Пекабеско - нов објект во Кадино

Една од водечките македонски компании за производство и дистрибуција на храна „Пекабеско“ ќе гради фабрика во општината Илинден, а вредноста на инвестицијата е проценета од осум до 10 милиони евра.

Новата фабрика на „Пекабеско“ ќе биде лоцирана во село Кадино, општина Илинден, во непосредна близина на Млин Кадино и дискотека Гранд.

Инвестиција е во вредност од осум до 10 милиони евра и ќе донесе нови 100 вработувања.

Примарна дејност на „Пекабеско“ АД е составена од два сегмента производство на сувомеснати производи и дистрибуција на различни брендови од увоз.

Дистрибуцијата на различни брендови е клучна дејност на „Пекабеско„.

Покрај дистрибуцијата на различни брендови „Пекабеско“ во 1998 година започна со производство на сувомеснати производи под брендот „Пекабеско„.

Денес,  палетата на сувомеснати производи опфаќа најразлични видови трајни, димени и полутрајни сувомеснати производи./крај/пд