Sky City (Џеваир облакодери и трговски центар)

Датум: 24.07.2012, 16:19
ВО ПРЕСРЕТ НА 49-ГОДИШНИНАТА ОД СKОПСKИОТ ЗЕМЈОТРЕС, ЕKСПЕРТИ ПРЕДУПРЕДУВААТ

Лошо е избрана локацијата за облакодерите во Аеродром


Одлуката за градење на четирите облакодери во Аеродром е проблематична, а локацијата не е поволна за изградба на високи згради, оценува пензионираниот професор на Градежниот факултет - Апостол Поцев. Неговите истражувања, објавени во студијата The ground effect of the Skopje 1963 earthquake, говорат дека земјиштето врз кое ќе се градат 42-катниците е од песок и чакал со различна дебелина, а не е исклучено тие да бидат осетливи и на слаби вибрации предизвикани од многу далечни потреси, па дури и од ветер. Трудот бил испечатен во познато американско списание.

- Локација за градење на кулите е многу лоша, се наоѓа врз голем расед кој поаѓа од Kисела Вода кај Чешма, па оди кон Скопска Црна Гора. Ако објектите лежат врз расед, тие би биле изложени на нерамномерно свлекување, ќе се накриват на едната страна и со тек на време постои опасност од нивно превртување, уривање и без земјотрес - објаснува професорот Поцев.

Kога зборува за слаби земјотреси тој мисли на оние што се случуваат секој ден. Станарите од погорните катови најмногу ќе ги чувствуваат, вклучувајќи го и секој посилен ветер. Раскажува дека во светот токму тоа се причините што луѓето не сакаат да живеат во такви згради.

Според него, Скопската Kотлина е детаљно истражена и се знае каде смее да се гради, а каде не. Тој повикува да се престане со хаотичното градење во целиот град. Воедно ја повика Владата да донесе храбра одлука и да ја стопира изградбата на облакодерите.

- Постои веројатност дека кога-тогаш кај нас ќе се случи земјотрес како оној од 1963 година, можеби и посилен. Сега се гради подобро, но сепак ќе има доста уривања, можеби и повеќе од тогаш, затоа што главната причина е ефектот на почвата. Тој фактор и сега не се зема предвид, се гради и таму каде што не треба да се гради - дециден е Поцев.

Според неговата студија, Скопската Kотлина с` уште не е консолидирана и пропаѓа, додека Водно се издига. Потоа се забележуваат слоеви од природен бетон на многу места по висината на Водно, речиси до врвот. Укажува дека сето тоа сведочи дека таму се одвивале многу бурни тектонски движења, односно земјотреси и тоа не така одамна. Геолошки зборувајќи, современи во алувијалниот период.

- Во 1963/1964 година со мерења било констатирано свлекувања во источниот дел на градот од 20 сантиметри и тоа во тек на нецели 30 години. Таквите свлекувања во општина Петровец се многу поголеми. Kако резултат на таквите движења е и Kатлановското Блато. А таквите нерамномерни свлекувања на почвата се неповолни за градење високи објекти - е заклучокот од истражувањата.

Kамен-темелникот за изградба на четирите 42-катници беше поставен на 16 јули годинава, а ќе ги гради турската компанија „Џевахир холдинг“. Во нив ќе има 1.300 станбени единици. Станува збор за највисоки кули во земјава, кои ќе се протегаат на површина од 33 илјади квадратни метри. Се очекува вкупната инвестиција да достигне 300 милиони евра, а кулите ќе бидат изградени за три години. Освен облакодери, се планира и трговски центар од 24.000 квадратни метри, аквапарк, простории, фитнес и спа-центри, големи спортски единици, турска бања, тениско игралиште и друго.

Анела Петрова
#

Сподели
http://www.dnevnik.com.mk/default.asp?ItemID=A0FFFBB52DD5F342945ABF1E205D1CE4

ПС,за да има мир помеѓу потенцијалните купувачи на станови,ИЗИС треба да излезе во јавност и да го каже својот збор.не е доволен само нивни потпис и печат на проектот

во Аеродром има кули со по скоро дваесетина спрата, па никому ништо... а земјиштето е каде таму слично низ целата област
кај нас премногу се нагласува висината на објектите а се заборава на асеизмичката градба и стандардите при изградба на било каков објект... ја пре би рекол дека во градов ќе се срушат несоодветно изградени објекти, пред облакодериве
па и во фамозниот земјотрес од 1963 видете какви објекти се срушени, а какви останале (по висина) и ќе ни стане јасно што е битно тука

Originally posted by Dexter26  Не се сомневам во компетентноста на пензионираниот универзитетски професор Апостол Поцев, но што чекал досега со неговата студија ?  Зошто досега не ја предупреди македонската јавност за ваквите ризици ?  А кога сме кај земјотресите, тие се нешто најнормално во подрачје како скопската котлина, па затоа и објектите кои се градат во Скопје мораат да се градат согласно со посебни стандарди, така што објектите би издржале земјотрес до одредена јачина.  За волја на вистината, не само во Скопје, туку општо и во Македонија секој може слободно да гради колку сака и како сака без притоа да исполни било какви услови и стандарди за градење, но за објекти високи над 40 ката мора да се исполнат посебни стандарди не само поради наредниот земјотрес, туку и поради ветерот кој ќе биде секојдневен ризик кај ваквите објекти.  А турскиот инвеститор изјави дека станбените објекти високи над 40 ката кои ги гради во Аеродром, сигурно ќе се занишаат, но нема да се урнат.  Како пензиониран универзитетски професор по градежништво, дали професорот Поцев воопшто има доверба во изјавите на турскиот инвеститор дека зградите сигурно ќе се занишаат, но нема да се урнат ?

За да си отвори тема на муабет, наместо да шета внуци во парк. Незнам со кое право колку и да е стручњак се осмелува да каже дека по одреден период зградите ке се превтат ке паднат и незнам што, а се кладам нема видено ни пола страна од проектот. Значи од вакви коа ке искочат од нафталин и ке кажат некоја ексклузивност во која се толку сигурни ми се лоши.И Истанбул и Сан Франциско се на многу покритични места од Скопје па има облакодери и гледам сите паднаа и се превртеа.

П.С. Многу јасно дека објект висок 150м (или колку и да се) дека неможе да биде крут, туку мора да е флексибилен што подразбира нишање на ветар и земјотрес

Edited by vladegf - 25-Jul-2012 at 06:56

Зарем турците ке фрлат во вода 200 милииона без да направат анализи на почва , терен и останати заврзлами,, а и да не го заборавиме сезмолошкиот завод кај нас што даде зелено светло.

Офтопик ,,, КОга во Јапонија има 100 катници како како трусно подрачје повеке од Скопје па што повеке.?!

 
Твојот став си е твој став, а локал патриотизмот од поодамна постои само во виртуелниот свет, како што е овде на форумов, а во реалниот свет речиси и да го нема.

Нема везе, не ми беше поентата тоа на што целите, ама да не ја отераме дискусијата во погрешен правец.

само ова можев да го фатам на слепо...
(и нели треба посебна нишка да имаме за овие објекти на Џеваир конкретно?)

Originally posted by Dzeksi pa ne se gradat drugi oblakoderi momentalno vo drzavav za da ima posebna niska... a spored slikava ne gledam nikakov napredok ama bas ic!

добро, сметај дека ова не е ни половина од градилиштето

Еве да видите дека се гради (06/10/12)

Ауу на големо се гради позади Зар не е парцелата мала за 3x45