Мост на цивилизациите во Македонија (Мост Око)

Originally posted by Граѓанин Поентата е лесно сфатлива и исправна. Кој може да го оправда украсното за сметка на неопходното. Масовното навредување е најголемото застранување и не треба да помине без примедба.

па и какво мислење очекуваш? можеби остри зборови (кои не ги оправдувам во нормална дискусија), но сепак инспирирано од тоа што го гледаме и слушаме секој ден
ако треба, ќе документираме чаршиски муабети околу мостов да се чуе колку се смешни, нереални и безвезни, без разлика на чија страна се... не звучат ни малку образовано, реално и нормално...
и баш поради истите причини, во Скопје има разни објекти на кои не треба ни да се помисли, а камо па да се градат, ако народот беше барем малку свесен и совесен за урбаниот развој, различен ќе беше и односот на политиката кон урбанизмот

обично фирма што добила тендер го намалува темпото на изградба кога се касни со исплата на веќе сработеното

Скопјани наскоро ќе газат по "Око"


Останатите општини немаат сработено колку Центар, само проектот Скопје 2014 ни одзеде време како да работевме за две општини, вели градоначалникот Тодоровиќ


Околу 65 проценти од градежните работи за изградба на еден од најмодерните мостови во центарот на Скопје, "Око", кој треба да го поврзува Градскиот трговски центар и зградата на Уставниот суд, се завршени и годинава се очекува тој да биде ставен во функција. Изградбата, пак, на Мостот на уметноста е во тек и досега се реализирани само 10 проценти од него. Ова го изјави градоначалникот на општината Центар, Владимир Тодоровиќ, на отчетот за сработеното мината година каде што потенцираше дека општината Центар е единствената во која се градат мостови.
- Динамиката на изградбата на мостот Око" малку забави, бидејќи требаше да се направи друг вид темели, за што се додаде и анекс кон договорот со фирмата-изведувач, додека останатите работи одеа според предвидениот план. Во наредните денови ќе се бетонираат главните носачи и плочата - најави градоначалникот Тодоровиќ.

Во отчетот за сработеното градоначалникот малку се осврна на проектот Скопје 2014, бидејќи, како што рече тој, јавноста била доволно запознаена со овој проект. Акцент овојпат стави на сите останати активности во општината направени лани. Од реконструирани улици, училишта, градинки до изградба на игралишта нови паркинг-места, мал плоштад и чистење на депониите се активностите на кои работела општината. Тодоровиќ е задоволен од сработеното, но вели дека е рано да каже дали повторно ќе се кандидира за градоначалник.
- Јас сум задоволен од мојата работа, останатите општини немаат толку сработено како општината Центар. Да не го споменувам проектот Скопје 2014, којшто ни одзеде време во административните работи како да работевме за две општини - вели Тодоровиќ.

Од општината информираа дека во 2011 година ја реконструирале улицата 29 Ноември", од Католичката црква до булеварот "Партизански одреди", при што каблите се симнати под земја, заменети се и водоводните цевки и канделабрите на овој потег. Обновени се и улиците "Никола Вапцаров", "Орце Николов", "Петар Поп Арсов" и "Христо Смирненски". Изградбата на катната гаража е до карабина, а во Капиштец е изграден монтажен паркинг за 135 возила, направена е нова автобуска станица кај Олимписко Село, реконструирано е и ОУ "11 Октомври" изградени се две игралишта во ОУ "Димитар Миладинов", а целосно е заменета калдрмата кај хотелот "Холидеј ин".

http://www.vecer.com.mk/?ItemID=195FA5D59E71424B81D31C97FB064015

дали мене ми се чини или третиот солб(од десно налево) на уставниот е изместен во подлогата(која сеуште не е обложена со мермер).ми делува како да е насочен према местото од каде сум сликал,а не паралелно на мостот како другите столбови

Edited by gjoko - 03-Mar-2012 at 21:53

Originally posted by gjoko дали мене ми се чини или третиот солб(од десно налево) на уставниот е изместен во подлогата(која сеуште не е обложена со мермер).ми делува како да е насочен према местото од каде сум сликал,а не паралелно на мостот како другите столбови

Во право си, а FoSsiL не е во право Шестте столбови под тимпанонот се некои 3-4 метри испред другите.

Ако може некој нека направи “update" со нова слика. Ме интересира дали се работи на мостот или е стопирана изградбата.

КОНЕЧНО се бетонира мостот Око

Го прочитал ли некој текстот во Вест? Има нешто поконкретно или само шпекулации?

Originally posted by makonix дефинитивно овој проект е заглавен некаде

Се согласувам. Освен муабетов со темеливе кој сеуште не е потврден, проблем веројатно се и самите односи помеѓу власта и фирмата „Конструктор“. Најпрвин (ако не се лажам пред околу пола година) изби скандал дека Конструктор не ги подмирува обврските кон подизведувачите и снабдувачите, за што од Конструктор тврдеа дека ни ним владата не им плаќа за извршените работи, а од владата тоа го демантираа. Потоа работата пукна со раскинување на договорот за изградба на свети климентовиот универзитет, а нецел месец подоцна беше раскинат и договор со агенцијата за млади и спорт, за изградба на 100 повеќенаменски игралишта. Повеќе од јасно е дека нешто ептен шкрипи на релација Конструктор - власт. Дали некој видел како течат работите на катната гаража „Беко“, уште еден проект на кој беше ангажирана оваа хрватска фирма?

Инаку искрено верувам дека доколку е вистина ова со темелите, тоа е можеби најдобар исход во ситуацијава. Мостот око и мостот на уметноста се комплетни утки и кога го велам тоа зборувам од урбанистички и функционален аспект и воопшто не навлегувам во други аспекти. Наместо тие два моста, потребен е еден, на средина помеѓу нив, кој што би лежел на вистинска пешачка оска. Е сега ако за мостов око нема оправање, а со оглед дека мостот на уметноста е метална конструкција, може со релативно мал трошок да се урне мостот око, а мостот на уметноста да се дислоцира на адекватната локација, кај првично планираниот мост на цвеќето (узпат таман може да се ослободиме и од оние скулптури поставени на мостот кои изгледаат благо речено безвезно, а би можеле добро да легнат во некој парк или слично). Оваа рокада подразбира и рушење на објектчето на АЕК кој е еден невиден чир и ругло во секој поглед, а лежи токму на логичната пешачка оска каде што навистина треба да има мост. Со оглед дека објектчето на АЕК е смешно мало, а метална конструкција за новиот мост веќе имаме од мостот на уметноста, на овој начин за релативно мал трошок би се исправила прилично голема штета. Ова се разбира не го очекувам од моменталната гарнитура, но останува отворено како опција за во иднина.