ Kапење во аква-паркот од наредната година Ратко Kапушевски, директор на спортско-рекреативниот центар „Борис Трајковски“, изјави дека градежните работи би почнале на крајот од јули или во почетокот на август, а би завршиле до крајот на годината Kапиталната инвестиција во Kарпош 4, воден парк кај базенот „Младост“, ќе почне да се гради во јули или во август годинава, по завршување на огласот за изведувач. Имајќи предвид дека е предвидено изградбата да трае околу три месеци, а отворените базени не се користат зиме, значи дека скопјани ќе може да се капат дури од наредната година.  Ратко Kапушевски директор на спортско-рекреативниот центар „Борис Трајковски“, односно инвеститор на аква-паркот, информира дека распишаниот меѓународен тендер с` уште е во тек. Досега се јавиле над 15 градежни компании, меѓу кои и голем број странски фирми. Поради големиот интерес на фирмите - огласот е продолжен, па наместо до 25 јуни годинава, одлучено е да трае до 5 јули. Исто така чекаат да им биде издадено и одобрение за градба од Општината Kарпош.  - Во тек се законските процедури за добивање одобрение на архитектонско-урбанистички проект, па за основниот проект и на крај ќе следува добивањето на одобрението за градба. Се надевам дека овој пат нема да има пречки во изградбата, како што до сега имаше со донесувањето на детаљниот урбанистички план - изјави Kапушевски. Очекувањата му се водениот парк да биде готов до крајот на годината. - Се надевам дека наредната летна сезона скопјани ќе може да го користат. Во зимскиот период тој не може да функционира - истакна Kапушевски. Според идејното решение, инвестицијата ќе се гради на Kејот на реката Вардар, веднаш до малата сала, која е во рамките на центарот „Борис Трајковски“. Ќе чини три милиони евра, обезбедени од Владата, а ќе се простира на околу 7.000 квадратни метри. Освен базени, тобогани, разни реквизити, лежалки, според постојниот урбанистички план ,на местото на постојниот паркинг ќе се гради катна гаража. Пред летната тераса на „Младост“се планирани четири тениски игралишта. (А.П.)

http://www.dnevnik.com.mk/default.asp?ItemID=5CC347791B87D645B286FD5BEBACCE0D

Наместо да се пушти во употреба, објавен е четврти тендер за изградба на аква паркот во СЦ „Борис Трајковски“

Скопјани дефинитивно ќе ја чекаат наредната 2013 година за да можат да уживаат во ветуваниот аква парк во рамките на спортската арена „Борис Трајковски“. Наместо свечено да се пушти во употреба, деновиве е распишан четврти тендер со кој се бара компанија што ќе го изгради најавуваниот проект на атрактивната локација во општина Карпош. Фирмите кои се заинтересирани да учествуваат во постапката треба да ги достават своите понуди до 6 септември, за кога е планирано и да се одлучи кој ќе го гради рекреативниот спортски парк. Времетраењето на претстојниот договор ќе изнесува 5 месеци, така што долгонајавуваната содржина во рамки на спортскиот комплекс не би можела да биде завршена порано од почетокот на февруари 2013 година.

 

Засега не се објавуваат дополнителни информации за причините поради кои пропадна претходниот оглас за избор на најповолен понудувач. Главна пречка за неговата изградба во првичните два обида беа недонесените измени и дополнувања на Деталниот урбанистички план за урбаниот блок Карпош 3 од страна на локалната самоуправа во Карпош. Аква паркот е предвидено да зафати површина од 5.600 метри квадратни, а целокупната инвестиција во проектот би требало да изнесува околу 3 милиони евра. Планирано е тој да се состои од базен со бранови, тобогани, мрзлива река со водопад и останати пропратни содржини за рекреација на посетителите. Идејниот проект го изработи „Темон инженеринг“ од Скопје.

 

http://www.build.mk/?p=17887


Edited by mr bombastic - 19-Aug-2012 at 14:36

Уништениот Базен Довлеџик Битола

Ексклузивни детали за скопскиот аквапарк
Понеделник, 08 Октомври 2012 16:57

Спортскиот храм „Борис Трајковски“ постојано со нови содржини ги изненадува посетителите. Со текот на времето истиот стана најпосетена локација на љубителите на спортот и на здравиот живот.


Кога мислевме дека веќе добивме се, простигнаа најавите за нови атракции. Интересот на јавноста е вперен кон најавите за скопскиот Аквапарк. Иако неговата изградба беше најавена за во 2015 година, љубителите на адреналин во вода ќе добијат ново катче за забава побрзо од предвидениот рок, односно најдоцна во април 2013 година.

-Во самиот објект проектирани за изградба се базен со бранови, мрзлива река, еден ресторан, две кафитерии. Рестораните ќе бидат од познати брендови, McDonalds или BurgerKing. Ќе има 10 тобогани, меѓу нив spaceball, бумеранг и дополнителни содржини покрај големите тобогани. Ќе има детски базен со т.н. детски свет со содржина „Пиратите од карибите“. Таа содржина е најпопуларна и најмногу се користи во новите објекти.

Како дел од проектот за изградба на 100 тениски игралишта, се најавува изградба на четири нови. За Капушевски сите новитети се одличен чекор во создавање на здрава спортска младина во земјава.

-Овие терени се наоѓаат од задниот дел на спортскиот центар.Очекувам дека овие нови содржини ќе успеат да го збогатат комплексот и ќе придонесат за што поголема фреквенција. Денес имаме по 3000-4000 посетители дневно. Добро е кога се гледа таа слика бидејќи се сеќавам, во моето рано детство немаше многу простор каде да се спортува и рекреира. Сега гледам цели семејства кои овде минуваат убави фамилијарни моменти, низа млади генерации растат во спортски дух. Очекувам дека еден ден ќе продуцираме здрава младина со цврст карактер, која ќе носи сериозни одлуки за државата.


Во спортската академија и спортскиот центар Борис Трајковски, активно тренираат околу 5000 деца. Спортот го учат од врвни професионалци, а целна група се младите од 5 до 12 години.

Кога Македонците се горди на постоењето на овој спортски центар, за него слушнаа и странците. Спортисти или љубители на спортот, сеедно, на спортскиот храм сите му даваат свое признание.

-Кога пред извесно време разговарав со луѓе од Хрватска кои не биле во Македонија ми рекоа дека кај нас работите во спортот се менуваат, а во нивно време не било така. Јас им реков дека кај нас работите одамна почнаа да се менуваат, а веќе се наоѓаме на едно завидно ниво, каде сме конкурентни со некои американски капитални инвестиции од средната класа. Во Европа, освен во Германија не постои спортски комплекс во кој се лоцирани повеќе од 17 објекти на едно место. Ние во Македонија тоа го имаме.

Целта на постоењето е да се тргнат младите од пороците, целта на опстојувањето е да се создаде здрава спортска младина. Единствениот мултифункционален спортски центар на Балканот се наоѓа во Скопје. На него се горди Македонците, нему му се воодушевуваат странците.

Целото интервју со директорот на СЦ Борис Трајковски, погледнете го во видеото.

извор

Во Аеродром аква-паркот... започнато е со нешто... иако поим немам што е... можно е да е некој сервисен објект... ама не сум сигурен... а чудно ми е зошто тој прв би се градел, наместо базените, а сервисните објекти и другите попатни содржини и опрема да останат за на крај... 

Како и да е... Еве нешто што успеав да сликнам... имајќи ја во предвид мојата висина... сликав на слепо... а и осветленоста беше заникаде... 

od kade znaes? jas bev vcera i skoro sekoj den odam i na krajot go pokrivaat ama zosto toa bi znacelo deka ke go zatvorat vo zima? (iako iva e edinstveno ekonomicno resenie zatoasto plivaci nema, a sigurno gi cini mnogu poveke od 2-3 prodadeni karti)