Масовно асфалтирање на улиците во Битола
Четврток, 29 Септември 2011 12:16
Сподели

Споделете ја веста со Вашите пријатели
Општина Битола максимално ги користи поволните временски услови и расположливата механизација за изградба, реконструкција и асфалтирање на повеќе улици и важни сообраќајници во овој град.
Од општинската администрација информираат дека асфалтирањата на улиците ќе се вршат до затворањето на асфалтните бази, а во овој дел од градежната сезона се очекува да почнат работите за изградба на нов кружен тек кај Педагошкиот факултет во Битола.

- Реконструирани и асфалтирани се улиците „Стрчин“ и „Стале Попов“ во кои беа вложени околу 5 милиони денари, а во завршна фаза се изведбените работи и на улиците „Цар Самоил“, „Крушево“, „Димче Лахчански“, „Девеани“ и улицата „Никола Тесла“ која во еден дел е завршена, но бидејќи на таа улица превидени се и други проекти работите ќе се завршуваат етапно, истакна градоначалникот Владимир Талески по обиколката на местата каде што дејствува градежната оператива.

Од локалната самоуправа очекуваат сите ангажирани фирми навреме да ги завршат преземените обврски за инфраструктурно уредување на градот, а во спротивно како и минатата година ќе биде извршено преиспитување на склучените договори, раскинување и плаќање „пенали“ согласно договореното, а притоа да не се попречува одвивањето на сообраќајот во општината.

http://kurir.mk/republika/opstini/43906-Masovno-asfaltiranje-na-ulicite-vo-Bitola

Почна изградбата на кружниот тек кај Педагошка 15 December 2011 По изградбата на кружниот тек кај Дулието деновиве почнаа работите на изградбата на кружниот тек кај Педагошкиот факултет. Градежните работи ги изведува  ЈП “Нискоградба” - Битола, кое е  изработувач на проектот. Во првата фаза, која ќе трае додека тоа го овозможуваат временските услови ќе се работи на средување на подземните инсталации, како и на изработката на дренажата. Инаку, изградбата на кружниот тек кај Педагошкиот факултет е во согласност со сообраќајната студија што ја изработи Техничкиот факултет од Битола,  а која неодамна беше презентирана пред советниците на Советот на Општината и која го доби нивниот “благослов”. Проектот со изградбата на  кружниот тек е само една фаза од  изградбата на влезот кој Општината Битола има намера да го прави на патниот правец Охрид - Битола. Во врска со изградбата на кружниот тек кај Педагошкиот факултет, градоначалникот на Битола, Владимир Талески, деновиве изјави: -Во моментот на потегот кај семафорите и Педагошкиот факултет  се врши подготовка на теренот  за изградба на кружниот тек кој планираме да го изградиме. Сите интервенции кои се изведуваат во моментот се заради тие подготовки - вели Талески, според кој проектот ќе се работел во неколку фази. -Покрај кружниот тек, ќе има и проширување на коловозот, а ќе се среди и електричната мрежа и подземната инсталација, за да нема во иднина сечење на асфалтот, вели Талески. Во ЈП “Нискоградба”, која е изработувач на проектот, велат дека на изградбата на кружниот тек кај Педагошкиот факултет ќе работаат се додека тоа го овозможуваат временските услови. Во случај временските услови да се влошат ќе престанат изведбените работи на кружниот тек и ќе се чека нивно подобрување. На прашањето кога ќе се асфалтира кружниот тек од “Нискоградба” уверуваат дека тоа ќе се направи оној момент кога ќе завршат сите работи на подземната инсталација и кога ќе биде запалена асфалтната база. Овој  проект беше неколкупати корегиран. Со корекциите направено е минимално зголемување на коловозот и пешачките патеки од двете страни кои сега не постојат, истакнува градоначалникот на Битола, Владимир Талески.

да тоа е местото(иако несум од Бт сум учел таму)

Талески најави голема санација на улиците
http://www.youtube.com/watch?v=fPej-Nj92T4&feature=player_embedded

Состојба на КТ меѓу ул. Довлеџик, Васко Карангелевски и Бул. 1-ви Мај, кај Педагошки Факултет на 26.05.2012.Приодот во правец влез од Ресен(Довлеџик)накај центарот на Битола (1 Мај) е пренасочен преку ул.Охридска ако не згрешив
Паркингот пред ПФ е делумно корнет


Во позадина М4

Реконструкција на улици во Битола...

Талески: Ќе се асфалтираат над 100 улици во Битола
Вторник, 19 Јуни 2012 16:59
Сподели
31

Споделете ја веста со Вашите пријатели
Големото инфраструктурно обновување на Битола продолжува.

Градоначалникот на општина Битола Владимир Талески, денес ја посети улицата Струшка каде во тек е реализацијата на еден голем проект.

-Ова е еден дел кој што долго време не беше истретиран на урбанистички план, со подземна инфраструктура итн, овде имаме два краци кои што ќе се поврзат со улица Струшка и практично тоа е само дел од проектот кој што сакаме да го дореализираме. Штом се заврши водоводната мрежа, канализацијата, ќе се преасфалтираат овие улици, а во следната фаза има нови два краци што треба да се поврзат со канализацијата на ул. Ријечка. Оваа прва фаза која што дефинитивно ќе биде завршена со асфалтирање во вториот дел од сезоната, што значи некаде јули-октомври бидејќи во тој тендер ќе ги имаме за асфалтирање сите улици што се подготвени за асфалтирање, значи со поставена подземна инфраструктура, а следната фаза веќе ги изработуваме проектите за делот на ул.Ријечка. Ако стигнеме оваа сезона ќе интервенираме и таму, ако не тоа ќе биде следна фаза за овој дел од нашата општина исто така да се интервенира, да се асфалтираат улиците, затоа што тука како што гледате има места оставени кои воопшто не виделе асфалт. Мислам дека е голема придобивка оваа конкретна интервенција што ја правиме се работи за неколку улички кои што воопшто не беа асфалтирани. Но, за да го направиме тоа како што Ви кажав прво мора да средиме со подземната инфраструктура, а потоа и ќе ги асфалтираме. Тоа е интервенција која што вкупно ќе чини во оваа прва фаза некаде околу 6 000 000 денари. Тоа се однесува на проектот ул.Струшка со краците кои што се потребни, а за следната фаза која што ќе се однесува на Ријечка тоа ќе го знаеме откако ќе бидат завршени проектите за подземната инфраструктура од страна на Нискоградба, изјави градоначалникот на Битола.


Во оваа фаза се опфатени околу 600 метри од оваа улица.

Оваа година локалната самоуправа работи на максимално подобрување на патната инфраструктура, обезбедување побезбеден сообраќај за сите возила, за сите пешаци, доуредување на пешачките патеки, влезовите во градот и другите проекти кои се во завршна фаза на реализација.

-Најголемиот предизвик што ќе го понудиме за следната локална самоуправа е асфалтирање на сите улици во градот. Значи ќе бидат најмалку 100 улици кои што ќе бидат на список, без разлика на должината затоа што пресметавме дека со буџетот на општина Битола сето она што остана неинтервенирано може да се направи за следните 4 години, улици кои досега не биле допрени со било кој проект. Тоа е еден голем предизвик и тоа мислам дека можеме затоа што се уверивме во таа работа, ја динамизиравме изработката на проекти, динамизиравме финансиски средства во буџетот, се извештивме со службениците, веќе постојат фирми, па и јавните претпријатија се веќе извештени затоа што имавме голем обем на работа, мислам дека тоа ќе биде голем предизвик, значи дефинитивно без разлика на местоположбата на конфигурацијата на сите објекти, згради итн. Мислам дека тоа ќе биде исклучителен предизвик и мислам дека тоа општина Битола може. Досега не бевме во можност тоа да го направиме затоа што најфрекфентната патна мрежа практично беше оставена со децении, препуштена сама на себе и најчесто тоа одеше со крпење на улиците. Меѓутоа во Битола заради спецификата на временските услови зимниот период, летниот период, високите температури, долг период неинтервенирање со асфалт итн. се покажа дефинитивно дека најдоброто решение е инвестиција во потполна реконструкција на улиците – не крпење. Онаму каде што наоѓаме финансиски средства тоа да го заокружиме со цели проекти тоа го правиме, но сепак мора дел од буџетот повторно да посветиме на крпење на улиците, бидејќи општините со децентрализацијата сеуште немаат таква моќ одеднаш се да преасфалтираат. Тоа се навистина големи финансиски средства, значи 1 км асфалтирање на улиците со димензии за меѓународен сообраќај е околу 1 милион евра, само асфалтирањето, значи неземајќи предвид подземната инфраструктура доколку треба да се направи. Значи се работи за сеуште скапи материјали и се разбира изведби од професионалци, додава Талески.


На ваквите посети се согледуваат и другите инфраструктурни потреби на граѓаните на чиишто барања локалната самоуправа одговара според можностите, изготвените проекти и буџетот.
http://kurir.mk/republika/opstini/74992-Taleski-Ke-se-asfaltiraat-nad-100-ulici-vo-Bitola

И во Битола ќе се воведе зонското паркирање По примерот на Скопје, Струмица и Куманово, локалните власти од Битола се одлучија да спроведат проект за зонско паркирање во градот. Советот на општината на последната седница ја прифати одлуката за започнување постапка за доделување договор за воспоставување јавно – приватно партнерство за давање услуги за паркирање. На реализацијата на проектот му претходеше изработка на физибилити – студија, која ја покажа исплатливоста и потребата од воведување наплата на паркинг местата во градот. Предвидено е во Битола да постојат три зони за паркирање со вкупен капацитет од 1.951 паркинг места, а наплатувањето на услугата да се врши по електронски пат. Во првата паркинг – зона наплатувањето би се вршело во периодот од 7 до 17 часот во износ од 30 денари за секои два часа, односно 20 денари за секои два часа во периодот од 17 до 02 часот. Во втората и третата зона цените за оваа услуга ќе бидат пониски. Општина Битола допрва преку оглас треба да избере приватен инвеститор во проектот, а рокот за воведување на зонското паркирање е 90 дена по потпишувањето на договорот со идниот партнер. Планирано е најпрвин да се воведе наплата на услугата паркинг во првата зона во строгиот центар на Битола и потоа сукцесивно да се воспостават останатите две зони. Концесионерот е должен во првите 60 дена од воведувањето да организира промотивно зонско паркирање и да ги запознае граѓаните со новата услуга. # Објавено на 07.07.2012 во категорија Вести. Тагови: Битола, Паркинг

http://www.build.mk/?p=16614